په پاکستان کې د افغان کډوالو پر ضد د حکومت د عملیاتو له رسمي پیل سره، د پېښور د بورډ بازار لسګونه افغان سوداګر وايي د نیول کېدو، جبري ایستلو او نامعلوم برخلیک له امله یې سوداګریز فعالیتونه سخت اغېزمن شوي او اړ شوي چې خپله شتمني او سوداګریز توکي په ټیټه بیه وپلوري.
د افغانستان د شنونکو شبکې ویلي، د طالبانو له بیا واکمنېدو وروسته، سره له دې چې حکومت د دیني ویناوو د انحصار هڅه کړې، د خپلواکو دیني مبلغینو نفوذ پراخ شوی دی. راپور وایي، د دې اصلي لامل دا دی چې طالبان په خپلو دیني ویناوو کې تر ډېره پر دودیزو محدودیتونو، منع او سزاوو تمرکز کوي.
په افغانستان کې د طالبانو له خوا، ځيرک مبایلونو د کارولو له محدودولو وروسته، روغتیايي کارکوونکي، محصلان او عام وګړي وايي چې دغه پرېکړې د دوی د کار، زدهکړو او له کورنیو سره د اړیکو بهیر سخت اغېزمن کړی دی.
د خیبر پښتونخوا ایالت د ډېره اسماعیل خان ولسوالۍ د پهاړپور په شاه حسنخېل سیمه کې د دوو کورنیو ترمنځ د ډزو په پېښه کې شپږ کسان وژل شوي او دوه نور ټپیان دي.
له پولیو پاک افغانستان ادارې اعلان کړی، چې د ماشومانو د ګوزڼ ضد واکسین کمپاین به نن د شنبې له ورځې (د چنګاښ ۲۰مه) د کونړ او نورستان ولایتونو په پنځو ولسوالیو کې پیل شي.
په بلوچستان کې په تېرو څو ورځو کې د وسلهوالو بریدونو پر ضد په کوېټه کې اعتراضي پرلتونه پيل شوي، چې پهکې د زيارت د پېښې پر ضد پيل شوی پرلت لا هم د کوېټې په کوله پاټک سيمه کې دوام لري، خو د هنه اوړک د پېښې پر ضد پرلت د جمعې په ورځ پای ته رسېدلی دی.
د افغانستان د پخوانۍ ولسي جرګې لومړی مرستیال او متقاعد جنرال ظاهر قدیر د نشهيي توکو او وسلو د قاچاق په تور امریکا ته وسپارل شو. د امریکا د عدلیې وزارت اعلان وکړ، چې نوموړی په کینیا کې تر نیول کېدو وروسته نیویارک ته لېږدول شوی دی.
د افغانستان د متحدې جبهې مشر سمیع سادات ویلي، چې د طالبانو تر واکمنۍ لاندې افغان ولس له بېساري ظلم او کړاوونو سره مخ دی. د هغه په وینا، د هېواد د ژغورنې او ازادۍ لپاره له مبارزې او جګړې پرته بله لاره پاتې نهده.
په قطر کې د طالبانو سفیر سهیل شاهین دوحه کې د ملګرو ملتونو د کډوالو د عالي کمېشنرۍ له استازي براهام صالح سره له پاکستان او ایران څخه د راستنېدونکو افغان کډوالو پر ستونزو خبرې کړې دي. دغه کتنه داسې حال کې ده، چې پاکستان په جمعې ورځ له دغه هېواده د افغانانو د اېستنې بل بهیر پیل کړ.
د خيبرپښتونخوا د مرکزي ښار د پوليسو مشر (سيسيپياو) میا سعيد احمد ويلي، د بېرته ستنولو پر مهال افغان کډوال باید ونهځورول شي. هغه خبرداری ورکړی، چې پولیس باید د ستنولو پر مهال له افغان کډوالو سره ناسم چلند ونهکړي او په هېڅ ډول پیسې ترې وانهخیستل شي.
پښتون ملتپال سیاستوال او د پاکستان پخواني سناتور افراسیاب خټک ویلي، د افغانستان په اړه د اسلاماباد د تېرو پنځو لسیزو سیاست «ناکام» شوی دی. هغه زیاته کړه، پاکستان اوس د طالبانو له مخالفانو سره د یوه نوي اېتلاف په جوړولو سره افغانستان کې د سیاسي معادلو او رهبرۍ د بدلون هڅه کوي.
