جانټن ټراټ د ۲۰۲۲ کال په جولای کې د افغان لوبډلې د مشر روزونکي په توګه دنده پیل کړه او تر پخوانیو روزونکو یې ځان په خپله دنده کې بریالی ثابت کړ او د نوموړي تر روزنې لاندې افغان لوبډلې د نړۍ سترو لوبډلو ته ماتې ورکړې.
د جرمني لومړي وزیر فرېدرېښ مېرڅ د چهارشنبې په ورځ اعلان وکړ، چې په راتلونکې اونۍ کې به چین ته د خپل سفر پر مهال له دې هېواد سره د اقتصادي او سیاسي همکاریو پر فرصتونو خبرې وکړي.
د ملګرو ملتونو د ماشومانو د ملاتړ صندوق یا یونېسف په ایران کې د وروستیو لاریونونو پر مهال د نیول شویو ماشومانو په اړه ژوره اندېښنه ښودلې او له ایران څخه یې غوښتنه کړې، چې ژر تر ژره دې نیول شوي ماشومان خوشې کړي.
د کرملین ماڼۍ ویاند ویلي، چې له اوکراین سره د سولې د خبرو اترو د راتلونکي پړاو ځای او وخت په اړه پرېکړه به په جنیوا کې د وروستیو دوه ورځنیو مذاکراتو له ارزونې وروسته وشي.
د افغانستان د تېر جمهوري نظامي د کډوالو او راستنېدونکو چارو پخواني وزیر نور رحمان اخلاقي ویلي، د طالبانو مخالف جریانونه د جوړښتي کمزورۍ او د یووالي د نشتوالي له امله پر دې نهدي توانېدلي، چې د پاکستان او طالبانو ترمنځ د مخ پر زیاتېدونکو اختلافاتو د افغانانو په ګټه استفاده وکړي.
ځايي چارواکو د پنجشنبې په ورځ وويل، دا پېښه هغه مهال رامنځته شوه چې د اوبلن ګاز وړونکې لارۍ د چيلي په پلازمېنه سانتياګو ښار کې پر بل مخ واوښته او وروسته درنه چاودنه رامنځته شوه. پولیس وایي، دې پېښه کې ۴ کسان مړه او ۱۷ نور ټپیان شوي دي.
د طالبانو د صنعت او سوداګرۍ وزیر له هندي سوداګرو سره په افغانستان کې د قیمتي ډبرو د نندارې لپاره د یوه تالار د جوړولو او د درملو په سکټور کې د افغان او هندي سوداګرو تر منځ د اړیکو پراختیا او همکاریو په تړاو خبرې کړې دي.
د فرانسې ۲۴ ټلوېزیوني شبکه وایي، په ۲۰۲۱ کال کې په افغانستان کې د طالبانو تر بیا واکمنېدو وروسته، پاکستان چې کلونه د نشهيي توکو د لېږد ترانزیتي لاره بلل کېده، اوس په سیمه کې د نشهيي توکو د تولید او مصرف پر یوه له مهمو مرکزونو بدل شوی دی.
د ملګرو ملتونو سر منشي انټونیو ګوترېش وایي، د مصنوعي ځیرکتیا راتلونکې باید یوازې د څو هېوادونو لهخوا ونهټاکل شي او نه هم د څو میلیاردرانو د خوښې او ارادې پر بنسټ پرېښودل شي.
د افغان- امریکايي محمود شاه حبیبي ورور احمدشاه حبیبي ویلي، چې طالبانو یې ورور له امریکا څخه د امتیاز ترلاسه کولو لپاره په زندان کې ساتلی دی. نوموړي ويلي، چې طالبان د دوی کورنۍ ته له هغه سره د اړیکو نیولو اجازه هم نهورکوي.
د پاکستان لومړي وزير شهباز شريف په واشنګټن کې یوې غونډې ته ویلي، په غزه کې د تلپاتې سولې ټينګښت ګډ ماموريت دی او د يوه ازاد او خپلواک فلسطيني دولت جوړېدل د فلسطيني ولس مشروع حق او د تلپاتې سولې د ترلاسه کولو لپاره اساسي شرط ګڼل کېږي.
