کرن دیکر، کاردار سفارت امریکا برای افغانستان با اعلام اینکه آماده گفتگو با نمایندگان و شهروندان افغانستان است، در توییتی گفته «ما از برنامه‌هایی حمایت می‌کنیم که حقوق بشر، به ویژه حقوق زنان و دختران را ترویج و ارتقاء می‌دهد.»

کاردار سفارت امریکا همچنین گفته که ایالات متحده بزرگترین اهدا کننده کمک‌های بشردوستانه برای افغانستان به شمار می‌رود.

به گفته وی، امریکا در یکسال گذشته بیش از ۱ میلیارد دالر به افغانستان کمک بشردوستانه کرده است.

مقام‌های امریکا می‌گویند این کمک‌ها از طریق سازمان‌های بشردوستانه در افغانستان مصرف می‌شوند.

امریکا از دیگر کشورها نیز خواسته به افغانستان کمک بشردوستانه کنند.