د جرمني حکومت ویلي، چې د فرانسې او جرمني مشرانو په ګډه د اوکراین له ولسمشر سره د ټیلیفوني خبرو پرمهال هوکړه کړې، چې اوکرایني ځواکونه باید د خپل هېواد له حاکمیت څخه په کلکه دفاع وکړي.
د طالبانو د صنعت او سوداګرۍ وزیر نورالدین عزیزي په نوي ډیلي کې له افغان سیکانو او هندو وګړو څخه غوښتي چې افغانستان ته ستانه شي. هغه وویل: «افغانستان سیکانو او هندو وګړو ته اړتیا لري او دوی یې ملاتړ یې کوي».
ايراني رسنيو راپور ورکړی چې د افغانستان، ازبکستان او ايران د سوداګرۍ ګډه خونه د درېواړو هېوادونو د اقتصادي اړيکو د لا پياوړتيا لپاره جوړه شوې ده.
د پاکستان د دفاع وزیر خواجه اصف له افغان طالبانو سره د مذاکراتو ناکامه کېدو او له هند سره د دغه ډلې سوداګرۍ ته په اشاره ویلي:«طالبان چې له هر چا سره سوداګري کوي خو موږ دې نور پرېږدي».
د هند د بهرنیو چارو وزارت یو چارواکي ویلي، چې ډېر ژر به د افغانستان او هند ترمنځ کارګو الوتنې پیل شي. نوموړي ویلي، چې دا الوتنې به د کابل - ډیلي او کابل ـ امرتسر ترمنځ پیل شي.
د خبریالانو د ملاتړ سازمان(امسو) په جرمني کې د«افغانستان د بیان ازادۍ نړيوال سمپوزيم»تر نوم لاندې یوه غونډه ترسره کړې. امسو ویلي چې د دوی د موندنو پر اساس په تېرو څلورو کلونو کې د رسنیو په وړاندې د تاوتریخوالي ۵۵۰ پېښې او ۲۵ محدودوونکي حکمونه ثبت شوي.
د طالبانو په کورنیو چارو وزارت کې باخبره سرچینو افغانستان انټرنشنل - پښتو ته ویلي، چې د ملا هبت الله له خوا ګوښه شوي د کورنیو چارو وزارت د نشه يي توکو سره د مبارزې معین محمد قاسم خالد غوښتل چې د هغو طالب چارواکو نومونه افشا کړي، چې د نشه یې توکو په پلور او قاچاق کې لاس لري.
د طالبانو د سوداګرۍ وزیر نورالدین عزیزي هند د خپل سفر په ترڅ کې د یاد هېواد د خصوصي سکټور غړو سره کتلي او ویلي یې دي، چې طالبان چمتو دي چې له هند څخه سمنټ، درمل او خوراکي توکي وارد او له افغانستان څخه پنبه، وچې او تازه مېوې هند ته صادر کړي.
پاکستاني رسنیو د یاد هېواد د امنیتي ادارو له قوله راپور ورکړی، چې په خیبر پښتونخوا کې د ترهګرۍ ضد عملیاتو کې یې له ترهګرو څخه، په افغانستان کې د امریکايي او ناټو ځواکونو له خوا کارول شوي وسلې او تجهیزات نیولي دي.
د ملګرو ملتونو د ماشومانو ملاتړ صندوق(یونیسف) وایي چې د افغانستان په شپږو ولایتونو کې یې تر ۷۰ پورې ځانګړي مرکزونه پرانیستي، تر څو د مور او ماشوم ترمنځ مثبتې او پیاوړې اړیکې رامنځته کړي.
د زاپوریژیا والي اېوان فېدوروف وایي، چې د پنجشنبې په ورځ ناوخته د اوکراین پر سویل ختیځ ښار زاپوریژیا د روسیې په برید کې پنځه کسان وژل شوي او درې نور ټپیان دي. د فیدوروف لهخوا خپاره شوي انڅورونه ښیي، چې په دغه برید کې ګڼې ودانۍ هم زیانمنې شوې دي.
