د طالبانو کرنې او مالدارۍ وزارت ویلي چې د دې ډلې د مشر ملا هبت الله د فرمان پر بنسټ یې په لوګر ولایت کې د راستانه شویو کډوالو کورنیو ته د غنمو او نغدو پېسو مرستو وېش پیل کړی.
د سوېډن او صربستان د بهرنیو چارو وزارتونو د سیمې وروستیو بدلونونو له امله له خپلو وګړو غوښتي چې ژر تر ژره له ایران څخه ووځي.
د طالبانو تر واک لاندې د افغانستان ملي موزیم مسوولین وایي چې د هېواد په بېلابېلو ولایتونو کې یې زرګونه قلمه تاریخي اثار پیژندلي او ثبت کړي.دوی همداراز وایي چې په بیلابیلو ولایتونو کې یې نندارتونونه هم نندارې ته وړاندې کړي دي.
د امریکا ولسمشر ډونالډ ټرمپ اعلان کړی چې د مارچ له ۳۱څخه تر اپریل ۲ پورې به چین ته سفر وکړي. دا سفر د دواړو هېوادونو د مشرانو تر منځ د سوداګریزې همکارۍ د پراختیا لپاره ترسره کېږي، په داسې حال کې ده چې د امریکا سترې محکمې وروستۍ پرېکړې د ټرمپ پر تعرفو اغېزه کړې.
د کابل ښار اوسېدونکي شکایت کوي چې د ژمي له رارسېدو سره د ښار هوا خورا ککړه شوې او حتی ارامه ساه اخیستل هم ستونزمن شوي دي. دوی د هوا د ککړتیا اصلي لامل په نامناسبو سونتکو کې ګڼي او د بېړنیو اقداماتو غوښتنه کوي.
عزیزي خیریه بنسټ خبر ورکړی چې دغه بنسټ د اسلامي بانک سره په همکارۍ د روژې میاشتې لپاره د ۲۰ زره مستحقو کورنیو سره د مرستو د وېش لړۍ روانه ساتلې ده.
د زاهدان د اهلسنت امام مولوي عبدالحميد د قران د سوځولو په اړه د ایراني فوټبالرعلي کريمي څرګندونو ته په غبرګون کې ويلي، مقدساتو ته سپکاوی د «سپک عقل او احساساتي کسانو» عمل دی او دا کار نه له عقل او منطق سره سمون لري او نه هم له ديني لارښوونو سره.
د لبنان په ختیځ کې د بقاع درې پر سیمې د اسراییل هوايي بریدونو په پایله کې لږ تر لږه ۱۰ کسان وژل شوي او ۵۰ نور ټپیان دي.
لیډ: د امریکا مرستیال ولسمشرجی دي وینسویلي، دامریکا سترې محکمېوروستۍ پرېکړه چې له مخې یې کانګرس ولسمشر ته د وارداتو د تنظیم بشپړ واک نه دی ورکړی، «ښکاره قانون ماتونه» ده او دا به د امریکا د صنعتونو د ساتنې چارې ستونزمنې کړي.
د امریکا پوځ وایي، د ختیځ ارام سمندر په اوبو کې یې د نشهیي توکو د قاچاق په یوه عملیات کې درې پېژندل شوي «د نشه یي توګو ـ ترهګر» وژلي دي.
د فبرورۍ ۲۱مه په ټوله نړۍ کې د مورنۍ ژبې د نړیوالې ورځې په توګه نمانځل کېږي. دا ورځ نړۍ کې داسې مهال نمانځل کېږي چې لا هم په میلیونونه پښتانه ماشومان او ځوانان په مورنۍ ژبه د زدهکړو له حق څخه محروم دي.
د ايران او امريکا ترمنځ د کړکېچ له زياتېدو سره هممهاله، نيويارک ټايمز ورځپاڼې خبر ورکړی، چې امریکا له سيمهييزو پوځي اډو خپل سلګونه سرتېري اېستلي دي. د راپورنو لهمخې، ايران خپل اټومي بنسټونه پياوړي کوي او جرمني او فرانسې بیا خپلو وګړو ته له ايران څخه د وتلو سپارښتنه کړې ده.
د پاکستان د جمعیت علمای اسلام ګوند په واشنګټن کې د امریکا د ولسمشر ډونالډ ټرمپ په مشرۍ د سولې پلاوي لومړۍ غونډه کې د پاکستان د لومړي وزیر پر ګډون نیوکه کړې او ویلي یې دي، چې پاکستان باید د ټرمپ له سولې بورډ څخه ووځي.
د امريکا د نورس وېسټرن پوهنتون نوې څېړنه ښيي،که څوک له ويده کېدو درې ساعته مخکې له خوړو ځان وساتي، د خوب پر مهال یې د وينې فشار او د زړه درزا ښه کېږي. له دې سربېره، له ويده کېدو مخکې د څراغونو د رڼا کمول هم د زړه او رګونو او همدارنګه د مېټابوليزم روغتيا پياوړې کوي.
دوو امنیتي سرچینو رویټرز خبري اژانس ته ویلي، چې د لبنان په بقاع دره کې د اسراییل په بریدونو کې ۱۰ کسان وژل شوي او ۵۰ نور ټپیان شوي دي. په ورته وخت کې اسراییل په لبنان کې د حماس د قوماندې یو مرکز هم په نښه کړی دی.
دوو امریکايي چارواکو د جمعې په ورځ (د کب لومړۍ) رویټرز اژانس ته ویلي، چې د ایران پر وړاندې د امریکا پوځي پلان جوړونه پرمختللي پړاو ته رسېدلې ده. یادو چارواکو ویلي، چې د امریکا په انتخابونو کې په ایران کې د مشخصو اشخاصو په نښه کول او د ایران د نظام د بدلول شامل دي.
د بښنې نړیوال سازمان خبرداری ورکړی، چې د ډونالډ ټرمپ حکومت او د هغه کابینه باید اجازه ونهلري چې د قاضیانو په نیوکو یا نورو لارو د عدالت او د قانون د واک بنسټونه کمزوري کړي. امریکا کې سترې محکمې د ډونالډ ټرمپ تعرفې ناقانونه او لغو اعلان کړي، خو ټرمپ ورسره مخالفت کړی دی.
پاکستاني رسنیو راپور ورکړی، چې د اسلاماباد په ګډون په پنځو ولسوالیو کې د پولیسو او استخباراتي ادارو ګډې ۲۰۰۰ کسیزې قطعې د غیرقانوني افغان کډوالو د نیولو عملیات پیل کړي او په لومړی ورځ کې یې له ۱۰۰ ډېر افغان کډوال نیولي دي.
د خیبر پښتونخوا د سیمهییزو او امنیتي سرچینو په وینا، د اورکزۍ اېجنسۍ په سیمه کې د داعش د خراسان څانګې جنګيالي او د تحریک طالبان پاکستان غړي سره نښتي، چې په نتيجه کې یې لږ تر لږه څلور کسان وژل شوي او ځينې نور ټپیان دي.
د امریکا ولسمشر ډونالډ ټرمپ د ایران وروستیو لاریونونو ته په اشاره ویلي، چې په ډېر لنډ وخت کې ۳۲۰۰۰ کسان ووژل شول.
د ولسمشر ډونالد ټرمپ لهخوا د ایران پر وړاندې د پوځي برید د امکان د ارزونې او د سیمهییز تاوتریخوالي د زیاتوالي په ترڅ کې، د امریکا د کانګرس غړو ویلي، چې ښايي د راتلونکې اونۍ په جریان کې د ولسمشر د اختیارونو د محدودولو په اړه د رایې ورکولو پرېکړه وکړي.