د خيبرپښتونخوا د پوليسو مشر ويلي، چې د لوی اختر په ورځو کې یې په دغه ایالت کې د امنيت د ټينګښت لپاره کلک ګامونه پورته کړي او ۵۰زره د پولیسو افسران او سرتېري یې ګمارلي ترڅو د خلکو امنیت خوندي کړي.
د افغانستان د پخواني جمهوري نظام پر مهال اجراییه رییس ډاکټر عبدالله عبدالله د لوی اختر په مناسبت په خپل پیغام کې له سوداګرو او شتمنو هېوادوالو غوښتي چې په دې مبارکو ورځو کې له اړمنو او بېوزلو کسانو سره مرستې وکړي.
پخواني ولسمشر محمد اشرف غني ته نېږدې سرچینو افغانستان انټرنشنل - پښتو ته تایید کړه، چې هغه له عربي اماراتو څخه لبنان ته تللی دی. ولسمشر محمد اشرف غني په خپله وینا کې هم ویلي چې شپږ میاشتې پرې د خبرو بندیز لګېدلی و.
د ولسمشر محمد اشرف غني اختر پیغام یوازې یو موسمي مبارکي نه ده، بلکې دا یو سیاسي خبرداری، اخلاقي غوښتنه او د ملي مسؤلیت غږ دی؛ په داسې وخت کې چې افغانستان د خپل معاصر تاریخ له تر ټولو خطرناکو پړاوونو څخه تېرېږي.
هېواد ته یو شمېر نوي راستنه شوي افغانان شکایت کوي، چې که څه هم قانوني کاغذي او برېښنایي تذکرې لري، خو د پاسپورټ په ولایتي دفترونو کې ورته پاسپورټونه نه ورکول کېږي او له ګڼو ستونزو سره مخ دي.
د خوست ولایت د صبریو ولسوالۍ د ابادخاني کلي اوسېدونکي شکایت کوي چې نه د پخواني جمهوري نظام پر مهال او نه هم د طالبانو په واکمنۍ کې د دوی سیمې ته لازمه پاملرنه شوې ده. د سیمې خلک وایي، له سختو اقتصادي ستونزو سره مخ دي او د ژوند له لومړنیو اسانتیاوو بېبرخې دي.
مخکیني ولسمشر اشرف غني په خپل اختریز پیغام کې ویلي، چې د طالبانو په واکمنۍ کې افغانستان په بې ساري ډول منزوي شوی او ګاونډیان د ګواښ په توګه ورته ګوري. اشرف غني ویلي، چې له تېرو شپږو میاشتو راهیسې یې د خبرو مخه نیول شوې وه.
د طالبانو د صنعت او سوداګرۍ وزارت ویلي چې ټاکل شوې د قزاقستان او افغانستان ترمنځ د سوداګریزو اړیکو د پراختیا، د کورنیو تولیداتو د معرفي او اقتصادي همکاریو د پراخولو لپاره افغان-قزاق ګډ سوداګریز کنفرانس جوړ شي.
د جرمني د بهرنیو چارو وزارت ویلي چې د روسیې سفیر یې پر کیېف د مسکو له وروستیو بریدونو او ګواښونو وروسته احضار کړی دی. د جرمني د بهرنیو چارو وزارت ویلي، روسیې پر روغتونونو، ښوونځیو او د جرمني اړوند ټلوېزیون پر سټوډیوګانو بریدونه کړي.
د هند د بهرنیو چارو وزارت د چین او پاکستان ګډه اعلامیه کې د جمو او کشمیر په اړه څرګندونو ته غبرګون ښودلی او هغه یې بېځایه څرګندونې بللې. هند د چین ـ پاکستان اقتصادي دهلېز اړوند پروژو ته په اشارې ویلي، چې د هغو اقداماتو مخالفت کوي چې د پاکستان «غیرقانوني اشغال» ته مشروعیت ورکوي.
په بدخشان کې د طالبانو امنیه قوماندان عبدالبصیر مظهري د لوی اختر په مناسبت په یوه ویډیویي پیغام کې خپله پوځي رتبه پر اوږوه سرچپه ټومبلې. نوموړي پر ټولنیزو رسنیو د خلکو له نیوکو وروسته بله ویډیو ثبت کړه او دا ځل یې نښانونه سم ټومبلي وو.
