آرشیف

د افغانستان د کرېکټ ملي لوبډلې لوبغاړي عظمت‌الله عمرزي د کرېکټ د نړۍوالې شورا د یو ورځنیو لوبو د الراونډرانو په تازه درجه‌بندۍ کې لومړی مقام خپل کړ.

په کابل کې د ایران سفارت د چهارشنبې په ورځ د خپل مشر علي خامنه‌یي د مړینې له امله د غمرازۍ د لاسلیک رسمي مراسم ترسره کړل. په دې مراسمو کې د طالبانو د ریاست‌الوزرا اداري مرستیال عبدالسلام حنفي ګډون کړی و، چې د هغه په لاس لیکل شوی فارسي متن په رسنیو کې خپور شوی دی.

سره له دې چې په تېره یوه اوونۍ کې د پاکستان له‌خوا د کابل په ګډون د افغانستان په ځینو نورو ولایتونو کې بریدونه ترسره شوي، خو طالبان وايي چې د افغانستان فضا د ملکي التنو لپاره په بشپړه توګه خونددي ده.

د جرمني په بُن ښار کې د طالبانو کونسلګرۍ اعلان کړی، چې د جمهوریت له کارکوونکو څخه یې د چارو له تسلیمېدو او اوږده ځنډ وروسته د پاسپورټونو د وېش لړۍ بېرته پیل کړې ده.

د تېر جمهوري نظام لوی څارنوال فرید حمیدي د برېتانیا د حکومت هغه پرېکړه په کلکه غندلې، چې د افغانانو لپاره یې پر تعلیمي او کاري ویزو بندیز لګولی دی. نوموړي ویلي، چې دا اقدام د بشري حقونو د اصولو خلاف او د افغان ښځو پر وړاندې دوه ګونی چلند دی.

په کندهار کې د طالبانو ښاروالۍ ویلي، چې په کندهار ښار کې یې یو شمېر مارکېټونه او هټۍ په خپل سر د بیو د لوړولو له امله تړلې دي.

د خوشحال راډیو مسوولین وایي د ښځینه زده کوونکو څخه په خپرونو کې د ازموینې له امله په غزني کې د دې راډیو خپرونې ځنډول شوې دي. خو د طالبانو د غزني ولایت طالب چارواکو ویلي چې ددې راډیو خپرونې له «کلتوري او ټولنیزو ارزښتونو سره په ټکر کې» وې.

د طالبانو د اطلاعاتو او کلتور وزارت لیکلي چې د دشت‌ټوپ د نظامي روزنیز مرکز قوماندان محمدنسیم سعید د ژوندیو بمونو په ګډون ځینې وسایل، چې په جګړه کې کارول شوي وو، د دغه ولایت جهادي موزیم ته سپارلي دي.

د افغانستان لپاره د بریتانیا ځانګړي استازي ریچارډ لینډسي یوه ورځ وروسته له هغې چې د دغه هېواد حکومت اعلان وکړ چې د افغان وګړو پر ویزو به محدودیت ولګوي، وویل چې لا هم ژمن دی د هغو کسانو ملاتړ وکړي چې په رښتیا مرستې ته اړتیا لري.

د پخواني جمهوري نظام د ولسمشر مرستیال پر خپل ایکس‌ لیکلي چې د ملي یووالي، مشروع حکومت او اساسي قانون د تامین او د افغانستان د ځمکنۍ بشپړتیا د دفاع لپاره اوسني ملي بیرغ ته اړتیا ده. صالح وايي، د طالباني روایت او سمبولونو له لارې د ملت یووالی ناشونی دی.

د طالبانو د حکومت د ریاست الوزرا اداري مرستیال مولوي عبدالسلام حنفي په کابل کې د ایران اسلامي جمهوریت سفارت ته تللی او د دغه هېواد د مذهبي مشر پر وژل کېدو یې خواشیني ښودلې.

