د خېبر پښتونخوا ایالت په باجوړ ولسوالۍ کې له ۴۸ ساعته ګرځبندیز وروسته د چهارشنبې په ورځ دغه بندیز پای ته ورسېد او په ډېرو سیمو کې بېرته عادي ژوند پیل شوی؛ خو په یو شمېر سیمو کې لا هم عملیات روان دي او ملکي وګړي له خپلو کورونو وتلي دي.
د طالبانو سترې محکمې خبر ورکړی، چې د لغمان ولايت په اليشنګ ولسوالۍ کې یې د يوې ښځې په ګډون درېیو کسانو ته «له کوره د تېښتې» او د غلا په تور سزا ورکړې ده.
د طالبانو ویاند ذبیح الله مجاهد په یوې تازه مرکه کې ویلي، چې د دوی مشر ملاهبت الله د شپې ناوخته تر خوب دمخه ځان له معلوماتو خبروي؛ خو انټرنېټ نهکاروي او ټلوېزیون هم نهګوري. د هغه په وینا؛ دوی هره شپه د خپل مشر لپاره د ۲۴ساعته خبرونو پېکېج برابروي.
د ملګرو ملتونو د ښوونې، ساینس او کلتور ادارې (یونسکو) په یوه تازه راپور کې خبرداری ورکړی، چې په افغانستان کې د سیاسي او ټولنیزو فشارونو له امله رسنۍ نه یوازې د پراخو بندیزونو سره مخ شوې؛ بلکې ۸۰سلنه ښځینه خبریالانې هم بې دندو شوې دي.
د چهارشنبې په ورځ د خیبرپښتونخوا د کورمې ولسوالۍ په علیزۍ سیمه کې د ناپېژانده وسلهوالو په برید کې درې پولیس وژل شوي دي. د پولیسو په وینا؛ پېښه هغه مهال شوې، چې وسلهوالو د پولیسو پر موټر لاسي بم وغورځاوه او بیا یې پرې ډزې وکړې.
د امریکا ولسمشر ډونالډ ټرمپ خبرداری ورکړی، که ولادیمیر پوتین د دوی تر لیدنې وروسته په اوکراین کې د جګړې پای ته رسولو سره هوکړه ونه کړي؛ نو هېواد به یې له «ډېرو سختو پایلو» سره مخ شي. ټاکل شوې، چې د امریکا او روسیې ولسمشران د جمعې په ورځ په الاسکا کې سره وګوري.
په ۲۰۱۷ شاوخوا کلونو کې په کورنیو او نړۍوالو بازارونو کې د نباتي نشهيي توکو ځای کېمیاوي نشهيي توکو ونیوو. د طالبانو ملګرو قاچاق کوونکو دغه وضعیت ته په کتو سره زېرمه کړي تاریاک په هیرويينو او ښيښه بدل کړل او بیا یې کورنیو او نړۍوالو بازارونو ته واستول.
د جرمني ټاکس ورځپاڼې د چهارشنبې په ورځ راپور ورکړ، چې څه باندې دوه زره افغانانو جرمنې ته د تګ شرايط پوره کړي او دا مهال په پاکستان کې د الوتنې په تمه دي. دغې ورځپاڼې ویلي، چې د جرمني له ژمنې سره-سره پاکستان د لومړي ځل لپاره له دې جملې څخه ۴۰ کسان افغانستان ته شړلي دي.
د افغانستان د بیارغونې لپاره د امریکا ځانګړې څارونکې ادارې (سیګار) طالبان تورن کړي، چې د زور له لارې له نړۍوالو مرستو باج اخلي او د خپلو شخصي ګټو لپاره یې کاروي. د سیګار په راپور کې راغلي، طالبان د ملګرو ملتونو له ځینو چارواکو سره په ګډه کار کوي او له مرستندویه پروژو باج اخلي.
د افغانستان د اسلامي وحدت ګوند مشر د پاکستان د ۷۸مې کلیزې په مناسبت وویل، چې د افغانستان او پاکستان د خلکو اړیکې نه ماتېدونکې دي. محمد محقق وایي: «موږ د افغانستان خلک په دې سختو ورځو کې چې پاکستان له نړۍوالې ترهګرۍ سره مخامخ دی، ځان له خپلو پاکستاني دیني وروڼو سره همسنګر ګڼو.»
