په اسلام اباد کې د اسلامي همکاریو سازمان غونډه کې د افغانستان ملي بیرغ ولاړ دی، خو د افغانستان په استازولۍ پکې چا ګډون نه دی کړی. په دغه غونډه کې د اسلامي هېوادونو ډېرو ښځینه چارواکو ګډون کړی خو د طالبانو اداره کې ښځینه چارواکې نشته او طالبانو هم تراوسه په دې اړه څه نه دي ویلي.
په بدخشان کې سرچینو افغانستان انټرنشنل ته وویل، چې د طالبانو د استخباراتو د پنځو تنو غړو مړي، چې په مایمي ولسوالۍ کې اوبو ته لوېدلي وو، لا هم نه دي موندل شوي. د چنګاښ پر ۱۴مه افغانستان انټرنشنل راپور خپور کړی و، چې په مایمي کې د طالبانو د ذوالفقار قطعې موټر اوبو ته لوېدلی.
رویټرز ته یوې سرچینې ویلي، چې جرمني د اوکراین لپاره د ۵۰ زره بریدګرو ډرونونو د پېرلو لګښت ور کوي. د راپور له مخې، د دغه قرارداد ارزښت شاوخوا ۹۰ میلیونه یورو دی او د اوکراین د سکای فال شرکت جوړ شرایک ډرونونه پکې شامل دي.
د اوکراین ولسمشر ولادیمیر زېلېنسکي اعلان وکړ چې د دغه هېواد د لومړۍ وزیرې یولیا سوېریډینکو د بدلولو وړاندیز یې کړی دی. نوموړي وویل چې دا پرېکړه په حکومت کې د نوې سیاسي تګلارې د پلي کولو لپاره شوې ده.
د طالبانو د صنعت او سوداګرۍ وزارت وايي، چې په ننګرهار ولایت کې یې د کورنیو تولیداتو د ملاتړ او ملي صنعت د ودې په موخه یو لوی نندارتون پرانیستی دی. په دغه نندارتون کې په ۸۰ غرفو کې بېلابېل خوراکي توکي، کرنیز محصولات، غالۍ او لاسي صنایع نندارې ته وړاندې شوي دي.
د طالبانو د کورنیو چارو وزارت وایي، د نشهیي توکو پر وړاندې د مبارزې پولیسو یې د روانې اونۍ په لړ کې په کابل او ۱۱ نورو ولایتونو کې ۷۷۲ تنه په نشهیي توکو روږدي کسان راټول کړي او د درملنې په موخه یې د معتادینو د درملنې مرکزونو ته ورپېژندلي دي.
د پاکستان د جمعیت علمای اسلام مشر مولانا فضل الرحمان ددغه هېواد پر حکومت غږ کړی چې له افغانستان سره ستونزې د خبرو اترو او ډیپلوماسۍ له لارې حل کړي. هغه ویلي، چې خیبر پښتونخوا او بلوچستان له سختو امنیتي ننګونو سره مخ دي او په پښتونخوا کې پولیس د شپې له خپلو مرکزونو نشي وتلی.
سرچینو افغانستان انټرنشنل ته ویلي، چې په بدخشان کې د طالبانو یو ناراضي قوماندان او جمعهخان فاتح ته نږدې کس موسی کاکه نن د چنګاښ په ۲۱مه له نږدې دوه میاشتې بند وروسته خوشې شوی. طالبانو موسی کاکه د غويي میاشتې پر ۲۸مه د بدخشان په شکی ولسوالۍ کې نیولی و.
د طالبانو د کانونو او پټرولیم وزارت وایي، د ازبکستان سفیر اویبیک عثمانوف د دغه وزارت له وزیر هدایتالله بدري سره په لیدنه کې ویلي چې د ازبکستان پانګوال د افغانستان د کانونو په برخه کې پانګونې ته لېواله دي.
افغانستان په اسلام اباد کې د اسلامي همکاریو سازمان د ښځو کنفرانس ته بلل شوی، خو د طالبانو په اداره کې د ښځینه چارواکې د نشتوالي له امله په کنفرانس کې د افغانستان څوکۍ خالي ده.
