د پاکستان د بهرنیو چارو وزارت وايي، د کابل او اسلام اباد ترمنځ د ډیپلوماتیکو استازولیو په وضعیت کې هېڅ بدلون نه دی راغلی او د دواړو هېوادونو د استازو حیثیت لا هم د پخوا په څېر دی.
د جرمونو نړیوالې محکمې تایید کړه چې بورکینا فاسو، مالي او نایجر د محکمې د غړیتوب د پرېښودو یو کلن بهیر پیل کړی دی. د لوېدیځې افریقا دغو پوځ واکمنو هېوادونو په تېر سپټمبر میاشت کې اعلان کړی و چې له محکمې وځي.
د طالبانو رییس الوزرا ملا محمد حسن اخوند د پنجشنبې په ورځ د کابل سروبي ولسوالۍ ته سفر کړی او د کابل ـ جلال اباد د دویم لین سړک جوړولو پروژې څخه یې لیدنه کړې ده.
یو ایغوري لیکوال طاهر امین نیویارک ټایمز ته په یوه مقاله کې لیکلي، چې د بیجینګ د سیاستونو له امله د هغوی کلتور، ژبه او کورنۍ له منځه تللې او نړۍ د ایغوریانو په ژغورلو کې پاتې راغلې.
د ایران او طالبانو د بهرنیو چارو وزیرانو په تهران کې سره لیدلي او پر دوه اړخیزو، سیمهییزو او نړیوالو موضوعاتو یې خبرې کړې دي. ایرنا اژانس خبر ور کړی، چې دغه لیدنه د پنجشنې په ورځ شوې او دواړو چارواکو د خپلمنځي اړیکو ښه کولو او ګډو ستونزو پر حل خبرې کړې دي.
د بلخ ولایت د سیمهییزو سرچینو په وینا، طالبانو په مزار شریف ښار کې د بيهقي تاریخي کتابپلورنځي ودانۍ د سوداګریز مارکیټ د جوړولو په موخه نړولې ده. دغه سیمه مخکې د اطلاعاتو او کلتور ریاست اړوند وه، خو اوس طالبانو ښاروالۍ ته سپارلې ده.
د طالبانو اداره او مسکو پر یوه نوې طرحه کار کوي، چې له مخې یې د تاتارستان په ګډون د روسیې تېل افغانستان ته صادرېږي، هلته به په افغاني تصفیه خونو کې پروسس کېږي او بیا به د پټرولو او ډیزلو په بڼه بېرته روسیې ته لېږدول کیږي.
د طالبانو د کورنیو چارو وزارت ویلي، چې په تېره یوه اونۍ کې یې د کابل او کندهار د هوايي ډګرونو په ګډون په اسلام کلا او سپین بولدک کې ۴۵ تنه د نشهيي توکو او پیسو د قاچاق او نورو جرمونو په تور نیولي دي.
د مکسیکو د سوېلي سان پیدرو هوامیلولا ښار ښاروال ډانیل ګوتیرز د څو پېړۍ پخواني دود د پاللو په موخه له یوې تمساح سره د واده سمبولیک مراسم ترسره کړل. د سیمې خلک د خپلو زړو دودونو له مخې په دې باور دي، چې دا چاره ښار ته سوکالي، برکت او پرېماني راولي.
د ازبکستان د سرخان دریا ولایت والي وایي، افغان سوداګر غواړي د شته نړیوالو هوايي کرښو له لارې یو ځانګړی « زرغون دهلیز» رامنځته شي، چې د دواړو هېوادونو ترمنځ سوداګري لا اسانه شي. اولګبیک قاسموف وايي، له افغانستان سره پر پوله یې د ترانزیټي دهلیزونو شمېر ۱۲ ته لوړ شوی.
له پېښو سره د طالبانو د مبارزې ادارې رییس ملا نورالدین ترابي په پراختيايي چارو کې د ملګرو ملتونو د سرمنشي د ځانګړي استازي له مرستیال سره په لیدنه کې ویلي، چې مرستندویه بنسټونه باید له سیاسي ملاحظاتو پرته خپلو بشري همکاریو او مرستو ته دوام ورکړي.
