د ملګرو ملتونو د استوګنې ادارې (UN-Habitat) د افغانستان د چټک ښاري پرمختګ په اړه ویلي، تر ۲۰۶۰کاله پورې به په هرو دوو افغانانو کې یو په ښارونو کې ژوند وکړي چې دا یو بېساری بدلون دی.
د ایران د سیستان او بلوچستان د بهرنیو وګړو د چارو مدیر هوشنګ بامري ویلي، چې په دغه ولایت کې د بېاسناده افغانانو پر مېشتېدو او کار بندیز لګېدلی. د هغه په وینا؛ د بېاسناده وګړو د مدیریت لپاره به افغانان یا په خپله خوښه افغانستان ته ستانه شي او یا به هم په جبري توګه ستانه کړای شي.
د ایران د خراسان رضوي والي غلام حسين مظفري ویلي، چې د دوغارون له پولې افغانستان ته د ايران د کلنيو صادراتو ارزښت نږدې ۳ مېليارد او ۲۰۰ مېليونه ډالرو ته رسېدلی دی.
د برېتانیا د پارلمان غړې الیس مکډونلډ ویلي، په افغانستان کې د ښځو او نجونو وضعیت «ویجاړوونکی» دی. نوموړې وایي:« افغان مېرمنې دغه وضعیت ته نه تسلیمېدونکې دي او خپلې مبارزې ته دوام ورکوي؛ نو موږ یې باید ترڅنګ ودرېږو».
په ملګرو ملتونو کې د افغانستان پخواني استازي محمود صیقل ویلي، پر طالبانو د بندیزونه موخه له ډلهییزې سزا د ولس ژغورل دي. هغه ویلي:«دغه دوهلاری سیاست چې پر واکمنانو فشار ساتي او په عین حال کې د خلکو ساتنه کوي؛ د دې لپاره دی چې د ولس د ډلهییزې سزا مخه ونیول شي.»
د سېشنبې په ورځ (د مرغومي ۱۶مه) د لبنان په سوېل کې د اسراییل په بریدونو کې دوه کسان وژل شوي دي. اسراییلي پوځ بیا په یوه بیان کې ویلي، چې په دغه برید کې یې د حزب الله ډلې دوه غړي په نښه کړي دي.
له نږدې یو کال ځنډ وروسته د دوغارون له لارې افغانستان ته د ایران د چرګوړو صادرات یو وار بیا پیل شوي دي. د تایباد ولسوال حسن جمشیدي وایي، یوازې په تېرو درې ورځو کې تر ۲۵۰زرو ډېر چرګوړي افغانستان ته لېږدول شوي دي.
د امریکا ولسمشر ډونالډ ټرمپ اعلان کړی، چې په ونزویلا کې لنډمهاله چارواکي به له ۳۰ څخه تر ۵۰ مېلیونه بېرله پورې د لوړ کیفیت لرونکي هغه تېل امریکا ته وسپاري چې بندیز پرې لګېدلی.
په راتلونکې میاشت کې د رزمي لوبو څلور مشهور افغان لوبغاړي به د نړۍ په معتبرو سازمانونو کې د لوبو قفس ته ښکته شي. فرید بشارت به په UFC سازمان کې او ظفر محسن، الیاس یعقوبي او احمد حلیمسون به په اوکټاګون سازمان کې د خپلو سیالانو پر وړاندې لوبه وکړي.
د امریکا جمهوريپال سناتور لینډسي ګراهام د ټرمپ هغه وروستي خبرداري ته په اشارې چې د ایران د خلکو د پاڅون د ځپلو په اړه ورکړل شوی، ویلي: «تر دې ځایه پورې بدو خلکو باید درک کړې وي چې کله ټرمپ څه وایي، نو هدف یې جدي وي».
ایران انټرنشنل په یوه ځانګړي راپور کې ویلي، چې له څلورو ورځو راهیسې ایرانپلوه عراقي وسلهوالو د ایران د لاریونونو د ځپلو په موخه د ایراني ځواکونو د ملاتړ لپاره د خپلو کسانو جلب او جذب پیل کړی دی. سرچینې زیاتوي، تر دې دمه شاوخوا ۸۰۰ عراقي شیعه وسلهوال ایران ته استول شوي دي.
