د طالبانو مخالفه ډله، مقاومت جبهه وایي چې د بدخشان په راغ ولسوالۍ کې یې د طالبانو پر یوې پوځي لوا تهاجمي برید کړی چې په پایله کې یې د دې ډلې لږ تر لږه دوه غړي وژل شوي او درې نور ټپیان دي. خبرپاڼه زیاتوي، دغه برید د چنګاښ په۱۷مه په نیمه شپه د یادې ولسوالۍ سیاب سیمه کې ترسره شوی.
د ملګرو ملتونو پراختیايي پروګرام وايي، افغانستان کې درې پر څلور کورنۍ لا هم د ژوند د لومړنیو اړتیاوو لکه خوړو، سرپناه او روغتیايي خدمتونو د برابرولو توان نه لري.دوی وایي له خپلو شریکانو سره په ګډه هڅه کوي چې له پنځو میلیونو ډېرو اړمنو افغانانو ته د برېښنا د دوام زمینه برابره کړي.
د طالبانو د صنعت او سوداګرۍ وزارت وايي، د افغانستان د صادراتو د پراختیا لپاره د کابل او د هېواد په زونونو کې د صادراتي پروسس مرکزونو د جوړولو پر طرحه کار روان دی. دغه وزارت زیاتوي چې د دې مرکزونو له بشپړېدو سره به سوداګرو ته د صادراتو په برخه کې لا ډېرې اسانتیاوې برابرې شي.
د طالبانو د اطلاعاتو او کلتور وزارت د خپرونو معین مهاجر فراهي وایي، د دوی حکومت یوازې د خپل قلمرو د امنیت ساتلو مسوولیت لري. هغه زیاته کړې چې دوی له هېڅ لوري سره د هغوی د امنیت د خوندي کولو په اړه کومه هوکړه نه لري.
د پاکستان کورنیو چارو وزارت د ګلګت او کشمېر په ګډون ټولو ایالتونو ته امر کړی، چې سر له سبا د بېاسنادو افغانانو د یو مخیزې نیونې بهیر پیل کړي. دغې پرېکړې درېیمو هېوادونو ته په تمه افغانان سخت اندېښمن کړي او د کډوالو عالي کمېشنري پر خپله خوښه ستنېدنې ټينګار لري.
د «نشنل انټرسټ» په تازه تحلیلي راپور کې راغلي، قزاقستان د افغانستان د منزوي کولو پر ځای اقتصادي همکارۍ او سیمهییزې نښلونې ته لومړیتوب ورکوي او د جمهوري نظام له سقوط نږدې پنځه کاله وروسته، د انزوا سیاست نه یوازې اغېزناک نه و، بلکې بشري او امنیتي ستونزې یې لا ژورې کړې.
د طالبانو د مخابراتو او معلوماتي ټکنالوژۍ وزارت وايي، چې د هېواد په لرو پرتو سیمو کې د مخابراتي خدمتونو د پراختیا او د دغو خدمتونو د کیفیت د ښه کولو لپاره خپلو هڅو ته دوام ورکوي.
د افغانستان پخواني ولسمشر محمد اشرف غني ویلي، له ایران سره د هلمند د اوبو شوی تړون د بدلون وړ نه دی او افغانستان حق لري چې له خپلو اوبو د ملي ګټو لپاره استفاده وکړي.نوموړي ټینګار کړی چې د اوبو پر سر د شخړو د هواري یوازینۍ لار د نړیوالو قوانینو پر بنسټ همکاري او سیمهییز تفاهم دی.
په ملګرو ملتونو کې د افغانستان د دایمي استازولۍ سرپرست نصیر احمد فایق وایي، د افغانستان لپاره د ملګرو ملتونو د نوي ځانګړي استازي بریا به تر ډېره د طالبانو له همکارۍ سره تړلې وي.
تحریک طالبان پاکستان (ټي ټي پي) په یوه خپره کړې ویډیو کې هغه کسان خلکو ته ښودلي چې د دغه ډلې په وینا، د بلوچستان د هرنایي ولسوالۍ د هنه اوړک په سیمه کې یې نیولي دي. ټي ټي پي ادعا کوي چې دغو کسانو د پاکستان د پوځ په ملاتړ د دوی پر ضد جګړه کوله.
