آرشیف

د بلغاریې سرحدي پولیسو په «لوزینټ» کلي کې د ۲۴ افغان کډوالو د نیولو خبر ورکړی. پولیسو ویلي، چې دغه افغان کډوال یې په یوه قاچاق وړونکي موټر کې نیولي.

د بشري حقونو د نړۍ والو وکیلانو ټولنه وايي، افغانستان کې په تېرو څلورو کلنو کې د طالبانو تر واک لاندې نجونې او ښځې په منظم ډول د بشري حقونو له سرغړونو او بدترین بشري ناورین سره مخ دي. دغه ادارې پر نړیوالو ټينګار او غږ کړی، چې د طالبانو کړنې باید وغندي.

په متحده عربي اماراتو کې د افغانستان په کوربه‌توب د افغانستان، پاکستان او متحده عربي اماراتو د کرېکټ ملي لوبډلو ترمنځ د درې اړخیزې لوبلړۍ په لومړۍ لوبه کې پاکستان افغان اتلانو ته د ۱۸۳ منډو هدف وټاکه.

د خیبرپښتونخوا د اعلی وزیر د اطلاعاتو سلاکار بېرسټر محمد علي سیف د امنیتي مطالعاتو او څېړنې په مرکز کې په یوې جوړه شوې غونډه کې وویل، پاکستان او افغانستان د دین، دودونو او کلتور پر بنسټ سره تړلي او په وینا یې، کرښې ښايي دولتونه سره بېل کړي، خو خلک یې یو موټی پاتې کېږي.

د جرمني حکومت تازه خپلو وګړو ته خبرداری ورکړی، چې له ایران څخه ژر تر ژره ووځي او دې هېواد ته له سفر کولو په کلکه ډډه وکړي.

د ترکیې د بهرنیو چارو وزیر هاکان فیدان اعلان وکړ چې د اسراییلو پر وړاندې د نويو بندیزونه له مخې، د اسراییل کښتۍ نور د ترکیې بندرونو ته د ورتګ اجازه نه لري او همدا ډول د اسراییل الوتکې د ترکیې له حریم څخه هم استفاده نه شي کولی.

د ملګرو ملتونو د ښځو د څانګې (UN Women) په تازه راپور کې ویل شوي چې که څه هم د طالبانو له لوري د نجونو د منځني تعلیم پر وړاندې بندیز لا هم پر ځای دی، خو د افغانستان د خلکو ډېری برخه د نجونو د زده کړو ملاتړ کوي.

نن په متحده عربي اماراتو کې د افغانستان په کوربه‌توبه د افغانستان، پاکستان او متحده عربي اماراتو د کرېکټ ملي لوبډلو ترمنځ د درې اړخیزې لوبلړۍ لومړۍ لوبه د افغانستان او پاکستان د لوبډلو ترمنځ ترسره کېږي. د لوبې پچه پاکستان وګټله او لومړۍ یې د توپ وهنه پرېکړه وکړه.

سرچینو افغانستان انټرنشل ته وویل، د پښتونخوا د خېبر ولسوالۍ د لنډي کوتل په سیمه کې طالبانو ډیورنډ کرښې ته څېرمه د پاکستاني ځواکونو پر امنیتي پوسته ډزې کړي، چې په پایله کې یې یو پاکستانی سرتېری وژل شوی دی.

د پاکستان د بهرنیو چارو وزیر پر خوست او ننګرهار د هوايي برېدونو په اړه له تبصري کولو ډډه وکړه. نوموړي نن د یوې خبري غونډې پرمهال پر افغانستان هوايي برېدونو ته له اشارې پرته وویل، په کابل کې یې سفیر احضار شوی چې جزییات به یې و ارزول شي.

د پاکستان د پلان وزیر احسن اقبال وایي، که هند د اوبو د جریان دقیق معلومات ورکړي وای، نو د بحران شدت به کم شوی وای. هغه ټینګار وکړ چې د اقلیم بدلون د بارانونو ناڅاپي زیاتوالي ته لار هواره کړې او د معلوماتو شریکول اړین وو.

