آرشیف

د امریکا په لویزیانا ایالت کې په یوه خونړۍ پېښه کې لږ تر لږه اته ماشومان چې عمرونه یې له یو تر ۱۴کلونو پورې وو، د ډزو له امله وژل شوي دي.

د ایټالیا حکومت یو ځل بیا له افغانانو سره د خپل ملاتړ پر دوام ټینګار کړی او ویلي یې دي چې د شته ننګونو د حل لپاره په افغانستان کې د کډوالۍ نړیوال سازمان(ای او ایم) سره نږدې همکاري کوي.

د طالبانو د دفاع وزارت وايي، له پاکستان څخه افغانستان ته قاچاق کېدونکې یو شمېر وسلې یې په خوست ولایت کې نیولې دي. دغه وزارت زیاتوي، د یادو نږدې ۱۰۰ وسلو او زرګونه مرمیو د قاچاق په تړاو یې ۲ کسان هم نیولي دي.

په دې وروستیو کې په هېواد کې د موسمي بارانونو او له امله د سېلابونو د راوتلو په پایله کې د څه باندې ۷۳ زره کسانو له زیانمنېدو وروسته د «کې‌ار‌او» په نوم یوې موسسې په کندهار کې د سېلابونو د لومړني خبرداري ۳ سیستمونه نصب او ګټې اخیستنې ته وسپارل.

په غور ولایت ځایي طالب چارواکي وایي، چې په دې ولایت کې د ماشومانو د ګوزڼ (پولیو) پر ضد د واکسین کمپاین پیل شوی دی.

د برېتانیا پولیسو ویلي، چې په لندن کې پر یهودي مرکزونو د بریدونو په پېښو کې د ایران اسلامي جمهوریت احتمالي لاس لرل څېړي. د یهودانو یوه مذهبي مشر دا ډول پېښې د یهودي ټولنې پر وړاندې یو منظم او خطرناک کمپاین بللی دی.

د کاناډا لومړي وزیر مارک کارني ویلي چې له امریکا سره د کاناډا نږدې اړیکې پخوا د ځواک نښه ګڼل کېدې، خو اوس دا اړیکې په ځینو برخو کې د کمزورۍ لامل ګرځېدلې دي.

د انډیا ټوټې د راپور له مخې، د افغانستان د کرکټ ستوري راشد خان ویلي، چې د هند او اسټرالیا د تابعیت وړاندیزونه یې رد کړي دي. د راشد خان په اړه لیکل شوي کتاب کې د هغه له قوله ویل شوي:«'که زه د خپل هیواد لپاره ونه لوبیږم، نو زه به د بل هیواد لپاره هم ونه لوبیږم».

د چین شینهوا خبري اژانس راپور ورکړی، چې د افغانستان په ختیزو ولایتونو په ځانګړې توګه ننګرهار کې د چینايي ژبې له زده کولو سره لېوالتیا زیاته شوې او لسګونه ځوانان د سوداګرۍ او نورو موخو لپاره د دې ژبې په زده کړه بوخت دي.

د طالبانو ویاند ذبیح الله مجاهد ددې ډلې «د اطلاعاتو بانک» په پرانېستغونډه کې ویلي، چې د طالبانو مشرانو له پاکستاني ځواکونو سره په نښتو کې د افغاني رسنیو رول درک کړی دی. نوموړي وویل چې «افغاني رسنۍ اوس د ملي مسایلو پر اساس محاسبه کوي».

په غزني کې د طالبانو ولایتي چارواکي وايي، د مولوي هبت الله په لارښوونه په ټولو ولایتونو کې د کډوالو او راستنېدونکو لپاره د مرستو راټولولو په موخه د والیانو په مشرۍ کمېټې جوړې شوې. د طالبانو والیان له سوداګرو او صنفي اتحادیو سره د مرستو راټولولو په تړاو په ناستو مکلف شوي.

