یو شمېر ځايي سرچینو افغانستان انټرنشنل – پښتو ته ویلي چې د ننګرهار کانال اړوند هډې زیتونو فارم ونې د وچېدو له ګواښ سره مخ دي. سرچینې وایي، د طالبانو تر ادارې لاندې د ننګرهار کانال ریاست د زیتونو فارمونو ته اوبه نه ورکوي او بوټې مخ په وچېدو روان دي.
د امریکا مرکزي قوماندانۍ (سېنټکام) ویلي چې د ایران پر وړاندې د روانې سمندري محاصرې د پلي کولو په لړ کې یې د نهو سوداګریزو بېړیو د تګ مسیر بدل کړی او یوه بله بېړۍ یې له فعالیته ایستلې ده.
د امریکا ولسمشر ډونالډ ټرمپ غوښتي چې د فوټبال د نړیوال فدراسیون مشر جیاني اینفانتینو د ملګرو ملتونو د راتلونکي سرمنشي په توګه وټاکل شي.
د طالبانو د مخالفې وسلهوالې ډلې«سپاهي میهن» قوماندان قیوم ملنګ، د بدخشان ولایت یفتل پایین ولسوالۍ له برید پنځه ورځې وروسته، د لومړي ځل لپاره یو غږیز پیغام خپور کړی او ویلي یې دي چې دی او د ده ټول ملګري روغ دي او د طالبانو هغه ادعاوې ردوي چې ګواکې د دغې جبهې یو شمېر غړي یې نیولي.
د افغانستان لپاره د ملګرو ملتونو ځانګړی راپور ورکوونکی ریچارډ بېنېټ وايي، په کابل کې د روږدو کسانو د درملنې پر یوه مرکز د پاکستان د هوايي برید په اړه د بښنې نړیوال سازمان څېړنه مهمه ده او باید ډېره جدي وګڼل شي.
شات یوازې یو طبیعي خوږ خوراک نه، بلکې د علمي څېړنو له مخې د انټياکسیدنټونو، ویټامینونو او ګټورو مرکباتو بډایه سرچینه هم ده. څېړنې ښيي چې شات د ټوخي په کمولو، د زخمونو په رغېدو، د هاضمې په ښه کېدو او د بدن د دفاعي سیستم په پیاوړتیا کې مرسته کولای شي، خو باید په اندازه وکارول شي.
د طالبانو د لوړو زده کړو وزارت په یوه رسمي مکتوب کې ټولو دیني، دولتي او خصوصي پوهنتونونو او تدریسي روغتونونو ته امر کړی چې له خپلو کارکوونکو او محصلینو څخه د «ایمان مجمل» او «ایمان مفصل» په اړه شفاهي ازموینې واخلي او د نه همکارۍ په صورت کې یې د اداري اقداماتو خبرداری ورکړی.
د طالبانو د اوبو او انرژۍ وزارت خبرداری ورکړی چې د زمري له ۱ تر ۳مې د هېواد په یو شمېر سیندیزو حوزو کې د سختو بارانونو او د واورو د وېلې کېدو له امله د سیندونو د اوبو د کچې لوړېدو او سېلابونو د راوتلو اټکل شوی. یاد وزارت له خلکو غوښتي د سیندونو غاړو ته له تګ راتګ ډډه وکړي.
یوه لبناني چارواکي رویټرز ته ویلي چې د ایټالیا په کوربهتوب او د امریکا په منځګړیتوب به له اسراییل سره د خبرو بل پړاو د اګسټ په څلورمه په روم کې ترسره کړي.
د روسیې د بهرنیو چارو وزیر سرګي لاوروف د فلیپین په مانیلا کې د اسیان غونډې په څنډه کې د پاکستان د بهرنیو چارو وزیر محمد اسحاق ډار سره کتلي. دواړو لوریو د دوه اړخیزو اړیکو، سیمه ییزو او نړیوالو تحولاتو او د شانګهای د همکارۍ سازمان په چوکاټ کې د همکاریو په اړه خبرې کړې دي.
