د ایران د کرنیزو څېړنو د علمي پلاوي غړي کوروش شجاعي هرات ته د سفر پرمهال خبرداری ورکړی، چې د اوبو سرچینو د بېځایه او زیات مصرف له کبله به هرات له سختې وچکالۍ او د اوبو له جدي کمښت سره مخ شي.
د بلوچستان په مرکز کوټه کې د هنه اوړک او زیارت د وروستیو بریدونو په غبرګون په دوو بېلابېلو ځایونو کې احتجاجي پرلتونه دوام لري. د زیارت د مانګي ډیم له سیمې څخه د تښتول شویو ۲۱ پولیسو سرتېرو تر وژل کېدو وروسته، د هغوی مړي پرون د کوټې سول روغتون ته ولېږدول شول.
په بلخ کې د سوداګرۍ او پانګونې خونه وایي، په تېرو درېیو میاشتو کې د حیرتان بندر له لارې نږدې یو مېلیون او ۵۰۰ زره ټُنه خوراکي، ودانیز او نور توکي افغانستان ته وارد شوي او شاوخوا ۶۶زره ټُنه کورني تولیدات بهرنیو هېوادونو ته صادر شوي دي.
په کندهار کې د طالبانو د کرنې، اوبو لګولو او مالدارۍ ریاست وایي، چې د ۱۴۰۵کال د پسرلي په موسم کې په دغه ولایت کې د شاتو تولید د تېرکال د ورته مودې پرتله زیات شوی. دوی زیاته کړې، چې په دغه موده کې ۴۴.۴ مټریک ټنه شات تولید او بازار ته وړاندې شوي دي.
یوې ډیپلوماتیکې سرچینې افغانستان انټرنشنل ته ویلي، چې د بنګلهدېش یوه ښځینه ډیپلوماټه رباب فاطمه د افغانستان لپاره د ملګرو ملتونو د سرمنشي انټونیو ګوترېش استازې او د ملګرو ملتونو مرستندویه ماموریت (یوناما) د مشرې په توګه ټاکل شوې ده.
د بلوچستان د زیارت ولسوالۍ د مانګي ډیم له سیمې څخه د تښتول شویو ۲۱ پولیس سرتېرو په ډزو وژل شوي مړي موندل شوي او د کوټې سول روغتون ته لېږدول شوي دي.
د طالبانو د کډوالو او بېرته راستنېدونکو چارو وزارت د پنجشنبې په ورځ (د چنګاښ ۱۸مه) خبر ورکړی، په تېره اونۍ کې ۶۳۸ افغان کډوال چې د پاکستان په زندانونو کې بندیان وو؛ له زندانه تر خوشې کېدو وروسته بېرته افغانستان ته ستانه شوي دي.
د امریکا مرکزي قوماندانۍ (سینټکام) ویلي، امریکايي ځواکونو د ایران پر وړاندې د بریدونو په وروستي پړاو کې شاوخوا ۹۰ پوځي موخې په نښه کړې دي. یادې مرکزي قوماندانۍ زیاته کړې، چې دغه بریدونه د تېرې شپې د عملیاتو دوام و.
په بادغیس ولایت کې د خواله رسنیو د کارونې له زیاتېدو او د ښځو لپاره د حضوري کار د فرصتونو له کمېدو سره، انلاین سوداګري د ګڼو ښځو او نجونو لپاره د عاید مهمه سرچینه ګرځېدلې ده.
له ایران او پاکستان نه د مېلیونونه افغان کډوالو تر جبري ستنېدو وروسته ګڼې افغان ښځې هڅه کوي، چې د خصوصي سکټور په محدودو کاري فرصتونو کې د خپل ژوند د دوام لپاره کار پیدا کړي.
د افغان ښځو او بشري حقونو فعالانو اندېښنه ښودلې، چې ښايي برېتانیا هم د اروپايي ټولنې په څېر له طالبانو سره د هغو افغان پناه غوښتونکو د بېرته ستنولو په اړه خبرې پیل کړي چې د پناه غوښتنې یې رد شوې دي.
