د طالبانو د کرنې وزیر عطاالله عمري هند ته د خپل رسمي سفر پر مهال د هندي چارواکو د تود هرکلي ستاینه وکړه او د دواړو لوریو ترمنځ یې د پراخو اقتصادي او تخنیکي همکاریو غوښتنه وکړه. عمري د هند او افغانستان د اړیکو مخینې ته په اشارې سره وویل:«اوس زموږ ښه ملګری زموږ تر څنګ ولاړ د».
رسمي شمیرې ښيي چې په بریتانیا کې د پاملرنې د کموالي او رواني اختلال له امله د هغو ځوانانو شمېر په چټکۍ سره زیات شوی چې له حکومت څخه د ناتوانۍ مالي مرستې ترلاسه کوي.
په مالیزیا کې د مېشتو افغان کډوالو د تکواندو لوبډله له ۱۵ ورزشکارانو سره د مالیزیا د تکواندو په ۱۸م پړاو نړیوالو سیالیو کې ګډون کوي. افغان ورزشکاران به په څلورو کټګوریو کې د خپلو سیالانو پر وړاندې سیالي وکړي.
په پنجشیر کې د طالبانو د والي ویاند سیف الدین لټون ویلي چې په خنج ولسوالۍ کې له سړک څخه د یو کرولا موټر د اوښتو په پېښه کې څلور ماشومان مړه شوي دي.
طالبانو د جمعې په ورځ، د چنګاښ ۱۹مه یو ځل بیا د هرات ښار په ۶۴ متره سړک کې یو شمېر ښځې د دغې ډلې د خوښې د حجاب د نه مراعاتولو په بهانه ونیولې. سرچینې وايي، د طالبانو د امربالمعروف د ګزمې دوو موټرو څو ښځې له دغې سیمې څخه نامالوم ځای ته لېږدولې دي.
د یوې افغانې مېرمنې خاوند افغانستان انټرنشنل ته په رالېږلي لیک ویلي، چې طالبان له میاشتو راهیسې نجونو ته د اګزیټ په ازموینه کې د ګډون اجازه نه ورکوي. نوموړی زیاتوي چې د اګزیټ ازموینې کارت نه لرلو له امله افغان مېرنې په جرمني کې زدهکړو ته له دوام ورکولو پاتې شوې دي.
د انرژۍ نړیوالې ادارې ویلي، د اوکراین له خوا د روسیې د انرژۍ پر بنسټونو د پیلوټه الوتکو د بریدونو له امله به د روسیې د نفتو تولید سږ کال شاوخوا درې سلنه راکم او هره ورځ ۸،۹ میلیونه بېرلو ته ورسېږي.
یو شمېر افغانانو په برلین کې د جرمني د بهرنیو چارو وزارت مخې ته په یوه لاریون کې له طالبانو سره د نړیوالې ټولنې د هر ډول سیاسي او ډیپلوماټیکو اړیکو د عادي کولو مخالفت وکړ. لاریونوالو په یوه پرېکړه لیک کې ټینګار کړی چې د افغان ښځو او نجونو حقونه د معاملې وړ نه دي.
تحریک طالبان پاکستان ډلې د بلوچستان په زیارت ولسوالۍ کې د پاکستاني ځواکونو پر یوه ګډه قرارګاه د شوي برید نوې ویډیو خپره کړې او ادعا یې کړې، چې تر ۴۰ پورې پاکستاني ځواکونو یې وژلي دي. په خپره شوې ویډیو کې د وژل شویو کسانو جسدونه، ویجاړې شوې ودانۍ او سوځېدلي موټرونه ښکاري.
د خوست ولایت یو شمېر کوچیانو، قومي مشرانو او د کوچیانو د عالي او مرکزي لېسې پخوانیو زده کوونکو ادعا کړې چې طالب چارواکي غواړي د دې لېسې لیلیه د روږدو کسانو د درملنې په مرکز بدله کړي. دوی له طالبانو غوښتي چې دا پرېکړه لغوه کړي.
