د طالبانو د ریاست الوزرا اقتصادي معاونیت ویلي، چې افغانستان خپله اړتیا وړ مالګه په کوردننه چمتو کوي او له بهره یې د مالګې پر وارداتو بندیز لګولی. دمګړۍ د تخار، سمنګان، بلخ، فاریاب، غور، هرات، پروان، پکتیا، غزني او کندهار د مالګې له ۱۲ کانونو څخه هرکال۳۴۴ زره ټنه مالګه استخراجیږي
افغان وګړو ته د امریکا ورکړل شوی موقت محافظتي وضعیت سبا دوشنبه، د چنګاښ پر۲۳مه پای ته رسېږي. د دې پریکړې له مخې، هغه افغانان چې تر اوسه یې د پناه غوښتنې یا دايمي اقامت لپاره رسمي غوښتنلیک نه دی ورکړی، د کار یا سفر قانوني اجازه نه لري او له امریکا د اخراج خطر ور ته متوجه دی.
د سپیني ماڼۍ مطبوعاتي دفتر ویلي، داسې شواهد په لاس کې لري، چې له مخې یې د امریکا له مالیه ورکوونکو تمویلېدونکې مرستې په منظم ډول د طالبانو جیبونو ته تللې او دغه مرستې په منظم ډول افغانانو ته نه رسېدلې.
د اوکراین د ملي امنیت ادارې اعلان کړی چې د روسیې د فدرالي امنیت ادارې هغه شکمن اجنټان چې تېره اونۍ د اوکراین د استخباراتو یوه ډګروال په وژنه تورن وو، د یکشنبې په ورځ په کییف کې د نیولو پر مهال وژل شوي دي.
د طالبانو تر واک لاندې د مرکزي زون د اوبو رسونې او کانالیزاسیون رییس وايي چې په راتلونکو شپږو کلونو کې به د شاه توت بند چارې تکمیل شي، خو وايي، د پنجشیر د اوبو د لېږد پروژې لپاره بودجې ته اړتیا ده. د اوبو د چارو کارپوهان وايي، د کابل اوبه وچیږي او شپږ کاله انتظار ډېر وخت دی.
په کندهار ښار کې لسګونه ښځې، چې ډېری یې ځوانې او پېغلې نجونې دي، د ښار پر سړکونو د خیرات ټولولو په تمه ناستې وي. ځینې دغه ښځې د طالبانو د مزاحمت مخنیوي لپاره له لاسګاډو سره راوځي، خو وايي، چې طالبان یې کاروبار ته هم نه پرېږدي.
د اوکراین ولسمشر ولادیمیر زېلېنسکي وایي روسیې له تېرو ۷ ورځو راهیسې پر اوکراین پراخ بریدونه کړي خو دوی ځینې هغه شنډ کړي هم دي.
د طالبانو د رياست الوزرا اداري مرستيال مولوي عبدالسلام حنقي تېر ماښام په کابل کې د کډوالو د راستنېدو له بهيره د لیدنې او څارنې ترڅنګ د هغوی چارو ته پر پاملرنې ټينګار کړی دی.
لالو: کاکو جانه څه نوې زړې دي؟
د افغانستان د سولې لپاره د امریکا پخواني استازي زلمي خلیلزاد پر ملګرو ملتونو توندې نیوکه کړې او وايي چې دغه نړۍوال بنسټ په ناورین کې دی او د افغانستان د ستونزو د حل وس نهلري.
د اسراییل لومړي وزیر بنیامین نتانیاهو د امریکا له فاکس نیوز خبري شبکې سره په یوې مرکه کې خبرداری ورکړی چې د ایران حکومت هڅه کوي اټومي بم ترلاسه کړي او که یې ترلاسه کړ، نو د اسراییل د ویجاړېدو لپاره به یې وکاروي. د هغه په وینا، د ایران رژیم باید ختم شي.
تازه د غزې ملکي دفاع ادارې ویلي چې اسراییل د یکشنبې ورځ د ( چنګاښ ۲۲مه) له سهار راهیسې په بېلابېلو سیمو کې د هوایي بریدونو پر مهال ۲۷ فلسطینیان وژلي دي.
د کانګو په ختیځ کې چارواکو رسنیو ته ویلي چې برید د ایرومو په سیمه کې د داعش ډلې سره اړیکې لرونکو وسله والو بېلابېلو بریدونو کې د ښځو او ماشومانو په ګډون ۶۶ ولسي وګړي وژلي.
د شمالي کوریا مشر کیم جونګ اون د روسیې د بهرنیو چارو وزیر سره په کتنه کې ویلي چې له قید او شرط پرته په اوکراین کې د روسیې له بریدونو ملاتړ کوي، څو مسکو روانه جګړه کې خپلو موخو ته ورسیږي.
د ایران دولت اړوند صدا او سیما راپور ورکړی چې پر ایران د اسراییل د ۱۲ ورځنۍ جګړې په پایله کې لږ تر لږه ۱۲ ایراني خبریالان وژل شوي دي.
تازه د طالبانو د اطلاعاتو او کلتور وزارت د خپرونو چارو مرستیال مهاجر فراهي ویلي چې د طالبانو د مشر په لارښوونه په افغانستان کې چاپېدونکې کتابونه له مالیې معاف شول.
د طالبانو د کورنیو چارو وزارت خبر ورکړی چې د دوی د نشه یي توکو پر ضد د مبارزې مرستیال د ملګرو ملتونو د مخدره توکو او جرمونو پر وړاندې د مبارزې سازمان (UNODC) له استازي څخه د نشه یي توکو د مخنیوي په برخه کې د همکارۍ غوښتنه کړې.
د افغانستان ازادۍ په نوم د طالبانو مخالفې جبهې له یوې خپره شوې وېډیو سره ادعا کړې چې په کابل ښار کې یې د دوو جلا عملیاتو په ترڅ کې د دغې ډلې درې جنګیالي وژلي او څلور نور یې ټپیان کړي دي.
د طالبانو حکومت د کډوالو ستونزو ته د رسېدنې کمېسیون د ورځني راپور له مخې، د شنبې په روځ د (چنګاښ ۲۱مه) له ایران او پاکستان نه څه باندې ۲۰زره کډوال افغانستان ته ستانه شوي دي.
د طالبانو د بهرنیو چارو وزارت درېیم سیاسي مرستیال عبدالحی قانت وايي، قزاقستان پرېکړه کړې چې په استانه کې د طالبانو سفیر ومني او همداراز په کابل کې خپل سفارت د سفیر تر کچې لوړ کړي.
د امریکا د متحدو ایالتونو ولسمشر ډونالډ ټرمپ ګواښ کړی چې که له مکسیکو او اروپايي ټولنې سره د سوداګریز تړون په تړاو خبرو نتیجه ورنکړه نو د روان کال د اګسټ میاشتې له لومړۍ نیټې به پرې ۳۰ سلنه ګمرکي تعرفه ولګوي.