په بنګلهدېش کې د جمعې په ورځ (د لړم ۳۰مه) د رېښتر په کچه د ۵.۷ درجې زلزلې له امله لږ تر لږه درې کسان مړه او ګڼ نور ټپیان شوي دي. د بنګلهدېش په پلازمېنې ډاکه کې هم ګڼې ودانۍ زیانمنې شوې دي.
پاکستانۍ اېکسپرېس ټرېبیون ورځپاڼې د (لړم ۳۰مه) یو راپور کې ویلي، د تورخم دروازې تړل کېدو له امله تر اوسه په اسلاماباد او راولپنډۍ ښارونو کې عمده پلورونکو ته درانه مالي زیانونه اوښتي دي. راپور کې راغلي، په دې موده کې لویو کاروباریانو کې هر یو ته ۱۵۰مېلیونه کلدارې تاوان اوښتی دی.
د اندونیزیا د پېښو پر وړاندې د مبارزې ادارې ویلي، چې د دغه هېواد په جاوا ټاپو کې د ځمکې ښویېدو له امله د مړو شمېر ۳۰ ته لوړ شو او ۱۸ نور لاهم تري تم دي. ځایي چارواکو ویلي، چې ژغورونکې ډلې لاهم د لادرکه شویو کسانو په لټه کې دي.
د پاکستان د پنجاب ایالت په فیصلاباد ښار کې د کیمیاوي موادو په یوې فابریکه کې د اورلګېدنې له امله د مړو شمېر ۱۵ کسانو ته لوړ شو او ۷ نور ټپیان شوي دي. د ځایي چارواکو په وینا؛ د دغه اورلګېدنې له امله د فابریکې ترڅنګ د ځینو نږدې کورونو چتونه هم نړېدلي دي.
په قرغزستان کې د طالبانو سفیر مولوي عبدالشکور په دغه هېواد کې د هند له سفیر بیرېندر سېنګ سره په لیدنه کې د سیاسي اړیکو، اقتصادي او سوداګریزې همکارۍ پر پیاوړتیا خبرې کړې دي. خبرپاڼه کې ویل شوي، د سیمهییز اتصال، بشري مرستو او دوه اړخیزو ډېپلوماټیکو تعاملاتو پر پراختیا هم بحث شوی.
د غزې روغتیا وزارت خبر ورکړی، چې د اوربند پرمهال د اسراییل په بریدونو کې ۳۱۲ کسان وژل شوي دي. د یاد وزارت په وینا؛ یوازې د پنجشنبې په ورځ لږترلږه ۳۳ فلسطینیان وژل شوي دي.
د مخکېني جمهوري نظام پر مهال د بهرنیو چارو وزیر محمد حنیف اتمر وایي، په اوسنیو شرايطو کې چې هېواد د روغتیا تر څنګ د ثبات له بېلابېلو ګواښونو سره مخ دی؛ طالبان باید د خلکو او نجونو بنستیزه حقونه ورکړي. هغه زیاتوي، چې طالبان د اوسنیو واکمنانو په توګه باید دغه مسوولیت ترسره کړي.
تر یو ورځني ځنډ وروسته د بلوچستان ایالت په کویټې ښار کې د مخابراتي شرکتونو انټرنېټي خدمتونه بېرته فعال شول. په دغه ښار کې تېره ورځ د مخابراتي شرکتونو انټرنېټي خدمتونه پرې شوي وو.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، د پنجشنبې په ورځ له ایران او پاکستان نه ۱۱۱۸ کورنۍ چې ټولټال ۵۹۹۳ کډوال کېږي؛ افغانستان ته ستنې شوې دي.
د خراسان ډایري په نوم له اسلام اباد نه خپرېدونکې یوې رسنۍ ویلي، چې نن جمعه (د لړم ۳۰مه) سهار وختي د خېبر پښتونخوا په بنو ولسوالۍ کې د «ټيټيپي» وسلهوالې اړوند یوې ډلې د پاکستان امن ځواک پر دفتر برید کړی. راپور وایي، تر اوسه ۷کسان وژل شوي او یو کس ټپي دی.