د طالبانو د عامې روغتیا وزیر نور جلال جلالي د سويلي اسیا لپاره د یونېسیف ادارې مشر سنجی وېجسېکره سره په کتنه کې ویلی، چې د افغانستان روغتیا سکتور د اوسنیو ظرفیتونو ترڅنګ لا هم د نړیوالو شریکانو ملاتړ ته اړتیا لري.
سرچینو افغانستان انټرنشنل ته وویل، چې د حزب اسلامي مشر ګلبدین حکمتیار مالیزیا ته روان شوی. ظاهرا ددغه سفر موخه درملنه ښودل کیږي. د روان کال د تلې پر ۲۰ داسې رپوټونه خپاره شول، چې طالبانو مالیزیا ته د حکمتیار د سفر مخه نیولې ده.
سوریایان د دوشنبې په ورځ د بشارالاسد د نسکورېدو او د هغه د وسپنیزې واکمنۍ د پای لومړۍ کالیزه نمانځي. د دمشق په مرکزي امویانو څلورلار کې رسمي نمانځنې پلان شوې دي، چې ځانګړي مراسم او پوځي پرېډونه هم پکې شامل دي.
د طالبانو د کورنیو چارو وزارت وايي چې د کابل ټرافیکو سره په ګډو عملیاتو کې یې له پلازمېنې څخه ۱۲۰۰ بې اسناده او یوکیلي وسایط نیولي او د پولیسو ښارګوټي ته یې لېږدولي دي. دې وزارت ویلي چې ددې کار موخه یې دا ده، څو د ناقانونه تګ راتګ مخنیوی وشي.
د تېر جمهوري نظام پر مهال د ولسمشر حامد کرزي د دفتر رییس عبدالکریم خُرم د امریکا د ۲۰۲۵ امنیتي تګلارې تازه خپرې شوې نسخې ته په اشارې ویلي چې په دې سند کې د افغانستان د نوم نهاخیستو باوجود د واشنګټن له سټراټیژیک لومړیتوبونو نه دی وتلی.
د افغانستان کرېکټ بورډ په ننګرهار کې د ۱۸ تکړه چټک توپ اچوونکو د مهارتونو، فزیکي چمتووالي او ډګر ساتنې د لوړولو لپاره ځانګړی د نوامبر په ۲۵مې تمریناتي کمپ پیل کړی چې د ډسمبر تر ۲۰مې به دوام ولري.
د ملګرو ملتونو د نشهیي توکو او جرمونو پر ضد ادارې (UNODC) ویلي په غزني کې یې د د ښځینهوو د درملنې ۲۰ بستریز مرکز کې سلګونه ښځې او ماشومان د نشهیي توکو د کارونې له ستونزې ژغورل شوي. وایي، دې اقدام یې د زیانمنو ښځو ژوند کې مهم بدلون راوستی.
د جمهوري نظام پر مهال د ولسمشر لومړي مرستیال امرالله صالح ادعا کړې چې د ۲۰۲۵ د ډسمبر په ۸مه نېټه، متحده ایالاتو کابل ته د طالبانو لپاره ۴۵ مېلیونه ډالر په نقدي بڼه استولي دي. هغه زیاته کړې، دا پېسې داسې مهال استول شوي چې افغانستان د امریکا د ملي امنیت په ستراتېژۍ کې ځای نه لري.
د روسیې تازه برید د خارکیف او اوبلاسټ په پیچیني بند د اوبو رسونې مهم سیسټم ته جدي ګواښ پېښ کړی. دا بند خارکیف ښار او شاوخوا سیمو ته اوبه برابروي. اوکرایني ځواکونه د بند احتمالي جدي زیان په اړه خبرداری ورکړی او بېړني ځوابي پلانونه یې هم عملي کړي دي.
د طالبانو د کانونو او پټرولیم وزارت ویلي چې د سرپل ولایت د قشقري له ساحې څخه یې ۱۸زره ټنه استخراج شوي تېل د یکشنبې په ورځ د (لیندۍ ۱۶مه) د داوطلبۍ له لارې پلورلي دي. د دغه وزارت د خبرپاڼې له مخې، یاد مقدار تېل نږدې د ۱۰ اعشاریه ۵ مېلیونه ډالرو ارزښت پلورل شوي دي.
د طالبانو کور او ښار جوړولو وزارت وایي د ښاري سرغړونو د مخنیوي د کونړ ولایت په نورګل او څوکۍ ولسوالیو کې د زلزلهځپلو ۵۰ کورونو د رغونې چارې یې څارلي، ترڅو ودانیزې چارې په بشپړ ډول تخنیکي معیارونو، کیفیت او د کارګرانو خوندیتوب ته په پام سره ترسره شي.
