آرشیف

د سعودي پراختیایي صندوق (SFD) بوسنیا او هرزګووینا ته ۳۲ میلیونه ډالره پرمختیايي پور ورکړی، ترڅو د ساینس او ټېکنالوژۍ پارک او د محصلینو لپاره استوګنځای جوړ شي.

د انګلستان ورو توپ اچونکی لیام ډاسن چې وروستی ځل یې په ۲۰۱۷ کې ټېسټ لوبه کړې وه، د ژوبل شویب بشیر پر ځای د هند خلاف د څلورمې ټېسټ لوبې لپاره د انګلستان لوبډلې ته راستنېږي. دا لوبه به په منچسټر کې ترسره شي.

په بلوچستان کې د یوې ښځې او نارینه د وژنې په تړاو د یوې قبایلي شورا د مشر په ګډون ۱۴ کسان نیول شوي دي. یاد کسان د «نامشروع» اړیکو په تور د خپلوانو له لوري یې د «غیرت» په نوم وژل شوي دي.

د ایران د بهرنیو چارو وزیر سېد عباس عراقچي فاکس‌نیوز رسنۍ سره په یوه تازه مرکه کې د امریکا دا غوښتنه رد کړه، چې ایران دې د یورانیمو له غني‌ کولو لاس واخلي.

اسراییلي ځواکونو د تازه بریدونو په ترڅ کې د غزې په بېلابېلو سیمو کې له ۵۰ ډېر فلسطینیان وژلي، چې پکې ښځې او ماشومان هم شامل دي. دا بریدونه په داسې حال کې روان دي، چې د لوږې له امله هم د مړو شمېر په زیاتېدو دی.

امریکا او جرمني هوکړه کړې، چې اوکراین ته به پنځه پټریوټ هوايي دفاعي سیستمونه وسپاري. د یوروپین پراوډا د راپور له مخې، دا پرېکړه په داسې حال کې شوې چې روسیې پر اوکراین د خپلو اوږده واټن بریدونو لړۍ چټکه کړې، چې پکې بالیسټیک توغندي هم شامل دي.

د برېتانیا د پارلمان د استخباراتي او امنیتي چارو څارونکې کمېټې «ای اېس سي»ا علان کړی، چې د هغو افغان همکارانو د معلوماتو د افشا کېدو په تړاو به رسمي پلټنه پیل کړي، چې د ۲۰۲۲م کال په فبرورۍ میاشت کې د زرګونو غوښتونکو شخصي معلومات رسنیو ته افشا شوي وو.

د ملګرو ملتونو سرمنشي انتونیو ګوترېش ویلي، چې په غزه کې بشري وضعیت ورځ تر بلې له کنټروله وځي او د خلکو د ژغورنې وروستۍ هیلې هم له منځه تللې دي.

په تاجکستان کې د افغانستان سفیر ظاهر اغبر وایي، چې د کابل په بېلابېلو برخو کې د طالبانو له لوري د ښځو او نجونو نیول د اسلامي اصولو او شرعي ارزښتونو سره په ټکر کې دي.

د هندي سینما (بالیووډ) وتلی ستوری شایني اهوجا چې یو وخت یې د بالیووډ د ځوانو او پېژندل شویو فلمي ستورو له ډلې شمېرل کېده، اوس له فلمي نړۍ سره مخه ښه کړې او د تل لپاره یې له هند څخه کډه کړې ده.

د ملګرو ملتونو د بشري حقونو ځانګړي راپور ورکوونکي ریچارډ بېنېټ د طالبانو له لوري له افغان بندیانو، ښځو، نجونو او بهرنیو وګړو سره د ظالمانه چلند په اړه ژوره اندېښنه څرګنده کړې ده او له طالبانو یې غوښتي، چې برېتانوۍ جوړه «پیټر او باربي رېنولډز» ژر تر ژره خوشې کړي.

په افغانستان کې د ملګرو ملتونو مرستندویه ماموریت (یوناما) د طالبانو له لوري په کابل کې د هغو ښځو او نجونو د نیولو په اړه ژوره اندېښنه ښودلې، چې د دغه ډلې په اند د حجاب (اسلامي لباس) له اصولو یې سرغړونه کړې ده.