د طالبانو د لوړو زده کړو وزیر ندا محمد ندیم ویلي چې په افغانستان کې د ټولو پرمختګونو اساس د دغې ډلې اوسنی «شرعي نظام او سیاست» دی. نوموړي دا څرګندونې پکتیا ته د خپل سفر پر مهال د دغه ولایت د پوهنې ریاست له لوري د ښوونکو لپاره په یوه ورځني سمینار کې کړي.
هسپانیې او فرانسې ویلي، د سختې ګرمۍ له امله د ځنګلي اورونو د لا پراخېدو خطر لا هم ډېر لوړ دی. که څه هم د هسپانیې د ګوادالاخارا لوی اور تر یوه بریده مهار شوی خو سږ کال په اروپا کې د تېرو شلو کلونو د کلني اوسط په پرتله ډېره ځمکه د اورونو له امله سوځېدلې ده.
د پاکستان پوځ وايي، په بلوچستان ایالت کې یې د تېرو ۴۸ ساعتونو په ترڅ کې د څو امنیتي عملیاتو پر مهال ۱۰ وسلهوال وژلي او دوه ښځینه ځانمرګي بریدګرې یې له یوه همکار سره نیولې دي.
سيبياېس نيوز د بېړۍ چلونې صنعت د يوې باخبره سرچينې له قوله راپور ورکړی چې دا مهال د هرمز له تنګي هېڅ لويه نړيواله سوداګريزه بېړۍ نه تېرېږي.
د جمهوري نظام پرمهال د چارو ادارې رییس محمود فضلي د نورستان ویجاړوونکو سېلابونو دزیانمنو سره د خواخوږی تر څنګ ویلي دا ولایت یوازي د وروستیو سیلابونو نه بلکې دکلونو راهیسې د بېوزلۍ، د روغتیايي خدمتونو د کمښت او محرومیت قرباني دی.
په بدخشان کې ځايي سرچینو افغانستان انټرنشنل ته ویلي چې طالبانو د شکي او نُسي ولسوالیو کې د یادې ډلې له ناراضي قوماندان سره د تړاو لرونکو وسلهوالو غوښتي چې ژر تر ژره خپلې وسلې وسپاري. جمعه خان فاتح له څو اوونیو کړکېچ او اختلاف وروسته کابل ته غوښتل شوی دی.
د کابل د کلکان ولسوالۍ د سیداباد کلي یو اوسېدونکي افغانستان انټرنشنل ته په رالېږلي پیغام کې ادعا کړې چې د دوی په سیمه کې د زړو ټایرونو د پروسس او سوځولو یوې فابریکې د دوامدار لوګي او تور کاربن د خپرېدو له امله د خلکو باغونه، کرنیزې ځمکې او اقتصادي ژوند له جدي ستونزو سره مخ کړی.
په سمنګان کې طالب چارواکو ویلي، د دغه ولایت د دره صوف پایین په ولسوالۍ کې د یوه نامعلوم داړونکي ځناور د برید له امله د ښځو او ماشومانو په ګډون له ۱۹ څخه زیات کسان ټپیان شوي دي. د طالبانو په وینا، یاد ځناور له نیول کېدو وروسته وژل شوی دی.
د افغانستان کرېکټ بورډ ویلي چې د حشمت الله شهیدي له استعفا وروسته یې رحمت شاه د یو ورځنیو او ټېسټ لوبو د لوبډلمشر او رحمن الله ګربز یې د مرستیال لوبډلمشر په توګه ټاکلي دي.
د طالبانو د کانونو وزرات وایي، د هرات په برخه کې د ټاپي پروژې رغنیزې چارې په چټکۍ سره روانې د او تر دې مهاله ۱۲۷ کیلومتره مسیر چمتو، ۱۰۶ کیلومتره نللیکه غځول شوې او ۳۶ کیلومتره تر ځمکې لاندې خښه شوې ده.
د ایران د کورنیو چارو وزیر اسکندر مومني ویلي، د ایران او پاکستان ترمنځ د اورګاډي شبکو نښلول به د سیمې په کچه ستراتیژیک بدلون رامنځته کړي او د سوداګرۍ، ترانزیټ او سیمهییز اتصال د پراختیا لپاره به مهم فرصتونه برابر کړي.