د طالبانو د ټولګټو چارو وزارت خبر ورکړی، چې په تېره یوه اونۍ کې (د کب له ۲۲مې تر ۲۸مې) د اوسپنې پټلۍ له لارې ۱۶۹زره او ۵۶۵ مټریک ټنه انتقالات شوي دي. په دغه انتقالاتو کې صادرات هم شامل دي.
د «اېفاېنسي» د ازادو سیالیو سازمان اعلان کړی، چې د افغانستان د ترکیبي رزمي لوبو مشهور لوبغاړی واحدالله نژند به د ارجنټاین له لوریانو سټاروپولي سره مخ شي. دغه لوبه به د ۷۷ کیلوګرامه وزن په کټګورۍ کې د «اېفاېنسي» سازمان په ۳۰م پړاو سیالیو کې ترسره شي.
سرچینو په تورخم کې د افغانستان انټرنشنل - پښتو خبریال جواد شینواري ته ویلي، طالبانو او پاکستاني چارواکو د کډوالو د ستنېدو لپاره د تورخم لارې د پرانیستې په اړه ناسته کړې چې لاهم دوام لري. ویل کېږې، چې په دغه ناسته کې د افغان کډوالو د بېرته ستنېدو لپاره یوه تګلاره ټاکل کېږي.
د طالبانو د اوبو او انرژۍ وزارت د اوبو مرستیال مجیب الرحمان عمر اخندزاده په تاشکند کې «د اوبو اونۍ» د وزیرانو په فورم کې د وینا پرمهال د اوبو د عادلانه وېش پر اهمیت، د اوبو ډيپلوماسۍ پر پیاوړتیا او د اوبو مدیریت په برخه کې د نوې ټېکنالوژۍ پر کارونې ټینګار کړی.
د تېرا درې بېځایه شویو کورنیو د مرستو په برخه کې د پاکستان حکومت د کړو ژمنو د ځنډ له امله لاریون کړی او ویلي یې دي، چې مرکزي حکومت د دوی مېنو ته د اوښتي زیان له امله نغدي مرستې منظور کړې؛ خو د ځایي حکومت لهخوا نهدي ورکړل شوې.
په کندوز کې د طالبانو د امنیې قوماندانۍ ویاند جمعهالدین خاکسار ویلي، د اختر په درېیو ورځو کې په کندوز ښار او ۹ ولسوالیو کې ۳۰ ټرافیکي پېښې شوې دي. د هغه په وینا؛ په دغه پېښو کې د دوو ماشومانو په ګډون۴ کسه مړه او ۳۱نور ټپیان شوي دي.
د بلوچستان د عبدالله کلا والسوالۍ په ګلستان سیمه کې د یوې ګاز ډبې د چاودنې له امله یو کس مړ او شپږ نور ټپیان شوي دي. د ځايي پوليسو په وینا؛ چاودنه په یوې فابریکه کې هغه مهال شوې، چې د یادې فابریکې کارګر په کار بوخت وو.
د طالبانو د کډوالو او بېرته راستنېدونکو چارو وزارت خبر ورکړی، په روانه اونۍ کې ۴۲۶ افغان کډوال چې د پاکستان په زندانونو کې بندیان وو؛ له زندانه تر خوشې کېدو وروسته بېرته افغانستان ته ستانه شوي دي.
د پاکستان د پنجاب ایالت پولیسو ویلي، چې په دغه هېواد کې مېشت د ناقانونه بهرنیو وګړو د اېستلو لرۍ پرمهال له دغه ایالت څخه د افغانانو په ګډون تر ۳۳زره ډېر بهرني وګړي اېستل شوي دي. په دغه کسانو کې تر ۱۲زره زیات نارینه، تر ۶زره زیاتې ښځې او نږدې ۱۴زره ماشومان شامل دي.
د تېر جمهوري نظام پرمهال د عدليې وزیر فضل احمد معنوي وایي، د نجونو پر زدهکړو بندیز «ښکاره ظلم او د انسانیت پر وړاندې جرم» دی. د هغه په وینا؛ د داسې ظلم په وړاندې چوپتیا یوه لویه ګناه او د «شرعي او انساني مکلفیتونو» څخه سرغړونه ده.
