په هرات کې د طالبانو رسنیز دفتر خبر ورکړی، د روان زېږدیز کال له پیل راهیسې له هرات نه جرمني ته تر ۱۰ زره متره مربع ډېرې لاسي اوبدل شوې غالۍ چې ټولیز ارزښت یې ۱۰۳زره امریکایي ډالرو ته رسېږي؛ صادرې شوې دي.
د تاجکستان د اغاخان بنسټ د اړیکو مسوولې شرافت شفیعیوا ویلي، د بېړنیو حالاتو لپاره د ماشومانو د زدهکړو صندوق او د زدهکړو نړۍوال مشارکت په افغانستان کې د ۲۵ مېلیون ډالرو په ارزښت نوی ښوونیز پروګرام پیل کړی دی.
په ملګرو ملتونو کې د افغانستان د دایمي استازولۍ سرپرست نصیراحمد فایق له ملګرو ملتونو او مرستندویه ادارو غوښتي، چې په نورستان کې اغېزمنو سیمو ته بېړنۍ ژغورونکې او بشري مرستې ورسوي او د زیانمنو خلکو ترڅنګ ودرېږي.
د پاکستان د سند ایالت په مرکزي ښار کراچۍ کې کلثوم بای والیکا روغتون کې د ایډز ناروغۍ له خپرېدو وروسته ۱۶ نور ماشومان هم پر یادې ناروغۍ اخته شوي، چې ورسره د اخته شویو ماشومانو شمېر ۹۴ ته رسېدلی دی.
په میدان وردګ کې د طالبانو تر واک لاندې پېښو سره د مبارزې ریاست ویاند روحالله امیدي ویلي، چې په دغه ولایت کې د سختو سېلابونو له کبله یو کس مړ او شاوخوا ۱۰۲ جریبه کرنیزه ځمکه زیانمنه شوې ده. هغه ویلي، چې د سېلابونو له امله د اوښتو زیانونو د ارزونې چارې روانې دي.
د پاکستان د بلوچستان ایالت په بېلابېلو سیمو کې د تېرې ورځې په جلا، جلا پېښو کې ۱۴ کسان مړه، ۱۱ ټپیان او درې حکومتي کارکوونکي د وسلهوالو له خوا تښتول شوي دي. د راپورونو له مخې؛ یوازې په قلات ولسوالۍ کې درې، مستونګ کې یو او په پنجګور کې هم یو مړی موندل شوی دی.
د جرمني د کورنیو چارو فدرالي وزیر الکساندر دوبرینټ په ټریر ښار کې د چړې تر یوه مرګوني برید وروسته ټینګار وکړ، چې د دغه هېواد حکومت به افغانستان ته د مجرمو کډوالو د بېرته ستنولو لړۍ ته دوام ورکړي.
د غزې روغتیايي چارواکو ویلي، چې د سېشنبې په ورځ د غزې په تړانګه کې د اسراییل په هوايي بریدونو کې لږترلږه ۱۲ فلسطینیان وژل شوي دي. په دغه برید کې د یوې ښځې او څلورو ماشومانو په ګډون د یوې کورنۍ شپږ غړي وژل شوي دي.
د پاکستان حکومت لهخوا تر ټاکل شوي ضربالاجل وروسته د افغان کډوالو د اېستلو بهیر چټک شوی؛ خو د لنډي کوتل په لنډمهاله پنډغالي کې ستنېدونکي افغان کډوال وایي، د ټوکن ترلاسه کولو لپاره ساعتونه انتظار باسي او له سختې ګرمۍ، د څښاک اوبو، خوړو او نورو لومړنیو اسانتیاوو له کمښت سره مخ دي.
په خېبر پښتونخوا کې د وروستیو درېیو ورځو پرلهپسې بارانونو او ناڅاپي سېلابونو لږترلږه ۱۲ کسان مړه او ۱۸ نور ټپیان کړي دي. د خېبر پښتونخوا د طبیعي پېښو پر وړاندې د مبارزې ادارې ویلي، په مړو شویو کسانو کې پنځه نارینه، دوه ښځې او پنځه ماشومان شامل دي.
