
په مسکو کې د طالبانو سفیر له پوتین نه د باورلیک منلو له امله مننه کړې
په مسکو کې د طالبانو سفیر ګل حسن حسن د افغانستان لپاره د روسیې د ولسمشر له ځانګړي استازي ضمیر کابلوف سره په کتنه کې له پوتین نه مننه کړې چې دده باورلیک یې منلی دی.

په مسکو کې د طالبانو سفیر ګل حسن حسن د افغانستان لپاره د روسیې د ولسمشر له ځانګړي استازي ضمیر کابلوف سره په کتنه کې له پوتین نه مننه کړې چې دده باورلیک یې منلی دی.

په خیبر پښتونخوا کې د امنیتي ادارو له لوري په جبري توګه د ورکو کړای شویو کسانو کورنیو د یوه لاریون په ترڅ کې د پاکستان له حکومت څخه د خپلو خپلوانو د خوشې کېدو غوښتنه کړې ده.

د طالبانو امنیتي ځواکونو په کابل کې د جرمني د پخوانیو محلي کارکوونکو د کورنیو د استوګنې مېلمستون پلټلی دی. په دغه مېلمستون کې د جرمني حکومت په لګښت څو افغانې کورنۍ اوسیږي، چې د غړو شمېر یې څو دیرش تنو ته رسېږي.

په بدخشان کې د طالبانو محلي چارواکو منلې چې څو ورځې وړاندې درې تنه د افغانستان له خاورې تاجکستان ته اوښتي او د دغه هېواد له سرحدي ځواکونو سره په جګړه کې وژل شوي، خو دا نه مني چې وژل شوي کسان ترهګر دي. طالب چارواکو ویلي، چې یاد وژل شوي کسان د بدخشان ولایت ځایي قاچاقبران دي.

د طالبانو د کابل امنیه قومانداني وايي، چې د شهرنو په ګلفروشي کوڅه کې د نننۍ چاودنې هدف د چينايي مسلمانانو او افغانانو ګډ رستورانت Chinese Noodle و، چې د یوه چينايي وګړي په شمول اووه تنه پکې وژل شوي دي.

د کرملین ماڼۍ اعلان کړی، چې د امریکا د ولسمشر ډونالډ ټرمپ د روسیې ولسمشر ولادیمیر پوتین ته د «سولې پلاوي» د غړیتوب بلنه ور کړې ده. د کرملین ماڼۍ ویاند دیمیتري پسکوف ویلي، مسکو دا بلنه ارزونې وي او هیلهمن دي چې ددغه نوښت په اړه نور جزیات هم ورکړل شي.

د کندهار ولایت د معروف ولسوالۍ د روزي امنیتي پوستې او د بلوچستان د سیف الله کلا ترمنځ سیمه کې پر ډیورنډ کرښه د طالبانو او پاکستاني ځواکونو ترمنځ نښته شوې ده. نښته پر ډیورنډ کرښه د پاکستان د تارغځونې د مسوولې ډلې د فعالیت پر سر شوې او اوس درېدلې ده.

د متحده عرب اماراتو رییس هند ته په خپل سفر کې له هندي چارواکو سره د ستراتیژیکې دفاعي ملګرتیا لپاره د یوه چوکاټ پر رامنځته کولو خبرې کړې دي. دواړو خواوو د دوه اړخیزې دفاعي او امنیتي همکارۍ، ترهګرۍ ضد مبارزې او د سیمه ییزې سولې په برخه کې د ګډو هڅو پر ژمنتیا هم ټینګار کړی.

په کابل کې یوې سرچینې افغانستان انټرنشنل ته وویل، چې د کابل ښار د شهرنو د نننۍ چاودنې له امله لږ تر لږه اووه کسان وژل شوي او ۱۳ تنه نور ټپیان دي. د لومړنیو معلوماتو له مخې، په وژل شویو کې دوه چینایي وګړي هم شامل دي.

د انساني ورورولۍ لپاره د زاید د ۲۰۲۶کال نړیواله جایزه د افغانستان د ښوونې او روزنې فعالې او د نجونو د حقونو مدافعې زرکه یفتلي ته، او همداراز د ارمینیا او اذربایجان ترمنځ د سولې هوکړې ته ورکړل شوې ده.

