د طالبانو د حج او اوقافو وزیر نور محمد ثاقب ویلي چې ټولو هېوادونو ته پیغام ورکوي چې افغانستان ته دې پلمې نه لټوي او نه دې ګواښونه کوي. هغه وویل، چې که څوک دا ناوړه اراده ولري نو ددی له سخت ځواب سره به مخ شي.
د پاکستان پوځ یو متقاعد جنرال انعامالحق په یوه تازه تحلیلي لیکنه کې چې «د افغانستان پوځي جغرافیه، د واک مرکزونه او زموږ سیاست» نومېږي، لیکلي چې افغان طالبانو د اسلاماباد د پخوانۍ دوستۍ او ملاتړ سره، سره اوس له پاکستان سره د دښمنۍ لاره نیولې ده.
د طالبانو مشر هبت الله اخوندزاده په پېژندپاڼو کې د ښځو د انځور لګولو د څرنګوالي په تړاو حکم صادر کړی، چې له نن وروسته پېژندپاڼو کې د ښځو انځور لګول جبري نه، بلکې اختیاري دي. په دغو سندونو کې راغلي، د طالبانو دارالافتاء په تذکرو کې یوازې د بهرمېشتو ښځو انځور لګونې ته اجازه ورکړې.
د «طالبلیکس» هېکرانو له خوا د طالبانو په افشا شویو اسنادو کې یو هم د دغې ډلې تر کنټرول لاندې د ښوونیز نصاب د جامو یا یونیفورم لایحه ده، چې د یادې ډلې مشر ملا هبتالله اخوندزاده د حکم پر بنسټ یې د هېواد له ټولو ښوونیزو بنسټونو د عمليکېدو غوښتنه شوې ده.
د «طالبلیکس» هېکرانو د اسنادو د خپرېدو په دوام، په یو سند کې په ایران کې د طالبانو سفیر مولوي فضلمحمد حقاني د دغې ډلې د بهرنیو چارو وزارت ته وړاندیز کړی، څو د نوموړي د درېیم سکرټر د کور کرایې لپاره ۳۱ زره او ۶۱۸ ډالر اجرا کړي.
د «طالب لیکس» په نوم د هېکرانو د یوې ناڅرګندې ډلې له لوري په افشا شویو اسنادو کې یو هم د طالبانو د بهرنیو چارو وزارت اړوند مکتوب دی، چې پکې د دوی د کورنیو چارو وزارت له لوري پاکستانیانو ته د افغانستان د ویزې د ورکړې له بڼې شکایت شوی دی.
د «طالب لیکس» په نوم د هېکرانو ناڅرګندې ډلې له لوري د طالبانو د بهرنیو چارو وزارت یو مکتوب افشا شوی، چې پکې لیکل شوي د بلوچستان ایالت د سپین بولدک له لارې پاکستان ته تلونکي افغانان د دغه هېواد د څارګرې شبکې له لوري ځورول کېږي او بیا ترې بډې اخلي.
د هېکرانو یوې ډلې طالب لیکس لهخوا د طالبانو په افشا شویو سندونه کې یو سند هم د طالبانو د بهرنیو چارو وزارت د امنیتي همکاریو او سرحدي چارو ریاست اړوند دی، چې پکې یې په اسلام اباد کې خپل سفارت ته لیکلي چې د پاکستان له پوځ سره د ورورۍ او ملګرتیا اړیکو ته ژمن دي.
د هېکرانو یوې ډلې «طالب لیکس» له لوري د طالبانو یو افشا شوی رسمي لیک، ښيي چې د دغې ډلې د بهرنيو چارو وزارت له پاکستاني حکومت غوښتي، چې د خپلو پوځي الوتکو د درې کلونو «حقالعبور» ژر تر ژره ورکړي. د لیک له مخې طالبانو د ۶۲ الوتنو په بدل کې د ۴۳ زره او ۴۰۰ ډالرو غوښتنه کړې.
د «طالب لیکس» په نوم د هېکرانو یوې ډلې د طالبانو د بهرنیو چارو وزارت هغه مکتوب هم افشا کړی، چې په کې یې د پاکستان د بې پېلوټه الوتګو له ګزمو اندېښنه ښودلې او رسمي شکایت یې کړی. طالبانو په دې اړه یوازې خپل شکایت وړاندې کړی.
د هېکرانو د یوې ناڅرګندې ډلې «طالب لیکس» له لوري په افشا شویو سندونو کې د طالبانو بهرنیو چارو وزارت یو مکتوب هم شته چې په کې یې د ایران د پوله ساتو ځواکونو له سرغړونو شکایت او یادونه کړې ده.
