په هرات کې د طالبانو ولایتي ویاند یوسف سعیدي ویلي، د دوی د چاپېریال ساتنې او ټرافیکو مدیریت له لوري په ګډه د هغو زړو موټرونو د مخنېوي او درېدو کمپاین پیل شوی چې ډېر لوګي تولیدوي. هغه وایي، په دغه کمپاین کې زاړه او لوګي جوړونکي موټرونه په نښه کېږي.
ننګرهار کې د طالبانو رسنیز دفتر ویلي، چې د افغاني سرې میاشتې ټولنې له لوري د دغه ولایت په دره نور ولسوالۍ کې ۲۱۰۰ زلزله ځپلو کورنیو ته د نغدي مرستو د وېش بهیر پیل شوی. دوی وایي، په لومړۍ ورځ ۱۲۰۰ کورنیو ته «۱۲ مېلیونه او ۶۰۰زره» افغانۍ ووېشل شوې.
په داسې حال کې چې د طالبانو او اسلاماباد تر منځ ترینګلتیاوې زیاتې شوې؛ د پاکستان د بهرنیو چارو وزیر اسحاق ډار ویلي، کابل ته د دوی د استخباراتو پخواني رییس فیض حمید سفر او هلته د چایو پیاله د دوی لپاره ډېره قیمته تمامه شوه.
د افغانستان د فوټسال ملي لوبډله د اسلامي هېوادونو ترمنځ د همغږۍ سیالۍ په لړ کې نن پنجشنبه (د لړم ۱۵مه) د کابل په وخت د ماسپښین په ۳:۰۰ بجو د ایران پر وړاندې د لوبو ډګر ته ښکته کېږي.
د پاکستان ولسمشر اصف علي زرداري په دوحه کې د قطر د لومړي وزیر مرستیال او دفاع وزیر سعود بن عبدالرحمن الثاني سره په لیدنه کې د افغانستان په تړاو خبرې کړې دي. د هغه د دفتر لهخوا په خپرې شوې خبرپاڼه کې راغلي، چې نوموړي د قطر له امیر سره هم خبرې کړې دي.
په غزه کې روغتیايي چارواکي وایي، چې (د تلې په ۱۸مه) د اوربند له پیل راهیسې د اسراییل په بریدونو کې ۲۳۹ کسان وژل شوي دي. د دغه تلفاتو شاوخوا نیمایي یې تېره اونۍ په یوه ورځ کې ثبت شوي دي. اسراییلي پوځ بیا ویلي، ځواکونو یې پر هغو «ترهګرو» برید کړی چې له «ژېړې کرښې» اوښتي وو.
د امریکا د بهرنیو چارو وزارت وایي، چې ایران د هر بل هېواد په پرتله ډېرې ښځې اعداموي او دا موضوع د دې هېواد پر ښځو د «سیستماتيک ظلم» یوه څرګنده بېلګه ده.
د امریکا ولسمشر ډونالډ ټرمپ ویلي، چې د نیویارک نوی ټاکل شوی ښاروال زهران ممداني باید له واشنګټن سره د نوې اړیکې د جوړولو هڅه وکړي. ټرمپ خبرداری ورکړ، چې که همکاري ونه کړي نو مهم ملاتړ به له لاسه ورکړي.
د افغانستان لپاره د پاکستان پخواني ځانګړي استازي اصف دراني په استانبول کې د اسلاماباد او طالبانو د خبرو په اړه په یوه مقاله کې لیکلي، چې په افغانستان کې د ټيټيپي پر کنټرولولو د اسلاماباد ټینګار د پاکستان په خاوره کې د وسلهوالو بریدونو ستونزه نه شي حل کولی.
دوو امریکایي چارواکو اکسیوس ته ویلي، چې امریکا غواړي د حماس د هغو ځواکونو له ناورین څخه چې په غزه کې د اسراییلي کرښو شاته په تونلونو کې بند پاتې دي ګټه واخلي، ترڅو د دې ډلې د بېوسلې کولو لپاره یو ماډل جوړ کړي.
