روسیې په ۲۰۲۵ کال کې د طالبانو حکومت په رسمیت وپېژاند. په مسکو کې د تمې فضا غالبه وه او داسې انګېرل کېده، چې د افغانستان له لوري به منځنۍ اسیا ته امنیتي ګواښونه کم شي، خو د روسیې د بهرنیو چارو وزیر سرګي لاوروف تازه څرګندونې ښيي، چې دا محاسبه تر ډېره ناسمه ثابته شوې ده.
د سعودي عربستان، ترکیې، مصر، اردن، اندونیزیا، پاکستان، قطر او متحده عربي اماراتو د بهرنیو چارو وزیرانو د یوې ګډې اعلامیې په خپرولو سره د فلسطین د لوېدیځې غاړې په اړه د اسراییل وروستۍ کړنې «غیرقانوني» بللې او په کلکه یې غندلې دي.
د ملګرو ملتونو عمومي منشي انتونیو ګوترېش ویلي، چې د نړۍ ستونزې یوازې د ډیپلوماسۍ، خبرو اترو او د هېوادونو ترمنځ د همکارۍ له لارې حل کېدای شي، نه د جیوپولېټیکي سیالیو او تفرقهاچوونکو شعارونو په وسیله.
نن دوشنبه په مسکو کې د طالبانو سفیر گل حسن حسن او روسیه مېشتو افغان سوداگرو لیدلي دي. په دې کتنه کې د اقتصادي اړیکو د لاپیاوړتیا بحث سربېره، د افغانستان او روسیې ترمنځ د سوداگرۍ په برخه کې د شته ستونزو د هواري په اړه هم خبرې کړي دي.
ازبکستاني رسنیو راپور ورکړی چې د دغه هېواد ولسمشر شوکت میرضیایف د افغانستان د ټرانس - افغان رېلپټلۍ په سیمهییزه پروژه کې د ازبکستان د ګډون فرمان لاسلیک کړی او د امکان ارزونې اړوند چوکاټي هوکړهلیک یې تایید کړی دی.
افغانستان انټرنشنل - پښتو ته رسېدلي معلومات ښيي، چې د طالبانو د صنعت او سوداګرۍ وزارت د سوداګرۍ په جوازونو کې لا هم د افغانستان د پخواني جمهوري دولت نوم کاروي. د دغه وزارت له خوا په ورکړل شویو جوازونو کې لیکل شوي: "د افغانستان اسلامي جمهوري دولت، د صنعت او سوداګرۍ وزارت".
د عوامي نشنل ګوند ایالتي مشر میا افتخار حسین وايي، چې په خیبر پښتونخوا کې د ناسمو امنیتي پالیسیو له امله د پښتنو پر قانوني سوداګرۍ سخت محدودیتونه لګېدلي او د خلکو اقتصادي ژوند له جدي ګواښ سره مخ شوی دی.
د کاناډا پولیسو افغانستان انټرنشنل ته تایید کړه، چې دوی د مژګان عیني په نوم د یوې افغانې میرمنې د ورکېدو قضیه د "وژنې قضیې" په توګه څېړي. مژګان عیني د ۱۴۰۱ کال په نیمایي کې (د ۲۰۲۲ کال سپتمبر) کې ورکه شوه.
د طالبانو د بهرنیو چارو وزیر امیر خان متقي د ازبکستان د مرکزي اسیا د نړیوال انستیتوت له مشر او د دغه هېواد د ولسمشر مرستیال سلاکار جولان وهابوف په مشرۍ پلاوي سره کتلي او د سیاسي اړیکو د لا ژورولو او د سیمهییزو مسایلو د حل لپاره د ګډو هڅو پر اهمیت یې خبرې اترې کړې دي.
د عمان په پلازمېنه مسقط کې د طالبانو سفیر حافظ عمر د دغه هېواد لپاره د هند له سفیر، غداورټي وینکاتا سرینواس سره کتلي او پر دوه اړخیزو سیاسي، اقتصادي او سوداګریزو موضوعاتو یې خبرې اترې کړي.