د امریکا د بهرنیو چارو وزارت د ایران د اعتراضونو د پراخېدونکي ځپنې په اړه ویلي، که څه هم تر دې دمه لسګونه معترضین وژل شوي او سلګونه نور نیول شوي دي، خو له دې سره سره، اعتراضونه لا هم د دې هېواد په بازارونو، ښارونو او پوهنتونونو کې دوام لري.
د ونزوېلا د اپوزیسیون اصلي مشرې ماریا کورینا ماچادو اعلان وکړ، چې هغه غواړي د امریکایی ځواکونو لهخوا د نیکولاس مادورو له نیول کېدو وروسته ژر تر ژره هېواد ته ستنه شي. هغې د ازادو ټاکنو ترسره کول له اوسني ناورین څخه د وتلو یوازینۍ لاره ګڼلې.
په جنیوا کې د افغانستان استازي نصیر احمد اندېشه په بدخشان او تخار کې د سرو زرو پر کانونو د ځايي اوسېدونکو او طالبانو تر منځ خونړیو پېښو ته په اشارې وايي، د سرو زرو د کانونو روان چور د افغانستان شمالختیځ د خونړۍ فاجعې پر لور بیایي.
په ایران کې د اعتراضونو او اعتصابونو له پراخېدو سره هممهاله راپورونه ښيي، چې د وژل شویو کسانو شمېر زیات شوی، پراخې نیونې شوي او امنیتي ځواکونو پر روغتونونو هم فشارونه زیات کړي دي.
د افغانستان او پاکستان ترمنځ د ترینګلتیاوو پر دوام د پاکستان دفاع وزیر په تازه څرګندونو کې ویلي، اسلاماباد د افغان طالبانو او هند ترمنځ د نږدېوالي له امله پر طالبانو باور نهلري. نوموړي ټینګار کړی، هېواد یې د دې توان لري چې هممهاله د هند او افغان طالبانو پر وړاندې مقابله وکړي.
د طالبانو د بهرنیو چارو وزارت د اطلاعاتو او عامه اړیکو رییس ادعا کړې، چې تېر کال د طالبانو تر واک لاندې په افغانستان کې امنیت او اقتصادي وده بېساري وه؛ خو څېړونکي او نړۍوال راپورونه د بېکارۍ، بېوزلۍ او د بشري حقونو د پراخو ستونزو څرګندونه کوي.
د طالبانو تر واک لاندې د افغاني سرې میاشتې ادارې ویلي، چې په کونړ ولایت کې د نورګل ولسوالۍ په مزار دره سیمه کې یې د ۱۷۵ زلزلهځپلو کورنیو سره د ۲۶.۸۶۲ ټنه خوراکي توکو مرسته کړې ده. طالبانو زیاته کړې، چې هرې کورنۍ ته د روغتیايي ساتنې بسته هم ورکړل شوې ده.
د پښتونخوا ملي عوامي ګوند مشر محمود خان اڅکزی وایي، چې د ولس له خوښي پرته جوړ شوی پارلمان د پاکستان له روان ناورین سره مقابله نهشي کولی. نوموړي ټینګار کړی، چې د هېواد اوسنی حکومت باید منحل شي او د ټولو سیاسي ګوندونو له استازو جوړه یوه لنډمهاله اداره اعلان شي.
د اوکراین د متحدو هېوادونو اېتلاف په پاریس کې په خپلې غونډه کې د اوکراین لپاره د ناټو په څېر د امنیتي تضمینونو د وړاندې کولو په چوکاټ کې نوی پرمختګ کړی دی.
د امریکا، اسراییل او سوریې لوړپوړو چارواکو په پاریس کې سره کتلي او پرېکړه یې کړې، چې اسراییل او سوریه به پوځي تاوتریخوالي راکموي او خپل اختلافات به د یوه ځانګړي میکانیزم له لارې حل کړي.