ملګري ملتونه وایي، چې د ۲۰۲۲ کال د فبرورۍ میاشتې راهیسې، کله چې پر اوکراین د روسیې له خوا پراخ یرغل پیل شو، تر دا مهاله له ۵ زرو څخه زیاتې ښځې او نجونې وژل شوې او ۱۴ زره نورې ټپیانې شوې دي.
د کابل اوسېدونکو افغانستان انټرنشنل ته وویل، چې دوی د پلازمېنې په اسمان کې د یوه ناپېژانده ډرون الوتکې ګزمې لیدلې دي. د ۱۷ ناحیې یوه اوسېدونکي د کب په لومړی نېټه وویل چې «یوه بې پیلوټه الوتکه» د کابل په اسمان کې په څرګنده توګه ګزمې کوي.
د طالبانو ستره محکمه وایي، چې د روانې اوونۍ په څلورو ورځو کې یې د افغانستان په بېلابېلو ولایتونو کې پر ۱۲ کسانو د بند تر څنګ په دُرو د وهلو سزاوې عملي کړې دي.
په انقره کې د طالبانو سفارت وایي، چې طالب سفیر سنیع الله فرهمند ددې هېواد لپاره د قزاقستان له سفیر، ساپیوف یرکیبولان اونالبیکولي، سره کتلي او د دوه اړخیزو سیاسي او اقتصادي اړیکو پر پیاوړتیا غږېدلي دي.
د افغانستان لپاره د پاکستان پخواني استازی اصف دراني د دغه هېواد پوځ ته په اشارې ویلي، د افغانستان دننه د هوایي بریدونو د ګواښونو پر ځای دې د دقیق استخباراتي معلوماتو پر بنسټ عملیات ترسره شي. هغه ویلي: «ځواک د اندازه شویو اقداماتو له لارې ښودل کیږي، نه د رسنیو د بیاناتو له لارې.»
د پاکستان د اطلاعاتو پخواني وزیر فواد چوهدري خبرداری ورکړی، چې په خیبر پښتونخوا کې د پاکستاني طالبانو پالیسۍ د پښتنو ټولنه ویجاړوي. چوهدري د جمعې په ورځ د ایکس کې په یوه پیغام کې لیکي: «طالبانو د پښتنو ټولنه ویجاړه کړې ده؛ تاسو د بشپړې تباهۍ په لور روان یاست.»
د افغانستان لپاره د ملګرو ملتونو د بشري حقونو ځانګړی راپور ورکوونکی ریچارډ بېنېټ په جېنوا کې د ملګرو ملتونو د بشري حقونو شورا ۶۱مې ناستې ته د افغان ښځو او نجونو د روغتيايي وضعیت په اړه خپل نوی راپور وړاندې کوي.
د سوډان سویلي کردفان ايالت کې يو مرستندويه کاروان چې خوراکي او نور بشري توکي يې لېږدول؛ د چټک ملاتړ ځواکونو د بېپيلوټه الوتکې په بريد کې په نښه شو. د سوډان د روغتیایي ادارو د راپور له مخې؛ په دغه بريد کې درې مرستندويه کارکوونکي وژل شوي او څلور نور ټپيان دي.
د افغانستان لپاره د ملګرو ملتونو مرستندویه پلاوي (یوناما) د ټولنیز عدالت د نړۍوالې ورځې په مناسبت په خپل پیغام کې ویلي، هیڅ هېواد نهشي کولای تر هغې ټولنیز عدالت ټینګ کړي چې د ټولنې نیمایي برخه یې له زدهکړو بېبرخې وي.
پاکستان د هغو پنځو هېوادونو په ډله کې نهدی، چې په غزه کې د «نړۍوال ثبات ځواک» لپاره سرتېري لېږي. په غزه کې د نړۍوال ثبات ځواک قوماندان جاسپر جیفرز وویل، چې اندونیزیا، مراکش، قزاقستان، کوزوو او البانیا د سرتېرو لېږلو ژمنه کړې ده.
په پکتیا کې د طالبانو د کرنې، اوبو لګولو او مالدارۍ ریاست د مېوو برخې مسوول سنګرمل جلالي وایي، په دغه ولایت کې سږکال د بېلابېلو مېوو شاوخوا شپږ نیم زره مټریک ټنه حلاصلات راټول شوي چې د تېر کال پرتله ۱۵ سلنه زیاتوالی ښیي.
