د محمد محقق لور ذکيه محقق وايي، چې د طالبانو له واکمنۍ نږدې پنځه کاله تېرېږي، خو په افغانستان کې د ښځو د حقونو حالت ورځ تر بلې خرابېږي. هغې وويل، اسلامي هېوادونه بايد د چوپتيا پر ځای د افغان ښځو د ملاتړ لپاره عملي ګامونه واخلي او څرګندې حللارې وړاندې کړي.
د ملګرو ملتونو په امنیت شورا کې د امریکا استازي وویل، د ایران اسلامي جمهوریت له لوري پر سوداګریزو بېړیو بریدونه او د هرمز تنګي او نړیوال اقتصاد د «یرغمل نیولو» لپاره د تهران هڅې ښيي چې د سمندري تګ راتګ ازادي د نړیوالې سولې او سوکالۍ لپاره حیاتي ارزښت لري.
د اروپا د پارلمان غړې او جرمنۍ سیاستوالې هانا نیومن اندېښنه ښودلې، چې جرمني د هغو افغانانو د جبري اېستلو چمتووالی نیسي، چې هېڅ ډول جرمي مخینه نهلري. تر دې مخکې د جرمني رسنیو هم ویلي وو، چې لږ تر لږه ۵ افغانان، چې هېڅ یوه یې جرم نهدی کړی، دا مهال له جرمني د اېستلو په تمه دي.
د افغانستان د ولسي جرګې پخوانۍ غړې فوزیه کوفي د طالبانو پر سیاستونو په سختو نیوکو سره ویلي، چې دغې ډلې په تېرو پنځو کلونو کې د افغان ښځو ژوند په «جهنم» بدل کړی او نظام یې د هېواد د تاریخ «توره دوره» ده.
د عراق لومړي وزیر علي الزیدي په سپینه ماڼۍ کې وویل، له امریکا سره د بغداد اړیکې به له دې وروسته د پوځي همکاریو پر ځای پر اقتصادي مشارکت ولاړې وي.
د طالبانو ویاند ذبیحالله مجاهد د اسلامي همکاریو سازمان د ښځو د وزیرانو غونډې وروستۍ اعلامیې ته په غبرګون کې وویل، دوی د داسې سازمانونو «فرمایشونه» نهمني چې په وینا یې، د غربي ارزښتونو تر اغېز لاندې دي.
د افغانستان د جمهوري نظام پر مهال د عدلیې پخواني وزیر فضل احمد معنوي په اسلاماباد کې د ښځو د حقونو په تړاو د اسلامي همکاریو سازمان د وروستۍ غونډې هرکلی کړی او دا یې یو مسوولانه او د ستاینې وړ ګام بللی دی.
د امریکا ولسمشر ډونالډ ټرمپ د دوشنبې په ورځ وویل، وروسته له هغې چې له ایران سره اوربند د هرمز تنګي پر سر د اختلافاتو له امله مات شو، متحده ایالات به د هرمز تنګي له لارې پر لېږدول کېدونکو ټولو بارونو ۲۰ سلنه فیس ولګوي.
د اسراییل لومړي وزیر بنیامین نتنیاهو خبرداری ورکړی چې که ایران پر اسراییل هر ډول برید وکړي، د دغه هېواد ځواب به د پخوا په پرتله ډېر سخت وي.
د طالبانو دعامې روغتیا وزیر نور جلال جلالي په کابل کې دواکسین معافیت نړیوال اتحاد له مسوولې ورونیکا ماویا، د روغتیا نړیوال سازمان او یونیسف له استازو سره د شري او پولیو پر ضد د مبارزې د واکسین ملي ستراتیژۍ او د لومړنیو روغتیايي خدمتونو د پراختیا په اړه غږېدلی.
د افغانستان د پخوانۍ ولسي جرګې د غړي شاپور حسنزوی «پخوانۍ» مېرمنې د خپلو ټپونو طبي اسناد او عکسونه افغانستان انټرنشنل ته وړاندې کړي او هغه یې په کورني تاوتریخوالي تورن کړی دی. خو حسنزوی دا تور ردوي او وایي چې مېرمن او دوه ماشومان یې «د طالبانو په توطیه تښتول شوي دي.»