په ملګرو ملتونو کې د افغانستان د دایمي استازولۍ سرپرست نصیر احمد فایق د هېواد د کانونو د عوایدو پر لګښت او شفافیت جدي پوښتنې راپورته کړې او وایي چې دا ملي شتمنۍ باید د یوې ځانګړې ډلې پر ځای د ټولو افغانانو په خدمت کې وي.
د نیویارک ښاروال زهران ممداني د ۲۰۲۶ نړیوال جام د یو پر اتم پړاو کې له ارجنټاین سره د مصر د ملي لوبډلې د جنجالي ماتې په غبرګون کې د لوبڅارۍ پر پرېکړو نیوکه کړې او ویلي یې دي، مصر د بېعدالتۍ قرباني شوی او حق یې غلا شوی دی.
د چین دولتي رسنیو راپور ورکړی چې د دغه هېواد په سویل ختیځ کې د بوټانو په یوه څو پوړیزه کارخونه کې د سختې اور لګېدنې له امله، چې کارګر یې په چت کې ایسار پاتې وو، لږ تر لږه ۲۸ کسانو خپل ژوند له لاسه ورکړی دی.
د کینیا د پلازمېنې نایروبي یو ۲۸ کلن ځوان د مرغانو سره د خپلې ځانګړې اړیکې له امله په «مارغه سړي» مشهور شوی دی. هغه په ښار، کلیو او کوڅو کې د رنځورو او ټپي شویو مارغانو لټه کوله او د درملنې سربېره یې خواړه ورته چمتو کول.
پخواني ولسمشر حامد کرزي د سږني کانکور په ازموینه کې د لومړیو درېیو مقامونو ګټونکو ته د مبارکۍ ویلو ترڅنګ، یو ځل بیا غوښتنه وکړه چې ژر تر ژره دې د نجونو پر مخ هم د ښوونځیو او پوهنتونونو دروازې پرانېستل شي.
د ملګرو ملتونو یوه چارواکي افغانستان انټرنشنل ته تایید کړه چې د ملګرو ملتونو سرمنشي انتونیو ګوترېش امنیت شورا ته په یوه لیک کې بنګله دېشۍ ډیپلوماته رباب فاطمه د افغانستان لپاره د خپلې نوې ځانګړې استازې په توګه معرفي کړې ده.
له یوې خوا اقتصادي بحران، داخلي نارضایتي او نړۍوال فشارونه؛ له بلې خوا یو پیاوړی امنیتي جوړښت، پوځي ځواک، نیابتي ډلې او سیمهییز نفوذ. ایا د ایران اسلامي جمهوریت د کمزورۍ وروستۍ مرحلې ته رسېدلی، که لا هم د اوږدې مقابلې توان لري؟ دا هغه پوښتنې دي چې تازه یو ځل بیا راپورته شوي.
د پاکستان لومړي وزیر شهباز شریف د بلوچستان د امنیتي وضعیت د ارزونې په غونډه کې ویلي چې په بلوچستان کې د وروستیو بریدونو تر شا د هند لاس دی او زیاته کړې یې ده چې هند د دغو بریدونو لپاره د افغانستان خاوره کاروي.
د ایران اسلامي جمهوریت پاسداران ځواک په یوه اعلامیه کې ویلي ، چې د پنجشنبې په ورځ یې د اردن د ازرق پوځي اډې پر لور لس بالستیک توغندي وتوغول. اردن ویلي، چې له ایران څخه توغول شوي اته توغندي یې شنډ کړي دي.
د قزاقستان د لومړي وزیر مرستیال او د ملي اقتصاد وزیر سیریک ژومانګارین د افغانستان د خصوصي سکتور له یوه پلاوي سره په کتنه کې د قزاقستان او افغانستان ترمنځ د مالي او بانکي همکاریو د پراختیا په اړه خبرې کړې دي.
د روسیې د تیومن سیمې د سوداګرۍ او صنایعو خونې په همکارۍ د ازبکستان او افغانستان پر پوله د «ایریتوم» نړیوالې ازادې اقتصادي سیمې په قلمرو کې یو نوی سوداګریز مرکز پرانیستل شوی، چې د روسي سوداګرو لپاره افغانستان ته د مستقیمو صادراتو زمینه برابروي.