د طالبانو د امربالمعروف لهخوا د «بېحجابۍ» په تور یوې نیول شوې ځوانې ښځې له افغانستان انټرنشنل-پښتو سره د خپل د نیولکېدو کیسه شریکه کړې ده. هغه وایي، چې پېښه تېره چهارشنبه د کابل یعقوب څلور لارې ته څېرمه مازدیګر مهال رامنځته شوې ده.
د طالبانو د امربالمعروف او شکایتونو اورېدو وزیر خالد حنفي دیني عالمانو، قومي مشرانو او خطیبانو ته په یوې ناسته کې ویلي، چې بهرنۍ رسنۍ پر دې بوختې دي چې افغانستان کې «بېحجابۍ، شراب خورۍ او قمار بازۍ» ته وده او پراختیا ورکړي.
د طالبانو د اوبو او انرژۍ وزارت خبر ورکړی، چې په هرات کې د پاشدان بند چارې په بېلابېلو برخو کې بشپړېدو ته نږدې شوې دي او ډېر ژر به ګټې اخیستنې ته وسپارل شي.
د مسکو له لوري د طالبانو تر رسمیت پېژندو وروسته اوس قزاقستان هم د طالبانو سره د نږدې کېدو لپاره ځینې پراخ او جدي ګامونه اخیستي دي. د اړیکو د لا هر اړخیزه کېدو لپاره دغه اقدامات د اقتصادي ګټو او د سیمې د ثبات په نوم ترسره کېږي.
د چین او اروپايي ټولنې د مشرانو ترمنځ تر غونډې څو ساعته مخکې شینهوا دولتي خبري اژانس چین د اروپا «حیاتي ملګری» وباله او ویې ویل، چې توپیرونه د ټکر په مانا نهدي.
د ملګرو ملتونو د بشري چارو همغږۍ دفتر«اوچا» په خپله تازه خپره کړې څېړنه کې ویلي، افغانستان لا هم د څلوېښت کلنې جګړې، بېثباتۍ او طبیعي پېښو له ناوړو اغېزو ندی راوتلی. راپور خبرداری ورکوي چې د هېواد اوسنی وضعیت د خلکو پر ژوند، اقتصاد، خدماتو، او ټولنیز ثبات خورا ژور اغېز کړی دی.
د طالبانو د بهرنیو چارو ویز امیر خان متقي د دغه وزارت د یو کلنې لاسته راوړنو په کنفرانس کې ویلي، چې د دوی په زندان کې د بريتانوۍ جوړې ټول بشري حقونه خوندي دي. نوموړي ویلي، چې دوی په دوامداره توګه له خپلې کورنۍ سره په اړیکه کې دي او روغتیا ته یې هم پاملرنه کېږي.
په ملګرو ملتونو کې د قطر هېواد استازې شېخ عالیه احمد بن سیف ال ثاني وایي، چې هېواد به یې له افغانستان سره د سولې او ثبات د راوستلو لپاره خپلو سیاسي او منځګړو هڅو ته دوام ورکړي.
د کویټې د ترهګرۍ ضد محکمې د بلوڅ جوړې د وژنې په قضیه کې د قبایلي مشر سردار شېرباز سټکزي د موقتي بند موده لس ورځې نور د څېړنو لپاره وغځوله. دا پېښه د «ناموس په نامه وژنه» بلل شوې ده.
په پاکستان کې مېشتو افغان کډوالو د امریکا له ولسمشر څخه غوښتي، چې د دوی د پي یو او پي دوه کډوالۍ دوسيو د څېړنې بهیر بيا پيل کړي. دوی لیکلي، د ډونالډ ټرمپ له خوا د دغو دوسیو د ځند له امر وروسته له میاشتو راهيسې په بې باورۍ، اندېښنه او ناڅرګند وضعیت کې ژوند کوي.
ملګري ملتونه او اړوند نړۍوالې مرستندویه ادارې وايي، چې له ایران څخه د راستنېدونکو افغانانو د بیارغاونې، استوګنې او بېړنیو بشري اړتیاوو لپاره لس میلیونه ډالره ځانګړې شوې دي.