د «طالب لیکس» په نوم د هېکرانو ډلې یو مکتوب افشا کړی، چې د طالبانو د پېښور کونسلګرۍ په کې د پاکستان له څارګرې ادارې شکایت کړی. په دغه مکتوب کې د کونسلګرۍ چارواکو د طالبانو بهرنیو چارو وزارت ته لیکلي چې «ای اېس ای» د دوی په جایدادونو کې لاسوهنه کوي.
د «طالبلیکس» هېکرانو په افشاشویو سندونو کې یو سند د طالبانو د ریاستالوزرا اقتصادي مرستیالۍ اړوند دی، چې پهکې د دغې ډلې د کډوالو چارو وزارت له خوا د ملګرو ملتونو د کډوالۍ ادارې اړوند د یاد وزارت یو شکایت څېړلی دی.
د افغانستان انټرنشنل له خوا د «طالبلیکس» ناڅرګندو هېکرانو د افشا شویو اسنادو د خپرېدو په دوام، یو هم د تاریخي او فرهنګي اثارو په تړاو د ملا هبتالله فرمان دی چې پهکې له خپلې ډلې یې غوښتي څو د دغو اثارو خوندیتوب ته پاملرنه وکړي.
د «طالب لیکس» په نوم د هېکرانو یوې ناڅرګندې ډلې د طالبانو د افشا شویو اسنادو اړوند په اسلام اباد کې د طالبانو سفارت یو مکتوب ښيي چې د امریکا او پاکستان ترمنځ یې د اړیکو د پراختیا له کبله کابل ته خبرداری ورکړی دی.
د ملګرو ملتونو د کډوالۍ عالي کمېشنرۍ یا یونیسیار د طالبانو کډوالو چارو وزارت ته په یو مکتوب کې اندېښنه شریکه، چې په میدان وردګ کې طالب استخباراتو، په لوګر کې پوليسو او په کونړ کې د احصايي او معلوماتو ادارې د دوی مرګزونه په زور نیولي.
د هېکرانو یوې ډلې «طالب لیکس» لهخوا په افشا شویو سندونو کې یو هم د کانونو وزارت اړوند په سمنګانونو ولایت کې د ګچو د شوي قرارداد په تړاو یو سند دی چې په خورا کمه بیه یې دغه قرارداد یوه شرکت ته ورکړی دی.
د «طالب لیکس» په نوم د هېکرانو یوې ناڅرګندې ډلې د طالبانو د افشا شویو اسنادو اړوند په اسلام اباد کې د طالبانو د سفیر سردار احمد شکېب لهخوا هغه مکتوب افشا کړی، چې نوموړی د دغې ډلې بهرنیو چارو وزارت ته په افغانستان کې د ټي تي پي د شتون په اړه د پاکستان اندېښنې شریکوي.
د هېکرانو یوې ډلې «طالب لیکس» لهخوا په افشا شویو سندونو کې د ملا هبتالله اړوند فرمان دی، چې په کې یې خپلو ټولو وزارتونو او ریاستونو ته امر کړی چې د ده له اجازې پرته یې کارکوونکي د زدهکړو لپاره بهرنیو هېوادونو ته سفر نه شي کولای.
په اسلام اباد کې د طالبانو سفیر سردار احمد شکیب د دې ډلې بهرنیو چارو وزارت ته په یوه رسمي مکتوب کې د پاکستان له لوري د چین او امریکا ترمنځ د اړېکو ساتلو په موخه د افغانستان پر سر سودا کولو په اړه خپلې اندیښنې شریکې کړې دي.
د هېکرانو یوې ډلې «طالب لیکس» لهخوا په خپرو شویو سندونو کې راغلي، چې په کراچۍ کې د طالبانو کونسلګرۍ د «اعتبار ساتنې» په موخه د ۴۱ زره ډالرو په ارزښت یو ټویوټا لنډکروزر اخیستی.
د افغانستان انټرنشنل له خوا د «طالبلیکس» هېکرانو د افشا شویو سندونو د خپرېدو په دوام، د طالبانو د بهرنیو چارو وزارت په یوه مکتوب کې لیدل کېږي، چې د سعودي عربستان په جده ښار کې د طالبانو کونسلګري د ترافیکي سرغړونو له کبله ۸ زره او ۸۱۰ ډالر جریمه شوې ده.