آرشیف

د خېبر پښتونخوا په باجوړ ولسوالۍ کې، نن د یکشنبې په ورځ(غویي ۱۳مه) په دوو جلا پېښو کې يو ټولنيز فعال او بل ځايي اوسېدونکی وژل شوي دي.

د افغانستان لپاره د ملګرو ملتونو د بشري حقونو ځانګړی راپور ورکوونکی ریچارډ بېنېټ، وایي چې لږ تر لږه څلور خبریالان او د رسنیو فعالان لا هم د طالبانو له خوا په بند کې ساتل کېږي. هغه ویلي، نن د رسنیو د ازادۍ نړیواله ورځ ده او د بندي خبریالانو د خوشې کولو لپاره دا تر ټولو ښه ورځ ده.

طالبانو له بیا واکمنېدو راهیسې پر رسنیو فشار راوړل او پر شدید سانسور ډېر تمرکز کړی چې تر اوسه یې لسګونه خبریالان نیولي، خو د افغاستان انټرنشنل- پښتو د موندنو له‌مخې، ۵ خبریالان له شاوخوا یوه کال راهیسې لا هم د طالبانو له خوا په بند کې ساتل کېږي. دغه خبریالان څوک او ولې بندیان دي؟

مشهور سیمه‌ییز سندرغاړی فیروز کندوزي وايي، طالبانو نه دی نیولی او له تېرو پنځو کلونو راهیسې په افغانستان کې اوسېږي او هېڅ هنري فعالیت نه کوي. نوموړي ویلي، چې هنرمندان مظلومه طبقه ده.

په خوست کې د طالبانو د امربالمعروف محتسبانو ۸۲۹ د موسیقۍ الات، قیلونونه او د ساکښو انځورونو پردې راټول کړي او سوځولي دي. طالبانو د موسیقۍ الات، قیلونونه او داسې پرې، چې د ساکښو انځورونه پرې کښل شوي وي، له «شرعي» اصولو سره په ټکر کې بللي دي.

د پاکستان د جمعیت اسلامي ګوند پخواني مشر سراج الحق ویلي، چې پاکستان دمګړی له سخت اقتصادي فشار، برېښنا نشتوالي او د بې‌باورۍ له حالت سره مخ دی. نوموړي ویلي، چې حکومت دې د شخصي ګټو پرځای د ملت ګټو ته لومړیتوب ورکړي.

د طالبانو د کورنیو چارو وزارت کې سرچینو افغانستان انټرنشنل ته ویلي، چې سراج‌الدین حقاني په یوه رسمي حکم کې یو پخوانی ځانمرګی بریدګر د وزارت پر یوې اداري څوکۍ ګومارلی. د سرچینو په وینا، دغه کس چې «امرالله حمیم» نومېږي، د تعلیم او تربیې قوماندانۍ د دفتر مدیر ټاکل شوی.

د طالبانو د لوړو زده کړو وزارت وايي، ددغه وزارت وزیر په کندهار کې له یوې دیني مدرسې څخه د لیدنې پرمهال ویلي، چې د مدرسو فارغانو ته چې د دکتورا سند ورکول کیږي، وړتیایې باید ولري. ندا محمد ندیم وايي، نږدې ۶ نیم زره کسان د دوکتورا او ماسټرۍ پر زده کړو بوخت دي.

په افغانستان کې د ملګرو ملتونو د بشري مرستو مسوول تاج الدین اويوال د طالبانو د ریاست الوزرا اداري مرستیال عبدالسلام حنفي سره په لیدنه کې ویلي، چې د موسسو او د طالبانو تر منځ د ګډ کار په پايله کې تر اوسه ۴۵ زره تنو ته د کارموندنې زمينه برابره شوې.

د بېلابېلو ولایتونو اوسېدونکي د وسله‌والو غلاوو او جنايي پېښو له زیاتوالي شکایت کوي او وایي، غله او د عامه نظم ګډوډوونکي د طالبانو یونیفورم کاروي. طالبانو په تېرو ۳۳ ورځو کې د غلا او نشه‌يي توکو په تړاو د ۶۶۹ کسانو د نیولو خبر ورکړی، چې په اوسط ډول هره ورځ شاوخوا ۲۰ تنه کېږي.

