د ملګرو ملتونو د امنیت شورا ټولو ۱۵ غړو هیوادونو په یوه سلا سره د افغانستان لپاره د ملګرو ملتونو د مرستې ماموریت د درې میاشتو لپاره وغځاوه. د دې پرېکړې موخه دا ده چې په افغانستان کې د سولې، بشري مرستو، د بشري حقونو څارنې او د نړیوالو مرستو همغږۍ چارې لا پر مخ ولاړې شي.
د ملګرو ملتونو د امنیت شورا د بندیزونو کمیټې له نوملړه د شهابالدین دلاور، عباس ستانکزي، حمدالله نعماني، حمیدالله اخوند، نورالله نوري په ګډون د طالبانو د ۳۹ جګپوړو او ټیټپوړو مشرانو نومونه ایستل شوي دي.
سرچینو افغانستان انټرنشنل ته ویلي، چې پاکستان د طالبانو ضد یو شمېر مهم سیاسي جریانونه اسلام اباد ته وربللي دي او د هغوی د سفر په اړه لومړنۍ سلا مشورې روانې دي.
د طالبانو د ټرانسپورټ او هوايي چلند وزارت دهوا پوهنې ریاست په کابل، کاپیسا، پنجشیر، پروان، بامیان، میدان وردګ، غزني، لوګر، پکتیا، کندهار، زابل، ارزګان، هرات، فراه، بادغیس، غور، بلخ او یو شمېر نورو ولایتونو کې د باران او واورې ورېدو او په تودو سیمو کې د نیزونو راوتلو اټکل کړی.
د افغانستان د پخواني جمهوري نظام د دفاع وزارت سرپرست شاه محمود میاخېل د طالبانو د مشر ملا هبت الله د اختریز پیغام په غبرګون کې د دې ډلې پر سیاستونو او له پاکستان سره د اړیکو په اړه نیوکې کړي او وایي چې د پاکستان پر بریدونو د طالبانو د مشر چوپتیا پوښتنې راولاړوي.
په داسې حال کې چې همدا اوس د نړۍ په بېلابېلو سیمو کې جګړې روانې دي، له اوکراین نه تر منځني ختیځه او له اسیا تر افریقا پورې د ډېرو هېوادونو مشران هڅه کوي خپل ولس د جګړو او کړکېچونو په اړه په دوامداره توګه خبر وساتي او هغوی ته ډاډ ورکړي، خو په افغانستان کې ملا هبت الله چوپ دی، ولې؟
پښتون ژغورنې غورځنګ ته نږدې سرچینو خبر ورکړ، چې ددغه غورځنګ جګپوړی غړی علي وزیر د سند د سکر له زندان څخه خوشې شو. د علي وزیر نږدې همکار بادشاه پشتین د هغه د خوشې کېدو انځور خپور کړی دی.
د طالبانو تر واک لاندې افغانستان باندې د فبرورۍ له ۲۸مې نه پیل د پاکستان پوځي بریدونه له دوو اونیو راهیسې لا هم روان دي. د پاکستان پوځي بریدونه زیاتره د جنګي الوتکو او یا د بېپیلوټه الوتکو په وسیله بم غورځول دي، چې زیاتره پکې د ماشومانو او ښځو په ګډون ملکي خلک په نښه کېږي.
د بښنې نړیوال سازمان ویلې، نږدې یو کال کېږي چې په پاکستان کې پنځه بلوڅ فعالان لا هم په غیرقانوني ډول تر توقیف لاندې ساتل شوي دي. دغه سازمان د پاکستان پر حکومت غږ کړی چې یاد فعالان سملاسي خوشې کړي.
د طالبانو تر واک لاندې د افغانستان برېښنا شرکت اعلان وکړ، چې د ترکمنستان–هرات د ۲۲۰ کیلوولټه وارداتي برېښنا مزي چې د هرات ولایت د رباط سنګي ولسوالۍ اړوند بند بقرچر سیمه کې پرې شوي وو، په لنډ مهاله توګه بېرته نښلول شوي.
