آرشیف

د ازادو سیالیو پېژندل شوی افغان ورزشکار احمد ولي هوتک، وایي چې ډیر ژر به د خپل روسي سیال «ارسن پارخوګادژیف» سره په یو نړۍواله سیالې کې مخامخ شي.

د امریکا د استخباراتو ادارې (سي‌ای‌اې) پخوانۍ ماموره سارا اډمز وايي «د ترهګرۍ په وړاندې زموږ مبارزه اوس په یوې ټوکې بدله شوې ده.» هغې ویلي، یو څارنوال چې د داعش د غړی انجینر شریف دوسیه یې پرمخ وړله له دندې ګوښه شوی دی.

د خيبر پښتونخوا اعلی وزير علي امين ګنډاپور وايي، چې د طالبانو سره د خبرو اترو د پيل لپاره يې وړانديز د پاکستان حکومت منلی دی. هغه ټينګار کړی، چې د افغان کډوالو بېرته ستنېدل بايد په باعزته توګه ترسره شي او د امنيتي ستونزو دايمي حل يوازې د طالبانو سره د خبرو له لارې ممکن دی.

د اسراییل پخواني دفاع وزیر او د لومړي وزیر بنیامین نتنیاهو مخالف «اویګدورلیبرمن» وايي، هغه کسان چې فکر کوي د ایران سره شخړه پای ته رسېدلې، «په غلط فکر دي او نورو ته هم نادرست پیغام ورکوي».

د بریټانوي رسنیو د راپورونو له‌ مخې، د دغه هېواد په تاریخ کې د لومړي ځل لپاره یوه ښځه د «کانتربري ستره مذهبي مشره» ټاکل شوې ده. د «کانتربري انګلیکن کلیسا د مشرۍ څوکۍ» د بریټانیا د رسمي کلیسا تر ټولو لوړ روحاني مقام بلل کېږي.

د بګرام په تړاو د امریکا د ولسمشر ډونالډ ټرمپ له څرګندونو او ان ګواښونو وروسته د ځینو طالب چارواکو غبرګون هم توند شوی دی. د طالبانو د اطلاعاتو او کلتور وزارت د خپرونو چارو مرستیال وايي، طالبانو ته نظام چا په خیرات نه دی ورکړی او په وینا یې د نورو په څېر ډیسانټ شوي هم نه دي.

سرچینو افغانستان انټرنشنل ته ویلي، چې د طالبانو دوه استازي د جمعې په ورځ (د تلې ۱۱مه) د جرمني له حکومت سره د همغږۍ پرته د افغانستان قونسلګرۍ ودانۍ ته ننوتي او د قفل په ماتولو یې دغه نمایندګي په خپله خوښه تر واک لاندې راوستې ده.

د امریکا ولسمشر ډونالډ ټرمپ حماس ته خبرداری ورکړی، چې تر یکشنبې د اکتوبر پنځمه (د واشنګټن په وخت د ماښام تر ۶ بجو) مهلت لري چې د هغه د سولې پلان ومني او که موافقه ونه کړي، سختې او پراخې پایلې به ولري.

هند د طالبانو د بهرنیو چارو وزیر امیرخان متقي سفر لپاره چمتوالی نیسي. د هند د بهرنیو چارو وزارت ویلي، چې د ملګرو ملتونو د امنیت شورا کمېټې د طالبانو د بهرنیو چارو وزیر د سفر بندیز په موقتي ډول لرې کړي، چې له مخې به یې هغه وکولای شي د اکتوبر له ۹مې تر ۱۶مې پورې هند ته سفر وکړي.

په واشنګټن کې دوو باوري سرچینو افغانستان انټرنشنل ته وویل چې امریکا په افغانستان کې هېڅ ځواک نه لري او د بګرام په اړه اوازې بې اساسه دي. دغو دواړو سرچینو زموږ خبریال عارف یعقوبي ته وویل چې دوی دا شایعات په کلکه ردوي.

د طالبانو د بهرنیو چارو وزیر امیرخان متقي د «مسکو فارمټ» ناستې له ګډون وروسته راتلونکې اوونۍ هند ته ځي. دا سفر د ملګرو ملتونو د امنیت شورا له خوا د یوې اوونۍ ځانګړي معافیت په اساس ترسره کېږي. خبریال وحید پیمان په دې لیکنه کې د متقي د سفر احتمالي هدفونه څېړلي دي.

