د طالبانو عدلیې وزارت خبر ورکړی، چې د شمال زون د غصب شویو ځمکو د قضیو ځانګړې محکمې په جوزجان ولایت کې ۲۵ جریبه ځمکه دولتي اعلان کړې ده. د دغه وزارت په وینا؛ یاده ځمکه د جوزجان ولایت د مرکز شبرغان ښار اړوند د صوفي کلا په کلي کې موقعیت لري.
د طالبانو د معیار او کیفیت ادارې رییس فیضالله تمیم د یوه پلاوي په ملتیا د ترکمنستان د کیمیاوي صنایعو، تېلو او ګازو وزارتونو له مسوولینو سره په ناسته کې د نفتي توکو او اوبلن ګاز صادراتو پر معیاري کولو ټینګار کړی.
د عراق ټرانسپورټ وزارت خبر ورکړی، چې د بغداد هوايي ډګر د یوې تخنیکي ستونزې له امله په لنډمهالي ډول وتړل شو. د دغه وزارت ویاند ایاېناې دولتي خبري اژانس ته ویلي، چې له ترمیم وروسته به دغه هوایي ډګر په راتلونکو څو ساعتونو کې بېرته پرانیستل شي.
د طالبانو د عامې روغتیا وزارت وايي، چې د دغه وزارت تخنیکي ډلې د اروپایي ټولنې له استازو سره د افغانستان د روغتیا سکتور پر لومړیتوبونو او روانو همکاریو خبرې کړې دي. د دغه وزارت په وینا؛ اروپايي ټولنې د روغتیا په برخه کې د ۱۷۰ مېلیون ډالرو په ارزښت د مرستې ژمنه هم کړې ده.
په بادغیس کې د طالبانو امنیه قوماندانۍ وایي، په تېرو ۲۴ ساعتونو کې یې د دغه ولایت په غورماچ، جوند او سنګاتش ولسوالیو کې څلور کسان د پېستو او ارچې ځنګلونو د ونو ناقانونه پرې کولو په تور نیولي دي.
د طالبانو تر واک لاندې د افغانستان برېښنا شرکت وايي، چې تر راتلونکو دوو اونیو به صنعت کارانو ته د برېښنا موده له لسو څخه ۱۲ ساعتونو ته لوړه کړي. د یاد شرکت د پانګونې د همغږۍ رییس فریدالله شرفمند ویلي، چې صنعتي پارکونو ته د منظمې او دوامداره برېښنا برابرول یې لومړیتوب دی.
د نیوزېلنډ د بهرنیو چارو وزیر وېنسټن پېټرز په یوه اعلامیه کې ویلي، چې د ایران پر ۴۰ چارواکو او وزیرانو یې د سفر بندیزونه لګولي دي. ویل کېږي، چې دغه کسان د ایران د لاریونونو پرمهال د لاریون کوونکو په ځپلو کې ښکېل وو.
د امریکا ولسمشر ډونالډ ټرمپ په خپلې کلنۍ وینا کې ویلي، چې ایران د هوکړې لېوالتیا لري؛ خو لاتراوسه یې د اټومي وسلو د نه تولیدولو په اړه کومه ژمنه نهده کړې. ټرمپ وویل: «هغوی غواړي هوکړه وکړي؛ خو موږ لاهم د اټومي وسلو د نه تولیدولو په اړه روښانه ژمنه نهده ترلاسه کړې».
د امریکا ولسمشر ډونالډ ټرمپ په خپلې کلنۍ وینا کې ویلي، چې په تېر یوه کال کې یې د نړۍ په بېلابېلو سیمو کې د «لسو جګړو» په پای ته رسولو کې مرسته کړې ده. هغه وایي، که د ده منځګړیتوب نه وای؛ نو ځینې شخړې به پر سترو ناورینونو او ان اټومي جګړو اوښتې وې.
په کندهار کې د طالبانو د کرنې، اوبو لګولو او مالدارۍ ریاست ویاند محمد حنیف حقمل وایي، چې په دغه ولایت کې هره ورځ په ۹ فابریکو کې ۵۵۰ ټنه د چرګانون دانه تولیدېږي. نوموړي ویلي، چې کندهار په دې برخه کې پر ځان بسیا دی.
