سرچینو افغانستان انټرنشنل پښتو ته ویلي چې طالبانو د دولتي شرکتونو لوی ریاست د ابن سینا فارمسي دولتي شرکت ۴۲۰ کارکوونکي په کور کښېنولي دي. ګوښه شوي کارکوونکي وايي، چې ددوی تر واک لاندې درملتونونه د طالبانو اړوند چارواکو د کورنیو غړو او خپلوانو ته ورکړل شوي دي.
د امریکا ولسمشر ډونالډ ټرمپ د پنجشنبې په ورځ د سولې بورډ د پرانیستغونډې پر مهال وویل چې متحده ایالات به ملګرو ملتونو ته مالي مرسته ورکړي چې دغه سازمان پیاوړی او د فعالیت وړ شي.
د امریکا ولسمشر ډونالډ ټرمپ د پنجشنبې په ورځ د سولې بورډ لومړۍ غونډې ته وویل چې د غزې د بیارغونې صندوق لپاره ۷ میلیارده ډالر مرسته راټوله شوې ده. دغه صندوق غواړي د وسله والو له بې وسلې کولو وروسته غزه بیا ورغوي.
روسیې ویلي چې له ایران سره کړکېچ ډېر شوی، خو بیا هم له ډیپلوماتیکو او د خبرو اترو له لارې د سولهییز حل تمه لري. د ایران سمندري ځواکونو نن له روسیې سره ګډ پوځي تمرینونه پیل کړي او سي بي اېس رپوټ ورکړی چې امریکا او اسراییل پر ایران د برید لپاره د فبرورۍ ۲۱مه ټاکلې.
د کینیا د ملي استخباراتو د خدمتونو یو رپوټ ښيي چې له زرو ډېر کینیايي وګړي د اوکراین پرضد جګړې لپاره د روسي ځواکونو لیکو ته جذب شوي دی. دغو کسانو ته د میاشتې ۲،۷۱۵ ډالره معاش او څه کم ۱۰ زره ډالره اضافي پیسې منل شوې دي.
په پاکستان کې د پېچلو مسایلو او بحرانونو کمبود نشته. په بلوچستان او پښتونخوا کې جګړې روانې دي، اقتصاد تر اوسه بحراني دی، له هند او افغانستان سره هم شخړې لري خو له دغو ټولو مسایلو سره سره د پاکستان په میډیا او نړیوالې میډیا کې د زیاتره خبرونو موضوع په محبس کې بندي عمران خان دی.
د میدان ښار پخوانۍ ښارواله او د افغان مېرمنو د حقوقو فعاله ظریفه غفاري غیرمستقیم طالبانو ته په اشارې وايي، چې حکومتونه دې هغو رژیمونو ته مشروعیت ورکول بند کړي، چې مېرمنې له ټولنې وباسي. مېرمن غفاري تازه د کاسټاریکا د لومړنۍ ښځینه ولسمشرې په نامه نومول شوې جایزه ترلاسه کړې ده.
د پاکستان امنیتي سرچینو ویلي، چې په باجوړ کې د وروستي ځانمرګي برید عامل د طالبانو د ځانګړو ځواکونو غړی و. د سلواغې پر ۲۷مه، په باجوړ کې یو موټربم برید وشو، چې له امله یې ۱۱ پاکستاني پوځیان ووژل شول. د سرچینو په وینا، بریدګر په عبدالله ابوذر مشهور و او د بلخ اوسېدونکی و.
د پاکستان د بهرنیو چارو وزارت ویاند طاهر اندرابي د پنجشنبې په ورځ د اونیز کنفرانس پرمهال د یوې پوښتنې په ځواب کې وویل چې که طالبان د پاکستان ضد ډلو پر وړاندې عملي اقدام ونه کړي، اسلاماباد به “ پر میز ټول انتخابونه” وساتي.
په کابل کې ځینو افغانانو افغانستان انټرنشنل ته وویل، چې د پاکستان سفارت یوه ویزه په تور بازار کې له زرو ډالرو څخه تر ۱۵ سوه ډالرو پورې پلورل کیږي. ددغو افغانانو په وینا، په سفارت کې د مرکې پر وخت له ویزه اخېستونکو اقرار اخېستل کیږي چې له دوی ۱۵۰۰ افغانۍ اخیستل شوې.