د طالبانو د بهرنیو چارو وزیر مولوي امیرخان متقي په کابل کې د چین سفیر ژاو شېنګ سره په کتنه کې له پاکستان سره پر وروستیو نښتې او شخړې خبرې کړې دي. د چین سفیر هیله ښودلې چې اختلافات د خبرو او ډیپلوماټیکو لارو چارو له لارې حل شي.

د طالبانو د امربالمعروف او شکایتونو اورېدو وزارت ویاند ټولو ته خبرداری ورکړی، چې په خپلسر د بیو له لوړېدو او احتکار ډډه وکړي؛ کنه له سخت قانوني چلند سره به مخ شي. سیف الاسلام خېبر ویلي، چې په غزني، کابل، فراه او کندوز کې یې په لسګونه سوداکریز مارکېټونه تړلي دي.

د ناروې د کډوالو شورا اندېښنه ښودلې، چې د پاکستان او طالبانو په نښتو کې ملکي وګړو ته درانه زیانونه اوښتي. د یادې شورا په وینا؛ د پاکستان له لوري یو توغندی هغه پنډغالي ته نږدې لګېدلی، چې د کونړ زلزله ځپلې کورنۍ په‌کې مېشتې وې؛ په دغه برید کې ۳ کسه وژل شوي او ۷ نور ټپیان دي.

د طالبانو سترې محکمې خبر ورکړی، چې د یوې ښځې په ګډون یې پنځه کسه د «د نامشروع اړیکو، غلا، لواطت، د ښځې تښتولو» په تور په عام محضر کې په دُرو وهلي دي. طالبانو ویلي، چې هر کس یې ۳۹ دُرې وهلی او له ۶ میاشتو څخه تر ۲ کلونو پورې د تنفیذي بند سزا ورکړل شوې.

د افغانستان مېرمنو تر سلو زیاتو بنسټونو او اعتراضي خوځښتونو د ښځو نړۍوالې ورځې په مناسبت په یوه ګډه اعلامیه کې ویلي، هغه څرګندونې چې ګواکې د افغانستان دننه د طالبانو پر ضد مقاومت نه‌شته ناسمې دي او دغه ډول دریځونه د طالبانو د سیاستونو د سپینولو او د جنسیتي توپیر د دوام لامل کېږي.

د طالبانو تر واک لاندې د ټرانسپورټ او هوايي چلند وزارت اعلان کړی، چې د افغانستان هوايي حریم د ملکي الوتنو لپاره په بشپړه توګه خوندي دی. د دغه وزارت په وینا؛ د هېواد په ټولو هوايي ډګرونو کې د کورنیو، نړۍوالو او ملکي الوتنو لپاره منظم او دوامداره خدمتونه وړاندې کېږي.

د خوړو نړۍوال پروګرام اعلان کړی، چې د افغانستان په ختيځ، سوېلي او لوېديځو سیمو کې له پاکستان سره د کړکېچ زياتېدو د دغه هېواد د بشري ناورین وضعيت نور هم کړکېچن کړی دی.

په فراه کې د طالبانو د امر بالمعروف، نهې عن المنکر او شکایتونو اورېدو ریاست خبر ورکړی، چې د بیو د کنټرول کمېټې له لوري په دغه ولایت کې شاوخوا لس هټۍ او ګودامونه د احتکار او د نرخنامې څخه د سرغړونې په تور تړل شوي دي.

د خيبر د اکاخېلو قومي شورا د خپلې سيمې د خرابېدونکي امنيتي وضعيت په اړه جدي اندېښنه څرګنده کړې او له حکومتي چارواکو يې غوښتي، چې د ځایي اوسېدونکو د احتمالي تخليې لپاره لازم چمتووالی ونيسي.

د طالبانو او پاکستان ترمنځ پوځي نښتې د سې‌شنبې په ورځ شپږمې ورځې ته وغځېدې. جګړه د طالبانو له لوري پر ډیورنډ کرښه له پراخو بریدونو سره پيل شوه، هغوی دغه بریدونه «غچ اخیستونکي» وبلل. دغه نښتې په وروستيو کلونو کې د دواړه خواوو ترمنځ تر ټولو سختې مخامخ نښتې شمېرل کېږي.