د کینیا حکومت ویلي، چې د دغه هېواد په «ریفټ ویلي» سیمه کې د نجونو د یوه ښوونځي په لیلیه کې د اورلګېدنې له امله لږ تر لږه ۱۶ زده کوونکې مړې شوې دي. د کینیا د ښوونې او روزنې وزیر ویلي، چې دا پېښه د شپې ناوخته رامنځته شوې ده.
ناپېژاندو وسلهوالو د بلوچستان ایالت د سیفالله کلا ولسوالۍ په مولوي بختیار اډې سیمه کې درې کسان په ډزو وژلي او یو بل ټپي شوی دی. د سیفالله کلا پولیسو ویلي، چې د پېښې په تړاو یې پلټنې پیل کړې دي.
په خوست کې د طالبانو د کرنې، اوبو لګولو او مالدارۍ ریاست خبر ورکړی، چې په تېرو دوو کلونو کې د ملګرو ملتونو د پراختیایي پروګرام په مالي او تخنیکي همکارۍ د دغه ولایت په بېلابېلو سیمو کې ۱۶۹ شنې خونې جوړې شوې دي.
په کندهار کې د لوی اختر له پيل سره، سره هغه دودیز شور او ځوږ، د مېلو ګڼهګوڼه او د ځوانانو خوښۍ چې پخوا به د اختر په ورځو کې د ښار په پارکونو، تفریحي ځایونو او مېلهځایونو کې لیدل کېدې؛ سږ کال تر ډېره پیکه ښکاري.
د طالبانو تر واک لاندې په هلمند کې د سوداګرۍ خونې مسوولین وايي، په دغه ولایت کې هر کال له پنبې څخه شاوخوا ۵۰۰ زره ټنه غوړي او اته ټنه صابون تولیدېږي.
افغانستان کې د پولیو ناروغۍ د لهمنځه وړلو هڅو سره، سره د پولیو ویروس د خپرېدو نوې چاپېریالي نښې لاهم د خپرېدو په حال کې دي. تازه راپورونه ښيي، چې د افغانستان په بېلابېلو ولایتونو کې د چاپېریالي څار له لارې د پولیو ویروس ۱۱ نوې مثبتې بېلګې موندل شوې دي.
سپاه پاسداران اعلان کړی، چې د پنجشنبې په سهار یې د بندر عباس هوايي ډګر پر شاوخوا سیمو د امریکا د برید په ځواب کې د دغه هېواد یوه هوايي اډه په نښه کړې. که څه هم سپاه پاسداران د یادې امریکایي اډې نوم نهدی اخیستی؛ خو د کوېټ پوځ د توغندیو او ډرون بریدونو د شنډولو خبر ورکړی.
د ماینتس لوبډلې ۲۹کلن لوبغاړی ندیم امیري د یولیان ناګلزمان لهخوا د جرمني فوټبال ملي لوبډلې ته بلل شوی او دې ته نږدې شوی، چې د فوټبال نړۍوال جام په تاریخ کې لومړنی لوبېدونکی افغان لوبغاړی شي.
د افغانستان لپاره د برېتانیا ځانګړي استازي ریچارډ لېنډسي برېتانیا ته د افغان ښځینهو کرېکټ جلاوطنه لوبډلې سفر د ورزش په ډګر کې د افغان ښځو د ګډون په برخه کې مثبت ګام ګڼلی او ویلي یې دي: «د کرېکټ افغان ښځینهو لوبغاړو اراده او مبارزه الهام بښونکې ده».
د لبنان دولتي رسنیو خبر ورکړی، اسراییل د لبنان په سویلي نبيساري سیمه کې د ډرون برید کړی چې له کبله یې ۶ کسان وژل شوي دي. د راپور له مخې؛ په وژل شویو کسانو کې ماشومان هم شامل دي.
د تېر جمهوري نظام پرمهال د ولسمشر لومړي مرستیال امرالله صالح د لوی اختر په مناسبت په خپل پیغام کې ویلي، چې سیاسي بندیان د طالبانو په «وېرونکي او غیرانساني» زندانونو کې دي.