د طالبانو په مالیې وزارت کې سرچینو افغانستان انټرنشنل ته وویل، چې مولوي هـبت الله اخوندزاده د روان ۱۴۰۵ مالي کال بودجه تایید کړې ده. د سرچینو په وینا، نن له کندهار څخه د بودجې جزئیات د طالبانو مالیې وزارت ته سپارل شوي دي او ډېر ژر به په رسمي ټول د بودیجې اعلان وشي.

د جرمني د کورنیو چارو وزیر دوبرېنډټ په وروستیو میاشتو کې د طالبانو له ډيپلوماتانو سره پټه همکاري پام وړ زیاته کړې ده. د دې همکارۍ هدف له جرمني څخه افغانستان ته د کډوالو د اخراج شمېر ډېرول بلل کېږي.

په شمالي وزیرستان کې د می پر لومړۍ د یوه قومي مشر او د داوړو د درپه خېل قبیلې د قومي څلوېښتي مخکیني مشر ملک سیف الرحمن له وژل کېدو وروسته یاده قبیله د پاکستاني طالبانو خلاف پر یو کېدو غور کوي. محلي سرچینو ادعا کړې، چې نوموړی د حافظ ګل بهادر ډلې د صادق نور جنګیالیو وژلی.

په پکتیا کې د طالبانو امینه قوماندانۍ ویلي، چې د ډنډ پټان ولسوالۍ په نري ژوره سیمه کې یې له پاکستان نه ۲۸ میله قاچاق کېدونکې تومانچې او د تومانچو ۱۴۵۰ مرمۍ نیولې دي. طالبانو ویلي، چې قاچاق کوونکي د پیښې له ځایه تښتېدلي دي.

د طالبانو د اطلاعاتو او کلتور وزارت ویلي، چې د ۱۴۰۴ لمریز کال په لړ کې د یادې دلې د کتاب ارزونې کمېسیون د زرګونه واردو شويو او لسګونه لیکل شویو کتابونه ارزونه کړې ده. یاد کمیسیون په همدې موده کې څه باندې ۹۰۰ کتابونه د خپلو اصولو او معیار خلاف بللي دي.

د طالبانو د المپیک ملي کمېټې او سپورټ پخوانی رییس نظر محمد مطمین په خپل اېکس کې لیکلي، چې په کابل کې غلاوې زیاتې شوې دي. نوموړی ویلي، چې په یوه اونۍ کې د کابل په دارالامان سیمه کې یوازې په یوه کوڅه کې له درې کورونو څخه غلاوې شوې دي.

په کندهار کې ځايي سرچینو افغانستان انټرنشنل ته ویلي، چې طالبانو تازه د کندهار له قول اردو څخه سلګونه طالب جنګیالي او نظامي وسایط د دغه ولایت په سپین بولدک، ښورابک او ریګستان ولسوالیو کې ځای پر ځای کړي دي.

ځايي سرچینو افغانستان انټرنشنل ته ویلي، طالبانو په جنوب لویدیزو ولایتونو کې په غير مستقيم ډول خلکو ته ويلي چې تارياک له سترګو پناه او په کلاوو کې دننه کرلی شي. له دې وړاندې طالبانو په کندهار کې محتسبانو ته ویلي و، چې د تاریاکو په اړولو پسې دې کورونو ته نه ننوځي.

د طالبانو د اطلاعاتو او کلتور وزارت د رسنیو ازادۍ نړۍوالې ورځې په مناسبت ویلي، چې په افغانستان کې د رسنیو وضعیت ښه شوی او پر رسنیو یې غږ کړی، چې د دوی پالیسې عملي کړي.

د طالبانو د امر بالمعروف وزارت ویلي چې په لوګر ولایت کې یې دوه هغه ښځې ژغورلې دي چې د کورنیو له لوري د واده له حقه بې برخې شوې وې.

د اوکراین ولسمشر ولادیمیر زیلنسکي وايي، د اوکرایني ځواکونو له لوري د روسیې د تېلو د لېږد دوه بېړۍ د نوفوروسیسک بندر ته نږدې ویشتل شوې دي. هغه ټینګار کړی چې دغه بېړۍ نور د تېلو د لېږد لپاره نه کارېږي.