د پاکستان د جماعت اسلامي ګوند پخواني مشر سراجالحق ویلي، چې په پاکستان کې د ترهګریزو پېښو او د کابل او اسلاماباد ترمنځ د کړکېچ زیاتېدل د دواړو هېوادونو لپاره د یوې احتمالي فاجعې خبرداری او د خطر زنګ دی.
د امریکا د استخباراتو ادارې ویلي، چې مامورانو یې یو شل کلن کس هغه مهال په ډزو وواژه، چې نوموړي د امریکا د ولسمشر ډونالډ ټرمپ د استوګنځي خوندي ساحې ته د «غیرقانوني ننوتلو» هڅه کوله.
اوکرایني پوځ او ځايي چارواکو د یکشنبې په ورځ وویل چې روسیې پر اوکراین لسګونه بریدګر ډرونونه او بالستیک او کروز توغندي توغولي، چې اصلي تمرکز یې د انرژۍ پر بنسټونو و او لږ تر لږه یو کس پکې وژل شوی او ۲۴ نور ټپیان دي.
د شنبې او یکشنبې ترمنځ شپه کې د پاکستان هوايي ځواکونو د افغانستان په ختیزو او جنوبي سیمو کې اووه بېلابېل ځایونه بمباري کړي دي. تر اوسه د خپرو شویو خبرونو له مخې، پاکستانی بمبارۍ د ننګرهار په بهسود، غني خیل او خوګیاڼو او د پکتیکا په برمل او اورګون ولسوالیو کې شوې دي.
د طالبانو مخالفې وسله والې ډلې مقاومت جهبې ادعا کړې چې تېره ورځ یې په کندز ولایت کې د طالبانو د ګزمې پر یوه موټر برید کړي او درې طالب وسله وال یې وژلي او دوه نور یې ټپیان کړي دي.
په بادغیس ولایت کې د طالبانو ځایي چارواکي وایي، چې ددغه ولایت په «پُشته لامان» سیمه کې د یوه مسافر وړونکي بس د اوښتوله امله ۹ کسان مړه شوي او ۳۵ نور ټپیان دي.
د جاپان سفارت په افغانستان کې اعلان وکړ چې د نړیوال بانک سره یې د ۲،۰۸ میلیونه ډالرو مرستهییز تړون لاسلیک کړی، چې د افغانستان د بیاودانۍ د تمویل صندوق (ARTF) له لارې به د اړتیا وړ خلکو، په ځانګړې توګه ښځو او ځوانانو د ژوندانه د چارو ملاتړ وکړي.
د طالبانو د کورنیو چارو وزارت خبر ورکړی چې د دغه وزارت د جنایي جرمنو پر وړاندې د مبارزې ځواکونو په جلا جلا عملیاتونه کې د غلا او وسلو د قاچاق په تور ۶تنه نیولي دي.
د طالبانو تر واک د افغاني سرې میاشتې ټولنه وایي چې د پکتیکا په نعمت اباد ولسوالۍ کې یې پر ۴۰۰اړمنو کورنیو ۳۸.۲ټنه خوراکي توکي ویشلي دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ ۶۹۸ کډوالې کورنۍ چې ټول ۳۴۶۳ کسان دي له ایران او پاکستان نه افغانستان ته جبري ستنې شوې دي.
د طالبانو د کرنې، مالدارۍ او اوبو لګولو وزارت وایي چې د بلخ ولایت په مزارشریف ښار کې یې د کورنیو تولیداتو د ملاتړ په موخه د کرنیزو او حیواني محصولاتو درې ورځنی ملي نندارتون جوړ کړی دی.
د روسیې ولسمشر ولادیمیر پوتین، هغه قانون لاسلیک کړ چې له مخې یې اوکراین، سوریې او افغانستان ته لېږل شویو پخوانیو سرتېرو ته په کال کې تر ۳۵ ورځو پورې بېتنخوا رخصتي ورکول کېږي.
د جاپان سفارت په افغانستان کې ویلي چې دغه هېواد دملګرو ملتونو د ښځو څانګېسره په ګډه د شاوخوا درې اتیا لکه ډالرو نوې پروګرام پیل کړی، چې هدف یې د راستنېدونکو ښځو او نجونو ملاتړ دی.
د اروپا د پارلمان مشرې روبرتا متسولا ویلي، چې د ایران خلک له هغه وخته چې هغې ته یاد دي، د «یو مذهبي او استبدادي حکومت تر واکمنۍ» لاندې ژوند کوي، داسې حکومت چې د هغې په وینا، د مخالفت او ازادۍ زغم نه لري.
په اسرایيل کې د امریکا سفیر مایک هاکبي د شنبې په ورځ له "نیوز مکس" سره په خبرو کې ویلي، چې د ایران رژیم باید د امریکا ولسمشر ډونالډ ټرمپ هم د مذاکراتو په ډګر کې او هم د زور په کارولو کې جدي وګڼي.
اسرایيل هیوم راپور ورکړی، چې ایران د عمان له لارې متحده ایالاتو ته یو نوی پیغام لېږلی او اعلان یې کړی، چې چمتو دی په خپل اټومي پروګرام کې لا ډېر نرمښت وښيي، خو په دې شرط چې اجازه ورکړل شي په خپله خاوره کې د یورانیمو د غني کولو تاسیسات او سانتریفیوژونه وساتي.
د برېتانیا پخواني لومړي وزیر بوریس جانسن په خپلو وروستیو څرګندونو کې ویلي، چې «له افغانستان څخه د امریکایانو جبري وتل او له دغه هېواد څخه د برېتانیا وتل» ولادیمیر پوتین د اوکراین په اړه زړور کړی دی.
د هند مشهور شاعر او لیکوال جاوېد اختر د طالبانو پر نوې اصولنامې سختې نیوکې کړې دي او هغوی یې "ظالمان" بللي. نوموړي د هند له مذهبي مشرانو غوښتي، چې د طالبانو نوي قوانین وغندي.
د پاکستان د اطلاعاتو وزارت د یوې خبرپاڼې په خپرولو سره تایید کړه، چې په افغانستان کې یې د ترهګرو پر ۷ پټنځایونو هوایې بریدونه کړي دي.
د طالبانو له پېښو سره د مبارزې اداره وايي، د ماین پاکۍ له همکارو بنسټونو سره په همکارۍ یې په تېره سلواغې میاشت کې ۱۰ اعشاریه ۱۲ کیلومتره مربع سیمه له ماینونو او نورو ناچاودو توکو پاکه کړې ده. د یو شمېر هېواودالو په وینا، ډېری کشف شوي ماینونه د طالبانو په لاس جوړ شوي دي.
ځايي سرچینو افغانستان انټرنشنل ته ویلي، چې د پاکستان هوايي ځواکونو د شنبې په شپه په پکتیکا او ننګرهار ولایتونو کې پر پنځو ځایو هوايي بریدونه کړې دي.