د پاکستان د جمعیت علمای اسلام جګپوړي غړي مولانا صلاح الدین ایوبي په کابل کې د طالبانو د کورنیو چارو له وزیر سره سراج الدین حقاني سره لیدلي دي. ایوبي ددې لیدنې انځورونه پر خپل اېکس خپاره کړي دي. څو ورځې وړاندې د سراج الحق په مشرۍ د پاکستان د دیني ګوندونو یو پلاوی کابل ته تللی و.
د طالبانو د مالیې وزارت وایي چې په تېرو درېیو اونیو کې یې په پنځو ولایتونو کې په زیاته انداره قاچاقي توکي نیولي دي.
په نړۍ کې لسګونه هېوادونه د اوبو پر سر په کړکېچ اخته دي، د ۱۹۶۰ کال د انډس اوبو تړون (IWT) په نړۍ کې د پولې پورې تړلو اوبو د همکارۍ له مهمو لاسته راوړنو ګڼل کېږي. دا تړون دله نږدې یوې لسیزې خبرو اترو وروسته د نړۍوال بانک په منځګړیتوب د هند او پاکستان ترمنځ لاسلیک شو.
په اسلام اباد کې د طالبانو سفارت خپل یو پلاوی پېښور او شاوخوا سیمو ته استولی، چې د افغان کډوالو د بېرته ستنېدنې روان بهیر له نږدې وڅاري. یاد پلاوي د اضاخیلو او حمزه بابا د بېرته ستنېدنې له مرکزونو هم لیدنه کړې ده.
په خوست کې د ځايي ټلویزیونونو ځینو مسوولانو افغانستان انټرنشنل ته وویل، چې د طالبانو امربالمعروف ریاست ورته ویلي، چې له دې وروسته په ټلوېزیونونو کې د ساکښو ویډیو ګانو او انځورونو خپرول بند دي.
د برېتانيا د پاچا چارلز درېيم کشر ورور، اندرو ماونټبېټن وېنډزر د پنجشنبې په ورځ له عامه دندې د ناوړه استفادې په شک ونيول شو. د بي بي سي د راپور له مخې، پر هغه تور دی چې ګواکې محرمانه دولتي اسناد يې جنسي مجرم جېفري ايپسټين ته لېږلي دي.
په اسلام اباد کې شاوخوا ۲۸۰ تنه افغانان لا هم جرمني ته د تګ په تمه دي. د تېر کال په ډسمبر کې د جرمني فدرالي حکومت له ۶۵۰ زیاتو کسانو څخه د منلو ژمنه بېرته واخیسته. د جرمني د کورنیو چارو وزارت وايي، له امنیتي پلټنو د وتلو او منل شويو افغانانو د لېږد لپاره به زر پلان جوړ شي.
د چین افچین کمپنۍ ته نژدې سرچینو افغانستان انټرنشنل ته وویل، چې له نږدې ۲۷۰ ورځو راهیسې د طالبانو استخباراتو د افچین کمپنۍ د دریو مسوولانو پاسپورټونه برمته نیولي دي. د سرچینو په وینا، په کابل کې د چین سفارت له طالبانو غوښتي چینايي وګړو ته پاسپورټونه ورکړي چې چین ته ستانه شي.
په بدخشان کې د طالبانو والي اسماعیل غزنوي وایي، ټاکل شوې چې د ملاهبت الله په لاسلیک ۱۰۰۰ نور جنګیالي بدخشان ته ولاړ شي؛ څو په دغه ولایت کې د سرو زرو کانونو د کېندنې له شرکتونو ساتنه وکړي. د هغه په وینا؛ دغه ځواک د پانګونې ساتنې او د کانونو د پروسې د تنظیم لپاره جوړ شوی دی.
د نړۍ د کرېکټ ملي لوبډلو ۱۴ پخوانیو لوبډلمشرانو د پاکستان له حکومته غوښتي، چې د دغه هېواد له پخواني لومړي وزیر عمران خان سره په زندان کې ښه چلند وکړي او ورته مناسبې روغتیایي اسانتیاوې برابرې کړي.
په باجوړ کې تر وروستي برید وروسته د پاکستان د بهرنیو چارو وزارت په اسلاماباد کې د طالبانو د سفارت مرستیال احضار کړی دی. دغه وزارت د طالبانو ډیپلوماټ ته یو اعتراض لیک سپارلی او پهکې یې د باجوړ په برید کې د افغانستان د خاورې کارونې په اړه اندېښنه څرګنده کړې.