آرشیف

په غزه کې د روغتیايي چارواکو د معلوماتو له مخې، تېره شپه د اسراییل د هوايي بریدونو له امله د غزې په تړانګه کې لږ تر لږه ۱۱کسان وژل شوي دي.

د روسیې ولسمشر ولادیمیر پوتین په افغانستان کې د شوروي ځواکونو د جنګي ماموریتونو د بشپړیدو د ۳۷ کلیزې په مناسبت یوې رسمي غونډې ته مبارکي لېږلې ده. پوتین په خپل پېغام کې د خپلو ځواکونه ماموریت ستایلی او د یاد ماموریت بشپړیدل یې د تاریخ مهمه برخه بللې ده.

ایراني رسنیو راپور ورکړی چې ددغه هېواد د بهرنیو چارو وزیر سید عباس عراقچي د یکشنبې په ماښام د یوه ډیپلوماټیک پلاوي په مشرۍ له امریکا سره د دویم پړاو خبرو اترو او ځینو نورو ډیپلوماټیکو مشورو لپاره سویس ته روان شو.

د امریکا ولسمشر ډونالډ ټرمپ وايي، د پنجشنبې په ورځ به اعلان وکړي چې د سولې بورډ غړو هېوادونو د غزې د بیا رغونې او بشري مرستو لپاره له ۵ میلیاردو ډالرو زیاتې ژمنې کړې دي.

د طالبانو تر واک لاندې له پېښو سره د مبارزې امادګۍ ادارې خبرداری ورکړی، چې په راتلونکو دوو ورځو کې د سختو ورښتونو له امله د افغانستان په ۱۹ ولایتونو کې د سېلابونو د راوتلو او د سیندونو د اوبو د کچې د لوړېدو احتمال شته.

د طالبانو د ریاست الوزرا اداري مرستیال عبدالسلام حنفي له طالب چارواکو غوښتي چې له غرور، تکبر او هر ډول تعصب څخه ځانونه وساتي او له عامو خلکو سره په تواضع چلند وکړي. نوموړي ټینګار وکړ چې طالب چارواکي باید خپل یووالی وساتي.

د سره صلیب نړېواله کمېټه (ای سي ار سي) وایي چې په ۲۰۲۵کال کې یې په ټول افغانستان کې د فزیکي بیارغونې د اوو مرکزونو په مټ له ۲۱۸زره ډېرو معلولو کسانو سره د رغېدو او عادي ژوند ته د ستنېدو په برخه کې مرسته کړې ده.

د طالبانو د خوست ، پکتيکا ، لوګر او غزني ولايتونو واليانو د همغږۍ غونډه کړې ده. په دې غونډه کې د پراختيايي او اقتصادي پروژو د عملي کېدو لپاره د همغږۍ پر زياتوالي، د قاچاق مخنيوي، د نشه‌يي توکو د کر او توليد مخنيوي، د شته امنيتي وضعيت د خونديتوب اړه بحثونه شوي دي.

د ملګرو ملتونو عمومي سرمنشي، انتونیو ګوترېش، د روژې میاشتې د رارسېدو په مناسبت په یوه ویډیويي پیغام کې دا میاشت د هیلو، سولې او همدردۍ نښه بللې ده. نوموړي هیله ښودلې چې د روژې میاشت به د سولې، زغم او متقابل درناوي د لا پیاوړتیا لامل شي.

پنځو اروپایي هېوادونو اعلان کړی چې د کرملین مشهور او سرسخته مخالف الکسي ناوالني د مړینې لامل مسمومیت و. بریتانیا، فرانسې، جرمني، سویډن او هالند په یوه ګډه اعلامیه کې ویلي چې ازموینې ښيي ناوالني د «اپیباټیډین» په نوم خطرناکو زهري موادو په وسیله مسموم شوی و.

د جمهوریت پرمهال د پولیسو یو افسر کورنۍ افغانستان انټرنشنل ته وویل، چې «تېره شپه د ارزګان مرکز کې طالبانو د پخواني افسر صدیق الله قبر ویجاړ کړی او جسد یې بهر راېستی». کورنۍ نیوکه کوي چې « دا په کوم اسلام کې راغلي چې مړی له قبره وباسه؟.» طالبانو په دې اړه تراوسه څه نه دي ویلي.

