واشنګټن پوسټ ورځپاڼې راپور ورکړی، چې د ډونالډ ټرمپ د ادارې چارواکي د امریکا د تاسیس د ۲۵۰مې کلیزې په مناسبت د نوموړي له انځور سره د ۲۵۰ ډالري بانکنوټ د چاپولو طرحه تعقیبوي، خو د امریکا اوسنی قانون پر بانکنوټ د ژوندیو کسانو د انځورونو چاپول منع کوي.
د چین د دفاع وزارت ویاند ویلي، چې د دغه هېواد او پاکستان د ځمکنیو، سمندري او هوايي ځواکونو ترمنځ د پوځي تمرینونو لړۍ د دوه اړخیزو دفاعي همکاریو په څرګند او بریالیو پروژو بدل شوي او دواړه هېوادونه د پوځي همکاریو پیاوړتیا ته ژمن دي.
د هرمزتنګي له تړل کېدو وروسته، د ترکمنستان د بهرنیو چارو وزارت ویلي، د دغه هېواد د بهرنیو چارو وزیر رشید مرادوف د ملګرو ملتونو د سیاسي او سولې جوړونې چارو له مرستیالې روزمري ډیکارلو سره د افغانستان له لارې د ټاپي پروژې د عملي کېدو پر لارو چارو خبرې کړې دي.
د امریکا د خزانې وزارت اعلان کړی، چې د بندیزونو له تور نوملړه د ۷۶ کسانو، بېړییو او ادارو نومونه لرې کوي.یاد وزارت ویلي چې دا اقدام به د بندیزونو د سرغړونې او تېښتې د مخنیوي لپاره پر پېچلو او لوړ خطر لرونکو هدفونو د لا زیات تمرکز لامل شي.
طالبانو د ریاست الوزرا ادارې مرستیال عبدالسلام حنفي په کابل کې د علياباد او امیري کمپلکس روغتونونو څخه د لیدنې پرمهال ویلي، چې یاده ډله د روغتیايي سکټور پیاوړتیا، د روغتیايي خدماتو د کیفیت ښهوالي او هېوادوالو ته د لازمو اسانتیاوو برابرولو ته ژمن دي.
د امریکا د پوځ مرکزي قوماندانۍ (سنټکام) اعلان وکړ، چې د ایران د سمندري محاصرې له پیل څخه تراوسه پورې ۱۱۱ روسي او د نورو هېوادونو سوداګریزې بېړۍ مجبورې شوې دي، چې د خپلو سفرونو لوری بدل کړي.
اکسیوس د دوو امریکايي چارواکوو له قوله راپور ورکړی، چې د امریکا او ایران مذاکره کونکي د اوربند د غځولو او د اټومي خبرو اترو د پیلولو لپاره پر ۶۰ ورځني هوکړه لیک موافقه کړې، خو ټرمپ لا تر اوسه خپل وروستی تایید نه دی ورکړی.
طالبانو په لومړي ځل په رسمي کچه له روسیې سره د پوځي او تخنیکي همکاریو تړون لاسلیک کړی دی؛ دا تړون چې که څه هم جزییات یې تر ډېره پټ ساتل شوي، خو سیاسي او امنیتي پیغامونه یې خورا روښانه دي.
د مې ۲۸مه د میاشتنۍ ناروغۍ (حیض) د حفظالصحې نړۍواله ورځ ده، چې دا موضوع په نړۍ او ځانګړي ډول افغانستان کې د میلیونونو ښځو او نجونو لپاره یوه جدي ننګونه ده؛ خو په افغانستان کې د طالبانو د محدودیتونو بېوزلۍ او بېسوادۍ امله روغتیايي زدهکړو ته د ښځو لاسرسی خورا کم شوی دی.
یوه افغان کډوال چې تازه له تاجکستان څخه په زوره اېستل شوی، افغانستان انټرنشنل ـ پښتو ته په رالېږلې ویډیو کې د طالبانو له مشر مولوي هبتالله اخوندزاده څخه بښنه غوښتې او ویلي یې دي، چې غواړي په هېواد کې له خپلې کورنۍ سره عادي او ارام ژوند وکړي.
