آرشیف

د متحده عربي اماراتو د بهرنیو چارو وزارت د ستراتیژیکو اړیکو مشرې ویلي، چې دغه هېواد له افغانستان نه د امریکايي وګړي ډینس کویل د خوشې کېدو کوربه‌توب کړی دی.

د بلخ پخواني والي عطا محمد نور طالبان "جاهل، ریاکار او بزدله واکمنان" بللي او پوښتنه یې کړې، چې ایا د امریکايي وګړي خوشې کول رښتیا هم د انسانیت له‌مخې دي، که د ډونالډ ټرمپ د فشار او ځواک له وېرې؟

د پاکستان لومړي وزیر شهباز شریف د سې شنبې په ورځ خبر ورکړ، چې هېواد یې د منځني ختیځ جګړې د پای ته رسولو لپاره د روانو خبرو اترو هرکلی کوي او په بشپړ ډول یې ملاتړ کوي. هغه ټینګار کړی چې د دې هڅو موخه د سیمې او وراخوا د سولې او ثبات ساتل دي.

سرچینو افغانستان انټرنشنل ته ویلي، چې پاکستان د وري له ۵مه نېټې څخه د تورخم لارې د پرانیستلو پریکړه کړې ده. سرچینو وویل چې په ورته وخت کې د غیر قانوني کډوالو د اېستلو لپاره چمتووالی بشپړ شوی.

د خیبرپښتونخوا د باجوړ په قبایلي ولسوالۍ کې ځايي ادارې مېشتو افغان کډوالو ته امر کړی چې سبا د مارچ ۲۵مه د سهار تر ۸ بجو وخت لري چې دغه سیمه پرېږدي او د افغانستان پر لور ستنېدو ته چمتووالی ونیسي.

د امریکا د بهرنیو چارو وزارت افغانستان انټرنشنل ته ویلي، چې طالبان باید په افغانستان کې ټول پاتې امریکایي وګړي سملاسي ازاد کړي. د امریکا د بهرنیو چارو وزارت د ډینس کویل خوشې کول هم "پر سم لوري یو ګام" وباله.

د امریکا د ولسمشر ټرمپ مرستیال سلاکار او د ملي امنیت شورا د ترهګرۍ ضد چارو مشر سباسټین ګورکا ویلي چې دوی به تر هغه ارام کښېنني، چې محمود حبیبي او پال اووربي هم کورته نه وي ستانه شوي.

د طالبانو د ټرانسپورټ او هوايي چلند وزارت وایي، د یاد وزارت د هڅو او همغږیو په پایله کې اوس مهال ۱۰ نړیوال او دوه کورني هوايي شرکتونه د افغانستان نړیوالو هوايي ډګرونو ته منظمې الوتنې کوي.

د امریکا د بهرنیو چارو وزیر د طالبانو له خوا د ډینس کویل خوشې کول د یرغمل نیونې ډیپلوماسۍ د پای ته رسولو پر لور مثبت ګام بللی دی. مارکو روبیو پر خپل اېکس د قطر او متحده عرب اماراتو د ملاتړ مننه کړې ده.

د امریکايي وګړي ډینس کویل له خلاصون وروسته، دمګړۍ افغانی الاصله محمود حبیبي، پاول اوربي او پولینیسس جکسن درې نور امریکایان لاهم د طالبانو په زندانونو کې دي. امریکايي چارواکو ویلي، چې دوی د خپلو ټولو وګړو خوشې کېدل غواړي.

د طالبانو په بند کې زنداني یو افغان الاصله امریکايي محمود شاه حبیبي کورنۍ د طالبانو له بند څخه امریکایی زنداني ډینس کویل د ازادېدو په غبرګون کې ویلي، چې تمه لري ژر حبیبي هم له زندان څخه ازاد شي. دوی زیاتوي، چې امریکا شواهد لري، چې حبیبي د طالبانو استخباراتو سره زنداني دی.

