آرشیف

د طالبانو د سرې میاشتې ټولنه وايي چې په هېواد کې به د رواني ناروغانو د ساتنې او درملنې خدمتونه لا زیات کړي.

اې اېف پي خبري اژانس نن شنبه د (تلې ۱۲مه) پر خپله اېکس پاڼه لیکلي، چې په اندونیزیا کې د څو پوړیز ښوونځي د چت نړېدو له امله د مړو شمېر ۱۴ ته لوړ شو او ۴۹ نفره اوس هم ورک دي.

د طالبانو د امر بالمعروف او شکایتونو اورېدو وزارت نن شنبه د (تلې ۱۲مه) پر خپله اېکس پاڼه لیکلي، چې په سرپل او میدان وردګ ولایتونو کې یې درې کوډګران د کوډګرۍ له کتابونو او ټوټکو له وسایلو سره نیولي دي.

د طالبانو د المپيک، بدني روزنې او سپورټ اداره وايي چې په بلخ کې ۱۶ ټیمونو ترمنځ د تنکیو ځوانانو د فوټبال سیالۍ د خالد لوبډلې په اتلولۍ پای ته ورسېدې.

د خراسان رضوي د والي امنيتي مرستیال ویلي، چې هره ورځ د دوغارون له لارې له ۲زرو څخه تر دریو زرو پورې بې اسناده افغان کډوال خپل هېواد ته ستنېږي.

د طالبانو د احصایې او معلوماتو ملي ادارې ویلي چې د روان کال په لومړیو شپږو میاشتو کې یې د هېواد دننه او بهر نږدې ۴۳ زره تذکرې تایید او تصدیق کړي.

الجزیره شبکې نن شنبه (د تلې ۱۲مه) لیکلي، تر اوسه معلومه نه ده، چې کله ټرمپ وینا ته چمتو کېده د پخوا برعکس په غزه کې شپه ارامه وه. اسراييلي بریدونه هغه مهال ودرېدل، چې حماس د ټرمپ شل ماده يي پلان ومانه.

د طالبانو باختر اطلاعاتي اژانس نن شنبه د (تلې ۱۲مه) پر خپله اېکس پاڼه لیکلي، چې پرون له ایران او پاکستان څخه ۹۶۳ کډوالې کورنۍ خپل هېواد ته ستنې شوي دي.

د کډوالو په چارو کې د ملګرو ملتونو عالي کمېشنرۍ «یو اېن اېچ سي ار» وايي چې افغانستان د ستنېدونکو کډوال کړکیچ لا پسې ژور شوی او باید په دې برخه کې بیړنۍ مرستې وشي.

ډان ورځپاڼې نن شنبه (د تلې ۱۲مه) لیکلي، چې د پښتونخوا د تېرا سيمې مشران د حکومت له مخالفو وسله والو ډلو سره خبرې کوي، چې د دوی له سیمې څخه ووځي.

یوې باوري سرچینې افغانستان انټرنشل - پښتو ته وویل چې د طالبانو د حج او اوقافو وزارت ځینو مسولینو پرون په کابل کې ښار کې لږ تر لږه په دوو مسجدونو کې د جمعې ورځې د خطبې پر مهال خلکو ته سپارښتنه کړې چې له خپلو ښځو او د کورنیو له نور ښځینه غړو دې ځیرک موبایلونه راټول کړي.

ګلوبل ایشوز د جمعې په ورځ د (تلې ۱۱مه) په خپله ویب پاڼه کې د بشري حقونو ډلو له خولې لیکلي، تر شپږم ټولګي پورته د نجونو پر زده کړو بندیز د کوچنیو نجونو او جبري ودونو کې مهم رول لري.

اسراييلي رسنیو نن شبنه د (تلې ۱۲مه) ویلي، د دغه هېواد سیاسي مشرانو پوځ ته امر کړی، چې د غزې د نیولو عملیات ودروي. دا امر داسې مهال کېږي، چې ټرمپ د اسراییل نه د بریدونو درولو غوښتنه وکړه. اوربند، د زندانیانو خوشي کېدل او جګړې پای ته رسول د ټرمپ د سولې د پلان عمده برخې دي.

د طالبانو د دفاع وزارت د ستر درستیز د روغتیايي چارو مشر ډاکټر محمد طاهر احرار وايي چې د عامې روغتیا د سکتور په ګډون افغانستان په ځینو نورو برخو کې هم د ګاونډیانو له لوري فلج شوی دی.

تازه د کړکېچ نړۍوالې ډلې د یوه راپور په خپرولو سره له نړیوالې ټولنې په ځانګړي توګه له اروپايي هېوادونو غوښتي چې په افغانستان کې د اقتصادي کړکېچ د اغیزو د کمېدو لپاره له طالبانو سره خبرې ګړندۍ کړي.

رویټرز خبري اژانس شنبه (د تلې ۱۲مه) د ډنمارک استخباراتي ادارې له خولې لیکلي، چې روسي جنګي کښتۍ د دوی په سمندري ساحه کې د دوی له کښتیو سره ځان مخامخ کوي، خپلې وسلې ښيي،د دوی لارښود سيسټمونه یې ګډوډ کړي او د ناڅاپي تاوتریخوالي خطر یې ډېر کړی دی.

خلیلزاد نن شنبه (د تلې ۱۲مه) پر خپله اېکس پاڼه په کراچۍ کې د داعش خراسان ډلې یوه مشر حسن د وژلو په اړه څو پوښتنې لیکلي او پاکستان ته یې د شک ګوته نیولې ده. هغه له دې پوښتنو سره یو ځای د حسن د وژل کېدو په اړه خبر هم خپور کړی دی.

د افغانستان او بنګله‌دېش د کرېکټ ملي لوبډلو ترمنځ د شل اوریزو او یو ورځنیو لوبو لړۍ په دوېیمه لوبه کې هم بنګله‌دېش افغانستان ته ماتې ورکړه.

د استرالیا لومړي وزیر انتوني البانیز په غزه کې د سولې په تړاو د امریکا د ولسمشر په طرحه کې له پرمختګه هرکلی کړی او زیاته کړې یې ده، «موږ [په غزه کې] د اوربند، د برمته شویو د ازادېدو او له خنډ او ځنډ پرته اړمنو ته د بشري مرستو د رسولو په برخو کې د نړۍوالو غوښتنو یوه برخه و.»

نیویارک ټایمز ورځپاڼې په یو څېړنیز راپور کې ویلي، چې د امریکا د پوځ ځانګړو ځواکونو د افغانستان د جګړې پر مهال د قانون ماتونې، ناقانونه کړنو او سخت تاوتریخوالي کلتور رامنځته کړ او دغه فرهنګ اوس د امریکا په کورنیو پوځي اډو کې هم ژوندی پاتې دی.

ټرمپ په یوه ویډیويي پیغام کې د هغو هیوادونو څخه مننه وکړه، چې د غزې د سولې د طرحې په وړاندې کولو کې یې ورسره همکاري کړې، چې په کې قطر، ترکیه، سعودي عربستان، مصر، اردن شامل دي. هغه وویل، موږ په منځني ختيځ کې د سولې ترلاسه کولو ته ډېر نږدې شوي یو.