په افغانستان کې د ملګرو ملتونو د خوړو او کرنې ادارې (FAO) خبرداری ورکړی چې په دې هېواد کې د ښځو خلاف ډیجیټلي تاوتریخوالی نه یوازې انلاین نړۍ ګواښ دی، بلکې د هغوی د زدهکړې، کار، بازار موندنې او اقتصادي برخو ته د لاسرسي پر وړاندې یو لوی خنډ ګرځېدلی.
د فرانسې ۲۴ټلوېزیوني شبکې راپور ورکړی، تمه کېږي اروپايي ټولنه به نن دوشنه د (لیندۍ ۱۷مه) د کډوالۍ په تړاو د سختو قوانینو تصویب کېدو لپاره رایه اچونه وکړي. د راپور له مخې، اروپايي ټولنه هڅه کوي چې ور ننوتونکي کډوال بېرته له خپلو پولو دباندې وباسي او د ښي اړخي سیاست قوت راکم کړي.
په پاکستان کې د افغانستان پخوانی سفیر نجیبالله عليخېل وایي، که هېواد له تاریخي تېروتنو درس وانخلي او کورني ناورینونو ته واقعي حل ونه مومي، کابل به یو ځل بیا د سیمهیزو رقابتونو په منځ کې راګیر پاتې شي او د بېثباتۍ، کډوالۍ او بهرني نفوذ لړۍ به دوام پیدا کړي.
د جرمني دویچه ویله رسنۍ یو راپور کې وایي، کابل کې د طالبانو د حکومت له لوري پر پاکستاني درملو بشپړ بندیز لګېدو سره، د افغانستان د درملو په بازار کې د بنسټیزو طبي توکو کمښت ژور شوی او خلکو ته د عامو درملو موندل هم ستونزمن شوي دي.
جاپان ویلي چې د چین جنګي الوتکو په دوه «خطرناکو» پېښو کې د اوکیناوا جزایرو ته نږدې خپل رادار د جاپاني پوځ پر الوتکو ور برابر کړی، خو بیجینګ دغه تورونه رد کړي دي. د جاپان لومړۍ وزیر سانایه تاکایچي ویلي: «راد برابرول یو یو خطرناک عمل دی چې د الوتنو خوندي تګ راتګ یې اغېزمن کړی».
د ملګرو ملتونو د کډوالو ادارې د دوشنبې په ورځ (د لیندۍ ۱۷مه) وویل، په سوریه کې د بشارالاسد په مشرۍ د حکومت له رانسکورېدو وروسته شاوخوا ۳ میلیونه سوریايي وګړي بېرته خپلو مېنو ته ستانه شوي دي. په دې کې ۱،۲ میلیونه یې کډوال او ۱،۹ یې کورني بېځایه شوي دي.
د بشري حقونو رسنیو راپور ورکړی، چې په ایران کې په تېرو دوو ورځو کې لږ تر لږه ۲۴ بندیان اعدام شوي دي. دغه شمېرې ښيي، چې یوازې په تېرو دوو ورځو کې په ورځني ډول لږ تر لږه ۱۲ کسان او په هرو دوو ساعتونو کې یو تن اعدام شوی دی.
د ملګرو ملتونو د نشهيي توکو او جرمونو دفتر استازو د دوحې خبرو په چوکاټ کې له طالب چارواکو او د غړو هېوادونو له استازو سره تخنیکي غونډه کړې. دا غونډه د باور جوړونې او د نشهيي توکو، پیسو مینځلو، ترهګرۍ او نورو نړۍوالو جرمونو پر ضد د مبارزې د راتلونکو ګامونو په همغږۍ متمرکزه وه.
د امریکا ولسمشر ډونالډ ټرمپ د ټکزاس د استازي هینري کویلر پر دې پرېکړې سخته نیوکه کړې، چې هغه د ډېموکرات ګوند د استازي په توګه بیا نوماند کېږي. دا پرېکړه وروسته له هغې ده، چې ټرمپ تېره اوونۍ کویلر ته د لګېدلو تورونو په اړه بښنه وکړه.
ملګري ملتونه وایي، د افغانستان خرابېدونکي اقتصادي وضعیت په میلیونونو خلکو اغېز کړی دی، چې سږکال ۲۵سلنه کورنۍ د مالي سرچینو د کمښت او د لوړ طبي لګښتونو له امله روغتیايي خدمتونو ته لاسرسی نه شي موندلی.