آرشیف

د امریکا د وېرجنیا ایالت د مرسر په ښوونځي کې د محمد خطیبي په نوم پر زده‌کړو بوخت یوه تنکي افغان زلمي د متحده ایالتونو د ولسمشرۍ ماڼۍ له‌خوا د «ښوونیزې بریا» غوره جایزه ګټلې ده.

د پاکستان لومړی وزیر شهباز شریف نن پنجشنبه (د غبرګولي ۲۲مه) په یوه رسمي سفر متحده عربي اماراتو ته ځي، چې د دغه هېواد له مشرانو څخه د هند سره د وروستۍ شخړې پرمهال د پاکستان له دریځ څخه د ملاتړ لپاره مننه وکړي.

د پاکستان اېکسپرېس ټربیون ورځپانې ویلي، چې د طالبانو یو شمېر غړو له لوري په دې وروستیو کې د خپلې شل کلنې جګړې اړوند خاطراتو په تړاو کتابونه لیکل شوي؛ خو په خپلو ځانمرګو او وسله‌والو بریدونو کې یې د وژل شویو ملکي وګړو په تړاو کتابونو کې هېڅ یادونه نه ده کړې.

د طالبانو تر واک لاندې ملي راډیو د دغې ډلې د امر بالمعروف، نهې عن المنکر او شکایتونو اورېدو وزارت ویاند سیف‌الاسلام خیبر په حواله لیکلي، چې په اختر کې د مېلو او تفریح پر مهال یې په یوشمېر ولایتونو کې د «منکراتو» مخنیوي لپاره ځینې کسان نیولي دي.

اېراف خبري اژانس د ایران د تېلو وزیر محسن پاک‌نژاد له قوله لیکلي، چې طالبانو د دوی د تېلو پر صادراتو یو شمېر بندیزونه لګولي دي. دغه ایراني چارواکي زیاته کړې، چې اوس‌مهال افغانستان ته د تېلو هېڅ ډول صادرات نه لري.

سیمه‌ییز روغتیایي چارواکي وایي، د غزې په مرکز کې د اسراییل د ډزو او هوايي بریدونو له امله د چهارشنبې په ورځ لږ تر لږه ۶۰ فلسطینیان وژل شوي او لسګونه نور ټپیان دي.

د امریکا د بهرنیو چارو وزارت له خپلو وګړو غوښتي، چې عراق ته د امنیتي ګواښونو له امله سفر و نه کړي. د دې خبرداري لامل په عراق کې ترهګري، تښتونې، وسله والې نښتې، مدني ګډوډي او د بېړنیو خدمتونو لپاره د امریکا د دولت محدود توان بلل شوی دی.

جروزالم پوسټ ورځپاڼې د یوې باوري سرچینې په حواله خبر ورکړی، چې ښایي د ایران او امریکا ترمنځ د مذاکراتو شپږم پړاو ترسره نه شي. د سرچینې په خبره، د دې خبرو نه ترسره کېدل «په بشپړه توګه جدي احتمال» لري.

د امریکا د مرکزي قومندانۍ (سنټکام) قومندان جنرال مایکل اریک کوریلا د منځني ختیځ د تاوتریخوالي له زیاتوالي وروسته هغه راپور وځنډاوه، چې ټاکل شوې وه د امریکا د سنا د وسله‌والو ځواکونو کمېټې ته یې وړاندې کړي.

د ایران د بهرنیو چارو وزیر عباس عراقچي او د ناروې د بهرنیو چارو وزیر اسپن بارت ایدي د اوسلو د ۲۲م نړۍوال کنفرانس په څنډه کې د افغانستان د تحولاتو په غږېدلي دي.

د اسلام اباد او کابل ترمنځ سوداګري د دروازو د تړل کېدو او د پاليسیو د بې ثباتۍ له امله ۱ میلیارد ډالرو ته راټيټه شوې ده. پاکستاني رسنیو یې لامل د فبروري په میاشت کې د دواړو هېوادونو ترمنځ تاوتريخوالی او د تورخم لارې بندېدل یاد کړي.

