د پاکستان د فدرالي پلټنو ادارې (ایف ای اې) ویلي چې په کراچۍ ښار کې یې څلور کسان، چې د دغه هېواد د ملي پېژندنې او احوال ثبت ادارې (نادرا) دوه لوړپوړي کارکوونکي هم پکې شامل دي، افغان وګړو ته د جعلي هویتي اسنادو د صادرولو په تور نیولي دي.
د طالبانو د سترې محکمې ريیس عبدالحکیم حقاني چې څه باندې یو کال مخکې یې د جرمونو د نړۍوالې محکمې له لوري د بشریت ضد جنایتونو په تړاو د نیولو حکم صادر شوی له «ظلم» څخه د «ظالم» د ویرې لامل د محاکمو موجودیت ګڼي. هغه همداراز خبرداری ورکړی، چې «ظالمان» باید پرېنښودل شي.
ملاله بنسټ وایي، افغانستان کې «جنسیتي اپارتاید» د بشریت ضد جرم په توګه د پېژندلو لپاره نړیوال ملاتړ پراخ شوی او اوس ۱۴هېوادونه د دې طرحې ملاتړ کوي؛ هغه پرمختګ چې د بنسټ په وینا، دا موضوع به په رسمي ډول د ۲۰۲۸کال د نړیوالو مذاکراتو په اجنډا کې شامله کړي.
د طالبانو تر ادارې لاندې چارواکي وايي، په افغانستان کې د اوبلن ګاز او نفتي توکو د بیو لوړېدل تر ډېره د سیمهییزو او نړیوالو عواملو، په ځانګړي ډول د ایران د جګړې، اغېز دی.
د امریکا د استازو جرګې د چهارشنبې په ورځ د جمهوري غوښتونکو په اکثریت رایو سره د ۹۵میلیارد ډالرو بودیجې یوه طرحه تصویب کړه چې موخه یې د ایران پر ضد د جګړې لګښتونو او د ولسمشر ډونالډ ټرمپ د حکومت د نورو لومړیتوبونو تمویل بلل شوی دی.
د افغانستان د پخوانۍ ولسي جرګې غړې فوزيه کوفي د طالبانو له خوا د بېګناه افغانانو خپلسرې نیونې په کلکه غندلي او دا یې د هغو غږونو د خاموشولو هڅه بللې چې له هېواده بهر د عدالت غوښتنه کوي.
د پښتون ژغورنې غورځنګ مشر منظور احمد پشتین وایي چې د دې غورځنګ یو سپینږیری مشر حاجي عبدالصمد د سیند ایالت په دادو زندان کې له سختې ناروغۍ سره مخ دی او پاکستاني چارواکو پر هغه طبي بندیزونه لګولي دي.
ځايي سرچینو افغانستان انټرنشنل – پښتو ته ویلي چې د هرات ولایت د اوبې ولسوالۍ یو پخوانی جهادي قوماندان «ارباب جمعهګل ساغري» د ناپېژاندو وسلهوالو په ډزو وژل شوی دی.
په مسکو کې د طالبانو سفیر گل حسن حسن په روسیه کې د بنگلهدېش له سفیر محمد نظرالاسلام سره په کتنه کې هیله څرګنده کړه، چې د بنگلهدېش خصوصي سکټور په افغانستان کې پانګونې ته وهڅول شي. طالب سفیر د دواړو هېوادونو ترمنځ د ګډو همکاریو د پراخېدو پر اړتیا هم ټینګار کړی دی.
رویټرز خپر اژانس راپور ورکړی چې د پیرو په پلازمېنه لیما کې د یو کور دننه د اور لګېدنې له امله د یوې کورنۍ د پنځو ماشومانو په ګډون ۱۰ کسان مړه شوي دي. دغه پېښه د چهارشنبې په ورځ د لیما په «لا ویکتوریا» سیمه کې رامنځته شوې ده.
د کابل یو اوسېدونکی قاهر کمال وایي چې په پلازمېنه کابل کې په رڼا ورځ وسلهوالو غلو پرې برید کړی، د نوموړي ټول توکي یې ترې اخیستي او تندی یې په بېرحمۍ سره ورڅیرلی. نوموړي پر خپله فېسبوک پاڼه لیکلي چې په دغه برید کې له سختې بېوسۍ سره مخ شوی و او غلو پرې هېڅ رحم ونه کړ.