ایراني چارواکي وايي، چې ۲۵۰۰ افغانانو ته د علي خامنه يي د جنازې او ښخون په مراسمو کې د ګډون لپاره د دوغارون له پولې د ننوتلو ویزې صادرې شوې دي. د دغو ویزو اعتبار اووه ورځې دی او افغان مېلمانه د چنګاښ د ۱۴مې او ۱۵مې نېټې ترمنځ ایران ته په قانوني ډول داخلېدای شي.
د طالبانو د بهرنیو چارو وزارت د ستراتیژیکو مطالعاتو مرکز وايي، د دغه وزارت یوه پلاوي قزاقستان ته د سفر پر مهال د هغه هېواد له مخکښو څېړنیزو مرکزونو سره د ترانزیټ، سیمهییز اتصال او دوهاړخیزو همکاریو د پراختیا په اړه خبرې کړې دي.
د کندهار اوسېدونکي د تېلو د بیو له لوړوالي شکایت کوي او وايي، په تېرو دوو اونیو کې په تدریجې ډول یو لیټر تېل له ۶۷ څخه ۷۷ افغانیو ته لوړ شوي. د تېلو کاروباریانو افغانستان انټرنشنل ته وویل، چې په تېلو بار سلګونه موټر د هرات، فراه او نیمروز په ګمرکونو کې بند پاتې دي.
هند ویلي چې د دغه هېواد د بهرنیو چارو مرستیال وزیر او د بېهار ایالت والي سید عطا حسین به د ایران د پخواني ستر مشر ایتالله علي خامنهيي د جنازې په دولتي مراسمو کې د هند استازیتوب وکړي.
په کندهار کې د طالبانو والي ملا شیرین له دوه کلن ځنډ وروسته د دغه ولایت له سیمهییزو خبریالانو سره ناسته کړې او هغوی ته یې د طالبانو له ادارې سره د وفادارۍ سپارښتنه کړې ده. خبریالانو ته اجازه نه ده ورکړل شوې، چې د ناستې ځای ته له ځان سره ځیرک موبایلونه یوسي.
د افغانستان د ګرځندوی شرکتونو ټولنې مشر احمد سیر رحیمي وایي، د ایران «سها» هوايي شرکت افغانستان ته خپلې الوتنې پیل کړې او اوسمهال به هره اوونۍ کې څلور الوتنې د کابل ـ تهران او کابل ـ مشهد ترمنځ ترسره کېږي.
په پکتیا کې د طالبانو رسنیز دفتر وايي چې د دغه ولایت د والي په مشرۍ د سوېل ختیځ زون والیانو، امنیه قوماندانانو، د استخباراتو رییسانو او نورو چارواکو په یاد زون کې د امنیت ټنګښت په تړاو ناسته کړې او ځینې مهمې پریکړې یې کړې دي.
د خیبر پښتونخوا د پېښور ښار د فقیراباد سیمې اقبال پلازې ته نږدې د ناپېژانده موټرسایکل سپرو په ډزو کې د افغان نرښځې په ګډون دوه نرښځې ټپیانې شوې دي. ځایي پولیسو ویلي، په ټپیانو کې افغان نرښځې مسکان او ځایي نرښځې نیلم شامله ده.
د۲۰۲۲ کال د سپټمبر پر۱۹مه، بشر نورزی په داسې حال کې له الوتکې راکوز شو، چې طالبانو یې غاړې ته د ګلونو امېلونه اچول. په هوايي ډګر کې د طالبانو مخپټو وسله والو د هغه هرکلی وکړ او د استخباراتو ځانګړې قطعې یې امنیت نیولی و.
د جرمني د شمالي لودویګسلوست ښار په یوه روغتون کې د اورلګېدنې له امله لږترلږه دوه کسان مړه او تر ۳۰ ډېر ټپیان شوي دي. د جرمني پولیسو ویلي، اور د پنجشنبې په سهار د هیلېنه فون بولو کلینیک د راډیولوژۍ څانګې په چت کې لګېدلی و او وروسته د روغتون نورو برخو ته هم خپور شو.