آرشیف

په زابل کې د پښتو ادب د مشهور کتاب پټې خزانې د لیکوال محمد هوتک د قبر د ساتنې او بیارغونې لومړنۍ چارې د یوه افغان لیکوال په مالي مرسته پیل شوې دي او تمه ده تر یوې میاشتې بشپړې شي.

د افغانستان په علومو اکاډمۍ کې د څېړونکي او لیکوال حبیب‌الله رفیع د نمانځغونډې یو شمېر ګډونوالو افغانستان انټرنشنل ـ پښتو ته په خپلو روایتونو کې ویلي چې د طالبانو د امر بالمعروف او نهی عن المنکر وزارت محتسبانو د غونډې پر ځای چاپه وهلې او څو ښځینه خبریالانې یې له ځان سره بیولې دي.

د طالبانو د بهرنیو چارو وزیر امیرخان متقي، چې د جولای پر ۱۵مه د یوه رسمي پلاوي په مشرۍ د قطر د پخواني امیر د مړینې په مناسبت د طالبانو د مشرتابه د خواخوږۍ پیغام رسولو او فاتحې په موخه دوحې ته تللی، له اتو ورځو تېرېدو وروسته، لاهم کابل ته بېرته نه دی ستون شوی.

د طالبانو د ریاست الوزرا اقتصادي مرستیال عبدالغني برادر په مشرۍ د ملي تدارکاتو کمېسیون غونډه کې پر ۳۴ پروژو بحث شوی او له دې ډلې د ۱،۳ میلیارده افغانیو په ارزښت ۱۳ پروژې منظورې شوې دي.

د جرمني د کورنیو چارو فدرالي وزارت افغانستان انټرنشنل ته ویلي چې د ۲۰۲۶ کال د اګست له لومړۍ نېټې وروسته تمدید کېدونکي افغان پاسپورټونه به، په جرمني کې اعتبار ونه لري.

په کندهار کې د امربالمعروف له محتسبانو څخه تر شکایتونو وروسته د دغه ولایت د یو شمېر مدرسو استادانو او مشهورو مفتیانو په دودیز ډول په جوماتونو کې د تبلیغ کمپیان پیل کړی دی. یاد دیني عالمان وايي، غواړي «له زور پرته خلک له منکراتو منع کړي».

د ملګرو ملتونو د بشري مرستو د همغږۍ دفتر (اوچا) ویلي چې د طالبانو لاسوهنې او محدودیتونو د روان کال په جون میاشت کې د بشري مرستو پر فعالیتونو اغیز کړی او د تېرې میاشتې په پرتله ۵۰ سلنه زیات شوي دي.

د پاکستان مرستیال لومړي وزیر او د بهرنیو چارو وزیر اسحاق ډار د اسیايي هېوادونو د سیمه‌ییز فورم په غونډه کې د افغانستان په اړه وویل چې «له افغان خاورې د فعالیت کوونکو وسله والو ډلو ګواښ» لا هم د سیمې لپاره جدي امنیتي ستونزه ده.

د پاکستان د بهرنیو چار وزارت یوځل بیا ویلي، چې په افغانستان کې د طالبانو تر واک لاندې سیمو کې ځینې وسله والې ډلې خوندي ځایونه لري او له هغه ځایه د پاکستان پر ضد بریدونه تنظیموي. یاد وزارت پر افغانستان د پاکستان د بریدونو په تړاو د بښنې نړیوال سازمان نیوکې رد کړې دي.

د جرمني فدرالي حکومت افغانستان ته د اخراج قانوني خنډونه په پراخه کچه کم کړي او له دې وروسته هغه افغانان هم اخراج کېدای شي، چې جرمي مخینه نه لري، خو له جرمني نه په وتلو مکلف ګڼل شوي دي.

د کندهار د وچې مېوې سوداګر وایي، د ټرانزیټي لارو بندېدو له امله یې صادرات ټکني شوي او د انځرو، ځیرې، ریحان او د انارو دانو ډېره برخه په ګودامونو کې خرابه شوې ده. د سوداګرۍ خونه د لارو بندښت او د منځني ختیځ کړکېچ د ستونزې اصلي لاملونه بولي.