د امریکا ولسمشر ډونالډ ټرمپ وایي، هغه افغان کډوال چې په تېرې نومبر میاشت کې یې د امریکا د ملي ګارډ ۲۰ کلنه سرتېرې سارا بیکسټروم ووژله؛ باید هیڅکله امریکا ته د تګ اجازه نهوه ترلاسه کړې.
د اسلاماباد سترې محکمې د پاکستان د تحریک انصاف ګوند بنسټګر عمران خان د اېکسپاڼې د تړلو په اړه قضیه کې له ټولو خواوو وروستي استدلالونه وغوښتل او اورېدنه یې د مئ میاشتې لومړۍ اوونۍ ته وځنډوله.
د بلخ پخواني والي عطامحمد نور په تهران کې د افغانستان د پخوانۍ ولسي جرګې د غور ولایت پر استازي کرامالدین رضا زاده د برید په غبرګون کې طالبان د تاوتریخوالي پر دوام تورن کړل او خبرداری یې ورکړ، چې «موږ دې جګړې ته نه اړ باسي».
د طالبانو مرستیال ویاند حمدالله فطرت وایي، چې د راستنېدونکو کډوالو د کارموندنې لپاره د کاري فرصتونو برابرولو کمېټې تر دې دمه ۱۶۶زره مسلکي او نامسلکي کسان ثبت کړي او نوملړ یې له بېلابېلو ادارو سره شریک شوی.
په پاکستان کې د ایران سفیر رضا امیريمقدم پر ننګرهار او پکتیکا ولایتونو د پاکستان وروستیو هوايي بریدونو په تړاو اندېښنه څرګنده کړې او له دواړو لورو یې غوښتي، چې له زغم کار واخلي او د کړکېچ د پراخېدو مخه ونیسي.
د امریکا ولسمشر ډونالډ ټرمپ وایي، چې متحده ایالاتو تر دې دمه له ونزوېلا نه تر ۸۰ مېلیون بېرله ډېر تېل ترلاسه کړي دي. هغه ونزوېلا د امریکا «نوی دوست او ملګری هېواد» وباله.
د طالبانو ویاند ذبیح الله مجاهد د روسیې د بهرنیو چارو وزارت هغه راپور رد کړ، چې وايي په افغانستان کې د نړۍوالو وسلهوالو ډلو شاوخوا ۲۰ تر ۲۳زره جنګیالي حضور لري. مجاهد د دغه راپور معلومات او سرچینې ناسمې بللې دي.
د امریکا د سنا مجلس لوړپوړو ډیموکراتانو د ایران پر وړاندې د احتمالي برید لپاره د حکومت د نظامي چمتووالي په اړه په یوه محرمانه توجیهي غونډه کې له ګډون وروسته، له ډونالډ ټرمپ څخه وغوښتل چې خپل اهداف او استدلال په ښکاره ډول د امریکا له ولس سره شریک کړي.
د برازیل په سوېل ختیځ میناس ګرایس ایالت کې د سختو او پرلهپسې بارانونو له امله لږ تر لږه ۳۰ کسان مړه شوي او ۳۹ نور لادرکه دي. سیمهییز چارواکي وايي، دغه مرګژوبله د توپاني بارانونو او سېلابونو له امله په "ژویس دي فورا" او "اوبا" ښارونو کې رامنځته شوې ده.
د امريکا د استخباراتو مرکزي ادارې (سيایاې) د ترهګرۍ ضد پخواني لوړپوړي چارواکي جو زکس خبرداری ورکړی، چې القاعده ډله لا هم په ايران او افغانستان کې له کوم خنډ او بنديز پرته فعاليت کوي.
د يکشنبې په ورځ د (کب ۳مه) د مکسیکو امنيتي ځواکونو په يو لړ پراخو او بېساري عملياتو کې نمیسیو اوسېګیرا چې په المنچو مشهور و او د دغه هېواد له تر ټولو وېروونکو مافيايي مشرانو څخه شمېرل کېده، وواژه.