په جلاوطنۍ کې د افغانانو عالي شورا په افغانستان کې له نږدې پنځو کلونو راهيسې د نجونو پر مخ د ښوونځيو او پوهنځیو دروازو پر تړل پاتې کېدو اندېښنه څرګنده کړې او د طالبانو دغه بندیز یې له بشري حقونو سرغړونه او لوی بشري ناورین یاد کړی دی.
په کندهار کې د طالبانو د کرنې، اوبو لګولو او مالدارۍ ریاست ویاند محمدحنیف حقمل وایي، چې په ۱۴۰۴کال کې د دغه ولایت د شاوخوا ۱۵زره هکټاره ځمکې څخه د انارو شاوخوا ۲۷۴زره ټنه حاصلات ترلاسه شوي دي.
د ښځو د حقونو نړۍوال کنفرانس د چهارشنبې په ورځ (د وري ۵مه) د ملګرو ملتونو د استازو، مدني فعالانو او د بشري حقونو مدافعانو په ګډون په اروپا کې د مېشتو افغانانو په نوښت د سویس په جېنوا ښار کې ترسره شو. په دغه کنفرانس کې د افغان ښځو لپاره د نړۍوال ملاتړ غوښتنه وشوه.
د افغانستان د فوټبال ملي لوبډله به نن په میانمار کې د میانمار ملي لوبډلې پر وړاندې د لوبو ډګر ته ښکته شي. دغه لوبه به نن پنجشنبه (د وري ۶مه) د افغانستان په وخت د ماسپښین په ۳:۰۰ بجو پیل شي.
د امریکا ولسمشر ډونالډ ټرمپ د ایران پر وړاندې د خپلو سختو سیاستونو دفاع وکړه او ادعا یې وکړه، چې که پر دغه هېواد پوځي برید نه وای شوی، تهران به په دوو تر څلورو اوونیو کې اټومي بم جوړ کړی وای.
د فارس خلیج عربي هېوادونو د یوې ګډې او سختې اعلامیې په خپرولو سره د ایران او د هغوی د نیابتي ځواکونو بریدونه وغندل او دا یې د ملي حاکمیت، ځمکنۍ بشپړتیا، نړۍوالو قوانینو، بشري حقونو او د ملګرو ملتونو د منشور ښکاره سرغړونه وبلله.
د امریکا ولسمشر ډونالډ ټرمپ پر کورنیو رسنیو کلکه نیوکه وکړه او ادعا یې وکړه، چې هغوی د ایران د جګړې په اړه "ناسم" انځور وړاندې کوي، په داسې حال کې چې د ده په وینا، امریکا په دغه نښته کې برلاسې ده.
د متحده ایالاتو ولسمشر ډونالډ ټرمپ په واشنګټن کې د جمهوري غوښتونکو لپاره د مالي مرستو ټولولو په مراسمو کې د وینا پر مهال یو ځل بیا وویل، چې ایران لا هم د مذاکرې له لارې یوې هوکړې ته د رسېدو په هڅه کې دی.
فایننشل ټایمز ورځپاڼې په یوه ځانګړي راپور کې د لوېدیځو استخباراتي ارزونو پر بنسټ لیکلي، چې روسیه ایران ته د بېپیلوټه الوتکو، خوراکي توکو او درملو د لېږدولو د بهیر بشپړولو ته نږدې شوې ده.
د مسوولیت منلو نړۍوال مرکز په خپل وروستي اوونیز راپور کې چې د ډلهییزو جنایتونو د مخنیوي او ګواښونو په اړه خپرېږي، افغانستان ته د نړۍوالو اندېښنو په سر کې ځای ورکړی او په دغه هېواد کې یې د بشري او روغتیايي ناورین د لا ژورېدو خبرداری ورکړی دی.
د ماشومانو د ژغورنې ادارې ویلي، چې د افغانستان په شمالي ولایتونو کې د سختې وچکالۍ له امله ماشومان ښوونځیو ته د تګ پر ځای شاقه کارونو ته اړ شوي دي او هلته د هرو پنځو ماشومانو له ډلې یوازې یو یې ښوونځي ته ځي.