د طالبانو تر کنټرول لاندې د هواپوهنې ادارې خبر ورکړی، چې سبا (د زمري ۲مه) په ۱۷ ولایتونو کې د شړکنده باران، تالندې برېښنا، تېزو سېلیو او سېلابونو راوتو اټکل شوی دی.

د پاکستان د بلوچستان ایالت د مستونګ ولسوالۍ د محکمې قاضي او د هغه یو ساتونکی د ناپېژاندو وسله‌والو په ډزو وژل شوي او یو بل قاضي ټپي شوی دی. د ځایي چارواکو په وینا؛ پېښه د پنجشنبې په سهار د کوټې ـ کراچۍ پر لویه لاره د مستونګ ولسوالۍ د سنګر سیمې ولي خان رېل پټلۍ ته نږدې شوې ده.

په نیمروز کې د طالبانو د امینې قوماندانۍ ویاند ګل محمد قدرت ویلي، چې په دغه ولایت کې یې په تېره یوه میاشت کې د انساني قاچاق پر وړاندې عملیاتو کې ۹۴۰ کسان نیولي دي. نوموړي زیاته کړې، نیول شویو کسانو غوښتل په قاچاقي توګه نورو هېوادونو ته ولاړ شي.

د ایران د کرمان د سوداګرۍ خونې مشر ویلي: «موږ هوډ لرو چې د ایران او افغانستان د اقتصادي ګټو ترمنځ یو پُل جوړ کړو». مهدي طبیب‌زاده ټینګار وکړ، چې کرمان د خپل ځانګړي جغرافیایي موقعیت له امله کولای شي د دواړه هېوادونو د سوداګرۍ له مهمو مرکزونو څخه یو شي.

د طالبانو عدلیې وزارت خبر ورکړی، چې د تېرې یوې میاشتې په ترڅ کې یې په کابل ښار کې د معاملاتو لارښوونې اته دفترونه د قانوني سرغړونو او ناقانونه فعالیتونو له امله تړلي دي.

د بې‌ځایه شویو نړۍوال سازمان په نورستان ولایت کې د وروستیو ویجاړوونکو سېلابونو له امله د ملګرو ملتونو او د سیمې له هېوادونو غوښتي، چې د سېلاب‌ ځپلو او بې‌ځایه شویو کورنیو د ژغورنې لپاره بېړنۍ او همغږې مرستې پیل کړي.

د کډوالۍ نړۍوال سازمان وايي، چې په نورستان ولایت کې سېلابونو کورونو او حیاتي زېربناوو ته پراخ زیانونه اړولي دي. دغه سازمان وايي، یوشمېر سېلاب ځپلې کورنۍ د سرپناه، د څښاک اوبو او خوراکي توکو له کمښت سره مخ دي.

د ماشومانو او ښځو د حقونو لپاره د پاکستان د ساحل ادارې افغانستان انټرنشنل پښتو ته په لېږلي تازه راپور کې ویلي، چې د ۲۰۲۶کال د لومړیو شپږو میاشتو پرمهال په دغه هېواد کې د جنسیت پربنسټ د تاوتریخوالي ۳زره او ۱۷۲ پېښې ثبت شوې دي.

د ایران د پوځ ویاند امیرمحمد اکرمي‌نیا وویل، چې وسله‌وال ځواکونه له امریکا سره د شخړې «نوي پړاو» ته داخل شوي او که د ایران پر سویلي زېربناوو د امریکا بریدونه دوام ومومي؛ نو ایران به د جګړې د مخنیوي لپاره «نوې ستراتیژۍ او سناریوګانې» پلي کړي.

د افغانستان د پخواني جمهوري نظام د چارو ادارې مشر فضل محمود فضلي په کابل کې د روږدو کسانو د درملني پر مرکز د پاکستان د برید په اړه د بښنې نړۍوال سامازمان له څېړنې هرکلی کړی. نوموړي زیاته کړې: «ښایي پاکستاني چارواکي او رسنۍ دغه راپور رد کړي؛ خو په انکار سره تاریخ نه شي بدلېدای».