رویټرز خبري اژانس ته امریکایي، ایران تېره میاشت په فارس خلیج کې د سمندري بمونو د ځای پر ځای کولو لپاره چمتووالی پیل کړی او له دې سره یې د هرمز تنګي د بندېدو اندېښنې راپارولي دي. دا اقدام پر ایران د اسرییل او امریکا تر بریدونو وروسته کېږي.
د نړۍ لوی مېلیارډر او د اېکس سپېس شرکت اجراییوي رییس اېلان ماسک په خپلو وروستیو څرګندونو کې د ځینو نړۍوالو شخړو په حل کې د امریکا ولسمشر ډونالډ ټرمپ د رول ستاینه کړې ده.
چین د سیمې د هېوادونو، په ځانګړې توګه د پاکستان او ازبکستان په همکارۍ، د افغانستان له لارې د ټرانس-افغان رېل پټلۍ د جوړېدو پر پلان لګیا دی چې د عمليکېدو په صورت کې به د اسیا سوداګریزې لارې بدلې کړي. کارپوهان وايي چې چین غواړي د افغانستان له لارې خپلې اقتصادي رېښې پراخې کړي.
د طالبانو د کډوالو او بېرته راستنیندونکو چارو وزارت خبر ورکړی چې د (چنګاښ ۱۰مه) پاکستان دېرش تنه هغه کډوال د سپین بولدک له لارې ستانه کړي چې د یاد هېواد په بېلابېلو ایالتونو کې نیول شوي او بیا زنداني شوي وو.
د متحده ایالتونو ولسمشر ډونالډ ټرمپ ویلي، امریکا ښايي له هند سره یو مهم سوداګریز تړون لاسلیک کړي چې له مخې به یې تعرفې راکمې شي او امریکايي شرکتونو ته به د هند بازار ته د لاسرسي پراخ فرصتونه هم ورسره برابر شي.
ملګري ملتونه وايي، چې د تهران او تلابیب ترمنځ تر وروستۍ جګړې وروسته ایران ته باید د دغه سازمان د بشري او پراختیایي مرستو بودجه دوه چنده شي. تر دې جګړې وروسته ایران پر افغان کډوالو ځپونکي فشارونه راوستي دي.
د خوست یو شمېر اوسېدونکو افغانستان انټرنشنل-پښتو ته ویلي، چې د طالبانو د دفاع وزیر ملا یعقوب مجاهد د دغه ولایت په مرکز کې دولتي ځمکه له قانوني بهیر پرته خپل یوه ملګري ته د ۲۵ کلونو لپاره په قرارداد ورکړې چې د یو شمېر خلکو توند غبرګونونه یې راپارولي دي.
د بامیان ولایت په یکاولنګ ولسوالۍ کې د ښځو د لاسي صنایعو د پېر او پلور لپاره د ۴ مېلیونه افغانیو په لګښت یو ځانکړی بازار جوړ او ګټې اخیستنې ته وسپارل شو.
د ملګرو ملتونو د بشري حقونو عالي کمېشنرۍ په یوه تازه راپور کې ځینې نړۍوال شرکتونه تورن کړي، چې د اسراییلي پوځ لهخوا د فلسطینیانو پر وړاندې په تاوتریخوالي او نسلوژنه کې په مستقیمه او یاهم نامستقیمه توګه ښکېل دي.
د قزاقستان ولسمشر قاسم جومارت توکایف په عامه ځایونو کې د مخ پوښلو بندیز قانون لاسلیک کړ. د دغه قانون له مخې؛ یوازې د روغتیایي، د هوا د خرابوالي او ځینو کلتوري لاملونو له امله د مخ پوښلو اجازه شته.
په سیمه کې له وروستیو کړکېچونو وروسته هم د تېلو نړۍوالو بیو کې د پام وړ بدلون نهدی راغلی. د رویټرز خبري اژانس د راپور له مخې؛ دغه بیې به د OPEC+ تر غونډې وروسته راټیټې شي.
زهران ممداني چې د نیویارک ښاروالۍ لپاره د ډيموکراټ ګوند نوماند دی ویلي، د ښاروالۍ سمت ته په رسېدو سره به په نیویارک ښار کې د امریکا د کډوالۍ او ګمرک د مخ پټو مامورینو له فعالیتونو د مخنیوي لپاره له خپلو ټولو واکونو استفاده وکړي.
د اسراییل دفاع وزیر یسراییل کاټز د یمن حوثیانو ته خبرداری ورکړی، چې د اسراییل پر ضد د توغندیزو بریدونو په دوام سره به د ایران له برخلیک سره مخ شي.
په ایران کې د افغانستان پخواني سفیر او سیاسي څېړونکي عبدالغفور لېوال ویلي، چې د ډیورند کرښې دواړو غاړو ته پراته افغانان د یوې دوامداره بدمرغۍ قربانیان دي.
د متحده ایالاتو د نړیوالې پراختیا ادارې «یو اېس اې ای ډي» چې له اوږدې مودې راهیسې یې په افغانستان او نورو هېوادونو کې پراختیایي، بشري او ټولنیزې مرستې پلي کولې، خپل فعالیتونه په رسمي ډول بند کړي دي.
کرملین اعلان وکړ، چې د روسیې ولسمشر ولادیمیر پوتین د فرانسې له ولسمشر امانوېل مکرون سره په ټلیفوني خبرو کې ټینګار وکړ، چې ایران د سولهییز اټومي پروګرام د پراختیا قانوني حق لري. مکرون له پوتین څخه غوښتې، چې ژر تر ژره په اوکراین کې د اوربند موافقه وکړي.
ډنمارک اعلان کړی، چې تر دې وروسته ښځې هم د جبري عسکري خدمت لاندې راځي. دا اقدام د دې هېواد د هغه هڅو یوه برخه ده، چې غواړي په اروپا کې د زياتېدونکو امنیتي ترینګلتیاو له کبله نور سرتېری جذب او خپله دفاعي وړتيا پياوړې کړي
له ایرانه په ډلهییز ډول د سلګونه زره افغان کډوالو اېستنې د یو شمېر اړوندو نړۍوالو بنسټونو اندېښنې راپارولي؛ ځکه په وینا یې طالبان په سمه توګه د دومره زیاتو راستنېدونکو کډوالو د سمبالولو وړتیا نه لري.
د امریکا ولسمشر د سې شنبې په ورځ اعلان وکړ، چې اسراییل له حماس سره د ۶۰ ورځني اوربند د نهايي کېدو لپاره له شرایطو سره موافقت کړی او له حماس غورځنګه یې هم غوښتي چې هغه ومني.
له کله چې طالبان بیا واک ته رسېدلي، د افغانستان په ګڼو سیمو کې یې د خلکو پر شخصي ازادیو محدودیتونه لګولي. یو له دې جبري محدودیتونو څخه د ږیرې پرېښودو امر دی، چې د خلکو د شخصي انتخاب حق تر پښو لاندې کوي.
امریکا هغه پروګرام پای ته رسوي چې د کانګرس له خوا د افغانانو د لېږد د هڅو د همغږۍ لپاره منظور شوی و او ورسره د بهر مېشتو افغان متحدینو اندېښنې هم ورځ تر بلې زیاتېږي. له دې سره، د امریکا د کډوالو د منلو پروګرام یو شمېر افغان غوښتونکي چې له ګواښ سره مخ دي، له پاکستانه شړل شوي دي.