د طالبانو د هرات والي اسلام جار د ایران د خراسان رضوي له والي سره د اسلام کلا-دوغارون پر پوله د سوداګرۍ او ټرانزیټ د پیاوړتیا په اړه ټلیفوني خبرې کړې دي.
د خیبر ولسوالۍ په تیرا دره کې د بېځایه شویو کورنیو د بیرته ستنېدو مهالوېش د اکټوبر ۱۰مه ټاکل شوی، خو یو شمېر اعتراض کوونکو دا پرېکړه رد کړې ده. په باړه کې احتجاج کوونکي وایي چې په سړه هوا کې د کورونو جوړول ستونزمن دي.
د طالبانو د کرنې وزارت وايي، سږ کال به په بغلان ولایت کې د خټکیو او هندواڼو حاصلات له ۱۵۹ زره متریک ټنو واوړي، چې د تېر کال په پرتله ۱۵ سلنه زیاتوالی ښيي. یاد وزارت د کرنیزې ساحې پراخېدل، د افتونو کنټرول او د اصلاح شویو تخمونو کارول د دې زیاتوالي مهم لاملونه بللي.
د هند د کلتوري اړیکو شورا اعلان کړی چې د ۲۰۲۶–۲۰۲۷ تحصیلي کال لپاره به د جولای له ۱۵مې نېټې څخه د افغانانو لپاره د ۱۰۰۰ انلاین تحصیلي بورسونو نوملیکنه پیل شي.
د طالبانو د مالیې وزارت د یکشنبې په ورځ اعلان وکړ چې پر شرکتونو او خصوصي روغتونونو، د وګړو پر عوایدو او د تېلو پر وارداتو یې مالیات کم کړي دي. دا پرېکړه داسې مهال ده، چې په وروستیو میاشتو کې د طالبانو د مالیاتو ډېرېدو د وګړو او خصوصي سکتور د فعالانو نیوکې را پارولې دي.
په هرات کې د طالبانو د نویو محدودیتونو له امله اقتصادي فعالیتونه کمزوري شوي، بازارونه ساړه شوي او ګڼې ښځې له کاره پاتې دي. د نیویارک ټایمز د راپور له مخې، ځینې کورنۍ خپلې لوڼې ښوونځي ته نه پرېږدي او هغه نجونې چې ښوونځي ته ځي هم د طالبانو له سختو مقرراتو سره مخ دي.
د بلوچستان په کوټه ښار کې د کویلې پاټک پر سیمه د زیارت ولسوالۍ د وروستۍ خونړۍ پېښې پر ضد پیل شوی اعتراضي پرلت څلورمې ورځې ته وغځېد، په داسې حال کې چې د حکومت او د پرلت د استازو ترمنځ د خبرو اترو له دوو پړاوونو وروسته هم بې پایلې دي.
د طالبانو ویاند ذبیح الله مجاهد د قطر مخکیني امیر شیخ حمد بن خلیفه ال ثاني پر مړینې خواشیني ښودلې ده. مجاهد د نوموړي د مړینې له امله د قطر حکومت، د شیخ حمدبن خلیفه ال ثاني کورنۍ او ټول قطري ولس ته تعزیت ویلی دی.
د طالبانو د کورنیو چارو وزارت وایي، په کندهار، خوست، ننګرهار، فاریاب، نورستان او کابل ولایتونو کې یې د وژنې، غلا، د نشهیي توکو د قاچاق او پلور او انسانتښتونې په تړاو ۴۱ کسان نیولي دي.
د افغانستان لپاره د پاکستان پخواني ځانګړي استازي اصف دراني ویلي، اسلاماباد د طالبانو له ایډیالوژیکو دریځونو او سیاسي اختلافاتو سره ژوند کولای شي، خو که طالبان د پاکستان پر ضد د هند په ستراتیژیکه تګلاره کې شریک شي، دا به د پاکستان لپاره یوه "سره کرښه" وي.
په افغانستان کې، چې د څو لسیزو جګړو له امله یې پراخ ځنګلونه له منځه تللي، اوس په بېلابېلو سیمو کې د ونو د کرلو او د ځنګلونو د بیا راژوندي کولو هڅې چټکې شوې دي.