ښکېلاک یا استعمار، چې ګڼ ملتونه یې د خپل تاریخ توره دوره بولي، په وړاندې یې مبارزه خپله ملي حماسه او ښکېلاک ضد مبارزین ملي اتلان یادوي. خو ایا دا پوښتنه مو له ځانه کړې ده، چې ښکېلاک څه دی؟ ولې او څنګه رامنځته شو؟ چا ؟ څوک ولې ښکېل کړل؟
د طالبانو د لوړو زده کړو وزیر ندا محمد ندیم د وزارت د مشرتابه شورا په غونډه کې په چارو کې د اخلاص، تقوا، همغږۍ او دندې ته د پابندۍ سپارښتنه کړې ده. په دې ناسته کې د «کمزورو» خصوصي پوهنتونونو د معرفي کولو او دولتي پوهنتونونو د لیسانس دورې د وخت په اړه پرېکړې شوې دي.
د پاکستان پنجاب ایالت په ملتان کې پولیسو ۱۳ افغان متخصص ډاکټران او د طب یوه محصله نیولي او د اخراج لپاره یې د اټک توقیف مرکز ته لېږدولي دي. نیول شوي افغانان وایي، د ویزو د تمدید او نوې ویزې غوښتنلیکونه یې نږدې یو کال مخکې سپارلي خو لا هم نه دي منظور شوي.
په شپږیزه لیګ کې د بند امیر ښامارانو لوبډلې لوبیز سفر پای ته ورسېد او د حشمت شهیدي په لوبډلمشرۍ یې په پرلهپسې توګه اته لوبې بایلودې.
د طالبانو د کابل ښاروال د روسیې فدراسیون له سفیر دمیتري ژیرنوف سره په ناسته کې د زېربنايي پروژو، هوايي پلونو، ښاري مدیریت، اداري وړتیاوو او د کابل ښاروالۍ او د روسیې د ښاروالیو ترمنځ د همکاریو د پراختیا او ملاتړ غوښتنه کړې ده.
اوکراین د ازوف په سمندرګي کې د روسیې پر نظامي کښتیو بریدونه کړي دي او د جګړې نوی ډګر یې پرانیستی. د اوکراین د ډرون ځواکونو قوماندان رابرټ بروفدي ویلي چې په دغو بریدونو کې یې د روسیې ۱۱ کښتۍ ویشتلې دي.
په اسعد اباد کې د طالبانو د برېښنا مسوولانو ویلي چې د کونړ پر سیند د برېښنا بند جوړولو لپاره د پنځو سیمو سروې او تخنیکي چارې بشپړې شوې دي. د کونړ اوسېدونکي وايي، چې د بندونو په جوړېدو سره به د دوی کورونه او ځمکې له سېلابونو خوندي شي.
د هند د بهرنیو چارو وزارت نوي ډیلي ته د طالبانو د کرنې وزیر له سفر وروسته ویلي، چې د کابل او ډیلي ترمنځ سوداګري د هوايي دهلېز له لارې روانه ده. رندهیر جېسوال ویلي چې طالب وزیر هند ته د سفر پر مهال د دغه هېواد له وزیرانو او سوداګریزو خونو سره د سوداګرۍ په تړاو لیدنې کړې دي.
د پاکستان د ترهګرۍ ضد پولیسو ادعا کړې چې په کراچۍ ښار کې د نیمه پوځي ځواکونو پر یوه کمپ د تېرې میاشتې د برید اصلي طراح او هغه کسان یې نیولي چې بریدګرو ته یې وسلې ورکړې وې. دوی ادعا کړې، چې د برید پلان په افغانستان کې جوړ شوی و.
د طالبانو د کورنیو چارو وزارت د مطبوعاتو رییس عبدالحکیم همت وایي، پاکستان د افغانستان له پرمختګ، ملي یووالي او په خپلو پښو له درېدو سره ستونزه لري. نوموړي پاکستان د افغانستان «منحوس دښمن» وباله او له خبریالانو یې وغوښتل چې د خلکو د افکارو د تنویر ترڅنګ «فکري جګړه» هم مخته یوسي.