د مقاومت جبهې د بهرنیو اړیکو مشر علي میثم نظري د پاکستان د خپلواکۍ د مبارکۍ په ویلو سره له دغه هېواده وغوښتل، چې د افغانستان او پاکستان پر وړاندې د ګډو ګواښونو د مخنیوي لپاره د یادې جبهې ترڅنګ ودرېږي.
ملګري ملتونه وایي، چې په ډېرو هېوادونو کې نجونې او ځوانې ښځې لا هم له تبعیض سره مخ دي، چې پکې زده کړو ته د نه لاس رسي ستونزه هم پکې شامله ده. دغه سازمان ویلي، اوسمهال شاوخوا ۱۵ میلیونه نجونې د نړۍ په بېلابېلو هېوادونو کې له لومړنیو زده کړو بې برخې دي.
د طالبانو لوی درستیز فصیحالدین فطرت د چهارشنبې په ورځ په یوه مرکه کې د امریکايي وسلو د پوځې نندارې اړوند د ډونالډ ټرمپ نارضایتۍ له امله هغه «بخیل» وباله. فطرت همداراز وویل، چې امریکا له دوی څخه ځینې غوښتنې لري، خو دوی یې نه عملي کوي.
په اسلاماباد کې د امریکا سفارت پاکستان ته د خپلواکۍ د ورځې مبارکي ویلې ده او ټينګار یې کړی، چې دواړه هېوادونه تلپاتې ملګرتیا ته درناوی لري. دغه سفارت پر خپلې اېکس پاڼې لیکلي: «موږ یو ځای د همکارۍ داسې لارې هواروو، چې د دواړو ملتونو لپاره ګټورې وي.»
د متحدې جبهې مشر، جنرال سمیع سادات، وایي چې افغانانو په تېرو څلورو کلونو کې د طالبانو اصلي څېره پېژندلې او اوس ترې ستړي شوي دي. نوموړی وایي: «د دغې ډلې سقوط په سترګو وینم.» د سادات په وینا، طالبانو له نړۍوالو سره کړې ژمنې او د مثبت بدلون راوستل نه دي عملي کړي.
د خبریالانو د خوندیتوب کمېټه وایي، طالبانو په تېرو څلورو کلونو کې د افغانستان خپلواکې رسنۍ له منځه وړي او پر ځای یې خپلې تبلیغاتي دستګاوې فعاله کړې دي. دغه دستګاوې د دې ډلې د رسنیزو مسوولینو او امنیتي ادارو له خوا پرمخ وړل کېږي، چې په زرګونه افغانۍ تنخواوې ورکوي.
د تهران پوهنتون استاد او د افغانستان د چارو کارپوه «کیومرث بزدان پناه» وایي، که طالبان ادعا کوي چې هلمند د اوبو د کمښت له ستونزې سره مخ دی، دا خبره په بشپړ ډول ناسمه ده. هلمند د کافي اوبو لرونکی دی، خو د ایران کمزورې سیمهییزه ډیپلوماسي نشي کولای د خپلې حقابې ګټې خوندي کړي.
طالبانو په سرپل، خوست او پکتیا ولایتونو کې له کور څخه د تېښتې، زنا، نامشروع اړیکو، غلا، ټلیفوني اړیکو او قتل په تور د څلورو ښځو په ګډون ۲۴ تنه په عام محضر کې په دورو ووهل.
د افغانستان اسلامي جمهوريت نظام د ړنګېدو د لاملونو او عواملو په اړه يو واحد او د ډېرو د اتفاق وړ تحليل سخت او نږدې ناممکن کار دی. هر چا چې د جمهوريت تر بيرغ لاندې ژوند کړی يا یې ذینفع و، د جمهوريت ړنګېدو او طالبانو د منفور او مطرود جوړښت د واکمنېدو پر توره پېښه خپل نظر لري.
د طالبانو د امر بالمعروف او نهی عن المنکر وزارت په وروستیو ورځو کې د کابل ښار ګڼو رسټورانټونو ته سپارښتنه کړې، چې له دې وروسته ښځې او نارینه، ان که خاوند او مېرمن یا د کورنۍ غړي هم وي، په یوه مېز او یا یوه برخه کې یو ځای کېناستلای نه شي.
د طالبانو ویاند ویلي، چې د طالبانو د مشر په مشرۍ د دې ډلې د کابینې دوه ورځنۍ غونډه نن په کندهار کې پای ته رسیدلې او په یاده غونډه کې نوموړي خپلو وزیرانو ته د بیلابیلو فکري اختلافاتو پر مخنیوي ټینګار او لارښوونې کړې دي.