د ایران او روسیې ترمنځ د "هراړخیز ستراتېژیک مشارکت تړون نن (جمعه) رسمي بڼه خپله کړه. دغه تړون د دواړو هېوادونو د ولسمشرانو له‌خوا د ۲۰۲۵ کال د جنورۍ په ۱۶مه نېټه په مسکو کې لاسلیک شوی و.

د طالبانو مرستیال ویاند یوه ویډیویي ترانه خپره کړې چې د نوي مقاومت او احتمالي ځانمرګي بریدونو لپاره د ځوانانو د چمتوالي یادونه پکې شوې. د فطرت لخوا خپرې شوې ترانې محتوا کې راغلي چې طالبان سولې ته ژمن دي، خو که د دوی پر وړاندې تېروتنه وشي ځواب به یې «ځانمرګي بریدونه» وي.

د امریکا حکومت د مالي کال د پیل د ورځې راهیسې تړلی دی، مشرانو جرګه به د جمعې په ورځ د حکومت د بندېدو د پای ته رسولو لپاره د ډیموکراټانو او جمهوري غوښتونکو دوه پلانونه بیا وڅېړي، خو تر اوسه داسې نښې نه شته چې کوم پلان به منظور شي.

د پاکستان د بهرنیو چارو وزیر اسحاق ډار د جمعې په ورځ وویل چې هغه وړاندیزونه، چې د متحده ایالاتو ولسمشر ډونالډ ټرمپ د غزې جګړې د پای ته رسولو لپاره اعلان کړي، د مسلمانو هېوادونو له خوا د ټرمپ لپاره وړاندې شوې مسودې سره سمون نه لري.

د اسټرالیا یوازینی عسکر چې افغانستان کې د جګړې پر مهال د جنګي جرمونو په تور تورن شوی، د جمعې په ورځ محکمې ته حاضر شو او د بې‌ګناهۍ ادعا یې وکړه. خو څارنوالان وایي چې د ده اصلي محاکمه به لږ تر لږه تر ۲۰۲۷ کاله پورې نه ترسره کېږي.

د ایران د برېښنا د تولید، لېږد او وېش شرکت (توانیر) عمومي رییس وویل چې افغانستان او پاکستان ته د برېښنا صادرات د کورنیو اړتیاوو له کمېدو وروسته بېرته پيل شوي دي.

د پاکستان د کابینې د اقتصادي همغږۍ کمېټې د پنجشنبې په ورځ یوه نوې مسوده منظوره کړه، چې له مخې به یې افغانستان، ایران او روسیې سره د مال پر مال سوداګرۍ تګلاره بدله او اصلاح شي.

د ملګرو ملتونو د کډوالو اداره وايي، چې د افغانستان په ختیځ کې له زلزلې څو اونۍ وروسته زلزله ځپلي لاهم له جدي ننګونو سره مخ دي او کورنۍ لا ډېرو مرستو ته اړتیا لري. دغه بنسټ خبرداری ورکړی، چې د ژمي په رارسېدو سره یوازې خیمې خلک له سختې یخنۍ څخه نه‌شي ساتلی.

په کابل کې د سعودي عربستان سفارت ویلي، چې د افغانستان په ختیځ کې له زلزله ځپلو سره د مرستو د وېش پروژه پیل شوه. دغه سفارت د یوې خبرپاڼې په خپرولو سره ویلي، چې د دغه مرستو په لړ کې به زلزله ځپلو ته شاوخوا ۲زره لنډمهاله سرپناوې ووېشل شي.

د سي‌بي‌اېس خبري شبکې راپور ورکړی، چې د امریکا عدلیې وزارت د ویرجینیا د ختیځې ولسوالۍ لپاره دوه لوړپوړي څارنوالان له دندې ګوښه کړي دي. په راپور کې راغلي، چې د کابل هوايي ډګر د برید پلانوونکي شریف الله قضیې څارنوال مایکل بېن اري تېره اوونۍ له دندې ګوښه شوی دی.