آرشیف

له دوو ګاونډیو هېوادونو د افغان کډوالو د ستنولو لړۍ پر دوام؛ تېره ورځ له پاکستان او ایران څخه ۱۱۰۸ کډوالې کورنۍ بېرته افغانستان ته ستنې شوې دي.

د پاکستان لومړي وزیر شهباز شریف نن دوشنبه (د زمري ۱۳مه) پر اېکس پاڼه ليکلي، چې پاکستان د اسراييلي پوځیانو له‌خوا د اقصی جومات وروستۍ بې‌احترامي او یرغل غندي.

د طالبانو د امربالمعروف او شکایتونو اورېدو وزیر خالد حنفي وایي، دیني عالمان باید له «کفري عقایدو او تخریبي نظریې» څخه خلک راوګرځوي. هغه زیاته کړې، اوسنی داسې دور دی چې یو انسان به سهار له کوره مسلمان وځي؛ خو ماښام به «کافر» راستنېږي.

د تحریک انصاف ګوند بنسټګر او د پاکستان پخواني لومړي وزیر عمران خان ویلي، چې له افغانستان سره ټولې ستونزې باید د خبرو له لارې حل شي. هغه پر اېکس پاڼه کاږلي:« افغانستان زموږ ګاونډی هېواد دی، باید ښې اړیکې ورسره ولرو او ټولې ستونزې د خبرو له لارې حل کړو.»

د طالبانو د اطلاعاتو او فرهنګ وزارت خبر ورکړی، چې دغه لرغوني اثار تر لومړنیو پاکاریو او ترمیم وروسته د لابراتواري معایناتو او ثبت لپاره د لرغون پېژندنې ریاست ته لېږل شوي دي.

د طالبانو په بند کې د برېتانوۍ جوړې زوی جوناتن رینولډز وایي، چې په وروستي ځل یې (د جون پر ۱۵مه) له مور او پلار سره خبرې کړې دي. هغه وایي، چې د خپل پلار او مور د ناروښانه برخلیک او روغتیايي وضعیت په اړه اندېښمن دی.

د طالبانو د ټولګټو چارو وزارت خبر ورکړی، چې (د زمري میاشتې له ۳مې نېټې څخه د همدې میاشتې تر ۹مې نېټې) د اوسپنې پټلۍ له لارې (۹۷۵۸۷) مټریک ټنه انتقالات شوي دي.

په بلخ ولایت کې د طالبانو د امربالمعروف، نهې عن المنکر او شکایتونو اورېدو ریاست چارواکو ویلي، چې دغه پرېکړه یې د جوماتونو د چارو د ښه تنظیم او د چهاربولک ولسوالۍ د خلکو په غوښتنه کړې ده.

د طالبانو عامې روغتیا وزارت خبر ورکړی، چې افغانستان اوس‌مهال د ۱۵ ډوله درملو په برخه کې ځان بساینې ته رسېدلی او همدا راز په دې تړاو څېړنې شوې؛ څو په دې برخه کې خودکفایي لا ډېره شي.

د طالبانو تر واک لاندې باختر اژانس خبر ورکړی، چې له پېښو سره د مبارزې او چمتووالي ملي ادارې لپاره د دغې ډلې مشر نورالدین ترابي د اکټېد نړۍوالې موسسې له مشر هنس جوهانس سره د ۶۷۳ زره ۵۰۳ ډالرو په ارزښت د ګډو همکاریو هوکړه لاسلیک کړه.

په ټایوان کې د تېرې یوې اونۍ راهیسې د یوه کال په اندازه باران شوی، چې له امله یې سېلابونه راوتلي او په ګڼو ځایونو کې ځمکې هم ښویېدلې دي. د دغه پېښو له امله تر دې دمه څلور کسان مړه شوي، ۷ ټپیان دي او تر۵۹۰۰ ډېر کسان د خپلو مېنو پرېښودو ته اړ شوي دي.

د پاکستاني طالبانو تحریک «ټي‌ټي‌پي» او د قومي مشرانو ترمنځ د خېبر پښتونخوا د باجوړ ولسوالۍ په لوی ماموند سیمه کې د یکشنبې په ورځ د خبرو اترو درېیم پړاو ترسره شوی دی. په دغه ناسته کې دواړو غاړو روان کړکېچ ته د حل لارې موندلو په موخه په لنډمهاله اوربند هوکړه کړې.

د هه‌نګاو په نوم د بشري حقونو سازمان راپور ورکړی، چې په ایران کې د ۲۰۲۵ کال په جولای میاشت کې د اعدام شویو ۹۶ زندانیانو له ډلې پنځه هغه یې افغانان وو.

د امریکا ولسمشر ډونالډ ټرمپ یوه لوړپوړي سلاکار د یکشنبې په ورځ پر هند تور ولګاوه، چې د روسیې څخه د تېلو پېرلو له لارې د اوکراین پر ضد جګړه تمویلوي.

د طالبانو کډوالو او بېرته راستنېدونکو چارو وزارت خبر ورکړی، چې په اسلام‌اباد کې د دوی اتشې په پاکستان کې د افغان پانګه‌والو، سوداګرو او صنعتکارانو اندېښنې اورېدلې دي. دوی وایي، په پاکستان کې د اېستل کېدو له ګواښ سره مخ دي او غواړي خپلې پانګې افغانستان ته وباسي.

د هند پر صادراتو او وارداتو د امریکايي تعرفو له امله به روانه اونۍ هندي روپۍ تر سخت فشار لاندې وي. د هندي روپۍ ارزښت د جمعې په ورځ د ډالرو پر وړاندې ۸۷.۵۴ ته راټيټ شو، چې دغه چارې د هندي روپۍ د ارزښت په اړه اندېښنې لا زیاتې کړې دي.

په پاکستان کې د جې اې سي «JAC» په نوم د کډوالو ملاتړی یو بنسټ وایي، چې پاکستان د ۲۰۲۳ کال له اکتوبر میاشتې راهیسې ۱.۲ مېلیونه افغان کډوال بېرته افغانستان ته ستانه کړي او درې مېلیونه نور د اېستلو له جدي ګواښ سره مخامخ دي.

د امریکا ولسمشر ډونالډ ټرمپ خبرداری ورکړی، که مسکو د جمعې تر ورځې پورې له اوکراین سره اوربند ته غاړه کېنږدي؛ نو پر روسیې به بندیزونه ولګوي.

تر هغه وروسته چې بنیامین نتنیاهو اسراییلي یرغمل شویو کسانو ته د خوړو او درملو د رسولو په برخه کې د سره صلیب له نړۍوالې کمېټې د همکارۍ غوښتنه وکړه، حماس اعلان وکړ چې سره صلیب ته د یرغملو لاسرسی هغه وخت شونی دی، چې د مرستو لارې د غزې د خلکو پر مخ خلاصې شي.

د برېتانیا د حکومتي معلوماتو له مخې، د اسبیسټوس (Asbestos) د وژونکو موادو له امله د وژل شویو نظامیانو شمېر، د افغانستان د جګړې پر مهال د طالبانو له‌خوا د وژل شویو برېتانوي سرتېرو پرتله نهه برابره لوړ دی.

د روسیې په کامچاتکا ټاپووزمه کې د کراشنینیکوف اورشیندنه له ۶۰۰ کلونو وروسته د لومړي ځل لپاره بېرته را ویښ شوی. وروستی ځل د دې اورشیندنې ثبتېدل د ۱۴۶۳ میلادي کال ته ورګرځي او له هغه وخت راهیسې تر اوسه یې د فعالیت هېڅ کوم بل راپور خپور شوی نه دی.