آرشیف

په افغانستان کې، چې د څو لسیزو جګړو له امله یې پراخ ځنګلونه له منځه تللي، اوس په بېلابېلو سیمو کې د ونو د کرلو او د ځنګلونو د بیا راژوندي کولو هڅې چټکې شوې دي.

د جمهوري نظام پرمهال د چارو ادارې مشر فضل محمود فضلي د اسلامي همکاریو سازمانله‌خوا په اسلام‌اباد کې د ښځو د پیاوړتیا کنفرانس «د افغان ښځو پر وړاندې د ریاکارۍ» بللی او ادعا یې کړې چې د دغه سازمان ګڼو غړو هېوادونو د طالبانو د بیا واکمنېدو زمینه برابره کړې ده.

د افغانستان رسنیو ملاتړ سازمان (AMSO) د هېواد په کچه یو نوی تحلیلي راپور خپور کړی چې ښیي د روان کال د جون له ۱۰مې د جولای تر ۱۰مې نېټې پورې، پر رسنیو او خبریالانو د طالبانو فشارونه، سانسور او تخنیکي محدودیتونه په بې‌ساري ډول ډېر شوي دي.

د طالبانو مالیې وزیر ملا محمد ناصر، ویلي چې د طالبانو د مشر هبت‌الله اخوندزاده د «شفقت» له امله د حکومت عواید زیات شوي او خلکو ته د مالیاتو په برخه کې اسانتیاوې رامنځته شوې دي.

په تبعید کې د بشري حقونو د مدافعینو فدراسیون (IFHRDE) له نجونو پرته افغانستان کې د کانکور ازموینه غندلې او ویلي یې دي چې دا د جنسیت پر بنسټ د سیستماتیک تبعیض او په معاصره نړۍ کې د بشر له بنسټیزو حقونو ښکاره سرغړونه ده.

د اسلامي همکاریو سازمان (OIC) وايي، د ښځو د پیاوړتیا نهم اسلامي کنفرانس د پاکستان په پلازمېنه اسلام‌اباد کې پیل شوی، چې پکې د اسلامي هېوادونو د ښځو او کورنیو چارو وزیرانو او لوړپوړو پلاوو ګډون کړی دی. دغه کنفرانس د ښځو د ټولنیز، اقتصادي او سیاسي پیاوړتیا پر لارو چارو تمرکز کوي.

قطر دولتي خبري اژانس (قنا) خبر ورکړی چې د دغه هېواد پخوانی امیر شیخ حمد بن خلیفه ال ثاني د یکشنبې سهار د(چنګاښ ۲۱مه) د ۷۴ کلونو په عمر وفات شو.

د افغانستان په هرات ښار کې سوداګر، موټرچلوونکي او اوسېدونکي وايي، د طالبانو د امر بالمعروف وزارت له لوري د ښځو د جامو د څار او نیولو له سختېدو وروسته بازارونه ساړه شوي او د سوداګرۍ کچه په څرګند ډول راټیټه شوې ده.

د طالبانو د صنعت او سوداګرۍ وزارت خبر ورکړی چې په بلخ ولایت کې د صنعت ځانګړې اوونۍ په مناسبت د «مولانا جلال‌الدین محمد بلخي» په نوم د کورنیو تولیداتو درې ورځنی نندارتون پرانیستل شوی دی.

د بلوچستان په بېلابېلو سیمو کې د ناامنۍ په دوام، د شنبې په ورځ د سبۍ ولسوالۍ په کوټ باوزی سیمه کې د څلورو کسانو مړي موندل شوي دي.

د ایران سياه پاسداران ځواکونو ویلي، چې په کویټ او بحرین کې د امریکا پر پوځي تاسیساتو د بې‌پیلوټه الوتکو بریدونه کړي دي. تهران دا اقدام د امریکا د «دوامداره بریدونو» په غبرګون کې بللی او د نورو بریدونو د دوام خبرداری یې ورکړی دی.

د طالبانو د چارو ادارې د پانګونې د اسانتیا رییس احمد ضیا خالد په مشرۍ یو پلاوی د اسلام‌قلعه او تورغنډۍ بندرونو له وضعیت څخه د لیدنې او د شته ستونزو د ارزونې په موخه هرات ته سفر کړی.

د افغانستان لپاره د ملګرو ملتونو د کډوالو عالي کمېشنرۍ استازي عرفات جمال ویلي، افغان کډوال باید یوازې هغه وخت خپل هېواد ته ستانه شي چې د خوندي او باعزته ژوند شرایط ورته برابر وي.

پاکستان د بې اسنادو افغان کډوالو د ایستلو لړۍ نوره هم چټکه کړې او چارواکي وایي، هغه افغانان چې د جولای تر ۱۰مې یې قانوني اسناد نه دي نوي کړي، افغانستان ته به واستول شي. ملګرو ملتونو ویلي، که د جبري ستنېدونکو کډوالو لپاره د کار زمینه برابره نشي نو افراطیت به وده وکړي.

د ملګرو ملتونو د خوړو او کرنې سازمان (ایف ای او) په خپل تازه اقلیمي او کرنیز راپور کې ویلي، د ۲۰۲۵/۲۶ کرنیز فصل پای په افغانستان کې د غنمو د ښه حاصل له امله په مثبت ډول پای ته رسېدلی، خو د دوبي کرنیز محصولات د تودوخې لوړې درجې، د اوبو کمښت او د سرې د بیو له لوړېدو سره مخ دي.

د افغانستان د ګډو رزمي لوبو (MMA) لوبغاړي فرید بشارت د امریکا جان ګارزا ته ماتې ورکړه او د نه ماتېدو ریکارډ یې وساته. هغه له دې سره د خپل مسلکي ژوند شپاړسمه پرله‌پسې بریا ثبت کړه.

د خیبرپښتونخوا خیبر ولسوالۍ د لنډي کوتل نیکي‌خېل سیمه کې د ونو پرې کولو او د ځمکې پر سر د شخړې له امله د دوو کورنیو ترمنځ په نښته کې پنځه کسان وژل شوي او اته نور ټپیان شوي دي.

د وال سټریټ ژورنال د راپور له مخې، ایران د هرمز تنګي پر سر د خپل نفوذ او کنټرول د پیاوړتیا هڅه کوي او دا موضوع د بندیزونو د کمېدو په پرتله ستراتیژیک لومړیتوب ګڼي.

د ملګرو ملتونو د نفوس صندوق (UNFPA) وايي، پر ځوانانو پانګونه اړینه ده، ترڅو خپل بشپړ ظرفیت ته ورسېږي. خو په افغانستان کې، د طالبانو له بیا واکمنېدو وروسته، ډېری ځوانان د اقتصادي ستونزو، بېکارۍ او د زده‌کړو د محدود فرصتونو له امله د خپل راتلونکي په اړه له جدي ننګونو سره مخ دي.

د خیبر پښتونخوا د لکي مروت ولسوالۍ په ټورټله منجي‌واله سیمه کې د دوو کورنیو ترمنځ د پخوانۍ دښمنۍ له امله په ډزو کې پنځه کسان، چې یوه ښځه هم پکې شامله ده، وژل شوي دي.

د امریکا مرکزي قومندانۍ (سینټکام) ویلي، د ایران د اسلامي انقلاب ساتونکو ځواکونو له لوري د هرمز تنګي له لارې پر روانې قبرسۍ کانټینري بېړۍ تر برید وروسته، امریکايي ځواکونو د ایران پر ضد د روانې اوونۍ درېیم پړاو بریدونه پیل کړي دي.