د افغانستان کرکټ بورډ اعلان کړی چې حشمتالله شهیدي به د هند پر وړاندې په راتلونکې لوبلړۍ کې د افغانستان د ملي لوبډلې د یو ورځنیو او ټیسټ لوبو مشري کوي. د هند او افغانستان ټیسټ لوبه د جون له ۶مې تر ۱۰مې او درې یو ورځنۍ لوبې د جون پر ۱۳مه، ۱۷مه او ۲۰مه کیږي.
د ایران د تایباد د دوغارون د ازادې سوداګریزې صنعتي سیمې عمومي مدیر ویلي چې د ایران ۶۰ سلنه صادراتي توکي افغانستان ته د دوغارون- اسلام کلا له لارې صادریږي.
د سویس د زوریخ ښار پولیسو د یکشنبې په ورځ په ګلاټ بروګ سیمه کې درې هغه کسان نیولي ، چې شک کېږي په زوریخ کې یې یو ۲۱ کلن افغان ځوان سخت وهلی دی. نیول شوي کسان چې یو ۲۰ کلن او دوه ۲۱ کلن دي، سویسي وګړي دي.
له ۲۰۲۳ کال نه تر دې دمه له جرمني نه۲۲۲ افغانان د دولتي مالي مرستې په مټ بېرته افغانستان ته ستانه شوي دي. دغه کسان د طالبانو له واکمنېدو وروسته جرمني ته تللي وو، خو د جرمني دې لېنکه ګوند دا ډول ستنونې د افغان پناه غوښتونکو ژوند ته ګواښناکې بولي.
طالبان وايي، چې د هلمند په مرکز لښکرګاه کې یې ۱۲۷۶ کارتنه انساني او ۱۱ کارتنه کرنیز درمل نیولي دي. دغه درمل په څلورو موټرو کې لېږدول کېدل. تېره ورځ هم طالبانو په کندهار، نیمروز، ننګرهار او هلمند ولایتونو کې له پاکستان نه د ۲۲ زره کیلوګرامه قاچاقي درملو د نیولو خبر ور کړی و.
د ایران د بهرنیو چارو وزارت په یوه تازه اعلامیه کې امریکا تورنه کړې چې په هرمزګان سیمه کې یې له اوربنده سرغړونه کړې ده. تهران ویلي، د امریکا پوځ په تېرو ۴۸ ساعتونو کې پر ایراني سوداګریزو بېړیو څو بریدونه او «پاروونکي اقدامات» کړي دي.
د روسیې د فېډرالي امنیت ادارې مشر الکساندر بورتنیکوف ادعا کړې چې د طالبانو مخالفې وسلهوالې ډلې «د برېتانیا د استخباراتو» په ملاتړ غواړي د افغانستان شمالي سیمې ناامنه کړي. دا ادعا په داسې حال کې کیږي چې د امرالله صالح په مشرۍ زرغونې قطعې تازه په پنجشېر کې پر طالبانو برید کړی.
پر تورخم د تګ راتګ د محدودیتونو او اداري ستونزو له امله په افغانستان کې بند پاتې له ۱۸۰۰ ډېر پاکستاني موټرچلوونکي وايي، طالبان د تګ اجازه ور کوي، خو د پاکستان له لوري د «کلیرنس» نه ترلاسه کېدو له امله نه شي کولای له تورخم واوړي.
روسي شرکتونو له ولادیمیر پوتین سره په یوه ناسته کې ویلي چې دوی چمتو دي د خپلو صنعتي تاسیساتو د دفاع لپاره د درندو وسلو او برېښنايي دفاعي سیستمونو د پېرلو لګښتونه ورکړي، څو د اوکرایني ډرون بریدونو مخه ونیول شي.
د سلوانیا د بهرنیو چارو وزارت پلاوي په کابل کې د طالبانو له پېښو سره د مبارزې امادګۍ ادارې له چارواکو سره د افغانستان د ماین پاکۍ پروګرام، روغتیايي کلینیکونو او بشردوستانه همکاریو د ملاتړ په اړه تخنیکي خبرې کړې دي.