د هسپانیا په سویل کې د ځنګلي اورلګېدنې له امله لږ تر لږه ۱۱ کسان مړه او ۱۹ نور لادرکه شوي دي. د اندلس سیمې د بېړنیو پېښو د ادارې مشر انتونیو سانز ویلي چې په مړو شویو کسانو کې یو تن د اسپانیا وګړی دی او نور ټول بهرني سیلانیان ښکاري.
د هلمند د واشېر ولسوالۍ ښوراب په سیمه کې د مسافر وړونکي بس او باروړونکي ټېلر د ټکر په پېښه کې پنځه تنه مړه شوي او د ښځو او ماشومانو په ګډون ۱۶ نور ټپیان شوي دي.
د طالبانو ویاند ذبیحالله مجاهد د پاکستان د لومړي وزیر شهباز شریف له لوري په افغانستان کې د بهرنیو ډلو د شتون ادعاوې رد او بې بنسټه وبللې. مجاهد په یو غږیز پیغام کې ویلي چې طالبان هېڅ بهرنۍ ډلې ته اجازه نه ورکوي چې د افغانستان په خاوره کې فعالیت وکړي.
سرچینو افغانستان انټرنشنل ته ویلي، چې طالب پلاوي د بدخشان د کړکېچ د هواري په موخه د دغې ډلې ناراضه قوماندان جمعه خان فاتح د جمعې په ورځ فیض اباد ته ولېږداوه. د سرچینو په وینا، فاتح د طالبانو د پوځ د لوی درستیز فصیح الدین فطرت له «ضمانت» وروسته فیض اباد ته پر تګ راضي شوی دی.
د طالبانو د ارشاد، حج او اوقافو وزارت د جوماتونو له ملا امامانو غوښتي چې د جمعې د لمانځه په خطبو کې له ځوانانو وغواړي چې له ټولنیزو شبکو څخه ګټه وانخلي او هغوی د فېسبوک، انسټاګرام، ټیکټاک، مسنجر، ګوګل او یوټیوب له «ویجاړونکو زیانونو» څخه خبر کړي.
د امریکا د بهرنیو اړیکو شورا څېړنیز مرکز په خپل تازه راپور کې خبرداری ورکړی چې د طالبانو د ادارې تر ملاتړ لاندې ترهګري او افراطیت لا هم د ګاونډیو هېوادونو امنیت او د سیمې ثبات ته جدي ګواښ ګڼل کېږي.
د پاکستان د قومي اسمبلۍ د اپوزېسیون او د پښتونخوا ملي عوامي ګوند مشر محمودخان اڅکزي ویلي، تر هغې چې په پاکستان کې د پوځ او ملکي حکومت واکونه روښانه نهشي؛ د دغه هېواد سیاسي او امنیتي ستونزې به حل نهشي.
د افغان ایلېون لوبډلې او د ازبکستان د کرېکټ ملي لوبډلې تر منځ یوازینۍ شل اوریزه دوستانه سیالي نن په خوست کې ترسره شوه او افغان لوبډلې د ازبکستان لوبډلې ته د ۱۹۹ منډو په توپیر ماتې ورکړه.
د ملګرو ملتونو د ښځو څانګې خبرداری ورکړی، چې د بشري مرستو او د بودجې کمښت په افغانستان کې بنسټیزو خدمتونو ته د ښځو او نجونو لاسرسی له جدي ستونزو سره مخ کړی دی.
د ملي ډيموکراټیک غورځنګ مشر محسن داوړ په اسلاماباد کې د بلوچستان په تړاو د ټولو ګوندونو ګډې جوړې شوې غونډې ته د وینا پرمهال ویلي، هغه طالبان چې پاکستان په افغانستان کې پر واک راوستي؛ مشران یې په پاکستان کې له ځانګړو امتیازونو برخمن دي.
د پاکستان د پنجاب ایالت پولیسو لهخوا د ۱۱ افغان ډاکټرانو او د طب محصلانو له جبري ستنولو وروسته، د دغه کسانو له ډلې یو ډاکټر افغانستان انټرنشنل پښتو ته په لېږلي پیغام کې ویلي، چې په افغانستان کې اړوندې ادارې د دوی ستونزو ته پاملرنه نهکوي.