د خیبر پښتونخوا د باجوړ قومي امن جرګې او سیاسي ګوندونو استازو د امنیتي وضعیت خرابوالي او په عملیاتو کې د ملکي تلفاتو له امله د لویې قومي جرګې او پراخ احتجاج اعلان کړی. د قبایلي جرګې یو مشر ملک ګل کریم خان تور ولګاوه چې پرون ځینو دولتي او غیر دولتي عناصر کورونه لوټلي دي.

د هرات د طالبانو والي ویلي چې د انجیل ولسوالۍ په ده میري کلي کې د شیعه وګړو د وژنې عاملان به ونیول شي او سزا به ورکړل شي. نوموړي چې د شنبې په ورځ د یادې پېښې د قربانیانو د فاتحې په مراسمو کې خبرې کولې، دا پېښه غیرانساني او د اسلامي اصولو خلاف کړنه بللې ده.

د کونړ د ناړۍ ولسوالۍ زرګونه اوسېدونکي لا هم خپلو کورونو ته د ستنېدو جرئت نه کوي، ځکه په خلکو کې د نښتو بیا پیلیدو وېره لا نه ده کمه شوې. د طالبانو او پاکستاني ځواکونو ترمنځ په نښتو کې د ناړۍ د بریکوټ، دوکلام، پاشنګر او ناړۍ کلیو شاوخوا پنځه زره کورنۍ بې‌ځایه شوې دي.

په کابل کې د ایران اسلامي جمهوریت د سفارت سرپرست بیکدلي د دغه هېواد د زنجان د سوداګرۍ، صنعت، کانونو او کرنې خونې له رییس سره په لیدنه کې ویلي چې دوی غواړي له افغانستان څخه ایران ته د صادراتو کچه لوړه کړي.

د طالبانو د بادغیس والي رسنیز دفتر وايي، د دې ډلې د بهرنیو چارو وزیر امیر خان متقي دغه ولایت ته د سفر پرمهال له ځايي مسوولانو سره په ناسته کې پر اقتصاي او پراختیايي پروژو غږېدلی. متقي د لامان ـ قیصار حلقوي سړک د جوړولو چارو پرانیستل د سوداګرۍ او اقتصادي پرمختګ لپاره مهم ګڼلي.

د خیبر ولسوالۍ سیمه ییزو چارواکو اعلان کړی، چې د طالبانو او پاکستان ترمنځ پر ډیورنډ کرښه د نښتو له امله تړل شوي ښوونځي به د دوشنبې په ورځ، د اپرېل پر ۲۰مه، بیا پرانیستل شي.

د طالبانو د عدلیې وزارت ویلي، چې په تېر کال کې یې لسګونه خیریه بنسټونو او اتحادیو ته د فعالیت جوازونه ورکړي، خو په ورته مهال یې ۳۶ خیریه بنسټونه او اتحاديې تړلي او د ۱۶ ټولنو جوازونه یې لغوه کړي دي.

سرچینو افغانستان انټرنشنل ته وویل، چې طالبان د افغانستان په سویلي او سویل ختیزو ولایتونو کې د امنیتي جوړښت د پیاوړتیا په هڅه کې دي او پلان لري چې لومړی د ځاځیو له قبیلې شاوخوا زر تنه د خپلو ځواکونو لیکو ته جذب کړي. سرچینې وايي، دغه جلب او جذب د سراج‌الدین حقاني په غوښتنه کېږي.

د طالبانو د چارو ادارې عمومي رییس نورالحق انور وایي، چې ډېر ژر به د هېواد په کچه د کورونو جوړولو او محکمو په چارو کې اسانتیاوې رامنځته شي.

د طالبانو د سرحدونو او قبایلو چارو وزیر ملا نورالله نوري په کندز ولایت کې یوې غونډې ته ویلي، چې ځینې بهر مېشتي هڅه کوي په هېواد کې ناسمې اندېښنې خپرې کړي، خو د ده په وینا، « د افغانانو ډېری برخه دا ډول هڅې ردوي او نه غواړي شړل شوي کسان بیا واک ته ورسوي».