د يکشنبې په ورځ د (کب ۳مه) د مکسیکو امنيتي ځواکونو په يو لړ پراخو او بېساري عملياتو کې نمیسیو اوسېګیرا چې په المنچو مشهور و او د دغه هېواد له تر ټولو وېروونکو مافيايي مشرانو څخه شمېرل کېده، وواژه.
د طالبانو د قبایلو، قومونو او سرحدونو چارو وزیر په کابل کې د خپلې ډلې د سرحدي پولیسو په یوې غونډه کې ویلي، چې د اسلامي نظام تر قلمرو لاندې د هر انچ خاورې ساتنه پر دوی د سر په بیه فرض ده. هغه زیاته کړې: «پر هغه کسانو ویاړو چې له خپلې خاورې دفاع کوي».
د بشري حقونو څار بنسټ راپور ورکړی، چې په ایران کې د مرغومې د ۱۸مې او ۱۹مې نېټې له پراخو وژنو وروسته، ایراني چارواکو د خپلسرو نیونو، شکنجو، په زوره د لادرکه کولو او د جبري اعترافاتو خپرولو لړۍ پیل کړې ده او زرګونه کسان له ناعادلانه محکمو او پټو اعدامونو سره مخ دي.
د ملګرو ملتونو د ماشومانو وجهي صندوق اعلان کړی، چې په نړۍ کې له ۵۰۰ ميليونو زيات ماشومان په هغو هېوادونو کې ژوند کوي، چې له جګړې او تاوتريخوالي سره مخ دي. د دې ادارې په وينا، هر کال لسګونه زره ماشومانو ته په وسلهوالو نښتو کې مرګژوبله اوړي او د دغو پېښو شمېر مخ پر زياتېدو دی.
پر اوکراین د روسیې د پراخ یرغل له څلورمې کالیزې سره هممهاله، د ملګرو ملتونو د عمومي اسمبلۍ مشرې له نړۍوالې ټولنې وغوښتل، چې د دې جګړې د پای ته رسولو لپاره پرېکنده او روښانه ګامونه پورته کړي.
د افغانستان د پخوانۍ ولسي جرګې د غور ولایت استازی کرامالدین رضا زاده د سېشنبې په غرمه په ایران کې د یوه وسلهوال برید پر مهال ټپي شو. دوو سرچینو افغانستان انټرنشنل ته تایید کړې، چې دوو موټرسایکل سپرو د ایران د کرج ښار په محمدشهر سیمه کې پر رضا زاده ډزې کړې دي.
د خېبرپښتونخوا والي فیصل کریم کنډي خبرداری ورکړی، که له افغان خاورې پر دوی ترهګریز بریدونه دوام وکړي، پاکستان به د افغانستان په خاوره کې پوځي اقدامات وکړي. هغه ویلي، که طالبان د وسلهوالو ډلو پر وړاندې عملي ګام پورته نهکړي، پاکستان به د خپلې خاورې له دفاع پرته بله لار ونهلري.
د طالبانو د عامې روغتیا وزیر مولوي نور جلال جلالي په کابل کې د ترکیې سفارت له شارژدافیر سادین ایلډ سره په ناسته کې ویلي، چې د ترکیې درمل د افغانستان لپاره خورا ګټور دي، خو کیفیت او مناسب قیمت یې باید په پام کې ونیول شي.
رویټرز د امریکا د بهرنیو چارو وزارت د یوه لوړپوړي چارواکي له قوله لیکلي، چې د ټرمپ ادارې د سېشنبې په ورځ د کانګرس استماعیه غونډې ته ویلي، چې له چین سره باثباته اړیکې غواړي، خو پر دغه هېواد باور نه لري.
د پاکستان د دولتي بانک تازه شمېرې ښيي، چې له افغانستان سره د دغه هېواد سوداګري په تېرو ۷ میاشتو کې ۵۹.۰۷ سلنه کمه شوې او ۲۲۸ میلیونه او ۹۶ زره ډالرو ته راټیټه شوې ده. دا کچه د تېر کال په ورته موده کې ۵۵۹ میلیونه او ۵۲ زره ډالره وه.