د طالبانو د روغتیا وزارت ویاند شرافت زمان امرخېل وایي، چې په تېر ۲۰۲۵کال کې په افغانستان کې په خوارځواکۍ د اخته درې مېلیونه ماشومانو درملنه شوې ده. د هغه په وینا؛ د ۲۰۲۵کال په پیل کې ځینو بنسټونو په افغانستان کې په خوارځواکۍ د اخته مېندو او ماشومانو شمېر ۳.۷ مېلیونه ښودلی و.
د امریکا ولسمشر ډونالډ ټرمپ اعلان کړی، چې د جګړې وزارت او نورو ادارو ته به لارښوونه وکړي؛ څو د فضايي موجوداتو او ناپېژندل شويو الوتونکو شيانو اړوند دولتي اسناد خپاره کړي.
د طالبانو د بهرنیو چارو وزیر امیرخان متقي د افغانستان لپاره د ملګرو ملتونو د ځانګړې استازې له مرستیال او همغږي کوونکي اندریکا رتواته سره د مخه ښې په لیدنه کې د دواړه خواوو ترمنځ پر تعامل او همغږۍ خبرې کړې دي.
د پاکستان حکومت په روژې میاشت کې هم د افغان کډوالو پر وړاندې د نیولو له عملیاتو خبر ورکړی. دغه ګډ عملیات د پاکستان د پولیسو او ترهګرۍ ضد ادارې لهخوا په پنجاب ایالت کې پیل شوي دي.
د روسیې د بهرنيو چارو وزارت مرستيال الکساندر ګروشکو وايي، اروپايي ټولنې پر روسيې د بنديزونو له امله دروند اقتصادي زيان ليدلی دی. هغه «اېزوستيا» ورځپاڼې ته ويلي: «که مستقيم زيانونه او له لاسه وتلې ګټې حساب کړو، تر ټولو نږدې او واقعي اټکل د ۱.۵ تر ۲ ټرېليونه يورو پورې رسېږي».
په خوست کې د طالبانو د والي ویاند مستغفر ګربز وايي، په دغه ولایت کې د یادې ډلې د نرخونو د کنټرول او احتکار مخنیوي کمېسیون له لوري د ښار په بېلابېلو سیمو کې د «بېل د نشتوالي» له امله د خوراکي توکو ۱۲ هټۍ تړل شوې دي. د هغه په وینا؛ دغه هټۍ به د دوی تر دویم امر پورې تړلې وي.
د افغان کډوالو د نیولو لړۍ پر دوام پاکستاني پولیسو په پنجاب ایالت کې ۲۰ کډوال نیولي دي. د پاکستان پنجاب ايالت اعلان کړی، تر راتلونکې پنجشنبې به دغه ۲۰ افغان وګړي چې د اوسېدو قانوني اسناد نهلري؛ په جبري توګه افغانستان ته ستانه کړي.
د مصر په شمال ختیځ پورټ سعید ولایت کې د یوې لارۍ او مساپر وړونکي موټر ترمنځ د ټکر له امله ۱۸ کسان مړه او درې نور ټپیان شوي دي. د مصر دولتي رسنۍ الاهرام ویلي، پېښه د پنجشنبې په ورځ د اکسس په لویه لاره د پورټ سعید په سوېل کې شوې ده.
د طالبانو د کډوالو او بېرته راستنېدونکو چارو وزارت ویاند عبدالمطلب حقاني وايي، چې په روان لمریز کال کې ۴مېلیونه ۶۷زره او ۸۰۸ کډوال افغانستان ته ستانه شوي. نوموړي زیاته کړې، چې له ۴۵۵زره ۸۳ کډوالو او بېځایه شویو سره یې د څه باندې ۱۶ مېلیارده افغانیو په ارزښت مرستې کړې دي.
د امریکا د مرکزي قوماندانۍ (سنټکام) يو پخواني مرستیال ويلي، که امريکا پر ايران احتمالي بريد وکړي؛ نو د بريدونو لومړۍ څپه به پر ستراتېژيکو توغنديزو مرکزونو متمرکزه وي. د هغه په وینا؛ دا هغه موخې دي چې د امريکايي او اسرایيلي ځواکونو لپاره مستقيم ګواښ بلل کېږي.