افغانستان انټرنشنل - پښتو ته د کابل د پنځمې حوزې له محکمې څخه رسېدلي اسناد ښيي، چې د دغې حوزې درېیو قاضیانو "مولوي نعمت الله فیصل، مولوي حضرت ولي صفي الله او مولوي نقیب الله" د پېسو په بدل د پنځمې ناحیې اړوند د یو کور قباله د جعلي شهادت پر بنیاد ورکړې ده.
د افغانستان لپاره د پاکستان ځانګړي استازي اصف دراني ویلي، چې د اسلااباد او کابل ستونزه د لارو په تړلو او هوايي بریدونو نه حلیږي، بلکې د ستونزې حل په دوامداره خبرو اترو، د استخباراتي معلوماتو په شریکولو او اقتصادي همکاریو کې دی.
دپاکستان د بهرنیو چارو وزارت ویلي، چې اسحاق ډار سبا واشنګټن ډي سي ته رسمي سفر کوي او د امریکا د بهرنیو چارو وزیر مارکو روبیو سره په لیدنه کې به سیمې د وضعیت په اړه خبرې وکړي.
د ایران رسنیو د اسلامي شورا د مجلس د لومړۍ دورې د پرانیستې د کلیزې په مناسبت مجتبی خامنهيي ته منسوب یو پیغام خپور کړی، چې په یوه برخه کې یې راغلي، له پوځي او اقتصادي فشارونو وروسته «دښمن» د ټولنیز درز او د ټولنې د تجزیې د رامنځته کولو په لټه کې دی.
د اوکراین پارلمان د دفاعي لګښتونو لپاره له اروپایي ټولنې سره د ۹۰ میلیارده یورو د پور تړون په رسمي توګه تصویب کړ. دا ګام د اوکراین لپاره د مالي ملاتړ ترلاسه کولو لاره هواروي او حکومت ته اجازه ورکوي، چې دغه بېسارې مالي سرچینې د یاد هېواد د دفاع او له روسیې سره په جګړه کې ولګوي.
د اسراییل پوځ د پنجشنبې په ورځ اعلان وکړ، چې په تېرو ۲۴ ساعتونو کې یې د لبنان په صور، بقاع او سویلي سیمو کې د حزبالله له ۱۳۵ څخه ډېر هدفونه له منځه وړي دي.
د سویس پولیسو ویلي، چې زوریخ ته نږدې د وینټرتور ښار د اورګاډي په تمځای کې یې یو ۳۱ کلن سویسي وګړی وروسته له هغه نیولی، چې د قاچو به برید کې یې درې کسان ټپیان کړل. پولیسو ویلي، چې د پېښې قربانیان د درملنې لپاره روغتون ته لېږدول شوي او د بریدګر د انګېزې په اړه څېړنې روانې دي.
د بلوچستان په قامي اسمبلۍ کې د اپوزېسیون مشر محمودخان اڅکزي خبرداری ورکړی، چې که پښتنو او بلوڅو ته د خپلو طبیعي سرچینو حق ورنهکړل شي، هغوی به د خپلو حقونو ترلاسه کولو لپاره پراخ احتجاج او پاڅون کولو ته اړ شي.
د سید قاسم هاشمي کورنۍ ویلي، چې پاکستاني پولیسو نوموړی د ایبټاباد او اسلاماباد پر لویه لاره نیولی او نامعلوم ځای ته یې لېږدولی دی.
د کینیا حکومت ویلي، چې د دغه هېواد په «ریفټ ویلي» سیمه کې د نجونو د یوه ښوونځي په لیلیه کې د اورلګېدنې له امله لږ تر لږه ۱۶ زده کوونکې مړې شوې دي. د کینیا د ښوونې او روزنې وزیر ویلي، چې دا پېښه د شپې ناوخته رامنځته شوې ده.
ناپېژاندو وسلهوالو د بلوچستان ایالت د سیفالله کلا ولسوالۍ په مولوي بختیار اډې سیمه کې درې کسان په ډزو وژلي او یو بل ټپي شوی دی. د سیفالله کلا پولیسو ویلي، چې د پېښې په تړاو یې پلټنې پیل کړې دي.