یو مشهور شیعه عالم وعظزاده بهسودي اعلان وکړ، چې طالبانو د کابل په لوېديځ کې د هغه دفتر تړلی دی. بهسودي د چهاشنبې په ورځ په یوې خبرپاڼه کې ویلي، چې طالبانو د هغه د دفتر غړي اېستلي او دفتر يې بند کړی دی.
د برازیل د بهرنیو چارو وزارت ویلي، چې هېواد یې د سوېلي افریقا لهخوا د نړۍوالې محکمې (ICJ) سره د اسراییل پر ضد د نسلوژنې په قضیه کې د ملګرتیا لپاره چمتوالی نیسي.
د ترکیې په استانبول کې د روسیې او اوکراین د پلاویو تر منځ د چهارشنبې په ورځ د خبرو اترو درېیم پړاو ترسره شو. دواړو خواوو د بندیانو پر تبادلې هوکړه وکړه، خو د اوربند، د جګړې د پای ته رسولو او د ولسمشرانو د لیدنې په اړه هېڅ راز توافق نه دی شوی.
د برېتانیا استخباراتي او امنیتي ادارو کورنیو ته خبرداری ورکړی، چې خپل ماشومان له انټرنټي زهرجنو موادو وساتي، ځکه چې ګڼ کمعمره کسان د ترهګرو د تبلیغاتو ښکار کېږي او د خطرناکو لارو پر لور روانېږي.
رويټرز راپور ورکړی، چې جرمني د نوې دورې جګړې لپاره په پرمختللو وسایلو کار کوي، چې پکې جاسوسي حشرات، مصنوعي ځیرکتیا لرونکي روبوټونه او پرمختللي ډرونونه شامل دي. د روسیې او اوکراین تر جګړې وروسته، جرمني خپله دفاعي پانګونه څو برابره زیاته کړې ده.
وال سټریټ ژورنال راپور ورکړی، چې د امریکا د ولسمشر ډونالډ ټرمپ نوم د جفري ایپسټین اړونده اسنادو کې شامل دی، خو سپینې ماڼۍ دغه راپور جعلي خبر بللی دی. ایپسټین هغه میلیاردر و، چې د جنسي ځورونې په قضیو کې محکوم شوی و او وروسته په زندان کې مړ شو.
مجتبی نوروزي، چې په افغانستان کې د ایران پخوانی مرستیال کلتوري مشاور پاتې شوی، په یوې غونډه کې چې د «افغان ټولنې ته په درناوي سره په ایران کې د کډوالو منل» تر عنوان لاندې جوړه شوې وه، ویلي چې د کډوالو ضد او افراطي چلندونه د ایران ستر تمدن ته زیان رسوي.
الجزیرې د ملګرو ملتونو د کډوالو لپاره د ژغورنې ادارې (UNRWA) د چارواکو له قوله راپور ورکړی، چې د غزې اوسېدونکي له بېسارې لوږې، ستړیا او بمبارۍ سره مخ دي او که وضعیت بدل نه شي، نو حالت به تر دې هم کړکېچن شي.
په ۲۰۲۱ کال کې پر افغانستان د طالبانو تر بیا واکمنېدو وروسته، افغان مېرمنې له یوه هر اړخیز، ظالمانه او محدودوونکي چاپېریال سره مخ شوي، چې نه یوازې یې د تعلیم، کار، ازاد تګ راتګ او ټولنیز مشارکت حقونه تر پښو لاندې شوي، بلکې د ژوند په ټولو اړخونو یې محدودیتونه لګېدلي دي.
«ډبلیو اېس اېچ یو» وېبپاڼه وایي، چې امریکایي سناتور ریچارډ بلومنتال او د استازو جرګې غړې جهانا هېیز د افغان ژباړن «ضیاء» د توقیف قضیې په غبرګون کې په ګډه غږ پورته کړی او د هغه د حقونو خوندي کولو لپاره یې د یوې قانوني مسودې ملاتړ اعلان کړی.