د طالبانو د امر بالمعروف وزیر په خپله وروستۍ وینا کې د تاریخ په اړه ناسم معلومات وړاندې کړل. هغه چنګیزخان «د هلاکو زوی» وباله او ادعا یې وکړه چې په پای کې مسلمان شوی و خو تاریخ وايي، هلاکو د تولوی زوی او د چنګیز لمسی و. تاریخ وايي چې چنګیز خان هیڅ ابراهیمي دین نه و منلی.

د طالبانو دفاع وزارت وايي، ددې ډلې لوی درستیز قاري فصیحالدین «فطرت» د دوحې نړیوال دفاعي نندارتون «دیمدیکس» د پرانیستې مراسمو په څنډه کې د قطر له امیر تمیم بن حمد ال ثاني سره لیدلي دي. دغه لیدنه د دیمدیکس نندارتون د پرانیستې د مراسمو پر مهال د روغبړ په ډول شوې ده.

په تاجکستان کې د چین سفارت له خپلو وګړو او شرکتونو غوښتي، چې د افغانستان او تاجکستان له سرحدي سیمو ووځي. دغه سفارت د دوشنبې په ورځ د دواړو هېوادونو ترمنځ د پولې په اوږدو کې د وروستیو نښتو له امله د سیمې امنیتي وضعیت «ناسم او پېچلی» بللی دی.

د طالبانو تر کنټرول لاندې د پېښو پر وړاندې د مبارزې ادارې اعلان کړی، چې د هرات ولایت د انجیل ولسوالۍ اړوند سیمه کې د هیلو ټرسټ ماین پاکۍ موسسې په مرسته یو ۵۰۰کیلويي ناچاوده بم کشف او شنډ کړای شوی دی.

د طالبانو د کابل امنیه قوماندانۍ ویاند خالد ځدراڼ وايي، د کابل ښار د څلورمې حوزې اړوند د شهرنو ګل فروشي کوڅه کې په یوه هوټل کې د چاودنې له امله څو کسان ټپیان یا وژل شوي. ځدراڼ وايي، چې د چاودنې د نوعیت په اړه څیړنې روانې دي.

د طالبانو تر واک لاندې اريانا افغان هوايي شرکت وایي چې د دغه شرکت پیرل شوې يوه ځانګړې چارټر کارګو الوتکه نن د دوشنبې په ورځ کابل نړيوال هوايي ډګر ته رسېدلې ده. ياده بوېنګ ۷۳۷–۳۰۰ الوتکه په يو سفر کې د شاوخوا ۱۶،۵ ټنه بار د لېږد وړتيا لري.

لږ تر لږه پنځو عیني شاهدانو افغانستان انټرنشنل ته وویل چې د کابل په شهرنو کې د نننۍ چاودنې هدف چینايي وګړي وو. په ویډیوګانو کې ښکاري، چې د چاودنې له امله د چاینیز نوډلز چینایي رستورانت تابلو او ځینې برخې ویجاړې شوې دي.

د طالبانو د کورنیو چارو وزارت وایي چې په نیمروز ولایت کې یې د یو لړ عملیاتو پر مهال ۲۴ کیلوګرامه تریاک کشف او ضبط کړي دي.

سرچینو افغانستان انټرنشنل ته وویل، چې د کابل په شهر نو سیمه کې کې چاودنه شوې ده. چاودنه د ایمرجنسي روغتون او د شهرنو ګلفروشي کوڅې ته نږدې شوې ده. افغانستان انټرنشنل ته رسیدلې ویډیوګانې او انځوورنه ښيي چې په پېښه کې یو شمېر کسان ټپیان شوي او ځینې کسان پر ځمکه پراته دي.

د طالبانو د صنعت او سوداګرۍ وزارت مرستیال دبنګلهدېش د صنعت او سوداګرۍ وزارت له مرستیال محبوب الرحمن سره کتلي. طالبان وايي، په کتنه کې محبوب الرحمن ټینګار کړی چې بنګلهدېش له افغانستان سره د اقتصادي او سوداګریزو همکاریو پراخ ظرفیتونه لري او غواړي دا اړیکې لا منظمې او پراخې کړي.

د افغانستان لپاره د پاکستان ځانګړي استازي محمد صادق خان ویلي چې د افغانستان لپاره د چین له ځانګړي استازي یو شیاویونګ سره یې په افغانستان کې د امنیتي وضعیت په تړاو انلاین ناسته کړې ده.