رويټرز د چهارشنبې په ورځ راپور ورکړی، چې امریکا هڅه کوي ځيني هېوادونه د اسراييل او فلسطين د مسلې لپاره د دوو دولتونو د حل لارې د ارزونې په موخه د ملګرو ملتونو په غونډه کې له ګډون څخه منع کړي.

پاکستاني پولیسو د خېبرپښتونخوا په مانسهره کې د یوه دونیم کلن ماشوم د تښتونې په تور د دوو انسان‌تښتوونکو د وژل‌کېدو خبر ورکړی دی. پاکستاني پولیسو ادعا کړې چې دا دوه کسان افغانان وو.

د امریکا د دفاع وزیر پېټ هېګسټ د دغه هېوادپه مشرانو جرګه کې د یوې رسمي غونډې پرمهال د افغانستان په جګړه کې د ناټو غړو هېوادونو پر رول نیوکه کړې او وايي، چې د دې جګړې ډېر بار د امریکايي ځواکونو پر غاړه و.

د انصاف خبرې اژانس د راپور له مخې، د يوې افغانې کډوالې نجلۍ کبرا رضايي د جسد پاتې شونې د تهران په پاکدشت ولسوالۍ کې د یوه ۳۲ کلن ایراني وګړي په کور کې وموندل شول. په راپور کې ویل شوي، چې تورن کس د یادې نجلۍ جسد ټوټه ټوکه کړی او د تېزابو په ذریعه یې له منځه وړی.

انفومایګرنټس وېب‌پاڼه وايي، دا مهال په فرانسه کې تر ۱۰۰ زرو ډېر افغانان ژوند کوي چې ډېره برخه یې د زده‌کړې ټيټې کچې لرونکي نارینه دي. په دې هېواد کې ډېری افغانان د فرانسوي ژبې د زده‌کړې او د کارموندنې برخه کې له ستونزو سره مخ دي، خو د دې ننګونو تر څنګ، د بریالیتوب بېلګې هم لري.

د ایران د خیریه سازمان د ټولنيزې روغتيا مرستیال حسن موسوي د کارګرو ماشومانو شمېر ته په اشارې وايي:« تېر کال ۱۲زره او ۶۶۳ کارګرو ماشومانو د دوی له خدماتو ګټه اخیستې، خو د ټول هېواد شمېرې ښيي چې د ایراني کارګرو ماشومان شمېر د بهرنیو ماشومانو په پرتله ډېر دی.»

د اسراییل لومړي وزیر بنیامین نتنیاهو یو ځل بیا ایران د دغه هېواد پر وړاندې د «ترهګریزو بریدونو» مستقیم مسوول وباله او ټینګار یې وکړ، چې اسراییل د تهران د «شر محور» ګڼل شویو برخو لویه برخه له منځه وړې ده، خو د خپل امنیت د تضمین لپاره به اوسني ګواښونه تر څارنې لاندې وساتي.

د ایران «ای‌اېف‌پي نیوز» وېب‌پاڼه د دغه هېواد د حکومتي ویاندې فاطمه مهاجراني په حواله وايي، د هلمند سیند د اوبو یوه برخه چې د ایران حق دی، اوس دغه هېواد ته بهېږي او د یاد بهیر د دوام لپاره ډېپلوماټیکې هڅې روانې دي.

سرچينو افغانستان انټرنشنل ـ پښتو ته ویلي، چې د کندهار په دویمه عينو مېنه کې د بلوڅانو هديرې ته څېرمه د طالبانو پر يوې امنیتي پوستې چاودنه شوې. که څه هم د چاودنې نوعیت او د تلفاتو اړوند معلومات نه شته؛ خو ځايي خلک وايي، چې چاودنه ډېره زوروره وه او غږ يې د ښار تر ډېرو سيمو رسېدلی.

د اناډولو خبري اژانس د راپور پر بنسټ، د ترکیې ولسمشر رجب طیب اردوغان له اندونیزیا سره د ۴۸ «کآان» جنګي الوتکو د تولید او پلور تړون لاسلیک کړی دی.