د فلسطین د غزې یوې اوسیدونکې مها جبار احمد النهال افغانستان انټرنشنل ته په یوه لیک او غږیز پیغام کې ویلي، چې دوی او د غزې نور خلک له خورا بد ناورین سره مخ دي. هغې، چې اوس په خیمه کې ژوند کوي، د ژمنیو جامو او نورو حیاتي توکو د سملاسي ور رسولو غوښتنه کړې ده.
د جاپان د نړیوالې همکارۍ ادارې (جيکا) د ملګرو ملتونو له پروژوي دفتر(یو این او پي ایس)سره د شاوخوا ۱۰میلیون ډالرو په ارزښت یو تړون لاسلیک کړی، چې تمرکز یې په افغانستان کې د اقلیمي بدلون له امله د رامنځته کېدونکو طبیعي پېښو د اغېزو پر کمولو دی.
افغانستان انټرنشنل په کابل کې د درملتونونو له مسوولینو سره خبرې کړې او وروستۍ بیې ښيي، چې د ځینو اړینو شربتونو او درملو بیې په چټکۍ سره لوړې شوې دي. د درملتونونو د مسوولانو په وینا، د ځینو درملو بیې ۴۰ سلنه لوړې شوې دي.
د ایران د بهرنیو چارو وزارت د حقوقي او نړیوالو چارو مرستیال کاظم غریبابادي د طالبانو د سرحدنو، قومونو او قبایلو چارو له وزیر مولوي نورالله نوري سره په یوه ټیلیفوني اړیکه کې د دواړو هېوادونو ترمنځ د سرحدي همکاریو پر دوام ټینګار کړی دی.
د افغانستان د ولسي جرګې مخکینۍ غړې فوزیه کوفي په لاهور کې یوې غونډو ته په خبرو کې له طالبانو د پاکستان اوږدمهاله ملاتړ تېروتنه وبلله او ټینګار یې وکړ چې له دې ډلې سره بې قید او شرطه تعامل د تېرو ۳۰ کلنو تېروتنو تکرارول دي.
د طالبانو د امربالمعروف او شکایتونو اورېدو وزیر خالد حنفي په خپلو تازه څرګندونو کې ویلي، چې ددې ډلې اداره د «ملت پلار» دی. هغه وویل:« تاسې ملت یاست او د ملت او حاکم ترمنځ نظام داسې دی لکه د زوی او پلار اړیکه». حنفي همدراز وویل چې ملت مکلف دی چې د طالبانو اوسنی حکومت ومني.
د طالبانو د ۲۰۷الفاروق قول اردو مسوولان وايي، چې د تېرې یوې اونۍ په اوږدو کې یې په هرات ولایت کې ایران ته د ناقانونه تګ پر مهال ۱۷۵۵ کسان نیولي دي.
د طالبانو سترې محکمې اعلان وکړ، چې دې ډلې په کاپیسا او زابل ولایتونو کې څلور کسان په عام محضر کې په دُرو وهلي دي. طالبانو ویلي چې دا کسان د غلا په تور له ۲۰ څخه تر ۳۵ دُرې وهل شوي او هر یو یې په دوه کاله بند محکوم شوی دی.
د تاجکستان د بهرنیو چارو وزیر وایي، په وروستیو میاشتو کې له افغانستان سره پر ګډه پوله د امنیتي پېښو، وسلهوالو نښتو او جرمي فعالیتونو کچه لوړه شوې، خو دوشنبه او طالبان پر ګډه پوله د امنیتي پېښو د مخنیوي لپاره ګډ کار کوي.
د روسیې د بهرنیو چارو وزیر سرګي لاوروف ویلي، چې ترهګري لا هم د سیمې لپاره یو جدي ګواښ دی او دا مهال د افغانستان دننه او شاوخوا سیمو پاکستان او هند په شاوخوا سیمو کې ترهګریز فعالیتونه لیدل کېږي، چې د سیمې امنیت ته ګواښ پېښوي.
د طالبانو د کورنیو چارو وزارت وايي، په تېرو اوو ورځو کې یې د کابل په بېلابېلو سیمو کې د نشهيي توکو د قاچاق او پلور په تړاو ۸۳ تنه نیولي دي. له نیول شویو کسانو څخه دوه زره او ۱۷۸ نشهیي ټابلیټونه او یوه اندازه شیشه، چرس، شراب او تاریاک هم ترلاسه شوي دي.