د طالبانو امر بالمعروف، نهي عن المنکر او شکایتونو اورېدلو وزارت وايي، چې په تېر ۱۴۰۴ کال کې یې د ۱۶ سوه ښځو او نجونو د جبري نکاح مخه نیولې ده. د یاد وزارت په کلني راپور کې راغلي، چې تېرکال ۱۰ زره شکایتونه ثبت شوي ول، چې له دې څخه یې ۶ زره شکایتونه څېړل شوي دي.
د طالبانو او پاکستان ترمنځ جګړه د فېبرورۍ له وروستیو راهیسې خطرناک پړاو ته تللې ده. پاکستان په کابل، کندهار، پکتیا، پکتیکا او ننګرهار ولایتونو کې ګڼ بریدونه کړي او طالبانو د ځمکنيو او ډرون بریدونو په وسیله ځواب ور کړی. د جګړې دغه نوې بڼه د سیمې د ثبات لپاره د جدي خطر زنګ دی.
د طالبانو د عامې روغتیا وزارت ویاند وايي، چې څو ورځې وړاندې د روږدو پر روغتون د پاکستان پوځ په برید کې په ټپي شویو ناروغانو کې دوو تنو خپل ژوند له لاسه ور کړی دی. له دې وړاندې طالبانو د قربانیانو شمېر له ۴۰۰ څخه زیات ښودلی و.
یوې سرچینې چې نه یې غوښتل نوم یې افشا شي، افغانستان انټرنشنل ته ویلي چې د سې شنبې په ورځ د اسلاماباد کنفرانس دویم پړاو په لندن کې ترسره کېږي. په دې ناسته کې به د طالبانو یو شمېر مخالفې څېرې ای ایس ای ته له نږدې څېرو سره وګوري.
د اوکراین ولسمشر ولادیمیر زیلنسکي ویلي، چې د روسیې په وروستیو پراخو بریدونو کې لږ تر لږه څلور کسان وژل شوي او لسګونه نور، د ماشومانو په ګډون، ټپیان دي، او ټینګار یې کړی چې هېواد یې لا ډېرې هوايي دفاعي مرستې ته اړتیا لري.
د افغانستان د ملي امنیت پخواني رییس رحمت الله نبیل ویلي چې د طالبانو پخوانی چارواکی عباس ستانکزی له دوبۍ نه روسیې ته سفر کړی، خو لا هم روښانه نه ده، چې دا سفر لنډمهالی دی او که غواړي هلته پاتې شي.
د مالدووا ولسمشرېمایا ساندوویلي، چې د اوکراین د ملکي انرژۍ پر بنسټیزو تاسیساتو د روسیې بریدونه «جنګي جنایت» دی او ټینګار یې کړی چې دغو بریدونو د مالدووا د برېښنا مهمه نښلونکې کرښه له اروپا سره پرې کړې او وضعیت لا هم نازک دی.
په افغانستان کې دملګرو ملتونو روغتیا نړیوال سازمان استازي او د ماموریت مشر ډاکټر اډوېن سېنیزا سلواډور ویلي، چې نري رنځ لا هم په هېواد کې یو ستر روغتیايي بار دی، هر کال زرګونه کسان پرې اخته کېږي او ګڼ شمېر پېښې لا هم نه تشخیص کېږي.
د طالبانود ترانسپورټ او هوایي چلند ادارې ویلي، چې په تېر ۱۴۰۴ کال کې ۱۸۵ ترانسپورټي شرکتونو ته یې د فعالیت اجازه ورکړې. طالبانو زیاته کړې چې د دوی د خدمتونو تنظیم او عرضیې ادارې له خوا ۱۱۵ باروړونکي او ۷۰ مسافر وړونکي ټرانسپورټي شرکتونه ثبت او د فعالیت اجازه لیکونه ورکړل شوي دي.
د طالبانو ستره محکمه وایي، په کابل ولایت کې یې یوه ښځه او یو نارینه د «نامشروع اړیکو او له کوره د تېښتې» په تور محکوم او په دُرو وهلي. سترې محکمې ویلي چې دې دوو تنو ته یې له یو کال نه تر یو کال او شپږو میاشتو پوري د تنفيذي بند سزا هم ورکړې.
