د افغانستان له خبریالانو د ملاتړ سازمان په ډلییزه توګه د ملي راډیو ټلوېزیون د کابو ۳۰۰ کارکوونکو ګوښه کول د اندېښنې وړ بولي او وایي، د طالبانو له خوا دا اقدام د رسنیو د ازادۍ ځپلو او له ټولنیزو ډګرونو په ځانګړي ډول له رسنیو د مېرمنو د سېستماتیک لهمنځه وړلو پر لور یو بل ګام دی.
د امریکا د بهرنیو چارو وزیر مارکو روبیو د چارشنبې په ورځ د استازو جرګې د بهرنیو اړیکو کمیټې ته په تور نوملړ کې د طالبانو د شاملولو په تړاو وویل، چې واشنګټن له طالبانو نه د القاعدې او نورو ډلو پرضد لا ډېره همکاري غواړي.
د جرمني پولیسو د انساني قاچاق پر یوې شکمنې شبکې عملیات کړي، چې ګومان کېږي د چین شتمن وګړي یې د جعلي اسنادو له لارې جرمني ته بېولي دي.
د امریکا د بهرنیو چارو وزیرمارکو روبیو وايي، چې د ترهګرو سازمانونو په نوملړ کې د طالبانو شمولیت تر کتنې لاندې دي.
د طالبانو مشر ملا هبت الله اخوندزاده په کندهار کې د ښاروالانو لپاره په جوړ شوي سمینار کې ګډون کړی او ښاروالانو ته یی سپارښتنه کړې، چې په شرعي طریقه سره د خلکو د حقونو ساتنه او خدمت وکړي.
د برېتانیا ستره محکمه د ۲۰۲۵ کال د می له ۲۱مې تر ۲۳مې پورې، د هغو افغان ځانګړو ځواکونو د قضیې واوري، چې د "ټریپلز" په نوم پېژندل کېږي او غوښتنلیکونه یې رد شوي.
د افغانستان د پخواني جمهوري نظام مرستیال ولسمشر امرالله صالح وایي، زلمی خلیلزاد او د هغه مېرمن کولی شي له خطر پرته د طالبانو تر واک لاندې افغانستان ته سفر او تفریح وکړي، ځکه طالبان یې پوروړي دي او د سفر ټول لګښتونه به هم د ملا هبتالله له خوا ورکړل شي.
د طالبانو مشر ملا هبت الله اخوندزاده د دغې ډلې د کورنیو چارو وزیر سراج الدین حقاني سره له مشورې پرته د ۳۸ ولسوالیو امنیه قوماندانانو کې ادلون بدلون راوستی دی.
د ازبکستان د ستراتیژیکو مطالعاتو انسټیټوټ مشر ویلي، چې تېر کال د منځنۍ او سویلي اسیا ترمنځ د څه باندې ۵ میلیارده ډالرو په ارزښت راکړه ورکړه شوې، خو د ټرانس افغان پروژې په پلې کېدو سره به سوداګریزه راکړه ورکړه نوره هم پراخه شي.
د خوړو د بحران نړیوالې شبکې په خپل تازه راپور کې ویلي، چې افغانستان له هغو ۹هېوادونو څخه دی چې له یو میلیون ډېر خلک پکې له سختې یا بیړنۍ لوږې سره مخامخ دي. دا نړیواله اداره خبرداری ورکوي چې شاوخوا ۳،۶میلیونه افغانان له سختې لوږې کړېږي.
د چک ولسمشر پیټر پاول د چارشنبې په ورځ د دغه هیواد د ځانګړو ځواکونو څلور هغه غړي وبښل، چې د یوه نیول شوي افغان سرتېري د مړینې په تړاو له محاکمې سره مخ وو.
باوري سرچینو افغانستان انټرنشنل ته ویلي چې د افغانستان پخوانی ولسمشر حامد کرزی دا مهال د سترګو د درملنې په موخه په جرمني کې دی. نوموړی درې ورځې کېږي چې د برلین ښار په شریته روغتون کې تر درملنې لاندې دی.
د طالبانو د عامې روغتیا وزیر نور جلال جلالي وایي، د ګوزڼ او نورو ساري ناروغیو مخنیوی د دغه وزارت له مهمو لومړیتوبونو څخه دی او په دې برخه کې به لا زیات اقدامات تر سره شي.
د ډله ییز امنیت تړون سازمان (CSTO) سرمنشي ایمانګلي تسماګمبیتوف اعلان وکړ، چې د افغان-تاجک پولې د امنیت خوندیتابه لپاره وسلې او پوځي تجهیزات لېږدوي. هغه ویلي، چې د طالبانو رژیم د اوږدمهاله سیاسي فکتور په توګه ثابتېږي.
د پاکستان لومړی وزیر شهباز شریف وايي، له هند سره د رسمي خبرو پرمهال به د کشمیر، اوبو، تجارت او ترهګرۍ څلور مهم موضوعات د پاکستان له لوري مطرح شي. هغه وايي، چې هند په جګړه کې اسراییلۍ وسلې کارولې دي.
د ایران د پارلمان یا اسلامي شورا استازو په یوه رسمي اعلامیه کې ویلي، چې امریکا په افغانستان کې نږدې یو میلیون کسان وژلي او میلیونونه نور یې ټپیان او بېځایه کړي دي.
د پاکستان امنیتي سرچینو ویلي، د شمالي وزیرستان له میرعلې سیمې څخه د نشهيي توکو ضد ادارې (اینټي نارکوټکس فورس) مسوول محمد حنیف د دندې پر مهال نامعلومو وسلهوالو کسانو تښتولی دی.
انډیا ټوډي رپوټ ورکړی، چې چین په پاکستان کې د مومند بند او هند په کابل کې د شاه توت بند پروژو کارونه ګړندي کړي دي. دغې رسنۍ د سپوږمکۍ له لارې د اخیستل شويو انځورونو په خپرولو سره ویلي، چې د پاکستان پر سوات سیند د مومند بند جوړولو کار چټک شوی دی.
د امریکا متحده ایالات به د ولسمشر ډونالډ ټرمپ نږدې ملګری او ترکیه کې د امریکا اوسنی سفیر توماس باراک د سوریې لپاره ځانګړی استازی وټاکي.
د طالبانو ستره محکمه وایي، په خوست ولایت کې یې د دوو ښځو په ګډون شپږ کسان د «زنا او لواطت» په تور محکوم او په دُرو وهلي.
د امریکا د سنا غړی لېنډسي ګراهم خبرداری ورکړی او وايي، چې که د اوکراین د جګړې د پای ته رسولو لپاره پرمختګ ونه شي، پایله به یې له افغانستان څخه هم بدتره وي.