د اوکراين ولسمشر ولادیمیر زېلېنسکي د روژې مبارکې مياشتې له پيل سره هممهاله اعلان وکړ، چې زرګونه اوکرايني مسلمانانو د دې سپېڅلې مياشتې لومړۍ ورځ د جګړې په ډګرونو کې تېره کړه.
افغان اتلانو د ۲۰۲۶ کال د شل اوریز نړۍوال جام په ګروپي سیالیو کې له کاناډا څخه د ۸۲ منډو په توپیر لوبه وګټله او ورسره یې په روان نړۍوال جام کې سفر هم پای ته ورسېد.
ځايي امنیتي سرچینو افغانستان انټرنشنل ته وویل، چې څو ساعته وړاندې د خیبرپښتونخوا په ټانک ولسوالۍ کې د پاکستان پوځیانو یوې پوستې ته څېرمه چاودنه کې ۷ تنه ټپیان شوي دي. د سرچینو په وینا، چادونې یو نږدې هوټل ته زیان اړولی او لومړني معلومات ښيي چې وسله والو ډرون کارولی.
د طالبانو د کورنیو چارو وزارت وایي چې د نیمروز امنیه قوماندانۍ د نشهيي توکو پر وړاندې د مبارزې پولیسو په ځنځیر سیمه کې د نشهيي توکو په پروسس کې کاریدونکي ۴۲۰لېټره تېزاب(اسیتون) نیولي دي.
د تاجکستان امنیتي کمېټې اعلان کړی چې د دغه هېواد په سرحدي سیمه کې یې له افغانستان نه قاچاق شوي۵۸ کیلوګرامه نشهيي توکي کشف او ضبط کړي دي. د تاجکستان دولتي ټلویزیون د چارشنبې په ورځ راپور ورکړ چې د دې قضیې په تړاو دوه تاجک وګړي، غلامعلي صابریف او سیفاللهیف نیول شوي دي.
سرچینو افغانستان انټرنشنل پښتو ته ویلي چې طالبانو د دولتي شرکتونو لوی ریاست د ابن سینا فارمسي دولتي شرکت ۴۲۰ کارکوونکي په کور کښېنولي دي. ګوښه شوي کارکوونکي وايي، چې ددوی تر واک لاندې درملتونونه د طالبانو اړوند چارواکو د کورنیو غړو او خپلوانو ته ورکړل شوي دي.
د امریکا ولسمشر ډونالډ ټرمپ د پنجشنبې په ورځ د سولې بورډ د پرانیستغونډې پر مهال وویل چې متحده ایالات به ملګرو ملتونو ته مالي مرسته ورکړي چې دغه سازمان پیاوړی او د فعالیت وړ شي.
د امریکا ولسمشر ډونالډ ټرمپ د پنجشنبې په ورځ د سولې بورډ لومړۍ غونډې ته وویل چې د غزې د بیارغونې صندوق لپاره ۷ میلیارده ډالر مرسته راټوله شوې ده. دغه صندوق غواړي د وسله والو له بې وسلې کولو وروسته غزه بیا ورغوي.
روسیې ویلي چې له ایران سره کړکېچ ډېر شوی، خو بیا هم له ډیپلوماتیکو او د خبرو اترو له لارې د سولهییز حل تمه لري. د ایران سمندري ځواکونو نن له روسیې سره ګډ پوځي تمرینونه پیل کړي او سي بي اېس رپوټ ورکړی چې امریکا او اسراییل پر ایران د برید لپاره د فبرورۍ ۲۱مه ټاکلې.
د کینیا د ملي استخباراتو د خدمتونو یو رپوټ ښيي چې له زرو ډېر کینیايي وګړي د اوکراین پرضد جګړې لپاره د روسي ځواکونو لیکو ته جذب شوي دی. دغو کسانو ته د میاشتې ۲،۷۱۵ ډالره معاش او څه کم ۱۰ زره ډالره اضافي پیسې منل شوې دي.