د پاکستان د جمعیت اسلامي ګوند پخواني مشر سراج الحق ویلي، چې په تورخم او چمن کې زرګونه افغان کډوال له سختو بشري ستونزو سره مخ دي.نوموړي ویلي، د پاکستان او طالبانو تر منځ د جګړې ودرېدو موده باید اوږده شي ترڅو دوی په خوندي ډول خپلو کورونو ته ستانه شي.
د طالبانو ملي پراختیا شرکت ویلي، چې د قوشتېپې کانال دویم فاز چې ۱۷۷ کیلومتره اوږدوالی لري چارې یې ۹۸ سلنه بشپړې شوي. دغه شرکت ویلي چې یاده پروژه به ډېر ژر ګټې اخیستنې ته وسپارل شي.
د ملګرو ملتونو ادارې (یونیسف) څرګنده کړې چې په افغانستان کې شاوخوا هر درېیم وګړی د کافي او خوندي څښاک اوبو له نشتوالي سره مخ دی. دغه ادارې زیاته کړې، که څه هم په ۲۰۲۵ کال کې یې ۲.۱ میلیون خلکو ته پاکې او خوندي اوبه رسولې، خو لا ډېره هڅه پکار ده چې هر ماشوم ته پاکې اوبه برابرې شي.
د څېړونو له مخې، پاکستان په ۲۰۲۵ کال کې د نړۍ تر ټولو زیات لوګی لرونکی هېواد و، چې د (پي ایم ۲.۵) په نوم د خطرناکو وړو ذرو کچه یې د نړۍوال روغتیايي سازمان د سپارښتنې له اندازې ۱۳ ځله زیاته وه.
رويټرز خبرې اژانس د ځایي رسنیو له قوله راپور ورکړی چې د ټیکساس په پورټ ارټور کې د «والیرو» تیلو د تصفیې په فابریکه کې تر چاودنې وروسته پراخه اورلګیدنه رامنځ ته شوې. راپور زیاتوي چې دغه فابریکه د ورځې د ۳۸۰ زره بېرله تېلو د تصفیې ظرفیت لري.
په داسې حال کې چې د محمد باقر قالیباف نوم له امریکا سره د خبرو اترو لپاره د یوې مهمې ټاکنې په توګه راپورته شوی، د سپینې ماڼۍ د ملي امنیت ټیم ته نږدې یو کس ویلي، داسې ښکاري چې ډونالډ ټرمپ خپلې غوښتنې داسې بیانوي لکه دا کار چې لا دمخه ترسره شوی وي.
په ملګرو ملتونو کې د اوکراین سفیر دې ته په اشارې سره چې له روسیې څخه ایران ته د بېپیلوټه الوتکو د لېږد په اړه کافي شواهد موجود دي، خبرداری ورکړ چې د منځني ختیځ د جګړو په ترڅ کې د روسیې او د ایران د حکومت ترمنځ پوځي همکاري «نړۍوال امنیت ته یو ستر ګواښ» بلل کېږي.
پاکستانۍ ډان ورځپاڼې خبر ورکړی، چې په خېبر پښتونخوا کې د کوچني اختر له رخصتیو وروسته د هغو افغان کډوالو د اېستلو بهیر بیا ګړندی کېږي، چې قانوني اسناد نهلري. په راپور کې راغلي، چې د اختر په شپو او ورځو کې د افغانانو د نیولو عملیات په موقتي توګه درول شوي وو.
نړۍ له یوه لنډمهاله ټکان سره مخامخ نه ده، بلکې د اکمالاتي ځنځیرونو او اتحادونو له پاشل کېدو سره مخ ده. راسلفان چې د نړۍ د مایع طبیعي ګازو پنځمه برخه یې برابروله، له ۳ تر ۵ کلونو پورې له کاره لوېدلی او کلنی زیان یې شاوخوا ۲۰ میلیارده ډالره اټکل کېږي.
د زاهدان د اهلسنتو امام مولوي عبدالحمید د جګړې دوام د «ملي سرچینو د ډېرې ویجاړۍ» لامل وباله او ویې ویل، چې په اوسنیو شرایطو کې د جګړې درول غوره انتخاب دی.
د کولمبیا په سوېل کې د یوې پوځي الوتکې د غورځېدو له امله ۸ کسان مړه او ۸۳ نور ټپیان شوي دي. چارواکي وایي، د پېښې اصلي لامل تر اوسه نه دی روښانه شوی. دا الوتکه چې د "سي-۱۳۰ هرکولس" ډوله وه، د پوتومایو ولایت کې د الوتنې پر مهال لوېدلې ده.