د پاکستاني طالبانو تحریک (ټي ټي پي) د خيبرپښتونخوا په بونېر ولسوالۍ کې د يوه پوليس افسر د وژلو مسووليت منلی او ادعا یې کړې چې په سوات کې یې د پاکستان امنیتي ځواکونو یوه ډرون څرخکه راغورځولې ده.
د طالبانو د رييس الوزرا اداري مرستیال عبدالسلام حنفي د ۱۴۰۵ کال عمومي کانکور او دیني مدارسو د ازموینو د لسو مخکښ بریالیو زدهکوونکو په ستاینغونډه کې وویل، د هېواد د ابادۍ او پرمختګ مسوولیت د افغانانو پر اوږو دی او هېڅ بهرنی یې نهجوړوي.
سرچینو افغانستان انټرنشنل ته ویلي چې طالبانو په هرات ولایت کې مشهور وترنر ډاکټر محرابالدین احمدي، د خپلې مېرمنې د نیولو پر ضد د اعتراض له امله سخت وهلی، شکنجه کړی او وروسته یې «طالبانو ته د سپکاوي» په تور زنداني کړی دی.
د بلوچستان ایالت اعلی وزیر سرفراز بګټي ويلي، چې د وسله والو ډلو او هغوی ته د اسانتیاوو برابرونکو پر وړاندې به عملیات د وروستي وسلهوال له منځه وړلو پورې په بشپړ ځواک، تسلسل او پرېکنده توګه دوام ولري.
د طالبانو له پېښو سره د مبارزې چمتووالي مشر د کډوالۍ نړیوال سازمان د خطرونو د کمولو برخې له مسوول سره کتنه کې وویل، د افغانانو اړتیاوې او لومړیتوبونه تر بل هر چا په ښه توګه درک کوي، نو له همدې امله اړینه ده، چې د پروژو د پلي کولو پر مهال له دې ادارې سره همغږي او مشوره وشي.
د پاکستان په ملي پارلمان کې د اپوزېسيون مشر محمود خان اڅکزي پاکستان ته په خطاب سره ويلي، چې که له افغانستان سره بدي کوئ نو په بدۍ نه خلاصيږي، تاسې د افغانستان په مسله کې د ملګرو ملتونو په مشرۍ د ګاونډيو هېوادونو غونډه راوبلي.
د ملګرو ملتونو سرمنشي انتونیو ګوټرېش د فارس خلیج په سیمه کې د کړکېچ د زیاتېدو او د پوځي نښتو د بیا پیل په اړه ژوره اندېښنه څرګنده کړې او له ایران او امریکا یې غوښتي چې ژر تر ژره خبرو ته بېرته راستانه شي.
د طالبانو د بهرنیو چارو وزارت ویاند عبدالقهار بلخي د بنګلهدېش په سویل ختیځو سیمو او پلازمېنه ډاکه کې د ورښتونو او ویجاړوونکو سېلابونو له امله د اوښتې مرګژوبلې په تړاو د بنګلهدېش له حکومت، ولس او قربانیانو کورنیو سره خپله خواخوږي څرګنده کړې ده.
د جمعيت علمای اسلام ګوند مشر مولانا فضل الرحمان د پاکستاني رياست ته په اشارې سره ويلي، «که تاسو پر افغانستان اعتراض کوئ، له افغانستان څخه زه هم ګیلې لرم، خو ځینې مسایل داسې وي چې په زور نه حل کېږي، بلکې هغه د ډیپلوماټیکو هڅو له لارې حل کېږي».
د ملګرو ملتونو د وګړو وجهي صندوق (یو این ایف پي ای) وایي، د بېړنیو او بحراني حالاتو پر مهال ښځو ته د رواني او ټولنیز ملاتړ برابرول د طبیعي پېښو د منفي اغېزو په کمولو او د هغوی د ژوند د بېرته رغېدو په پیاوړتیا کې مهم رول لري.