د غزني پوهنتون له کرنې پوهنځي يو فارغ شوی محصل وایي، له ۱۴۰۰کال راهیسې تراوسه پورې یې دنده نهده موندلې. هغه زیاته کړې: «په دې موده کې مې هرې ادارې، موسسې او بنسټ ته د کار غوښتنلیک سپارلی؛ خو هېڅ مثبته پایله مې نهده ترلاسه کړې».
د خېبرپښتونخوا حکومت اعلان کړی، چې د جمعې په ورځ (د چنګاښ ۱۹مه) به په دغه ایالت او په ځانګړې توګه د پېښور ښار په بېلابېلو سیمو کې د بېاسناده افغان کډوالو پرضد پراخ عملیات پیل کړي.
په کابل کې د ترکیې ویزو یو غوښتونکي افغانستان انټرنشنل ته ویلي، چې د دغه هېواد سفارت له محصلینو، ناروغانو او مراجع کوونکو څخه په بېلابیلو پلمو لوړ لګښتونه اخلي. نوموړي ویلي، د ویزو بهیر ته ځانګړې روغتیايي معاینه، د ځینو اسنادو ژباړه او د اسنادو قانوني کول اضافه شوي.
د امریکا ولسمشر ډونالډ ټرمپ وایي، د واشنګټن وروستي بریدونه پر درېیو بېړیو د ایران د برید په غبرګون کې شوي. هغه خبرداری ورکړی، چې د ایران هر نوی برید به له «۲۰ چنده سخت» ځواب سره مخ شي.
د بلوچستان د خضدار ولسوالۍ په شهزاد ټاون سیمه کې د پاکستان پيپلز ګوند د ځايي مشر میر شفیق الرحمان مېنګل پر کور ځانمرګی او وسلهوال برید شوی، چې له امله یې لږترلږه ۱۲ کسان وژل شوي او تر ۱۰ ډېر ټپیان دي.
یوشمېر افغان پناهغوښتونکو افغانستان انټرنشنل ته په لېږلي پيغام کې ویلي، دوی د برېتانیا د «ARAP» پروګرام له ډلې د پولیسو، ملي اردو، ملي امنیت او د نورو امنیتي ادارو پخواني سرتېري دي چې د ډېرو کلونو لپاره یې له برتانوي ځواکونو سره په ګډو عملیاتو کې برخه اخیستې وه.
د پاکستان د پوځ په وینا، په تېرو ۳ ورځو کې په بلوچستان کې په درېیو وسلهوالو بریدونو کې ۴۲ پوځيان او پولیس وژل شوي دي. د پاکستان د جمعیت علمای اسلام دغه وضعیت د واکدارانو غفلت، بېغوري او بېکفایتي پایله بولي او د یوې لویې غمیزې د رامنځته کېدو په تړاو یې اندېښنه څرګنده کړې ده.
د جرمني حکومت غواړي له څو کلونو وروسته د لومړي ځل لپاره هغه افغانان هم افغانستان ته ولېږي چې جرمي مخینه نه لري. د جرمني تاز ورځپاڼې راپور ورکړی چې لږ تر لږه پنځه افغانان، چې هېڅ یو یې جرم نه دی کړی، دا مهال له جرمني د ایستلو په تمه دي.
د امریکا ولسمشر ډونالډ ټرمپ ویلي، ایران له امریکا سره د هوکړې غوښتونکی دی، خو که هر ډول برید ترسره کړي، واشنګټن به ورته څو برابره سخت ځواب ورکړي.
د طالبانو تر کنټرول لاندې د افغاني سرې میاشتې رييس شهاب الدین دلاور له یو شمېر ازبکستاني سوداګرو سره په کتنه کې د زړه او رواني ناروغانو لپاره د اړتیا وړ درملو د برابرولو غوښتنه وکړه. ازبکستاني سوداګرو هم په دې برخه کې د همکارۍ ټټر وواهه.