د اېرلنډ بهرنیو چارو وزارت د طالبانو د بیا واکمنۍ څلورمې کلیزې په مناسب خپور شوي بیان کې له بشري حقونو د طالبانو سرغړونې غندلې دي. دغه وزارت ویلي:« موږ د طالبانو لهخوا د بشري حقونو او په ځانګړې توګه د ښځو او نجونو له حقونو پراخې سرغړونې او محدودیتونه په کلکه غندو.»
د طالبانو د کورنیو چارو وزارت وايي، چې پر افغانستان د دوی د څلور کلنې واکمنۍ پرمهال د جرمونو په کچه کې د پام وړ کموالی راغلی دی. د دغه وزارت ویاند عبدالمتین قانع په یوه مرکه کې ادعا کړې، چې د دوی د څلور کلنې واکمنۍ پرمهال د جرمونو په کچه کې ۲۵سلنه کموالی راغلی دی.
د رواداري په نوم د بشري حقونو یو بنسټ وایي، چې طالبانو په تېرو څلورو کلونو کې د ښځو د زدهکړو او کار په برخه کې د بندیزونو په لګولو، له پخوانیو پوځیانو غچ اخيستلو، د افغانستان اساسي قانون او نړۍوالو تړونونو ځنډولو سره نړۍوال بشري قوانین نقض کړي دي.
له ولادیمیر پوتین سره تر ناستې وروسته ډونالډ ټرمپ له فاکس نیوز ټلوېزیوني شبکې سره د مرکې په لړ کې د اوکراین ولسمشر ولادیمیر زېلېنسکي ته مشوره ورکړې، چې د اوکراین جګړې د پای ته رسولو لپاره مسکو سره هوکړې ته حاضر شي.
د افغانستان د ملي راډيو ټلویزیون پخوانی مشر اسماعیل میاخېل د طالبانو د څلور کلنې واکمنۍ په تړاو وايي، طالبان ۴ کاله مخکې په «الهي نصرت» نه، بلکې «امریکايي نصرت» واک ته رسېدلي دي.
په فرانسه کې مېشتو افغان مېرمنو د طالبانو د بیا واکمنېدو څلورمکالپه مناسبت په پاریس کې لاریون وکړ. د لاریون ګډونوالو د طالبانو له لوري پر ښځو د لګېدلو دوامدارو محدودیتونو او د اساسي حقونو د سلبېدو په وړاندې غږ پورته کړ.
په هسپانیه کې یو شمېر مدنې فعالانو، افغان کډوالو، ژورنالیستانو او مدنې ټولنو په یوه ګډه اعلامیه کې ویلي، چې د طالبانو تر واکمنۍ لاندې افغانستان په یوه ظالمنه چاپيریال بدل شوی دی. دغه فعالان وايي، چې افغانان د ترهګرۍ، سانسور او جوړښتي ځپلو له امله له اساسيحقونو بې برخې دي.
د روسیې ولسمشر ولادیمیر پوتین د امریکا له ولسمشر ډونالډ ټرمپ سره د مذاکراتو تر پای وروسته په یوه ګډه خبري ناسته کې څرګنده کړه،چې دواړو لوریو «رغنده او ژورې» خبرې کړې دي.
د ملي مقاومت جبهې مشر احمد مسعود د جمهوري نظام د رانسکورېدو د څلورم کال په تړاو د ملي مقاومت د عالي شورا په رهبرۍ غونډه کې وویل، په تېرو څلورو کلونو کې دا تمه چې ګواکې د بهرنیو په مرسته به په افغانستان کې بدلون راشي غلطه ثابته شوه.
د امریکا ولسمشر ډونالډ ټرمپ ویلي چې د روسیې له ولسمشر ولادیمیر پوتین سره په ډېری مواردو کې هوکړه کړې ده او د خبرو اترو په ترڅ کې یې ښه پرمختګ کړی، خو ټینګار یې کړی چې تر وروستۍ هوکړې پورې لا کوم رسمي تړون نه دی شوی.
طالبانو سږ کال د خپل بري څلورم کال د تېرو کلونو په پرتله کم رنګه ونمانځه. په کابل کې د نظامي وسلو، پوځي موټرو او تجهیزاتو ننداره نه وه؛ خو یوازي خلک او ورزش کاران د دغه ډلې د بیرغ سره سړکونو ته راوتلي وه.
