آرشیف

د اېلان ماسک په مشرۍ د سپېس اېکس کمپنۍ د مصنوعي ځیرکتیا (اې ای» له شرکت سره د دوو میلیارده ډالرو د پانګونې ژمنه کړې ده.

د امریکا یوه فدرالي قاضي د دغه هېواد په کلفرونیا ایالت کې د کډوالو «خپل‌سري او تبعیضي نیول» ځنډولي دي. دا پرېکړه وروسته له هغې کېږي چې د فدرال مامورین د یو شمېر کډوالو په نیولو کې پر «تبعضي» چلند تورن شول.

د امریکا د دفاع وزارت پنټاګون له جاپان او اسټرالیا څخه غوښتي چې د تایوان پر سر له چین سره د احتمالي جګړې پرمهال دې خپل رول او دریځ روښانه کړي.

یوه ډله متقاعدینو یو ځل بیا په کابل کې د خپلو تنخواوو د نه ورکړې له کبله اعتراض کړی او ادعا کوي چې د طالبانو د حکومت مشرتابه د دوی د حقونو په ورکړه کې ناغیړي کوي.

د پاکستان د فدرالي څېړنو ادارې (FIA) اعلان کړی چې د افغان وګړو لپاره د برېښنايي ویزو د «ناقانونه صادریدو او بډو اخیستو» په تړاو یو شمېر لوړ پوړي حکومتي چارواکي نیول شوي دي.

د غزې روغتیايي چارواکو ویلي، د شنبې په ورځ (د چنګاښ ۲۱مه) د اسراییلي پوځ د بمباریو او بریدونو له امله لږ تر لږه «۱۱۰ فلسطینیان» د غزې بېلابېلو سیمو کې وژل شوي‌ دي.

د افغانستان د سولې لپاره د امریکا پخوانی استازی زلمی خلیلزاد د ولسمشر ډونالډ ټرمپ هغه څرګندونې رد کړي چې ګوندې د بګرام هوایي اډه اوس مهال د چین په ولکه کې ده.

د پنجاب وزیر اعلی مریم نواز شریف د لومړي ځل لپاره د پاکستان د بلواګرو د مدیریت لپاره د پولیسو ځانګړی ځواک جوړ کړ. مریم نواز ویلي، چې دا نوی ځواک به د پنجاب پولیسو په چوکاټ کې د خلکو د ژوند، ملکیت او خوندیتوب او د دولتي تاسیساتو د ساتنې مسولیت ولري.

د فرانسې د پوځ مشر جنرال تیري بورکارد د پنجشنبې په ورځ په یوه خبري کنفرانس کې وویل، چې روسیه د فرانسې "په اروپا کې اصلي دښمن" ګڼل کېږي. دا څرګندونې داسې مهال کېږي، چې د ایلیزه ماڼۍ له لوري د نړیوالو ګواښونو د زیاتوالي یادونه شوې ده.

د افغانستان کرېکټ د ملي لوبډلې پيليز توپوهونکی او نړیوال ستوری رحمان الله ګربز له پاکستان او ایران څخه په زور ایستل شویو کډوالو ته لیکلي: «تاسو یوازي نه یاست، خپل کور ته ښه راغلاست.»

د افغان ایواک مشر شان وانډيور د شنبه په ورځ په یوه مرکه کې ویلي، چې په افغانستان کې ښځې او نجونې له سخت حالت سره مخ دي. نوموړي زياته کړې: «ځيني هېوادونه هڅه کوي هغه ښځې، چې زموږ تر څنګ یې مبارزه کړې افغانستان ته بېرته واستوي، چې د دوی لېږل به ناسم وضعیت رامنځته کړي.»

د امریکا ولسمشر ډونلډ ټرمپ د شنبې په ورځ ویلي، چې دی د خپلې پخوانۍ منتقدې، فلمي ستورې او ټلویزیوني طنزیه ممثلې روزي اوډانل د امریکایي تابعیت د اخیستو په اړه "جدي فکر" کوي. دا اقدام د امریکا د اساسي قانون خلاف بلل شوی.

د پښتون ژغورنې غورځنګ مشر منظور احمد پښتين وايي، چې د خیبرپښتونخوا پولیسو د پېښور اسلامیه کالج محصل فضل امین افریدی «د ظلم په وړاندي د حق، منطق او دلایلو» ویلو له کبله تښتولی او بیا یې بندي کړی دی.

د طالبانو د اطلاعاتو او فرهنګ وزير خیرالله خیرخوا وایي، چې تر مسکو وروسته له ډېرو هېوادونو سره تعامل روان دی او دامهال رسميت پېژندنې ته نژدې شوي یو. نوموړي ادعا کړې، چې د دوی حکومت د رسميت پېژندنې لپاره ټول شرایط برابر کړي دي.

ایران د شنبې په ورځ اعلان وکړ چې له د اټومي انرژۍ له نړۍوال ادارې (IAEA) سره یې همکاري نه ده درېدلې، خو دا به "نوې بڼه غوره کړي"، او ترڅنګ یې د خپل اټومي پروګرام په اړه د اندېښنو د حل لپاره له ډېپلوماټیکو لارو چارو ملاتړ وکړ.

د خیبر پښتونخوا وزیراعلی علي امین ګنډاپور له افغان سفیر سره په یوه مهمه لیدنه کې د افغانستان لپاره د سرطان ناروغانو ته د ځانګړي روغتون د جوړېدو ملاتړ اعلان کړ او همدا ډول یې ژمنه وکړه چې د کرنې په برخه کې به هم هر اړخیزه مرسته کوي.

د ملګرو ملتونو د کډوالو چارو یو چارواکي ويلي، چې ممکن سږ کال درې میلیونه افغانان خپل هېواد ته ستانه شي. نوموړي خبرداری ورکړی، چې دا ستنېدنه د افغانستان پر بشري بحران لا ډېر فشار اچوي.

د پاکستان انساني قاچاق ضد څانګې په تورخم کې د دقیقو معلوماتو له مخې هغه څلور پاکستانیان نیولي، چې د افغانستان له لارې يې اروپا ته د غیري قانوني تګ هڅه کوله. نیول شوي کسان د پېښور، باجوړ او مردان اوسېدونکي دي.

د "اکسیوس" خبري شبکې د شنبې په ورځ د باوري سرچینو په حواله راپور ورکړی، چې د روسیې ولسمشر ولادیمیر پوتین د امریکا له ولسمشر ډونلډ ټرمپ او ایراني چارواکو سره په خبرو کې ویلي چې دوی د داسې اټومي هوکړې ملاتړ کوي چې له مخې یې ایران ته د یورانیمو غني کولو اجازه نه وي.

د افغانستان د صنعت او سوداګرۍ وزارت د معلوماتو له مخې، د ۲۰۲۵ کال په لومړیو شپږو میاشتو کې د افغانستان او پاکستان ترمنځ د سوداګرۍ کچه نږدې یو میلیارد ډالرو ته رسېدلې.

فلسطیني او اسرایيلي سرچینو رویټرز خبري اژانس ته ویلي چې له غزې څخه د اسرایيلي ځواکونو د وتلو پر سر د اختلافونو له امله د اوربند خبرې له ځنډ او ستونزو سره مخ شوې دي.