د طالبانو د حج او اوقافو وزیر نور محمد ثاقب ویلي چې ټولو هېوادونو ته پیغام ورکوي چې افغانستان ته دې پلمې نه لټوي او نه دې ګواښونه کوي. هغه وویل، چې که څوک دا ناوړه اراده ولري نو ددی له سخت ځواب سره به مخ شي.

د شهاب الدین دلاور د وزارت په دوره کې د طالبانو د کانونو او پټرولیم وزارت د درې کلن فعالیت په تړاو څیړنې او پلټنې په ګڼو کاني قراردادونو کې د جدي مالي او اداري تخطیو شته والی په ډاګه کوي. د قراردادونو د حجم له مخې ۱۴ میلیارده، ۵۲۷ میلیونه افغانۍ زیان ثبت شوی.

په کابل کې سرچینو افغانستان انټرنشنل ته وویل، چې طالبان د افغانستان پخواني ولسمشر حامد کرزي او د ملي پخلاینې شورا مخکیني مشر عبدالله عبدالله ته له افغانستان څخه د شوروي ځواکونو د وتلو د کلیزې په مناسبت د سلواغې د ۲۶مې د نمانځلو اجازه نه ورکوي.

د طالبانو ویاند وایي، دوی داسې مستند شواهد لري چې یادې ډلې ته پاکستان په خپله خاوره کې روزنیز مرکزونه او پټنځایونه ورکړي او اوس یې له بلوچستان نه خیبر پښتونخوا ته لیږدولي. هغه د ټي ټي پي په تړاو ویلي چې په افغانستان کې نشته او شته خلک یوازې بې وسلې وزیرستاني کډوال دي.

د امریکا ولسمشر ډونالډ ټرمپ او د اسراییل لومړي وزیر بنیامین نتنیاهو هوکړه کړې، چې امریکا به هڅه وکړي چین ته د ایران د تېلو صادرات راکم کړي.

د طالبانو د دفاع وزیر یعقوب مجاهد طالبانو ته وویل چې داسې څه ونه کړي چې عاقل خلک یې لیوني وبولي. مجاهد له طالبانو وغوښتل، چې د راتلونکو نسلونو په اړه فکر وکړي او داسې تاریخ پرې نه ږدي چې «راتلونکي نسلونه پرې شرمیږي».

د هرات ولایت طالب چارواکو د پنځه میلیونه ډالرو په ارزښت، په دغه ولایت کې د څلور فصله نړیوال عمده بازار د پروژې بنسټ ډبره ایښی. دغه بازار چې په ۶۵ جریبه ځمکه کې جوړیږي د کرنیزو محصولاتو لپاره پکې سړې خونې هم شاملې دي.

د نایجریا په شمال لوېدیځ کې وسله‌والو کسانو پر درېیو کلیو د برید پر مهال لږ تر لږه ۳۲ تنه وژلي دي. د راپورونو له مخې، ځینې کسان په ډزو وژل شوي او د یو شمېر نورو ستوني پرې شوي دي. د نایجریا پولیس وایي، بریدګرو یو شمېر د کلي اوسېدونکي هم تښتولي دي.

د طالبانو دفاع وزیر محمد یعقوب مجاهد د پخواني شوروي اتحاد د ځواکونو د وتلو کلنیو مراسیمو کې، د هېواد د ملي یووالي او د کورنیو جګړو د مخنیوي په اهمیت ټینګار کړی او ویلي یې دي چې اخلافات باید له منځه یوسو.

د تهران والي محمدصادق معتمدیان ویلي چې په تېر یو کال کې د استوګنې له اسنادو پرته د یو شمېر افغان کډوالو په ایستلو سره په تهران کې ۳۲۰۰ درسي ټولګي «ازاد» شوي دي. نوموړي ویلي چې په تهران کې ۲۲۰ زره افغان زده‌کوونکي بې اسناده وو او د عملي شویو تګلارو له مخې ۶۰ سلنه یې ایستل شوي دي.