په ګوانتانامو زندان کې د یوه افغان زانداني محمد رحیم افغاني زوی وايي، چې دوی هم امریکايي پلاوي ته یو لیک سپارلی، چې پلار یې له زندان نه راخوشې کړي. د طالبانو بهرنیو چارو وزارت ویلي، چې امریکایی زنداني یې د هغه د مور له لیک ور ورسېدو وروسته خوشې کړی.

د پخوانۍ افغان ملي اردو جنرال سمیع سادات د طالبانو له زندان نه د یوه امریکايي وګړي خوشې کېدو په تړاو ویلي، چې د طالبانو مشر «ملاهبت الله له خدایه نه ډاریږي خو له امریکا ډاریږي». سادات وایي، د طالبانو په بند کی تر ۱۰۰ زرو ډیر افغانان بندیان دي او دوی زیاتره بې ګناه دي.

په خوست ولایت کې ډیورنډ کرښې ته نږدې پرتو سیمو اوسېدونکي وایي چې د پاکستاني ځواکونو د توپچي او هوايي بریدونو له امله یې ډک کورونه وران شوي او د ځان ژغورنې لپاره د ولایت نورو سیمو ته بې ځایه شوي دي.

ایران د ټرمپ له څرګندونو یوه ورځ وروسته چې ویلي یې و له تهران سره یې ګټورې خبرې شوې دي، د سې ‌شنبې په ورځ پر اسراییل ګڼ توغندي وورول. دغو بریدونو د اسراییل شمال، جنوب او مرکزي سیمې په نښه کړې دي.

د طالبانو د اوبو او برېښنا وزارت وایي، چې د اوبو معین مجیب الرحمن عمر اخوندزاده د تاشکند د اوبو اونۍ په مهم نړیوال فورم کې د ګډون په موخه ازبکستان ته تللی دی. دغه فورم د اوبو د سرچینو د دوامدارې کارونې، اقلیمي بدلونونو د اغېزو او د اوبو د عادلانه وېش په اړه مهم بحثونه رانغاړي.

طالبانو د خپل مشر ملا هبت الله اخوندزاده په ځانګړي امر امریکايي بندي ډینس کویل خوشې کړی. د طالبانو د بهرنیو چارو وزارت ویلي، دغه پرېکړه د یاد بندي د مور له لیک ور رسېدو وروسته شوې ده.

د ملګرو ملتونو کارپوهانو پر پاکستان او افغانستان غږ وکړ، چې باید تازه اوربند اعلان کړي او د سولې هوکړې ته ورسیږي. کاپوهانو د پاکستان بریدونه غیر قانوني ګڼلي او وايي، اسلام اباد داسې معتبر شواهد نه دي وړاندې کړي چې وښيي ټي ټي پي د طالبانو په امر په پاکستان کې بریدونه کړي وي.

د افغانستان لپاره د برېټانیا استازي ریچارډ لینډسي د سې شنبې په ورځ وویل چې لندن په افغانستان کې د طبیعي پېښو له امله اغیزمنو شویو کسانو سره د مرستې په موخه نږدې څلور میلیونه ډالر ځانګړي کړي دي.

د پاکستان د واکمن ګوند جګپوړي سیاستوال خواجه سعد رفیق او پخواني سناتور مشتاق احمد خان د طالبانو او پاکستان ترمنځ د اوربند د غځېدو غوښتنه کړې ده. دواړو پاکستاني سیاستوالو غوښتنه کړې چې د کمکي اختر اوربند دې وغځیږي او خبرې اترې دې وشي.

د طالبانو د عدلیې وزیر مولوي عبدالحکیم شرعي په خوست ولایت کې د امنیتي پوستو د لیدنې پرمهال ویلي، چې د افغانستان پر خاوره او فضا د پاکستان بریدونه هېڅ ډول شرعي او اخلاقي جواز نه لري او د هغوی علماوو هم دا منلې ده.