د افغانستان د تېر جمهوري نظام د پوځ لوی درستیز هبت الله علیزی،د طالبانو د واکمنېدو څلورم کال په مناسبت په یوه لیکنه کې ویلي، چې طالبان دولت نه، بلکې یوه «وسلهواله جنایتکاره ډله»ده چې افغانستان یې یرغمل کړی دی
د طالبانو د واکمنۍ د څلورم کال په مناسبت، د دې ډلې ویاند ذبیحالله مجاهد په افغانستان کې د طلوع نیوز په نامه ټلویزیوني شبکې سره ځانګړې مرکه کړې،خو د دې مرکې یوه مهمه برخه د طالبانو د استخباراتو له خوا سانسور شوې او له خپرونې څخه لرې کړای شوې ده.
په داسې حال کې چې په کور دننه یو شمېر افغانان او په ځانګړې توګه بهر مېشتي کابو ټولو افغانان د اګست ۱۵مه یا د طالبانو د بیا واکمنېدو ورځ، یوه توره ورځ بولي خو د طالبانو د لوړو زده کړو وزارت مشر ندا محمد ندیم بیا وایي، هر افغان باید خپل ځان ته د «فتحې» مبارکي ووايي.
د امریکا ولسمشر ډونلډ ټرمپ او د روسیې ولسمشر ولادیمیر پوتین د جمعې په ورځ په الاسکا کې مخامخ ولیدل، چې موخه یې د دویمې نړیوالې جګړې راوروسته په اروپا کې تر ټولو خونړۍ جګړه«د اوکراین جګړه»کې د اوربند د امکان ارزول دي.
د طالبانو واک ته رسېدلو څلورم کال په مناسبت سږ په کندهار کې د تېر په شان پوځي یا د درنو تجهیزاتو ننداره تر سره نه شوه. د ورځې په اوږدو کې یوازې د رینجرو او شخصي موټرو واړه واړه کاروانونه، چې یو شمېر وسله وال او ملکي کسان پکې سپاره وو، د ښار له اصلي سړکونو تېر شول.
د افغانستان د ژغورنې ملي مجمع او د افغانستان د ژغورنې لپاره د ملي مقاومت عالي شورا د اګست د ۱۵مې په مناسبت په یوې ګډې اعلامیه کې د اګست ۱۵مه یوه ملي فاجعه ګڼلې، او په وینا یې په دې ورځ د جمهوري نظام په نسکورېدو سره افغانستان یو ځل بیا د «تحجر» او «استبداد» په تیارو کې ورغورځېد.
د ایران د سیستان او بلوچستان په ایرانشهر ښار کې وسله والو کسانو د ایراند امنیتي ځواکونو پر یوه موټر برید کړی دی. د «حالوش»وېبپاڼې د راپور له مخې، دغه پېښه د ښار په امیني میدان کې رامنځته شوې ده
په تېر جمهوري نظام کې پخواني والي حلیم فدایي وايي: «خوشحاله یم، چې طالب له خپل رژیم څخه د سرپرست لېبل لیرې کړ؛ ځکه هغه سیاستوال او مشران چې د طالب سره یې د ګډ حکومت خوبونه لیدل اوس یې خوبونه سیلاب یو وړل. نوموړي ویلي، چې طالبانو اوس خپله اصلي څېره ښکاره کړې.
پښتون سیاستوال افراسیاب خټک نن د جمعې په ورځ (د زمري ۲۴مه) د افغانستان انټرنشنل - پښتو له «سپړنه» خپرونې سره په خبرو کې ویلي، په افغانستان کې د تېرو حکومتونو نیت دا و چې دغه هېواد پر تعلیم سمبال وي، خو د طالبانو په بیا راتګ سره د افغانستان د پرمختګ پر وړاندې تور دېوال ووهل شو.
د کندهار هوايي ډګر چې له تېرو څو لسیزو راهیسې د افغانستان تر ټولو دویمه لویه پوځي اډه ګڼل کېږي، د ۲۰۲۱ کال د اګسټ په ۱۳مه د طالبانو لاس ته ولوېده. دا هغه ورځ وه، چې د ښار د سقوط تر څنګ د سیمې د ستراتیژیکو پوځي زېرمو برخلیک هم بدل شو.