د خوست او پکتیا خلکو د افغانستان د ۱۷ کلنو د فوټسال ملي لوبډلې د اتلانو هرکلی په بېساري مینې او احساس وکړ. د دغو ولایتونو زرګونه اوسېدونکي د خپلو اتلانو د لیدو لپاره راوتلي وو او د هغوی د لاسته راوړنو نمانځنه یې وکړه.
د ملک سلمان د بشري مرستو بنسټ د افغانستان په شمالي ولایتونو بلخ او سمنګان کې د زلزلهځپلو کورنیو د ملاتړ په موخه د خوراکي او غېرخوراکي توکو د مرستو یوه بسته د افغان سرې میاشتې ټولنې ته سپارلې ده.
د ملګرو ملتونو د ماشومانو وجهي صندوق «یونېسف» اعلان کړی، چې په افغانستان کې ۳.۵ میلیونه ماشومان په شدیده خوارځواکۍ اخته دي. دغې ادارې په افغانستان کې د تغذیې ناورین په نړۍ کې تر ټولو په بد وضعیت کې یاد کړی دی.
د اسراییل د دفاع وزیر یسراییل کاټز وایي، چې د دې هېواد پوځ به په غزې تړانګه کې په خپلو تر واک لاندې سیمو کې د حماس وسلهوال ځواکونه «له هر ډول محدودیت پرته» له منځه یوسي.
د پښتون ژغورنې غورځنګ مخکښ غړی حنیف پښتین وايي، چې له پاکستان څخه د افغان کډوالو اېستل د افغان قوم پر وړاندې د انتقامي او سیاسي دوښمنۍ نوې بڼه ده. د هغه په خبره، پاکستان د همدې افغان کډوالو په نوم په تېرو ۵۰ کلونو کې له نړۍوالو بېلیونونه ډالره مرستې ترلاسه کړې دي.
د طالبانو د امر بالمعروف او نهی عن المنکر وزارت ویاند سیف خیبر وایي چې ځینو موسسو ته یې څو ځله خبرداری ورکړی و، چې د ښځینه کارکوونکو «اسلامي حجاب او د اختلاط د منع» اصول په پام کې ونیسي، خو یادو موسسو د دوی د غوښتنو په تړاو «لازمه ژمنتیا» نه ده ښودلې.
د افغانستان د رسنیو ملاتړ سازمان د ۳۰۰ افغان خبریالانو او د رسنیو کارکوونکو لاسلیک شوی ګډ لیک د ملګرو ملتونو او بشري حقونو ملاتړو بنسټونو ته استولی او په پاکستان کې د بې برخلیکه خبریالانو د ناوړه وضعیت په اړه یې پکې شکایت کړی دی.
د امریکا په کینټکي ایالت کې د پرېوتې الوتکې د مړو شمېر ۹ تنو ته لوړ شوی. د «یو پي ایس» شرکت دغه بار وړونکې الوتکه د کینټکي ایالت د لوېزویل له نړیوال هوایي ډګر څخه تر الوتلو وروسته غورځېدلې ده. چارواکي وايي، د پېښې د قربانیانو شمېر ښايي لوړ شي.
د افغانستان په شمال کې یو شمېر اوسېدونکو له طالبانو غوښتي چې د مزار شریف تاریخي زرغون جومات (روضه مبارکه) د زلزلې له زیان وروسته بېرته ورغوي او د دې تاریخي ودانۍ ساتنې ته جدي پاملرنه وکړي.
د طالبانو او پاکستان ترمنځ د درېیم پړاو مذاکراتو له پیل څخه یوه ورځ وړاندې د طالبانو د کورنیو چارو وزارت د سرحدي پولیسو مسوولینو ډیورنډ کرښې ته څېرمه د پکتیا ولایت په ډنډ پټان ولسوالۍ کې له امنیتي پوستو لېدنه کړې ده.
د پاکستان پخواني لومړي وزیر عمران خان ویلي، چې دا وخت په پاکستان کې د اساسي قانون او قانون پر ځای د «عاصم قانون» واک چلېږي. نوموړي ویلي، عاصم منیر د تاریخ تر ټولو مستبد واکمن دی، چې د بېساري جبر دوره یې واکمنه کړې.
