د فرانسې د مالیې وزیر خبرداری ورکړی، چې پر فارس خلیج د ایران د غچ اخیستونکو بریدونو له امله د سیمې نږدې ۴۰ سلنه چاڼځایونه ویجاړ شوي، چې له امله یې نړۍ هره ورځ د ۱۱ میلیونه بېلره تېلو له بېساري کمښت سره مخ ده.
د امریکايي رسنۍ اېبيسي نیوز په یوه راپور کې ویلي، چې د امریکا حکومت د کابل له سقوط وروسته سلګونه افغان کډوال د قطر پلازمېنې ته یوې پوځي اډې ته ولېږدول، خو اوس دغه کسان د ایران د توغندیو تر ګواښ لاندې په همدې امریکايي اډه کې بند پاتې دي.
په داسې حال کې چې د متحده ایالاتو او د ایران د حکومت ترمنځ کړکېچ په ډېرېدو دی، په ایران کې د امریکا د احتمالي ځمکنیو عملیاتو د ارزونې یا ان پلان جوړونې نښانو په واشنګټن کې د ځینو قانون جوړونکو اندېښنې راپارولې دي.
واک ته د طالبانو له رسېدو وروسته یادې ډلې ۹ تنه امریکايي وګړي نیولي وو، چې له دې ډلې یې تر دې مهاله ۶ تنه خوشې شوي او د محمودشاه حبیبي د جنجالي قضیې په ګډون ۳ نور امریکايي وګړي لا هم د طالبان په بند کې دي.
د امریکا د مرکزي قوماندانۍ (سنټکام) مشر د ایران د نظامي تاسیساتو د بریدونو د وضعیت په اړه په خپل وروستي راپور کې ویلي، امریکايي پوځ د جګړې له پیل راهیسې په ایران کې له ۱۰ زرو ډېرې موخې په نښه کړې او د ایران د حکومت د نظامي تولیداتو دوه پر درېیمه برخه تاسیسات یې لهمنځه وړي دي.
د امریکا د کلیفورنیا ایالت یوه قاضي د چهارشنبې په ورځ په یوې تاریخي پرېکړه کې اعلان وکړ، چې د ګوګل او مېټا شرکتونه د داسې پلټفارمونو د جوړولو مسوول دي چې د ځوانانو لپاره خطرناک بلل شوي دي.
امریکایي چارواکو اعلان کړی، چې متحده ایالاتو او اسراییل په موقتي ډول د دوو لوړپوړو ایراني چارواکو نومونه د خپلو اهدافو له نوملړ څخه اېستلي دي، ترڅو د احتمالي سولې خبرو اترو لپاره زمینه برابره شي.
د امریکا ولسمشر ډونالډ ټرمپ اعلان وکړ، چې د چین له ولسمشر شي جینپینګ سره د هغه لیدنه چې تر دې وړاندې پر ایران د امریکا د پوځي عملیاتو له امله ځنډېدلې وه، اوس د غوايي میاشتې په ۲۴مه او ۲۵مه نېټو په بېجینګ کې ترسره کېږي.
اکسیوس د لوړپوړو امریکایي چارواکو او یوې اسراییلي سرچینې له قوله راپور ورکړی، چې د امریکا ولسمشر ډونالډ ټرمپ تېره اوونۍ د اسراییل د لومړي وزیر بنیامین نتنیاهو هغه وړاندیز رد کړی، چې له مخې یې دواړه هېوادونه په ګډه له ایرانیانو وغواړي چې سړکونو ته راووځي او خپل حکومت نسکور کړي.
د ایران د بهرنیو چارو وزیر عباس عراقچي ویلي: «لکه څنګه چې موږ وړاندې ویلي وو جګړه به سیمې ته وغځېږي او همداسې وشول. ایران یې پر وړاندې ودرېد او اوس دا سیمه ده چې له ستونزو سره مخ ده، نه ایران».