د ایران د بهرنیو چارو مرستیال وزیر مجید تختروانچي د سېشنبې په ورځ وویل، ایران چمتو دی څو له امریکا سره د یوې هوکړې د ترلاسه کولو لپاره هر اړین ګام پورته کړي. دا په داسې حال کې ده، چې د امریکا ولسمشر ایران ته ۱۰ تر ۱۵ ورځو وخت ورکړی، څو یوې هوکړې ته ورسېږي.
د هالنډ د بهرنیو چارو وزارت د سېشنبې په ورځ په هاګ ښار کې د ایران سفیر احضار کړ. دا اقدام وروسته له هغه کېږي، چې د تهران په هوايي ډګر کې د یوه هالنډي ډیپلومات ډیپلوماټیک بکس ونیول شو.
له پېښو سره د مبارزې په چارو کې د طالبانو د چمتووالي ادارې مشر ملا نورالدین ترابي ویلي، چې په دې وروستیو کې د اقلیمي بدلون له امله ناڅاپي ورښتونو او سېلابونو خلک ځپلي او اوس بېړنیو مرستو ته اړتیا لري.
د ۲۰۲۶ کال د کرېکټ نړۍوال جام د اتو غوره لوبډلو په پړاو کې، انګلستان له دویم ګروپ څخه پاکستان ته د دوو وېکټو په توپیر ماتې ورکړه. دا په دغه پړاو کې د انګلستان دویمه پرلهپسې بریا وه، چې په لرلو سره یې د څلورو امتیازونو په ګټلو په خپله ډله کې مخکښه پاتې شوه.
د ملګرو ملتونو د بشري مرستو د همغږۍ دفتر (اوچا) وایي، یوازې په ۲۰۲۵ کال کې شاوخوا ۲.۷۸ میلیونه افغان کډوال هېواد ته ستانه شوي دي. د اوچا د شمېرو لهمخې، نږدې یو میلیون او ۸۸ زره کسان له ایران او شاوخوا ۸۹۹ زره نور له پاکستان څخه افغانستان ته داخل شوي دي.
روسي چارواکو ویلي چې یوه ځانمرګي بریدګر د سې شنبې په سهار د مسکو په مرکزي برخه کې د سیالوفسکي اورګاډي سټیشن ته نږدې ځان الوځولی دی. ځانمرګې چاودنې یو ترافیک پولیس افسر وواژه او دوه نور یې ټپیان کړل. پوتین وویل چې ځانمرګی بریدګر انلاین استخدام شوی و.
د پاکستان لومړي وزیر شهباز شریف د سې شنبې په ورځ قطر ته په خپل رسمي سفر کې د دغه هېواد له دفاع وزیر سعود بن عبدالرحمان الثاني سره د افغانستان او ایران په اړه خبرې کړې دي. په دې لیدنه کې د احتمالي شخړو د مخنیوي او د کړکېچ د کمولو لپاره د خبرو اترو پر اړتیا هم بحث شوی دی.
د سپینې ماڼې ویاندې ویلي، چې د ټرمپ لومړنی انتخاب له تهران سره د تعامل لپاره تل ډیپلوماسي ده، خو که اړتیا وي، د مرګوني ځواک کارولو ته هم چمتو دی.
د پاکستان امنیتي چارواکي وايي، چې د سې شنبې په ماښام د پنجاب د بهکر ولسوالۍ پر یوه پوسته په ځانمرګي برید کې دوه پولیس ووژل شول. د بهکر ولسوالۍ د پولیسو افسر شهزاد رسنیو ته وویل چې پر امنیتي ځواکونو پوستې ته نږدې یو ځانمرګی برید شوی دی.
د افغانستان انټرنشنل د طالبانو د کورنیو چارو وزارت د لیلام د پایلې بیاکتنه کړې او موندلې یې ده، چې وزارت غواړي د جرمي تحقیقاتو څانګې لپاره یو لیپ ټاپ د ۲،۳۱۱،۰۰۰ افغانیو په قیمت واخلي، چې د ۳۸ زره او ۴۰۴ امریکایي ډالرو معادل کېږي. وزارت د لیپ ټاپ تجهیزاتو جزئیات نه دي ورکړي.
د ننګرهار ولایت د طالبانو د اطلاعاتو او فرهنګ ریاست وايي، د طالبانو سرحدي ځواکونو د پاکستاني ځواکونو د ډزو په ځواب کې اقدام کړی او اوس جګړه درېدلې ده.