د پاکستان د لومړي وزیر د سیاسي چارو سلاکار رانا ثناالله ویلي، چې په بلوچستان کې پوځ، ملېشې (اېفسي ځواک) او پولیسو ګډ عملیات پیل کړي دي. د نوموړي په وینا، دا «ترهګري» د بلوچستان له ستونزو یا سیاست سره هېڅ تړاو نهلري.
د بلوچستان اعلی وزیر سرفراز بګټي ادعا کړی، چې د جولای له پنځمې راهیسې په بېلابېلو استخباراتي او پوځي عملیاتو کې لږ تر لږه ۷۵ وسلهوال وژل شوي دي. نوموړي ویلي، چې دا عملیات د مانګي بند پر امنیتي پوستې له برید وروسته پیل شوي او په بریالیتوب سره پرمخ روان دي.
د پښتون ژغورنې غورځنګ (پيټياېم) مشر منظور پښتين ويلي، پښتانه د «وحشي پنجابي استعمار» له ظلمونو، جبرونو او «وحشي» پاليسيو او دښمنیو سره مخ دي. هغه څرګنده کړه، چې په اوسني وخت کې ټول پښتانه «ملي يووالي» ته اړتيا لري.
د ترکیې د کډوالۍ ادارې د تازه شمېرو لهمخې، د روان زېږیز کال په لومړیو شپږو میاشتو کې د دغه هېواد پولیسو ۱۹ زره او ۵۷۴ افغان کډوال نیولي دي. د دغو شمېرو پر بنسټ، افغانان په ترکیه کې د نیول شویو بېاسناده کډوالو په سر کې دي.
د ټيټيپي شورا يوه غړي عينالزمان د بلوچستان له علماوو او قومي مشرانو غوښتي، چې ولس د پاکستان د پوځ په ملاتړ له امن کمېټو سره له یو ځای کېدو وساتي. د هغه په باور، د پاکستان پوځ وارخطا دی او د خپلو ناکامیو د پټولو لپاره پر ګاونډیو هېوادونو تورونه لګوي او کله کله پرې بمبارۍ هم کوي
فکر او تفکر د هر انسان بشري ځانګړنه ده. فکر کول هغه نعمت دی، چې څښتن هرچا ته ورکړی، خو کله چې د روښانفکر نوم رامخکې شي، داسې معنا ورنه اخیستل کیږي، چې ښايي دا به د لږو او خاصو انسانانو کومه ډله وي. که روښانفکران کم وي، نو ایا پاتې نور خلک د تیاره فکر خاوندان دي؟
د افغانستان د سوداګرۍ او پانګونې خونه وايي، د دغې خونې مرستیال ارین زړګي عظیمي د چین د شینګداو نړیوال نندارتون د مرکز له رییسې سره د سوداګریزو همکاریو او د دواړو هېوادونو ترمنځ د ګډو نندارتونونو او غونډو د جوړولو په موخه د همکاریو هوکړه لیک لاسلیک کړ.
د مقاومت جبهې مشر احمد مسعود وایي، هېواد داسې نظام ته اړتیا لري، چې په هغه کې هېڅ قوم، مذهب یا سیاسي جریان ځان د هېواد مالک ونهګڼي، بلکې افغانستان باید د ټولو وګړو ګډ کور وي او په وینا یې، ټول خلک په مساوي ډول د هېواد د برخلیک په ټاکلو کې رول ولري.
د طالبانو د کورنیو چارو وزیر سراجالدین حقاني د افغانستان د کرېکټ ملي لوبډلې د پخواني لوبغاړي شاپور ځدراڼ د مړینې له امله د هغه کور ته تللی او د نوموړي له کورنۍ سره یې غمرازي کړې او تسلیت یې ویلی دی.
د یونان د المپ غره په لمنو کې د مشعلونو رڼا، د لرغونو مذهبي سرودونو غږ او د دودیزو یوناني جامو رنګونه یو ځل بیا د زرګونو کلونو پخوانی تاریخ راژوندی کړ. سلګونه کسان د «پرومیتیا» د ۳۱مې کلنۍ جشنوارې د نمانځنې لپاره راټول شوي و.