د برېتانیا، اسټرالیا، کاناډا، فرانسې او ایټالیا په ګډون ۲۵ لوېدیځو هېوادونو د دوشنبې په ورځ په یوه ګډه اعلامیه کې ټینګار کړی، چې جګړه باید اوس په غزه کې پای ته ورسېږي. دوی ویلي، چې د ولسي وګړو کړاوونه ژورې کچې ته رسېدلي دي.

د ملګرو ملتونو د بشري حقونو کارپوهانو له طالبانو غوښتي چې د پیټر او باربي رینولډز په نومونو دوه بریټانیايي ښځه او مېړه چې له کوم تور پرته د طالبانو له لوري نیول شوي او دمګړۍ یې روغتیايي وضعیت هم ښه نه دی، له بندخونې ازاد کړي.

د اسلامي نړۍ پیوستون ټولنې (رابطة العالم الاسلامي) مشر ډاکټر محمد بن عبدالکریم العيسی کابل ته د خپل سفر په ترڅ کې د طالبانو د بهرنیو چارو له وزیر مولوي امیر خان متقي سره په لیدنه کې د اسلامي نړۍ پر ننګونو خبرې کړې دي. متقي د اسلامي نړۍ په نږدېوالی کې د سعودي عربستان رول مهم بللی.

د اوکراین ولسمشر ولادیمیر زېلېنسکي د دوشنبې په ورځ امریکا، بلجیم، کاناډا، استونیا، هسپانیا، جاپان، جنوبي افریقا، متحده عربي امارات او نورو هېوادونو ته نوي سفیران وټاکل، څو له واشنګټن سره اړیکې لا ټینګې کړي او په نړیواله کچه روسیه منزوي کړي.

د طالبانو د ریاست الوزرا اقتصادي مرستیال ملا عبدالغني برادر نن دوشنبه د یو شمېر تولیدي فابریکو د کمپلکس په پرانېستغونډه کې وویل، چې یو شمېر تولیدي فابریکې له ۶۰ کلن ځنډ وروسته د ملي پراختیا شرکت له لوري بېرته فعالې شوې دي.

د پکتیا پوهنتون اړوند یوه مکتوب کې، چې افغانستان انټرنشنل ته رسېدلی، د یاد پوهنتون د دعوت او ارشاد امریت د پوهنتون د پوهنځیو له استادانو غوښتي، چې سبا د «دعوت او فضایل» ترنامه لاندې پوښتنغونډه کې حاضر شي. د پکتیا پوهنتون استادان وايي، دوی د دیني مسایلو په تړاو پوښتل کیږي.

د دوشنبې په ورځ کرملېن اعلان وکړ چې مسکو له اوکراین سره د سولې د خبرو اترو د بل پړاو د پیل ملاتړ کوي، خو ټینګار یې وکړ چې د دواړو خواوو دریځونه ډېر سره متفاوت دي او لا هم زیات ډیپلوماتیک کار ته اړتیا ده. له دې وړاندې، اوکراین روانه اونۍ مسکو ته د سولې د نویو خبرو وړاندیز کړی و.

په وروستیو میاشتو کې د مهاجرینو د اخراج مساله، په ځانګړې توګه د مجرمینو په توګه یې طبقه‌بندي او غیر خوندي هېوادونو ته لېږل په جرمني کې د بحث مهمه موضوع ګرځېدلې. دغه بحث وروسته له هغه زور واخیست، چې د ۲۰۲۴ز کال د می په ٣١مه د سلیمان په نامه یوه مهاجر په منهایم کې یو پولیس وواژه.

د امریکا ځانګړی استازی توماس بارک وایي چې واشنګټن نشي کولای اسراییل دې ته اړ باسي چې خپلو بریدونو ته د پای ټکی کېږدي. هغه دا څرګندونې د لبنان د چارواکو له دې غوښتنې وروسته وکړې، چې امریکا دې د اسراییلي بریدونو د بندیدو ضمانت ورکړي.