د لندن په ښار کې د «د یووالي او باور پر لور» تر سرلیک لاندې د غونډې په دویمه ورځ د افغانستان د سیاسي ګوندونو استازو، خپلواکو څېرو او د مدني ټولنې فعالانو د برېټانیا پارلمان له غړو سره وکتل.
د نورستان د دوو ولسوالیو د ځینو برخو د کنټرول د له لاسه وتلو په اړه د راپورونو له خپرېدو وروسته د طالبانو د دفاع وزارت ویاند عنایتالله خوارزمي اعلان وکړ، چې له پاکستان سره د ډیورنډ کرښې په اوږدو کې ټولې سیمې د دوی په کنټرول کې دي.
د طالبانو د ټولګټو چارو وزارت ویلي، چې د ۱۴۰۴ کال د وري څخه تر کب میاشت پورې د افغانستان د بېلابېلو بندرونو له لارې د رېل پټلۍ په وسیله ۵میلیونه او ۳۸۷زره ټنه انتقالات شوي دي.
په تورخم کې ځینو حکومتي سرچینو افغانستان انټرنشنل – پښتو ته ویلي، چې سبا پنجشنبه د سهار په ۹:۳۰ بجو دغه لاره د افغان کډوالو د اېستلو پر مخ پرانیستل کېږي. سرچینو زیاته کړې، چې په دې تړاو په تورخم کې د پاکستان د فدرالي پلټنو ادارې ته هم لازمې لارښوونې شوې دي.
په کابل کې د "بنسټیز فوټبال" مېله د دوه سوه تنو تنکیو لوبغاړو په ګډون ترسره شوه. د افغانستان د فوټبال فدراسیون اعلان کړی، چې دغه جشنواره د دوی په اختصاصي لوبغالي کې د منځنۍ اسیا د فوټبال ټولنې (کافا) په تخنیکي همکارۍ جوړه شوې وه.
د امریکا د ملي امنیت پخوانی سلاکار جان بولټن وايي، له متحده ایالاتو سره د ښو اړیکو جوړول د امریکایي وګړو د زنداني کولو له لارې ممکن نه دي، خو که طالبان د ایران د رژیم په راپرځولو کې له امریکا سره همکاري وکړي، ښايي دا یوه غوره لاره وي.
د افغان-امریکایي زنداني محمودشاه حبیبي ورور احمدشاه حبیبي وايي، داسې شواهد لري چې ورور یې په افغانستان کې له واکمنې ډلې سره بندي دی. هغه زیاتوي، دوی تر اوسه نه پوهېږي چې طالبانو د کوم علت له مخې د ده ورور زنداني کړی دی.
د پاکستان لومړي وزیر نن ماښام د قطر له امیر شیخ تمیم بن حمد ال ثاني سره ټلیفوني خبرې وکړې. شهباز شریف په سیمه کې د روانو شخړو د دوام په اړه خپله ژوره اندېښنه څرګنده کړه او پر قطر او د فارس خلیج پر نورو هېوادونو شوي بریدونه یې په کلکه وغندل.
طالبانو ویلي، چې په هلمند کې د سختو بارانونو له امله د واشېر ولسوالۍ د اوبو یو کوچنی بند ویجاړ شوی دی. د اوبو د مهارولو په موخه دغه بند څو میاشتې وړاندې د ملګرو ملتونو د پرمختیايي پروګرام لهخوا جوړ شوی و.
د طالبانو د صنعت او سوداګرۍ وزیر نورالدین عزیزي په افغانستان کې د ملګرو ملتونو د سرمنشي د ځانګړي استازي له مرستیال اندریکا راتواته سره لیدلي او پر سوداګرو او نورو مسایلو یې خبرې ورسره کړې دي.
د رواداري سازمان راپور ورکوي چې په ۲۰۲۵ کال کې لږ تر لږه ۶۱۱ کسان، چې پکې ښځې او ماشومان هم شامل دي، په هدفمند، مرموز ډول د طالبانو او نامعلومو کسانو له خوا وژل شوي یا ټپیان شوي دي.