د روسیې ولسمشر ولادیمیر پوتین خپلو لوړپوړو چارواکو ته د اټومي وسلو د اموینو په اړه د وړاندیزونو د چمتو کولو امر کړی. پوتین ویلي، چې پر اټومي ازموینو د بندیز تړون ته ژمن دی، خو که امریکا یا بل اټومي هېواد اټومي ازموینې وکړي، نو روسیه به هم ورته اقدام وکړي.
د روغتیا نړیوال سازمان په خپل وروستي راپور کې ویلي، چې د افغانستان په شمال کې د زلزلې له امله لږ تر لږه ۲۶کسان مړه او ۱،۱۴۴ تنه نور ټپیان شوي دي. یاد سازمان زیاتوي، په زلزله ځپلو سیمو کې د ویجاړو شویو کورونو شمېر له ۹۰ څخه ۴۳۰ ته پورته شوی.
د خیبر پښتونخوا د تیرا سلګونو اوسیدونکو د یوې غونډې پرمهال په یاده سیمه کې له پوځي عملیاتو سره مخالفت ښودلی او پرېکړه یې کړې ده، چې له خپلې سیمې به ونه وځي.
د بهرنیو چارو پخواني وزیر محمد حنیف اتمر په استانبول کې د طالبانو او پاکستان ترمنځ د خبرو اترو په درشل کې پر قطر او ترکیې غږ کړی، چې طالبان او افغان سیاسي مخالفان د بینالافغاني خبرو مېز ته راولي. اتمر وايي، طالبان او پاکستان باید دوامداره اوربند ته ورسېږي.
په کابل کې د ایران سفارت ویلي، چې د افغانستان او هند لپاره د ایران سفیرانو له افغان سوداګرو سره د چابهار بندر له لارې د سوداګرۍ پراختیا په اړه ناسته کړې ده. په یاده ناسته کې د درې واړو هېوادونو ترمنځ د سوداګریزو همکاریو په اړه خبرې شوې دي.
د بېپولې خبریالانو ټولنه(ار ایس ایف)وايي، طالبان د خبریالانو د «اعترافونو» جعلي ویډیوګانې د یوې ستراتیژۍ په توګه کاروي، چې خپل مخالف غږونه پرې خاموش کړي او د وېرې فضا رامنځته کړي.
الجزیرې په یوه شننه کې ویلي، چې د هند په تړاو د پاکستاني چارواکو څرګندونې ښيي چې دغه هېواد د طالبانو او نوي ډیلي له اړیکو نه په وېره کې دی. د شنونکو په باور، د هند او طالبانو له نږدې اړیکو نه دې وېرې له کابل سره د پاکستان د خبرو اترو چلند هم اغیزمن کړی.
د طالبانو د کانونو او پټرولیم وزیر هدایت الله بدري د مس عینک پروژې له چینايي قراردادیانو سره کتلي او د یادې پروژې د چارو پر چټکتیا یې ټینګار کړی دی. د طالبانو د کانونو وزارت ویلي، چې د مس عینک پروژې قراردادي شرکت د تړون له مخې د ژمنو د عملي کولو ډاډ ورکړی.
کله چې زهران ممداني د ۲۰۲۵ کال د نومبر پر څلورمه په بروکلین کې د بریا د وینا لپاره پر دریځ راڅرګند شو، هغه یوازې یوه سیاسي بریا نه نمانځله، بلکې د نیویارک تاریخ یې بدل کړ. هغه د نیویارک لومړی مسلمان، سویلي اسیایي او افریقایي الاصله وګړی او تر ټولو ځوان ښاروال وټاکل شو.
د طالبانو او پاکستان پلاوي د طالبانو د استخباراتو رییس عبدالحق وثیق او د ای ایس ای د مشر جنرال عاصم ملک په مشرۍ ترکیې ته لاړل. د طالبانو سرچینې وايي، چې سهیل شاهین، رحمت الله نجیب، قهار بلخي، ذاکر جلالي او انس حقاني د طالبانو د پلاوي غړي دي.