په جرمني کې د بې‌کارۍ کچه له یوې لسیزې وروسته لومړی ځل درې میلیونو ته لوړه شوې، چې د اقتصادي رکود د ژورېدو اندېښنې یې زیاتې کړې دي.

د تېر جمهوري نظام د بهرنیو چارو وزیر د هبت‌الله له خوا د پخواني ولسمشر حامد کرزي جلاوطنه کولو او د هغه د فعالیتونو محدودولو په اړه ویلي، چې د طالبانو دا اقدام به د روانو کرکېچونو د سیاسي حل او په هېواد کې د تلپاتي سولې د ټېنګښت لپاره د باور جوړونې ټولې هڅې له جدي ګواښ سره مخ کړي.

د طالبانو د عامې روغتیا وزارت د درملو او خوراکي توکو د قاچاق د مخنیوي لپاره د وزارتونو ترمنځ غونډه ترسره کړې، خو لا هم په هېواد کې د ټیټ کیفیت او قاچاقي درملو د پلور او د درمل جوړوونکو کمپنیو له خوا له ډاکټرانو سره د فساد ستونزه نه ده حل شوې.

سرچینو افغانستان انټرنشنل ته ویلي، چې د فارس خلیج هېوادونو هغه مالي مرستې چې د پاکستاني طالبانو (ټي‌ټي‌پي) د میشتونې لپاره افغان طالبانو ته ورکول کېدې ځڼدول شوې دي.

طالبانو ویلي، چې د نمیروز ولایت په درېیو ولسوالیو کې یې لسګونه هغه افغان مسافر نیولي چې غوښتل یې په ناقانونه توګه ایران ته ولاړ شي. په نیمروز کې د‌طالبانو د والي رسنیز دفتر د جمعې په ورځ (د وږي ۷مه) ویلي، چې نیول شوي کسان یې بېرته خپلو ولایتونو ته انتقال کړي دي.

ولادیمیر پوتین چې راتلونکې اوونۍ چین ته ځي، له داسې پلازمېنې څخه سفر کوي چې د بیجینګ نفوذ پکې په بې ساري ډول زیات شوی دی. د چین سوداګریز مرکزونه، دودیزې ودانۍ، په چټکۍ سره زیاتېدونکي چینایي رسټورانتونه او د چین موټرونه هغه څه دي چې نن ورځ په مسکو کې په ښکاره ډول لیدل کېږي.

د ملګرو ملتونو د ماشومانو وجهي صندوق (یونیسف) وايي، د روان کال د مې له میاشتې تر اکتوبر پورې شاوخوا ۹،۵ میلیونه افغانان، چې د هېواد د نفوس ۲۱ سلنه جوړوي، د خوړو له ناامنۍ سره مخ دي.

د افغانستان د مخکېني ولسمشر محمداشرف غني لومړی مرستیال امرالله صالح وایي د عزیزي بانک او د هغه اړوند مالي شبکې د طالبانو لپاره د «پیسو مینځونکي او پروپاګنډ چلونکي» په توګه عمل کوي او ژر به د بادي انرژۍ شرکتونو لېست خپور کړي څو روښانه کړي چې عزیزي له هېڅ یو شرکت سره اړیکه نه لري.

د قرغزستان د وزیرانو شورا یو ځانګړی دولتي پروګرام تصویب کړی، چې له مخې به یې د افغانستان د لوی او کوچني پامیر سیمو څخه ور کډه شوي د قرغز توکم خلک تر ۲۰۲۹ کال پورې د دغه هېواد له ملاتړ څخه برخمن شي.

د طالبانو تر واک لاندې باختر اژانس ویلي، چې تېره ورځ له ایران او پاکستان څخه د کندهار، هلمند، پکتیکا، نیمروز، ننګرهار او هرات له لارو ۲،۸۴۴ افغان کډوالې کورنۍ هېواد ته ستنې شوې دي.