د خوست یو شمېر اوسېدونکي او ځايي طالب مسوولین وايي، د غلامخان بندر او خوست ښار تر منځ د ستر ترانزیټي «شمل» پله د تېرې شپې بارانونو او سېلابونو له امله یوه برخه نړېدلې ده. ځايي اوسېدونکي خبرداری ورکوي، که ژر ونهرغول شي، نو په راتلونکو سېلابونو کې به په بشپړ ډول لهمنځه لاړ شي.
د افغانستان د تېر جمهوري حکومت د سیاسي او قونسلي استازولیو د همغږۍ شورا د ملګرو ملتونو د سرمنشي د نوې ځانګړې استازې او د یوناما د مشرې په توګه د رباب فاطمه د ټاکل کېدو تود هرکلی کړی. اعلامیه کې راغلي چې افغانان لا هم د ملګرو ملتونو د عادلانه، اصولي او مسوولانه ملاتړ په تمه دي.
د سپاه پاسداران د هوافضايي ځواکونو قوماندان مجید موسوي د چهارشنبې په ورځ (د چنګاښ ۳۱مه) په یوه پیغام کې ویلي، که د ایران پر پلونو او د برېښنا پر تاسیساتو «تېری» وشي، د امریکا د متحدینو او د هغو هېوادونو د برېښنا قطع کېدل چې د امریکایي ځواکونو کوربانه دي، حتمي دي.
کابل کې د باوري سرچینو د معلوماتو له مخې، شاوخوا پنځه ورځې وړاندې طالب ځواکونو د زرقا یفتلي په مشرۍ «د ښځو او ماشومانو د حقونو د څېړنیزې ادارې» پر دفتر چاپه وهلې چې د ادارې ټول کاري وسایل، اسناد او تجهیزات یې ضبط کړي او شپږ کارکوونکي هم نیولي دي.
د امریکا ولسمشر په ټروت سوشل خواله رسنۍ کې د یوه مطلب په بیا خپرولو سره د امريکايي ځواکونو له وژل کېدو وروسته یې سېنټکام ته امر کړی: «د دوزخ دروازې پرانیزئ او د اسلامي جمهوریت پر ضد بریدونه پیل کړئ».
د کندز ولایت د امامصاحب ولسوالۍ یو شمېر اوسېدونکو افغانستان انټرنشنل - پښتو ته په رالېږلي پیغام کې ادعا کړې چې د ښاروالۍ ځینې چارواکي د فساد ترڅنګ د صابون پلورونکو، کراچیوانانو او دوکاندارانو د کار مخه نیسي او په قراردادونو کې له یوه محدود شمېر کسانو سره همکاري کوي.
په هرات کې د طالبانو رسنیز دفتر اعلان کړی، چې په دغه ولایت کې د ټاپي ګازو د وېش شبکې لپاره د ۴۲۰ میلیونه ډالرو په ارزښت د پانګونې خبرې اترې په جدي توګه روانې دي. د خبرپاڼې له مخې، تمه ده چې په نږدې راتلونکې کې د دې سترې شبکې د جوړولو وروستي پړاوونه په بشپړ ډول نهایي او لاسلیک شي.
د طالبانو له پېښو سره د مبارزې چمتووالي اداره وايي، د نورستان د ویجاړونکو سېلابونو له امله د ۲۳ کسانو له مړه کېدو سربېره ۸۵ کسان لا تر اوسه لادرکه دي. دغه اداره وايي، د لادرکه کسانو د موندنې په موخه د پلټنې عملیات دوام لري او په میدان وردګ او غزني کې هم یو تن مړ او یو بل ټپي شوی.
یو شمېر ځايي سرچینو افغانستان انټرنشنل – پښتو ته ویلي چې د ننګرهار کانال اړوند هډې زیتونو فارم ونې د وچېدو له ګواښ سره مخ دي. سرچینې وایي، د طالبانو تر ادارې لاندې د ننګرهار کانال ریاست د زیتونو فارمونو ته اوبه نه ورکوي او بوټې مخ په وچېدو روان دي.
د امریکا مرکزي قوماندانۍ (سېنټکام) ویلي چې د ایران پر وړاندې د روانې سمندري محاصرې د پلي کولو په لړ کې یې د نهو سوداګریزو بېړیو د تګ مسیر بدل کړی او یوه بله بېړۍ یې له فعالیته ایستلې ده.