د کب غوړ د نړۍ یو له ډېرو کارېدونکو غذایي سپلېمنټونو څخه دی.د کب غوړو کې د اومیګا درې فیټي اسیدونواندازه ډېره زیاته وي او دا اسیدونه د انسان د روغتیا لپاره خورا مهم ګڼل کېږي.
د امریکا د بهرنیو چارو وزارت د کینیډي سنټر په همکارۍ د «سي۱+۵» د لس کلنې کلیزې په مناسبت د مرکزي اسیا سوداګریز کنفرانس جوړوي.
په هرات کې سرچینې وايي، د طالبانو والي د خدماتو ترلاسه کولو او سوداګریزو مرکزونو ته د ننوتلو لپاره د ښځو لپاره د برقع اغوستل لازمي کړي دي. د نور احمد اسلام جار د نوې لارښوونو له مخې، ښځې به نور د برقع اغوستلو پرته دولتي دفترونو، هټیو، روغتونونو او ادارو ته د ننوتلو اجازه ونه لري.
د پاکستان د دفاع وزیر وايي، د پاکستان پلاوی د چهارشنبې په ورځ د خبرو اترو د درېیم پړاو لپاره استانبول ته تللی او هیله لري، چې طالبان په دې پړاو کې په هوښیارۍ سره عمل وکړي، تر څو د دواړو هېوادونو ترمنځ ترینګلتیاوې کمې شي.
په داسې حال کې چې د غزې له سیمې د فلسطینیانو د وژل کېدو راپورونه ورکړل شوي، د اسراییل د لومړي وزیر دفتر د چهارشنبې په ورځ وویل، چې د غزې له سیمې څخه یې د یو بل یرغمل جسد ترلاسه کړی دی. تېره ورځ هم د حماس ډلې یو اسراییلی جسد د سره صلیب له لارې اسراییل ته سپارلی و.
د امریکا د متحده ایالتونو ولسمشر ډونالډ ټرمپ د غزې د سولې پلان د پرېکړهلیک مسوده د ملګرو ملتونو د امنیت شورا له لسو ټاکل شویو غړو سره شریکوي. د چارواکو په وینا، دا اقدام به د چهارشنبې په ورځ وشي.
په پاکستان کې مېشت سوداګر وایي، د پاکستان او افغانستان تر ترینګلتیا او د لارو له بندېدو وروسته، تر اوسه یوازې پاکستان ته شاوخوا ۵ میلیارده ډالره زیان رسېدلی دی. له دې سره، په پاکستان کې د مېوو، سبزیو او نورو خوراکي توکو بیې هم څو برابره لوړې شوې دي.
د پنجاب د بهاولپور په سیمه کې پولیسو ۱۲ افغان ډاکټران او د طب پنځه محصلین نیولي او له تېرې ورځې راهیسې یې بندیان کړي دي. نیول شوي کسان وایي، کورنۍ یې اندېښمنې دي او په اسلاماباد کې یې خپله ستونزه د طالبانو له سفارت سره هم شریکه کړې، خو تر اوسه هېڅ اقدام نه دی شوی.
د خوست او پکتیا خلکو د افغانستان د ۱۷ کلنو د فوټسال ملي لوبډلې د اتلانو هرکلی په بېساري مینې او احساس وکړ. د دغو ولایتونو زرګونه اوسېدونکي د خپلو اتلانو د لیدو لپاره راوتلي وو او د هغوی د لاسته راوړنو نمانځنه یې وکړه.
د ملک سلمان د بشري مرستو بنسټ د افغانستان په شمالي ولایتونو بلخ او سمنګان کې د زلزلهځپلو کورنیو د ملاتړ په موخه د خوراکي او غېرخوراکي توکو د مرستو یوه بسته د افغان سرې میاشتې ټولنې ته سپارلې ده.
د ملګرو ملتونو د ماشومانو وجهي صندوق «یونېسف» اعلان کړی، چې په افغانستان کې ۳.۵ میلیونه ماشومان په شدیده خوارځواکۍ اخته دي. دغې ادارې په افغانستان کې د تغذیې ناورین په نړۍ کې تر ټولو په بد وضعیت کې یاد کړی دی.