د روسیې او قزاقستان یوه ګډ سوداګریز پلاوي د طالبانو په ولکه کې د سوداګرۍ او پانګونې خونې له مشر سره په کتنه کې ویلي، په افغانستان کې یې پانګونې ته لېوالتیا زیاته شوې ده. د سوداګرۍ خونې له یاد پلاوي وغوښتل، چې د اوسپنې د وېلي کولو او پروسس کارخونو په جوړولو کې هم پانګونه وکړي.
د امریکا د مرکزي قوماندانۍ (سینټکام) پخواني قوماندان، فرانک میککنزي، ویلي چې که د امریکا ولسمشر پرېکړه وکړي، نو د امریکا پوځ د هُرمز تنګي د کنټرول بشپړ پوځي توان لري.
د یوناما د مرکزي زون مشرې تبیتا بوګوا د کابل لپاره د طالبانو له والي سره په کتنه وویل، کابل د یوناما له مهمو لومړیتوبونو څخه دی او همداراز یې ډاډ څرګند کړ، چې د خلکو د واقعي اړتیاوو پر بنسټ به خپلو همکاریو ته دوام ورکړي.
د طالبانو د ترانسپورت او هوايي چلند وزارت د هوا پوهنې ادارې، سبا د هېواد په څو ولایتونو کې د بارانونو، تالندې برېښنا او چټکو بادونو د رامنځته کېدو خبرداری ورکړی دی.
د ملګرو ملتونو د ماشومانو د ملاتړ صندوق (یونیسف) په یوه نوي راپور کې خبرداری ورکړی چې په افغانستان کې د خوړو او تغذیې ناامني له پنځو کلونو کم شاوخوا ۳،۷ میلیونه ماشومان د خوارځواکۍ له جدي خطر سره مخ کړي دي.
په سوېلي وزیرستان کې پولیسو د ډرون څرخکې په برید کې د یوه ښوونکي پر وژل کېدو اعتراف کړی او د وژل شوي کس کور ته په ننواتې ورغلي. دغه برید د یوه ملکي وګړي پر کور شوی و، چې له امله یې ښوونکی محمد نواز خان ووژل شو او دوه ماشومان یې ټپیان شول.
د پاکستان د بهرنیو چارو وزیر اسحاق ډار د اسلامي همکاریو سازمان د ښځو وزیرانو د نهم کنفرانس پر مهال له طالبانو وغوښتل چې د افغان ښځو او نجونو د زدهکړې، کار او په ملي ژوند کې د اغېزناک ګډون بنسټیز حقونه بیرته ورکړي. ډار وویل چې « ملتونه د خپلو ښځو د پرمختګ پر بنسټ جوړېږي.»
د طالبانو د «افغان شخصیتونو سره د اړیکو کمېسیون» د خپرو شویو معلوماتو له مخې، د ۲۰۲۶ کال د جنورۍ له لومړۍ نېټې تر اوسه د دغه کمېسیون له لارې څه باندې ۳۰ دولتي چارواکي، پوځي منسوبان او سیاسي شخصیتونه افغانستان ته ستانه شوي دي.
د سوریې نوي پارلمان یکشنبې په ورځ د چنګاښ پر ۲۱مه د لومړي ځل لپاره په دمشق کې غونډه کړې ده. الشرع په دمشق کې پارلمان ته په خپله وینا کې له وکیلانو وغوښتل چې «دا شورا د مسوولیت او وړتیا یوه نمونه کړي» او دا یې «د حقیقت او عدالت ټربیون» وباله.
د طالبانو د کرنې، اوبو لګولو او مالدارۍ وزیر مولوي عطاالله عمري په مشرۍ لوړپوړي پلاوي هند ته خپل سفر پای ته ورساوه. دواړو لوریو د دوه اړخیزو اړیکو د دوام او د کرنې په برخه کې د همکاریو پر پراختیا ټینګار کړی دی.
په اسلام اباد کې د اسلامي همکاریو سازمان غونډه کې د افغانستان ملي بیرغ ولاړ دی، خو د افغانستان په استازولۍ پکې چا ګډون نه دی کړی. په دغه غونډه کې د اسلامي هېوادونو ډېرو ښځینه چارواکو ګډون کړی خو د طالبانو اداره کې ښځینه چارواکې نشته او طالبانو هم تراوسه په دې اړه څه نه دي ویلي.