د بلوچستان ځایي پولیس چارواکو افغانستان انټرنشنل – پښتو ته ویلي، چې د دغه ایالت په نوکنډي سیمه کې یې د ښځو او ماشومانو په ګډون ۶۵ افغان کډوال چې له ایران څخه وراوښتي وو، نیولي دي.
سرچینو افغانستان انټرنشنل ته وویل، چې د طالبانو د مخالفانو دوه ورځنۍ غونډه په اروپايي پارلمان کې پیل شوې ده. دا د اروپايي پارلمان او د طالبانو د مخالفینو ترمنځ د افغانستان د کړکیچ په اړه لومړۍ رسمي اړیکه ده.
د خوړو نړیوال پروګرام (ډبلیو ایف پي) اعلان کړی چې د طالبانو او پاکستان ترمنځ د وروستیو نښتو له امله بېځایه شویو کورنیو ته بېړنۍ خوراکي مرستې وېشل کېږي.
په پاکستان کې پښتون ملت پالو سیاسي ګوندونو مشرانو محمود خان اڅکزي، محسن دواړ او خوشحال کاکړ په یو ګډه اعلامیه کې پر افغانستان د پاکستان د هوايي د بمباریو له امله د ښځو او ماشومانو په ګډون د ملکي خلکو د مرګژوبلې پر زیاتېدو اندېښنه ښودلې ده.
د طالبانو ستره محکمه وایي، چې د زابل ولایت په شاه جوی ولسوالۍ کې یې د غلا او اخلاقي فساد په تور ۷ کسان په عام محضر کې په دُرو وهلي دي.
د طالبانو د ننګرهار او هلمند ولایتونو د بندخونو چارواکي وایي، د کوچني اختر د رارسېدو په مناسبت یې د ښځو او ماشومانو په ګډون ۹۷۳ کسان د دغو ولایتونو له مرکزي بندخونو څخه ازاد کړي دي.
چین یوځل بیا ویلي، چې د پاکستان او افغانستان ترمنځ د روانو شخړو د کمولو لپاره به خپلې هڅې دوامدارې وساتي. د چین د بهرنبو چارو وزارت د دوشنبې په ورځ له دواړو هېوادونو غوښتنه وکړه چې له شخړې یو ګام شاته شي او بېرته خبرو ته راستانه شي.
د طالبانو د ټولګټو وزارت وايي، چې تېره اونۍ د کب میاشتې له ۱۵مې څخه تر ۲۱مې نېټې پورې د رېل پټلۍ له لارې ۱۷۸ زره مټریک ټنه انتقالات شوي. په دغو انتقالاتو کې ۱۰۹۰ ټنه صادرات دي، چې لويه برخه یې وچه مېوه او دانارو جوس دي.
کندهار کې د طالبانو امنیه قوماندانۍ مسولین وایي، چې د راتلونکي اختر د ورځو او شپو د امنیت د ټینګښت لپاره یې په دې ولایت کې یوه ځانګړې ۱۵۰۰ کسیزه امنیتي قطعه جوړه کړې ده. طالبانو ویلي چې دا قطعه د ښار او شاوخوا سیمو د امنیت خوندې کولو او شکمنو خلکو د څار لپاره ده.
اسلام اباد د چین هڅې رد کړې چې د افغانستان د طالبانو حکومت سره اړیکې ښې کړي او ویلي یې دي چې تر هغه پورې به خپلې اوسني پالیسۍ ته دوام ورکړي، څو طالبان د پاکستان پر ضد د وسله والو ډلو د فعالیتونو په اړه عملي ګامونه پورته نه کړي.
په هلمند کې طالب مسوولین وايي، د کوچني اختر د رارسېدو په مناسبت د هبتالله اخوندزاده د ځانګړي حکم پر بنسټ د دغه ولایت له زندان څخه ۵۹۶ بندیان ازاد او د ۱۶۲ نورو د بند موده راکمه شوه. طالبانو له خوشي شویو بندیانو غوښتي چې په راتلونکې کې له جرمونو ډډه وکړې.