د ایران د تایباد والي حسین جمشیدي وايي، چې د ټرانزیټ ستونزو او په افغانستان کې د ګمرکي اسانتیاوو د نشتوالي له امله تر ۱۵۰۰ ډېر بار وړونکي موټرونه د اسلامکلا او دوغارون پر پوله ایران ته د اوښتو لپاره درول شوي دي.
د امریکا متحده ایالاتو مرکزي قوماندانۍ (سېنټکام) اعلان کړی چې ځواکونو یې د تهران په وخت د چهارشنبې په سهار وختي پر ۲:۳۰ بجو په ایران کې د اسلامي جمهوریت پر پوځي مواضعو د پرله پسې یوولسمې شپې لپاره بریدونه پیل کړي دي.
د بښنې نړیوال سازمان په خپل نوي څېړنیز راپور کې اعلان کړی چې د ۱۴۰۴ کال د کب په ۲۶مه د کابل د روږدو د درملنې پر «امید» مرکز د پاکستان د پوځ خونړي هوايي بریدونه باید د احتمالي جنګي جرم په توګه وڅېړل شي.
د امریکا د جنګ وزیر پیټ هیګست د سې شنبې په ورځ اعلان وکړ چې په ایران کې د دغه هېواد د روانې جګړې لګښت تر اوسه ۳۷،۵ میلیاردو امریکایي ډالرو ته رسېدلی دی.
د ملګرو ملتونو د ماشومانو د ملاتړ صندوق (یونیسف) ویلي چې د خپلو شریکانو په همکارۍ یې د نورستان ولایت سېلابځپلو ته د بېړنیو روغتیايي خدمتونو، د ټپونو درملنې او بېړنۍ طبي پاملرنې لپاره ګرځنده روغتیايي کلینیک فعال کړی دی.
د افغانستان د کانونو او پټرولیم پخوانۍ وزیرې نرګس نهان د نورستان د وروستیو مرګونو سېلابونو په غبرګون کې پر طالبانو نیوکې کړي او ویلي یې دي چې دغه ډله د اقلیمي بدلون او طبیعي پېښو د مدیریت پر ځای، پر هغو مسایلو بوخته ده چې د هغې په وینا د هېواد له اساسي اړتیاوو سره تړاو نه لري.
د فوټبال نړیوال فدراسیون (فیفا) د ۲۰۲۶م کال نړیوال جام له پای ته رسېدو وروسته د نړۍ د ۲۱۰ فوټبال ملي لوبډلو نوې درجه بندي خپره کړې ده، چې له مخې یې د هسپانیې ملي لوبډله لومړي مقام ته پورته شوې، افغانستان په ۱۷۱م او پاکستان په ۱۹۸م ځای کې قرار لري.
د امریکا پوځ اعلان وکړ چې ۳۰کلن بریدمل مایکل ایمانویل سوینټن، چې د شمالي کارولینا ایالت د فایټوېل ښار اوسېدونکی و، د عراق په اربیل هوايي اډه کې د یوې لوېدلې ایراني بریدګرې بېپیلوټه الوتکې د شنډولو پر مهال وژل شوی دی.
د طالبانو د لوړو زده کړو وزیر نداء محمد ندیم د خپلې ادارې غړو ته په یو ناسته کې سپارښتنه کړې چې په خپلو چارو کې همغږۍ، تقوا او مشورو ته لومړیتوب ورکړي او خپلې غونډې په دیني مذاکرې او نصایحو پیل کړي.
د ایران خاتمالانبیاء مرکزي قرارګاه اعلان وکړ چې د اسلامي جمهوریت پر هستوي او حساسو مرکزونو د امریکا برید په سیمه کې د جګړې د پراخېدو په مانا ګڼي او د داسې برید د ترسره کېدو په صورت کې به د امریکا، د هغې د متحدانو او ملاتړو هېوادونو ټولې ګټې د ایران تر برید لاندې راشي.
د ګویانا هېواد ساحل ته نږدې د یوې مسافر وړونکې کښتۍ د ډوبېدو په پېښه کې ۴۱ کسان مړه شوي دي. د دغه هېواد حکومت د سېشنبې په ورځ اعلان وکړ چې د ژغورنې په نویو عملیاتو کې د ۱۴ نورو کسانو جسدونه له اوبو راویستل شوي دي.