د خیبر پښتونخوا د سویلي وزیرستان د سروکۍ او بروند سیمو اوسېدونکو د مخابراتي او انټرنېټي خدمتونو د بندیز لړۍ د دوام پرضد پراخ لاریون کړی او له چارواکو یې غوښتي، چې ژر تر ژره د دوی لپاره مخابراتي او انټرنېټي خدمتونه بېرته فعال کړي.
په بغلان کې د رزمي لوبو سیالۍ ترسره شوې، چې د افغانستان له څلورو ولایتونو ۸۰ لوبغاړو پهکې برخه اخیستې وه. په دغه سیالیو کې د کابل، بلخ، بدخشان او بغلان ولایتونو لوبغاړو برخه اخیستې وه او د بغلان ولایت په مرکز کې یې د یوې ورځې لپاره د یو بل په وړاندې سیالي وکړه.
د امریکا خزانې وزارت ویلي، د «فارس خلیج د اوبو مدیریت هغه اداره» یې د بندیزونو په نوملړ کې شامله کړې چې ایران د هرمز تنګي له لارې د کښتیو تېرېدو د کنټرول لپاره جوړه کړې وه. دغه اداره په هرمز تنګي کې د کښتیو د تګراتګ لپاره د همغږۍ، جوازونو صادرولو او د مقرراتو ټاکلو مسوولیت لري.
په بلخ کې د طالبانو د کرنې ریاست خبر ورکړی، چې سږکال په دغه ولایت کې پر ۲۳۰ جریبه ځمکه نوي بڼونه جوړ شوي. د یاد ریاست په وینا؛ په دې کې د بادامو، انګورو، زردالو او شفتالو بڼونه شامل دي.
پاکستان کې مېشت یو افغان کډوال افغانستان انټرنشنل ته د چهارشنبې په ورځ (د غبرګولي ۶مه) ویلي، دا دویم اختر دی چې دوی د پولیسو لهخوا د نیولو له وېرې د اختر لمونځ لپاره جومات ته نهدي تللي.
په کوېټ کې د چاودنو غږونو تر اورېدو وروسته د دغه هېواد پوځ اعلان کړی، چې یاد غږونه د کوېټ د هوايي دفاع سیسټمونو لهخوا د توغندیزو او ډرون بریدونو د شنډولو له امله رامنځته شوي دي. که څه هم د کوېټ پوځ د برید پخلی کړی؛ خو د موخو او زیانونو په اړه یې نور جزییات نهدي خپاره کړي.
د ملګرو ملتونو د بشري مرستو د همغږۍ دفتر (اوچا) د اسیا او ارام سمندر اړوند د سیمهییزو بشري مرستو په راپور کې ویلي، چې یوازې د افغانستان په لغمان ولایت کې (د مئ په ۲۲مه) سېلابونو او ورښتونو ۵ کسان مړه کړي. یاد سازمان زیاته کړې، چې د سېلابونو له امله سلګونه کورونه اغېزمن شوي دي.
د روسیې د امنیت شورا مرستیال الکساندر ونددیکتوف د پاکستان د لومړي وزیر د ملي امنیت مرستیال سلاکار ازاد سجاد خان سره په یوې لیدنه کې ویلي، روسیه چمتو ده چې د پاکستان او طالبانو ترمنځ د اختلافاتو په حل کې مرسته وکړي.
د ملګرو ملتونو د بشري مرستو د همغږۍ دفتر (اوچا) د افغانستان څانګې مشرې اېمي مارټین ننګرهار ولایت ته د سفر پرمهال ویلي، د وروستیو سېلابونو له امله زیانمنې شوې کورنۍ لاهم له سختو بشري ستونزو سره مخ دي او دوامداره ملاتړ ته اړتیا لري.
وروسته له هغه چې اووه افغان پناه غوښتونکي د ماشومانو پر وړاندي په جنسي ځورونې او تېري تورن شول، د برېتانیا په ختیځ نارویچ ښار کې یوشمېر د کډوالۍ ضد لاریون کوونکي په یوې راټولېدنه کې سره راغونډ شول. دغه راټولېدنه د چهارشنبې په ورځ د نارویچ ښاروالۍ ودانۍ مخې ته ترسره شوه.